ހައުސިން މިނިސްޓަރު ޑރ. މުހައްމަދު މުއިއްޒު: ހުޅުމާލެ އިން ގޯއްޗެއް ބައްލަވައިގަތީ ގާނޫނާ އެއްގޮތަށް ކަމަށް ވިދާޅުވި. --ފޮޓޯ: ނިޝާން އަލީ/މިހާރު
18 ސެޕްޓެމްބަރ 2017 - 16:14
48 comments
ހުޅުމާލެ އިން ގޯއްޗެއް ބައްލަވައިގަތީ ހަލާލު ފައިސާ އިން ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
މުއިއްޒު ބައްލަވައިގަތީ 3،388 އަކަފޫޓްގެ ރޯ ހައުސް އެކެވެ. ދާދި ފަހުން ތަރައްގީ ކުރި ރޯ ހައުސްތަކުގެ ތެރޭގައި ހިމެނޭ އެ ރޯ ހައުސް މުއިއްޒު ބައްލަވައިގަތީ 5.9 މިލިއަން ރުފިޔާ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް ދެއްކެވުމަށް ފަހު އެވެ. އެ މުއާމަލާތް ސައްހަ ކަމަށް ސިވިލް ކޯޓުން ވަނީ ކަނޑައަޅައިފަ އެވެ.
ގެދޮރުވެރިކަމުގެ މަޝްރޫއާ ގުޅޭ ގޮތުން ހައުސިން މިނިސްޓްރީގައި ބޭއްވި ޕްރެސް ކޮންފަރެންސްގައި މި ގޯއްޗާ ގުޅޭ ގޮތުން ނޫސްވެރިއަކު ސުވާލު ދެންނެވުމުން މިނިސްޓަރު ވިދާޅުވީ އެ މީހަކަށް ލިބިފައިވާ އާމްދަނީގެ ބޭނުން ހެޔޮ ގޮތުގައި ހިފުމަކީ ކޮންމެ ދިވެހި ރައްޔިތަކަށް ވެސް ލިބިގެންވާ ހައްގެއް ކަމަށެވެ. ހުޅުމާލެ އިން ރޯ ހައުސްއެއް ބައްލަވައިގަތީ އެ ގާބިލްކަން ހުރުމުން ކަމަށް މިނިސްޓަރު ވިދާޅުވި އެވެ.
"އަޅުގަނޑުގެ އަތުގައި ހުރީ ހަލާލު ފައިސާ. ކޮންމެ އިސްލާމަކަށް ދީނުގައި އޮންނަ ހަމަތަކުގެ ތެރެއިން ލިބޭ މުދާ ހުރޭ، ތަރިކަ މުދާ ވެސް ހުރޭ. އަދި އެހެން ގޮތްގޮތުން ލިބޭ މުދާ ވެސް ހުރޭ. އެހެންވީމަ އެ އޮންނަ ނިޒާމުގެ ތެރެއިން އަޅުގަނޑަށް ވެސް ލިބިފައިވާ މުދަލެއްގެ ބޭނުން ހިފުމަކީ އަޅުގަނޑުގެ ހައްގެއް،" މިނިސްޓަރު ވިދާޅުވި އެވެ.
މުއިއްޒު ވިދާޅުވީ ގާނޫނުތަކާއި އޮންނަ އުސޫލުން ބޭރުން އެއްވެސް ކަމެއް ނުކުރައްވާނެ ކަމަށެވެ.
މިނިސްޓަރަކަށް ހުންނަވައި ގޯއްޗެއް ބައްލަވައިގަތުން ގާނޫނު އަސާސީއާ ޚިލާފު ކަމަށް ކުރީގެ ބަންޑާރަ ނައިބު ހުސްނުއްސުއޫދު ވިދާޅުވެފައިވާތީ އެ ކަމަށް ރައްދު ދެއްވައި ވިދާޅުވީ "ފުންނާބު އުސް ލޯޔަރަކު އެހެން ވިދާޅުވުމުން އަޖައިބުވެވަޑައިގަންނަވާ" ކަމަށެވެ.
"އެ ބޭފުޅަކީ ގާނޫނުއަސާސީގެ އަލިފު އެނގޭ ބޭފުޅަކަށް ވާނަމަ އެނގޭނެ ކަނޑައެޅިގެން ތާކުންތާކު ނުޖެހޭ ވާހަކައެއް ކަން އެ ވިދާޅުވެވުނީ،" މުއިއްޒު ވިދާޅުވި އެވެ.
