މިއީ އަލްމަރްހޫމް ޑރ. އަފްރާޝީމް އަލީ، މެލޭޝިއާގެ އިސްލާމިކް ޔުނިވަސިޓީގައި ކިޔަވާ ވިދާޅުވިއިރު އޭނާގެ ބެޗްލާސް ޑިގްރީގެ އަންޑާ ގުރެޖުއޭޓުގަ އާއި ޕޯސްޓްގުރެޖުއޭޓް އަދި ޕީއެޗުޑީގެ މަރުހަލާގައި ކިޔަވައި ދެއްވި ޕުރޮފެސާ އާރިފް އަލީ އާރިފް "މިހާރު"އަށް ދެއްވި ހާއްސަ އިންޓަވިއުގެ މައްޗަށް ބިނާކޮށްފައިވާ ރިޕޯޓެކެވެ.
05 އޮކްޓޯބަރ 2017 - 08:02
41 comments
ކުޑައިރުންސުރެ ތައުލީމަށް ހާއްސަ ލޯތްބެއް ބެހެއްޓެވި ޑރ. އަފްރާޝީމް އަލީ މެލޭޝިއާގެ އިންޓަނޭޝަނަލް އިސްލާމިކް ޔުނިވާސިޓީން ފެއްޓެވި މަތީ ތަޢުލީމުގެ ރޭސް ނިންމަވައިލެއްވީ އުސޫލުލްފިޤުހުގެ ރޮނގުން، ދިވެހި ދަރިޔަކު ހޯދި ފުރަތަމަ ޕީއެޗްޑީގެ ޝަރަފު ހާސިލުކުރައްވާފަ އެވެ. އަފުރާޝީމަކީ އޭނާގެ ތައުލީމީ ޙަޔާތްޕުޅުގެ ފަހު އަހަރުތަކުގައި ޔުނިވާސިޓީ މިސްކިތުގެ އިމާމު ވެސް މެ އެވެ.
ފަހުގެ ތާރީހެއްގައި ރާއްޖެ ދުށް އެންމެ އުފެއްދުންތެރި، ހީވާގި، ދީނީ އެއް އިލްމުވެރިޔާ މީގެ ފަސް އަހަރު ކުރިން އެއްވެސް ރަހުމެއް ނެތި އަވަހާރަކޮށްލާފައިވާ އިރު އޭނާގެ އުސްތާޒު، ޕްރޮފެސަރު އާރިފަށް އެއީ އަމިއްލަ ދަރިކަލެއް ފަދަ ބޭފުޅެކެވެ. އެހެންކަމުން، އަފްރާޝީމް އެގޮތަށް އަވަހާރަކޮށްލި ހަބަރުން އެކަން ފުރަތަމަ ސިފަކުރެއްވުނީ "ކުރިމަތިވި މުސީބާތެއްގެ ގޮތަށެ"ވެ.
ޑރ. އަފްރާޝީމް އޭނާގެ ދަރިކަލަކާ އެކު
"އަފްރާޝީމް އަވަހާރަކޮށްލި ހަބަރު ލިބުމުން ހީވީ އުޑުން ބޮޑު މުސީބާތެއް ފައިބައިގެން ދިޔަހެން. އަޅުގަނޑު ވަރަށް ލޯބިވާ ދަރިވަރެއް އެއީ. އަޅުގަނޑު ވަރަށް އުންމީދުކުރި ދަރިވަރެއް އެ ދަރިވަރަކީ. މި ހަބަރު ލިބުމުން ފުން ހިތާމައެއް ކުރެވުނު،" ރާއްޖޭގެ އިސްލާމިކް ޔުނިވަސިޓީގެ ދައުވަތަކަށް ކުރެއްވި ދަތުރުފުޅުގައި ދެއްވި އިންޓަވިއުގައި އާރިފް ވިދާޅުވި އެވެ.
