ކެންދޫ ފަރަށް ބޯޓު އަރާފައި: އެ ހާދިސާގައި ބޮޑު ގެއްލުމެއް ފަރަށް ލިބޭނެ ކަމަށް ބެލެވޭ ކަމަށް ކައުންސިލުން ބުނޭ --ފޮޓޯ/ކިޔުންތެރިއެއް
21 ސެޕްޓެމްބަރ 2017 - 19:20
9 comments
ބ. ކެންދޫ ފަރަށް ޓަގު ބޯޓެއް އަރައި، ފަރަށް ގެއްލުންތަކެއް ލިބިއްޖެ އެވެ.
މިއަދު ހެނދުނު ހިނގި އެ ހާދިސާގައި ފަރަށް އަރާފައިވަނީ އެކްސްކަވޭޓަރެއް ބަލައި، އެ ރަށަށް ދިޔަ ޓަގު ބޯޓެކެވެ. އެ ހާދިސާގައި ފަރަށް ބޮޑެތި ގެއްލުންތަކެއް ލިބިފައިވާ ބެލެވޭ ކަމަށް އެރަށު ކައުންސިިލުން ބުންޏެވެ. ބޯޓު ފުން ކުރުމުގެ މަސައްކަތް ކުރަމުންދާއިރު އަދިވެސް ބޯޓު އެއްކޮށް ފުން ނުކުރެވޭ ކަމަށް ކައުންސިލުން ބުންޏެވެ.
"ފަރުގެ ގާތްގަނޑަކަށް ފަސްހާއެއްހާ އަކަފޫޓަށް ގެއްލުންވާނެ ކަމަށް ބެލެވޭ. އޮއިވަރު ބާރުވީމަ ކަމަށް ބެލެވެނީ އެ ހާދިސާގައި ހިނގީ. މިހާރު ބޯޓުގެ ކުރީކޮޅު ފުންކޮށްފި. އެކަމަކު އަދިވެސް ފަހަތުކޮޅު ފުން ކުރެވޭ ވަރެއް ނުވޭ. އެކަމަކު ދިޔަވަރު ބޮޑުވީމަ ފުން ކުރެވޭނެ ކަމުގެ ޔަގީންކަން އެބައޮތް،" ކެންދޫ ކައުންސިލްގެ މެމްބަރު އިބްރާހިމް އަބްދުއްރަހްމާން ވިދާޅުވި އެވެ.
އިބްރާހިމް ވިދާޅުވި ގޮތުގައި އެ ބޯޓު ފުން ކުރުމުގެ މަސައްކަތް ކުރަމުންދަނީ އެ ބޯޓު ނިސްބަތްވާ ކުންފުނީގެ ފަރާތުންނެވެ. އެކަމަކު އެއީ ކޮން ކުންފުންޏެއްގެ ބޯޓެއް ކަމެއް ސާފެއް ނުވެ އެވެ.
އެ ރަށަށް އެ ބޯޓު ދިޔައީ އެ ރަށު ބަނދަރު ހެދުމުގެ މަސައްކަތަށް ގެންގޮސްފައި އޮތް އެކްސްކަވޭޓަރެއް ގެންދިއުމަށެވެ. އެ ހާދިސާ ހިނގާފައިވަނީ އެކްސްކަވޭޓަރު ބޯޓަށް އަރުވައިގެން އެ ރަށުން ފުރަނިކޮށެވެ.
ކަނޑު އުޅަނދެއް ފަރަށް އަރައިގެން ފަރަކަށް ގެއްލުން ލިބިއްޖެ ނަމަ ތިމާވެއްޓާ ބެހޭ ގާނޫނުގެ ދަށުން ޖޫރިމަނާ ކުރެވެ އެވެ. ޖޫރިމަނާ ކުރާނީ ފަރަށް ލިބިފައި ހުރި ގެއްލުންތަކަށް ބެލުމަށް ފަހު އެންވަޔަރްމެންޓް ޕްރޮޓެކްޝަން އޭޖެންސީީ (އީޕީއޭ) އިންނެވެ. މީގެކުރިން ވެސް މިފަދަ ހާދިސާތަކުގައި ފަރަށް އެރި ބޯޓުތައް ޖޫރިމަނާ ކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުސަން
22 September 2017
ޓަގްބޯޓެއްނުން އިނގޭތޯ .. ލޭންޑިންކްރާފްޓެއް ފަރުމަތިން އެފެންނަނީ...... އަދި ފަރަށް އެރީވެސް ލޭންޑިންކްރާފްޓެއް... .. ޓަގްބޯ ނުވަތަ ޓަގް ކުރުމަކީ އެއްޗެއްގެ ޖަހައިގެން ދެމުން..