ހުސްނުއްސުއޫދު ވިދާޅުވެފައި ވަނީ މިނިސްޓަރު މުއިއްޒު ރޯ ހައުސް ބައްލަވައިގަތުމަކީ ގާނޫނުއަސާސީގެ 136 ވަނަ މާއްދާއާ ހިލާފު ކަމެއް ކަމަށެވެ.
ވަޒީރުން ކުރުން މަނާ ކަންކަން ބަޔާންކުރާ އެ މާއްދާގައި ބުނަނީ ދައުލަތުގެ މުދަލާއި ބިން ގަނެ، ނުވަތަ ކުއްޔަށް ހިފައިގެން ނުވާނެ ކަމަށެވެ. އަދި ދައުލަތާ އެހެން އެއްވެސް ފަރާތަކާ ދެމެދު ކުރެވޭ މުއާމަލާތެއްގައި ވަޒީރުންގެ މަޖިލީހުގެ އެއްވެސް މެމްބަރަކު، އެ މެމްބަރެއްގެ މާލީ އެއްވެސް މަސްލަހަތެއް ބާއްވައިގެން ނުވާނެ ކަމަށް ވެސް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުއްޓަރު ނެރު
20 September 2017
ފަސްމިލިއަން ރުފިޔާއަކީ ހާދަގިނަ ލާރިއެކޭ، ތިޔަ ހޯއްދެވިގޮތެއް ބަލަންބޭނުން. ލޯނު ނެންގެވިކަމަށްވާނަމަ އިންޓަރެސްޓް ހަލާލެއް ނުވާނެ. މޫނުަތިން ކިތައްމެ ވަރަކަށް މުސްލިމު ވައްތަރު ދައްކައިގެން ހުއްޓަސް. ދެން ވިދާޅުވާނެ ހެޔޮއެދޭފަރާތްތަކުން ދިނީއޭ. ތިޔަމަޤާމުގަ ހުންނަވައިގެން އެވެސް ހަލާލު ވާނެބާ ؟
ލިރާރު
20 September 2017
އެއްވެސް ވިޔަފާރިއެއް ވެސް ނުކުރާމީހަކު މިހާލާރި މިހާކުރުމުއްދަތެއްގަ ހޯދީ ކިހިނެއްބާ؟ ލިބޭމުސާރައިން އެހާޚަރަދުބޮޑުކޮއް އުޅެނީ.. މެއިޑްން ގެނެސް ގޭގަގެންގުޅޭ..
ހައިރާން
20 September 2017
މުއިއްޒު ބުނިތަ އެއީ ހަމައެކަނި ވަޒީރަކަށްވީ ފަހުން ހޯދި ލާރިއޭ؟
އަހުސަނު
19 September 2017
އިންސާނުން އަމިއްލަޔަށް ހަލާލު އަދި ހަރާން ނިންމޭތަ؟ އަހަރެން ހީކުރަނީ ކަލާންގެއަށް އެކަނި ލިބިގެންވާ ބާރެއްކަމަށް އެއީ. އޮޅިއްޖެ ..
1234
19 September 2017
މަމެންގެ ސަރުކާރުން އައިސް ހަމަ ތިހުރިހާތަނެއް އަތުލާނަން. ގާނޫނާ ހިލާފަށް މިނިސްޓަރު ކަމުގައާއި ރައިސްކަމުގެ ހުރެގެން ބިންތައްއ ގަނެ ބަދަލުކޮށް ނުހައްގުން ފުލެޓްތައް ބަހާމީހުންނަށް އަދީބުގެ ގޮޅި ހާއްސަކޮށަްފަ ބާއްވާނީ!
އިބްރާ
19 September 2017
ދުނިޔޭގައިއުޅޭ އާދައިގެ މީހަކަށް ތިޔަބައިމީހުން ކަންކަމުގައި އެދި ޝަކުވާ ނުކުރާށެވެ. އަދި ތިޔަބައިމީހުންގެ ވެރި އިލާހަށް ތިޔަބައިމީހުން އެދޭކަންކަމުގައި ދަންނަވާށެވެ. އެހެނީ ﷲ އިރާދަކުރައްވައިފިނަމަ ކޮންމެ ކަމަކީވެސް ވެދާނެކަމެކެވެ. މަގާމަކީ އެމީހާ އިމްތިހާން ކުރެއްވުމަށްޓަކައި ﷲގެ އިރާދައާއިއެކު ލިބިގެންދާ އެއްޗެކެވެ.