ތަޢުލީމު ހާސިލުކުރެއްވުމަށް ފަހު އެނބުރި ރާއްޖެ ވަޑައިގެން އަފްރާޝީމް އެންމެ ބޮޑު އިސްކަމެއް ދެއްވީ ރައްޔިތުންނަށް ދީނީ މައުލޫމާތު ފޯރުކޮށްދެއްވުމަށް ކަން ޕްރޮފެސަރަށް އޮތީ އެނގިވަޑައިގެންފަ އެވެ. އެގޮތުން ތަފާތު ވަސީލަތްތައް މެދުވެރިކުރައްވައި ދީނީ އަގުހުރި ދަރުސްތަކާއި ނަސޭހަތްތައް ދެއްވިކަން އާރިފް ފާހަގަކުރެއްވި އެވެ. އެކަމަކު އެއްވެސް ކަހަލަ ނުރައްކަލެއް އަފްރާޝީމަށް ކުރިމަތިވެވަޑައިގެންފާނެ ކަމަށް އެއްގޮތަކަށް ވެސް ހިއެއްނުކުރައްވަ އެވެ.
"އެއްވެސް ނުރައްކަލެއް އޮތް ކަހަލަ ހިޔާލެއް ވެސް އޮތް ހެނެއް އޭރަކު ހިއެއް ނުވޭ. އެކަހަލަ ވާހަކައެއް ވެސް ނުދައްކާ. އޭނާގެ ދުޝްމަނުން ތިބޭނެ ކަމަށް އަޅުގަނޑަށް ގަބޫލެއް ނުކުރެވޭ،" ޕުރޮފެސަރު ވިދާޅުވި އެވެ.
ކެތްތެރިކަމާ އެކު ކުރިއަށް ދިއުމަށް ނަސޭހަތްތެރިވިން
އާރިފަށް އަފްރާޝީމް ފާހަގަކުރެއްވުނީ ދީނަށް ވަރަށް ލޯބިކުރެއްވި އަދި ކަންކަމުގައި ވަަރަށް ބާރަށް ކުރިއަށް ވަޑައިގަންނަވަން ބޭނުންފުޅުވި ބޭފުޅެއްގެ ގޮތުގަ އެވެ. ދީނީ ކަންކަމުގައި ކެތްތެރިކަމާ އެކު ކުރިއަށް ވަޑައިގަތުމަށް ތަކުރާރުކޮށް އަފްރާޝީމަށް ނަސޭހަތްދެއްވި ކަމަށް ވިދާޅުވި އެވެ.
ޕްރޮފެސަރު އާރިފް (މ)، އަރަބިން ދެއްވި އިންޓަވިއު، ޑރ. އިބްރާހިމް ޒަކަރިއްޔާ މޫސާ، "މިހާރު" އަށް ތަރުޖަމާކޮށްދެއްވަނީ - މިހާރު ފޮޓޯ: ހުސެއިން ވަހީދު
"ބައެއް ކަންކަމުގައި އެކަންކަން ކުރިއަށް ގެންދަން ޖެހޭ ގޮތަށް ވުރެ ބާރު މިނުގައި ގެންދަން ފޯރި ހުންނަ ބޭފުޅެއް އެއީ. ދީނީ ކަންކަން ރަނގަޅުކޮށް އިސްލާހުކުރުމުގައި ވެސް އެފޯރި އެހާ ވަރަށް ހުންނާތީ އަޅުގަނޑު އަފްރާޝީމަށް ނަސޭހަތްތެރިވިން ދީނީ ކަންކަމުގައި، ދީނީ މައްސަލަތަކުގައި އަދި ދީނީ ގޮތުން އުފެދޭ ހިލާފްތަކުގައި ވެސް ވަރަށް ކެތްތެރިކަމާއި ސާބިތުކަމާއި ހިކުމަތްތެރިކަމާ އެކުގައި ދިއުމަށް،" އާރިފް ވިދާޅުވި އެވެ.
ވަކި މަގާމެއް ހޯއްދެވުމުގެ ވިސްނުމެއް ނެތް
އަފްރާޝީމްގެ މާސްޓާސް އާއި ޕީއެޗް.ޑީގެ ތީސީސް ހެއްދެވުމުގައި އިރުޝާދު ދެއްވީ ޕްރޮފެސާ އާރިފް އެވެ. އަފްރާޝީމްގެ މާސްޓާސް ތީސީސް ލިޔުއްވީ ހެކިވެރިޔާގެ އަދުލުވެރިކަމުގެ މައްޗަށެވެ. ޕީއެޗްޑީގެ ތީސީސް ލިޔުއްވާފައިވަނީ ވެރިން ޒިންމާދާރު ކުރުމާ ބެހޭ ގޮތުންނެވެ. އެހުރިހާ ދިރާސާއެއް ހެއްދެވުމުގައި ވެސް ގެންގުޅުއްވީ ހިކުމަތްތެރިކަމާ އެކު އިސްލާހުގެ މަގުން ގައުމުގެ މަސްލަހަތަށް އިސްކަންދެއްވައިގެން ކަންކަން ކުރުމަށެވެ. އަދި ސިޔާސީ ދާއިރާއިން ކުރިއަށް ވަޑައިގަތުމުގެ އެއްވެސް ހުވަފެނެއް އަފްރާޝީމް ދެކެވަޑައިގެންކަމުގެ މައުލޫމާތެއް އާރިފަށް ލިބިވަޑައިގެންފައެއް ނުވެ އެވެ.
