މާލޭގެ ގޭގެ އިން ކުނި އުކުމުގެ މަސައްކަތުގައި ވެމްކޯގެ މުވައްޒަފުން ހަރަކާތްތެރިވަނީ.---މިހާރު ފޮޓޯ: ހުސެއިން ވަހީދު
15 ސެޕްޓެމްބަރ 2017 - 16:02
15 comments
ކުނި އުކާލުމާ ބެހޭ ގަވައިދާ ޚިލާފަށް ކުނި އުކާ މީހުންނާ މެދު ފިޔަވަޅު އެޅުމަށްޓަކައި އިންޒާރުދޭން ފަށާފައިވާ ކަމަށް އެންވަަޔަރުމެންޓް މިނިސްޓްރީން ބުނެފި އެވެ.
ކުނި އުކާލުމާ ބެހޭ ގަވައިދަށް އަލަށް ގެނައި ބަދަލާއެކު، އަމިއްލަ އަށް ކުނި އުކާނަމަ އެކަން ކުރަން ޖެހެނީ ރަޖިސްޓަރީ ކޮށްގެންނެވެ. އަދި ކުނި އުކާލަން ގެންދާއިރު އުޅަނދު ހުންނަން ޖެހެނީ ކުނީގެ އުނދަގޫ މަގުތަކަށް ނުފޯރާނެހެން ބަންދުކޮށްފަ އެވެ.
ތިމާވެއްޓާ ބެހޭ މިނިސްޓްރީގެ އޮފިޝަލަކު މިއަދު ވިދާޅުވީ އަދިވެސް ބައެއް މީހުން ގަވައިދާ ޚިލާފަށް ކުނި އުކަމުން ގެންދާތީ މިއަދުން ފެށިގެން އެ މީހުންނަށް އިންޒާރު ދެމުން އަންނަ ކަމަށެވެ.
ތިމާވެއްޓާ ބެހޭ މިނިސްޓަރު ތޯރިގް އިބްރާހިމް މިދިޔަ ބުދަ ދުވަހު ވިދާޅުވީ އަދިވެސް ބިދޭސީންނާއި ބައެއް ދިވެހިން ގަވައިދާ ޚިލާފަށް ކުނި އުފުލަމުން ދާ ކަމަށެވެ. އަދި މިއަދުން ފެށިގެން އެފަދަ މީހުންނަށް އިންޒާރު ދޭނެ ކަމަށާއި ގަވާއިދާ ޚިލާފުވާ މީހުން އަންނަ މަހުން ފެށިގެން ޖޫރިމަނާކުރަން ފަށާނެ ކަމަށް ވެސް މިނިސްޓަރު ވިދާޅުވި އެވެ.
މިހާތަނަށް 17،180 ގޭބިސީއަކުން ވެމްކޯގައި ރަޖިސްޓަރީ ކޮށްފައިވެ އެވެ. އަދި އަމިއްލައަށް ކުނި އުކާލަން 1،100 އަށް ވުރެ ގިނަ މީހުން ވަނީ ރަޖިސްޓަރީކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަންތައްތައް ފުރިހަމަކުރޭ
17 September 2017
ކުނިއުކުމުގެ ޤަވާއިދު ބަދަލުކުރުމުގެ ކުރިން އަމިއްލައަށް ކުނިއުކަން ރެޖިސްޓްރީވާން ފޯމް ހުށައަޅާފައިވާނެ އެކަމަކު މީގެ ހަބަރެއް އަދިއަދައްދާންދެންވެސް ނުލިބިހުރެފައި ތި އުޅެނީ ފިޔަވަޅުއަޅަން ފުރަތަމަ މިކަންކަން ފުރިހަމަކުރޭ އެއަށްފަހު ފިޔަވަޅުއަޅާ
މުފީދު
17 September 2017
ވެމްކޯ އިން ކުރަމުންދަނީ ވަރަށް ރަގަޅު ޚިދުމަތެއް. މި ފޮޓޯއިން ފެންނަ މަންޒަރަށް ބަލާފަ ޚިޔާލެއްދޭން ބޭނުން. ވެމްކޯގެ ބޭފުޅަކަށް މިޚިޔާލު ފެނިއްޖެނަމަ އެކަން ނޯޓުކުރައްވާނެކަމުގަ ހީކުރަން. ކުނިނެގުން ފަދަ މަސައްކަތުގައި މުއައްޒިފުން އުޅޭއިރު، ތިޔަފަދަ ބޮޑު ކުންފުންޏެއްގެ ކޯޕަރޭޓު ޒިންމާގެ ދަށުން މަސައްކަތުގެ މާހައުލަށް ގުޅޭނެ ހެދުން އެޅުވުމަކީ މުހިންމުކަމެއް. އެގޮތުން ކޮންމެވެސް ފެންވަރެއްގެ ބޫޓު (ފަޔަށް އަނިޔާވުން ކުޑަކުރެވޭވަރުގެ) އަންގި ލެއްވުން އަދި ކޮންމެވެސް ފެންވަރެއްގެ މާސްކެއް އަޅައިގެން ތިބުމަކީ މުއައްޒިފުންގެ ސިއްހަތު ސަލާމަތް ކުރުމަށް ކޮންމެހެން ކުރަންޖެހޭ ކަމެއްކަމުގައި ދެކެން. އަދި މީގެ އިތުރުން އެފަދަ ގޮތަކަށް ފެނުމުން މީހުންގެ ހިތުގައި ތިޔަ ކުންފުންޏާމެދު އޮންނަ އިތުބާރު ބޮޑުވެ ގަދަރުވެސް އުފުލިގެންދާނެ.