މެންޓަލިސްޓް
19 September 2017
އެހެންދެއްތޯ ،،، އެހެންވީމައި ތިޔަފައިސާ ލިބުނުގޮތެށް ޖެހޭނީ ކިޔާދޭން ،،، ބުރޯދިން ފައިސާތޯ ؟؟ އެއްކަލަ ދޫވެއްސަށް ވެއްދި ކަޅުފައިސާގެ ބައެއްތޯ ؟؟ ޕާޓީއަކުން ދިންފައިސާއެއްތޯ ؟؟ އާއިލީ ބިމެއްވިއްކާލައިގެން މިިބުނުފައިސާއެއްތޯ ؟ މީހަކު ހަދިޔާއަކަށް ދިން ފައިސާއެއްތޯ ؟؟ ހަދިޔާދޭންޖެހުނީ ކީއްވެތޯ ؟؟ މަގާމުގައި ނެތްނަމަ ހަދިޔާލިބުނީސްތޯ ؟؟ މިހެންގޮސް ބައިވަރު ކަންކަން އެބަހުރި ،،، ބޭންކަކުން ލޯނެއްދިނީތޯ ؟ ކޯންޗެއްތޯ މޯރގޭޖްކުރީ ؟؟ ވިޔަފާރިވެރިއެއްގެ ގެރެންޓީއަށް ލޯނެއްދިނީތޯ ؟؟ އެންމެފަހުން ބަލަންޖެހޭނީ މަންނާޢާއި ސަލްވާ ގޮތަށް މަތިން ބާއްވައިލެއްވުނު 5.9މ ތޯ ؟؟ ވަރަށްވެދުން
ހަސީނ
19 September 2017
ހަމަ ގައިމުވެސް އެނގޭ އެއްޗަކީ ތިި ލިބިލައްވާ މުސާރައަކުން ރޯ ހައުސް އެއް ބައްލަވައެއް ނުގަނެވޭނެކަން. އެހެންވީމަ ފައިސާ ހަލާލުވީ ގޮތް ވިދާޅުވެދެއްވަންވާނެ
ރިއަލީ
20 September 2017
ހަސީނ މިނިސްޓަރުގެ މުސާރައާ އިނާޔަތްތަކަށް ލިބޭ ވަރާ ހުރިހާ ފައިސާގެ ތަފްސީލަކާ އެކީ ކޮމެންޓްލިއާނަމަ އަހަރުމެންނަށްވެސް އިތުރަށް ސާފުވީސް...ހީވާހާ އެއްޗެއް ތިޔަހެން ލިއެވިދާނެ..
ވަތަނަބޭ
19 September 2017
ޔަޤީންވާކަމަކީ އެއީ ތެދަކާ ވަރަށްނުވައްތަރު ވާހަކަފުޅެއް!
އިބޫ
19 September 2017
އޯކޭ މިނިސްޓަރ މުއިއްޒުގެ ގެއަށް ވަދެފައި ހުރީ ހަލާޅު ފައިސާ. އެފައިސާ މިފައިސާ އެގެއަށް ވަން ފައިސާ ހަލާލު ނުވާ ފައިސާ.... މި އަޑު ތައް ގަދަ ކަމުން ރިޕޯޓަރުން ސުވާލު ކުރަނީ... ދެން ނުކުރާނެ ކަންނޭނގެ..
ޕްލީޒް މުއީޒް
19 September 2017
ފުރަތަމަ ބިން ގަތީ ވެސް ޤާނޫނު އަސާސީ އާއި ޚިލާފަށެވެ.ސާފު ބަހުން ކަޅާ/ ހުދުން ލިޔެފައިވާ ޤާނޫނު އަސާސީގައި ބުނެފައި ވަނީ ވަޒީރު ބޭފުޅުން ދައުލަތުގެ ބިން ގަނެގެން ނުވާނެ ކަމަށެވެ.
ބޯނެއް ބުރުމާ
19 September 2017
ދައުލަތުގެބިމާއި، ދައުލަތުގެ ކުންފުންޏަކުން ކުރާ ވިޔަފާރީގެ މުޢާމަލާތަކާ މިދޭތީގެ ތަފާތެއްވާނެކަންނޭގެ! ދެން ތިއޮތީ ފަހުބަސް ބުނާ ކޯޓަށްދާންޖެހިފަ!
ރަބަރު
19 September 2017
ރައީސުންނާއި ވަޒީރުންނާއި ބޮޑުވަޒީރުންނާއި އިސް މަގާމުތަކުގައި އުޅޭ މީސްމީހުން އަތުގައި ހަލާލު ނޫން ފައިސާއެއް ނުހުންނާނެކަން މިގައުމުގެ މާޒީގެ ސަފްހާތައް ހުޅުވާލުމުން އެނގެއެވެ. މުއިއްޒު ތިދެއްކީ އާވާހަކައެއް ނޫނެވެ.