"އެއްވެސް ވަރަކަށް ފާހަގައެއް ނުކުރެވޭ ސިޔާސީ ބޮޑު މަގާމަކަށް ދިއުމަށް އުންމީދުކުރި ކަމަކަށް. ސިޔާސީ ބޮޑު ވަޒީފާއެއް، [މިސާލަކަށް] ގައުމުގެ ރައީސްކަން ނުވަތަ މަޖިލިސް މެމްބަރުކަން ބޭނުންވާ ކަހަލަ އިޝާރާތެއް ވެސް ނެތް ކޮށްފައެއް. އެކަހަލަ ވާހަކައެއް ވެސް ނެތް ދެކެވިފައެއް،" އާރިފް ވިދާޅުވި އެވެ.
އޭނާ ސިފަކުރެއްވި ގޮތުގައި އަފްރާޝީމަކީ އެދުރުންނަށް ކިޔަމަންތެރި، ބުނާބަހުގައި ހިއްޕަވައިގެން ކުރިއަށް ވަޑައިގެންނެވި ދަރިވަރެކެވެ.
"ކިޔެވުމަށް ޝައުގުވެރިވި، ވަރަށް ވިސްނުން ތޫނު ދަރިވަރެއް އެއީ. ހަމަ އެހެންމެ ބުނެދޭ ކަންކަން ވަރަށް ފަސޭހައިން ބަލައިގަނޭ. އެކަންކަމާ އިދިކޮޅަށް ޖަދަލް ކުރުމުގެ ގޮތުން ކަމެއް ނުކުރައްވާ،" އާރިފް ވިދާޅުވި އެވެ.
"އުސްތާޒަކަށް ކުރަން ޖެހޭ އިހުތިރާމްކުރެއްވި، އުސްތާޒަކު ދެއްވާ އިރުޝާދާއި އެހީތެރިކަން ގަބޫލުކުރެއްވި ވަރަށް ކިޔަމަންތެރި ދަރިވަރެއް އެއީ."
އަފްރާޝީމްގެ އިތުރުން ރާއްޖޭގެ މަޝްހޫރު ދީނީ އިލްމުވެރިން ކަމަށްވާ ޑރ. މުހައްމަދު ޝަހީމް އަލީ ސައީދާއި ޑރ. އިބްރާހިމް ޒަކަރިއްޔާ މޫސާގެ ޕީއެޗުޑީގެ ކަންކަން ވެސް ބެލެހެއްޓެވީ ޕްރޮފެސަރު އާރިފެވެ. އޭގެ އިތުރުން ވެސް ރާއްޖޭގެ ދީނީ އެތައް އިލްމުވެރިންނަކަށް، އިސްލާމިކް ޔުނިވަސިޓީގައި ކިޔަވައިދެއްވުމުގެ އުފާ އާރިފް ވަނީ ހޯއްދަވައިފަ އެވެ. އޭނާ ކިޔަވައިދެއްވި އިލްމުވެރިންގެ ޚިދުމަތް ދިވެހި މުޖުތަމައުއަށް ދިގު މާޒީއަކަށް ފެތުރިދާނެކަމުގެ އުއްމީދު އަބަދުވެސް ކުރައްވަ އެވެ. އެކަމަކު އަނިޔާވެރި ގާތިލުންގެ ރަހުމްކުޑަ ހަމަލާތަކެއްގައި، މީގެ ފަސް އަހަރު ކުރިން އޮކްޓޯބަރު 1، 2012 ގައި އަފްރާޝީމް އަވަހާރަކޮށްލުމާ އެކު، ދިވެހިންނަށް ބަންދުވެގެން އެ ދިޔައީ، ޒުވާން އިލްމުވެރިއެއްގެ ޚިދުމަތެވެ.