ޏަމްޏަމް
22 September 2017
ކޮބާ ޓަގް. ޓަގްބޯޓާއެކީ އާންމުކޮން ޓަގްވެސް އޮންނާނެހެން ހިވޭ
ޭެއާއިޝަތު
22 September 2017
ބުއްދި ވެރިގޮތަކީ ތިމާމެންގެ ގާބިލުކަން ހުރިކަމައް ގަބޫލު ކުރެވޭ ދިމާލަކުން ވަޒީފާ އެއްލިބޭތޯ ބެލުން... އަޅުގަނޑައް ވަރައްގިނައިން ފެނިފައިވޭ މިހާރު އޮންލައިން ނޫހުގައި ޝާއިރު ކުރާ ގިނަޚަބަރު ތަކުގައި އަޅުގަނޑުމެންގެ ކުޑަކުދީންވެސް އޮޅޭފަދަ މަންޒަރުތައް ޝާއިރުކޮށްފައި ހުންނަތަން.. އާދެ! ލޭންޑިންގ ކުރާފުޓު އަދި ޓަގު ބޯޓު ތައް ފޮޓޯ އަކުން ފެނުމުން މި 2 ވެސެލް ވަކިކުރަން ނޭނގޭ ކުޑަކުދީން މިޚަބަރު ކިޔާފައި ގަބޫލު ކުރެވޭނީ މި އާރޓިކަލްގައި އެވަނީ ޓަގު ބޯޓެއްގެ ފޮޓޯ އެއްކަމައް.. ނަމަވެސް ފޮޓޯ ގައި އެބުނަނީ ލޭންޑިންގ ކުރާފުޓެއް ކަމާއި ނެދު މިދެންނެވުނު 2 އުޅަނދު ވަކިކުރަން އެނގޭ ކޮންމެ ފަރާތަކައްވެސް އެނގިގެން އެބަދޭ.. އަޅުގަނޑު މިކޮމެންޓު މިލިއުނީ މިހާރުގެ މެނޭޖުމެންގެ ސަމާލުކަމައް މިނިއުސް އިން ގެންނަމުން ގެންދާ ފޭކު ޚަބަރު ތަކުގެ ސަމާލުކަމައްޓަކައި.!!!
ޙެހެ
22 September 2017
ޝާއިރު އެއްނޫން. ރަނގަޅު ގޮތަކީ 'ޝާޢިއު'، މިހެންނެވެ.
އެކްސް
22 September 2017
ފޮޓޯއިން ފެންނަނީ ކޮޅުވެއްޓިއެއް.
ދުންމާރި
22 September 2017
ޓަގުބޯޓެއްތޯ ނުވަތަ ކޮޅުވެއްޓިއެއްތޯ؟ އޮޅިއްޖެ
މެރިނަރ
21 September 2017
ތީ ޓަގެއްތަ ނުވަތަ ލޭންޑިންކުރާފްޓެއްތަ...
ބުރާންތި
21 September 2017
ބަޔަކު ދިރިއުޅުމައްޓަކާ ކުރާމަސައްކަތް ފުނޑުފުނޑު ވެދާނެތީކީނޫން ދެރަވީ ، ފަރައްގެއްލުންވެގެން ދެރަވީ. މިހީވަނީ ކައުންސިލުން ޗަންދާނަގައިގެން ދިރުވާފައޮތް ފަރެއްހެން.
ބިއްލޫރިއެއާޕޯޓު
21 September 2017
ދިރިއުޅެވޭނީވެސް ފަރުއޮވެގެންތާ ގަހައްނެތް ލޯތްބެއް މޭވާދެކެ ވާނީ މޮޔައިން