ދިވެހިން
17 September 2017
ވަރަށް ރަނަގޅު ވާހަކަފުޅެއް! އަޅުގަނޑުވެސް ފާހަގަކޮށްލަން ބޭނުންވޭ މިކަން. އޯވަރރޯލްސް އާއި އަންގިއާއި ބޫޓު އަދި މާސްކް މި މަސައްކަތުގައި އުޅުއްވާ ހީވާގި މުވައްޒަފުންނަށް ފޯރުކޮށްދޭންޖެހޭ!
އަދީބު
16 September 2017
އަޅުގަނޑުގެ ގޭގެ ކުނިއުކުމާ ބެހޭ ޤަވާއިދެއް ހަދާނަމަ އަޅުގަނޑުގެ ލަފާ ހޯދަންޖެހޭނެ. އަޅުގަނޑުގެ ގޭގެ ކަންތައް ކުރަންޖެހޭ ގޮތް އެހެން މީހަކު ކިޔައިދޭނަމަ އެކަމަށް ފީއެއް ދައްކަން ޖެހޭނެ. އަޅުގަނޑު ކައިރިން އެހުމެއްނެތި އަޅުގަނޑުގެ ގޭގެ ކުނިއުކުމާ ބެހި ހަދާނަމަ އެބަޔަކު ޖޫރިމަނާ ވެސް ކުރާނަން.
ަމޗޮޮޮޮoކަދަavނ
16 September 2017
ވެމްކޯ މީހުން ކޮންމެ ދުވަހަކު ކުނި ނުގެންދޭ
ސސސސ
16 September 2017
ވަރަށް ރަގަޅު މަސައްކަތަށް މިސަރުކާރުން ކުރި. ތިކަމުގައި ހަރަކާތްތެރިވާ ދިވެހިންނަކީ ކުއްކުށައް އަރައިނުގަންނަ ބަޔެއްކަމުގައި ހަދާނެކަމަށް އުއްމީދުކުރަން.
އިބިރިހިންބެއްޔާ
15 September 2017
ނަސީބެއްތާ ހުއްދަނެތި ކުނިއުފެއްދުން މަނާ ނުކުރިކަން.
އުދުހޭ
15 September 2017
ގަޑިން މެދުރުފަހު 3 ޖެހީމަ ކޮންމެ ދުވަހަކުވެސް މާލޭގައި ކުނި ބާޒާރު ހުޅުވޭ. މަގުތަކުގެ ދެފަރާތުގައި ބަރިބަރިއަށް ފުނިފުންޏަށް އެކި ފާޑުފާޑުގެ ކުނި ހުންނަނީ ތިޔަބުނާ ފެންވަރަށް ބަންދުކޮށްފައެއްނޫން. ބިދޭސީން މިކަން ކުރިއިރު މުޅި މާލެ ކުނިވެފަކާ ނޯވޭ!
އަބޫ
15 September 2017
މިހާރު ރެޖިސްތްރޭޝަން ކުރިތާ ދެ މަސްދުވަސް ވަނީ. އަދިވެސް ކުނި ނަގަން ނާދެވޭ. ދެމް ޠާރިޤް ބުނެބަލަ އަހަރެން ހަދަންވީ ގޮތެއް.!
ޠާރިޤް
15 September 2017
ކުނި ނޫކާ ހުރޭ!
ގުންޑާ
15 September 2017
ގަވައިދާ ހިލާފައްށޭ ބުނާ އިރު ވެމްކޯ އައް ވެސް ކުނި އުކެނީ ކިހިނެއް އެއްރޭ އުކިއްޔާ އަނެއްރޭ ނާދެ..... ދެން ޖެހެނީ އަމިއްލަ އައް ކުނި އުކަން ނޫނީ ބޭރައް ނެރެފަ ބަހައްޓަން
ހަސނު
15 September 2017
މޮނަޕޮލީ އާ ކުންފޫނިއެއް އުފައްދާ ތަން މިފެން ނަނީ.