އާރިފްގެ ހިތްޕުޅުގައި އެ ހިތްދަތިކަން އެބަ އޮތެވެ. އަދި ރާއްޖޭގެ އެތައް ބަޔަކު މިހާރު ވެސް ބުނަމުން އަންނަނީ އަފްރާޝީމް ނެތްތަން ފޫބެއްދޭނެ އިލްމުވެރިން ރާއްޖޭގައި އަދިވެސް މަދު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތަފާތު
06 October 2017
ވަރަށް ތަފާތު ބޭފުޅެއް އަފްރާޝީމަކީ، އެއްވެސް ވަރަކަށް ބޮޑާ ކަމެއް ނުހުރޭ، ކޮންމެ މީހަކު ފެނުނަސް ހުންނަނީ ހިނިތުން ވެފަ، މީ އަހަރެންގެ ތަޖްރިބާ
އަތްފުނާ
05 October 2017
މަދީނާގެ ، މިސްރު އަދި މަލޭށިޔާގެ އިސްލާމިކް ޔުނިވާސިޓީ ތަކުން ދަރިވަރުވެގެން އަންނަ މީހުން ދޭ އިސްލާމީ ފަތުވާ ވަރަށް ތަފާތު.މިތިން ގައުމުގެ ޔުނިވަސިޓީ އިން އެ ތަފާތު ހުރޭ އަދި އެކައްޗެއް އެއްގޮތަކަށް ނުބުނެވޭ
އިގިލި
06 October 2017
5 އިގިލި އެވަރެނޫން
މަރީނު
05 October 2017
ޑރ އަފްރާޝީމުގެ ޤާތިލުން އިގޭނެ ދުވަހެއް އަންނާނެ އަދި، އެދުވަހަކުން ފިލައިގެން ނުދެވޭނެ
ހިތާމަ ކުރާހިނދު..............
05 October 2017
ލޮލުން އަންނަނީ ކަރުނަ.
ނޯނޭމް
05 October 2017
"އަފްރާޝީމްގެ މާސްޓާސް ތީސީސް ލިޔުއްވީ ހެކިވެރިޔާގެ އަދުލުވެރިކަމުގެ މައްޗަށެވެ. ޕީއެޗްޑީގެ ތީސީސް ލިޔުއްވާފައިވަނީ ވެރިން ޒިންމާދާރު ކުރުމާ ބެހޭ ގޮތުންނެވެ." މީތި ކިޔާފަ ފުރަތަމަވެސް ހިތަށްއެރީ މި ގައުމުގެ ހާލަތު އޮތްގޮތާ މެދު.
ސަޖޯ
05 October 2017
ދައުލަތުން މުސާރާއެއް ނަގާފައެއްނެތް އިހުލާސްތެރި އެކަކުވެސް މިގައުމަކު. އަފްރާޝީމް އަވަހާރަ ކޮށްލެވުނު އިރު ހުރި ޕޮލިސް ކަމިޝަނަރު އަބްދުﷲ ރިޔާޒުވެސް އަގައިގަ ޓޭޕް އަޅައިގެން އެހުންނަނީ ލަދެއްނެތި. ދެން އޭރުގެ ހޯމް މިނިސްޓަރ ޖަމީލު ވެސް އަގައިގަ ސުޕަރ ގުލޫ އަޅައިގެން އެހުންނަނީ، ދެން އަޑަށްބާރު ލާފަ އެވާހަކަ ދެއްކި އުމަރު ނަސީރު ހޯމް މިނިސްޓަރުކަން ކޮށްފަ ދިޔައިރު ވެސް އެ ގަތުލާ ބެހޭ އެއްވެސް ވާހަކައެއް ބުނާކަށް ނުކެރުނު.
ރާއްޖެ
05 October 2017
ގަތުލާއި ބެހޭގޮތުން އެގޭ އެއްޗެއްދޯ ބުނެވޭނީ. ހަމަ ހިތަށް އެރި މީހެއްގެ ބޮލުގަ ތުހުމަތު އަޅުފާފަ ތީމާއަށް ހީވާ ކޮންމެ އެއްޗެއް ނުބުނެވޭނެ.
އަޝްރަފް
05 October 2017
ދީނީގޮތުން ހައްދުފަހަނަަޅާ ތިބި މީހުންނާ، ތަނެއް ދޮރެއް ނުދަންނަ މީހުން އެމީހެއްގެ ދުލަށް އައިހާ އެއްޗެއް ފާޑުފާޑުގެ ރާގުލާފަ ކިޔައި ބޮޑެތި ދަރުސްތައްދީ، އާންމު ރައްޔިތުންނަށް ވާނުވާ ނޭނގޭ ހިސާބަށް ދީނީ ކަންކަން ގޮއްސަ ވަނިކޮށް، ޑރ. އަފްރާޝީމް އަލީ ކިޔަވާވިދާޅުވެގެން އައިސް ވަރަށް ގިނަ ކަންކަން އޮޅުން ފިލުވައިދޭން ވަރަށް ބުރަ މަސައްކަތްތަކެއް ކުރެއްވި. ދިމާވި އެކި އެކި ހުރަސްތަކާ ފުރައްސާރަ ކުރުންތަކާ ނަފްސަށް ލިބިލެއްވި އަނިޔާތަކަށް ކެތް ކުރައްވައި އެއްވެސް މީހަކަށް ބުރަ ބަހެއް ވިދާޅުނުވެ އެންމެ ފަހު ވަގުތާ ޖެހެންދެންވެސް އެގޮތުގައި ކުރިއަށް ވަޑައިގެންނެވި. ޑރ. އަފްރާޝީމް އަލީ އަވަހާރަ ކޮއްލުމަކީ ހަމަ ހަގީގަތުގަވެސް މި ގައުމުގައި ބަޔަކު ދީނީ ހަމަނުޖެހުން އުފައްދަން ކުރި މަސައްކަތެއް ކަމުގައި ނޫނީ ނުވާނެ. އެއީ ފޫނުބެއްދޭނެ ވަރުގެ ބޮޑު ގެއްލުމެއް. ( މާތްﷲ އެ މަރުހޫމްގެ ފުރާނަފުޅަށް ހެއު ރަހުމަތް ލައްވައި ސުވަރުގެ މިންވަރު ކުރައްވާށި! އާމީން )
ހަސަނާ
05 October 2017
ދެން އޯކޭ، މިސާލަކަށް ހުމާމް ދީނީ ގޮތުން ހައްދު ފަހަނައިއަޅައިގެން ގޮސް އެކަމެއް ކުރީ. އެކަމު ލާރި ޚަރަދު ކުރިބަޔަކު ޔާމީނަށް 5 އަހަރު ވެގެންދާއިރުގައި ނުހޯދިގެން މިއުޅެނީ ކީއްވެބާ؟ މީގެ ކުރިން ސަލްޓަން ޕާކުގައި ބޮން ގޮއްވިމީހުން މޫދަށް އެއްލައިލި ސިމް ކޮޅުވެސް ހޯދި. ކިހިނެއްބާ މިވަނީ؟
ަކަންޒު
06 October 2017
ކަލޯ ފުރަތަމަ އިސްލާމްދީނަކީ ކޮބައިކަން ދަސްކޮއްބަލަ ހޭބަލި ނުވެ. އަހަންނައް ކިޔާދީބަލަ އިސްލާމް ކަމުގެ ރުކުންތަކާ އީމާން ކަމުގެ ރުކުންތައް. ވާނުވާ ނޭގި ހިނދުކޮޅުގައި ތިހުންނަނީ
އަނެއް ރާއްޖެ
05 October 2017
އަހަރެން އެއްކުރި ގިނަ މައުލޫމާތުން ލަފާނުކުރެވޭ އެމަރު ހިގާފައިވަނީ ހ.ފުންވިލުގައި ކަމަށް. ބޮޑަށް ލަފާ ކުރެވެނީ އެހެންތަނެއްގައި މަރާލެވި ފަހުން އެގެޔަށް ގެނެސް ޒަޚަމްތަކެއް ކޮށްލީހެން. އެއީ އެފަދަ ކަމެއް އެގޭގައި ހިގިނަމަ އަފްރާޝީމްގެ އަނބިކަލުންނަށް އެފަދަ ހިމޭން ދަންވަރެއްގައި އެކަން އެގިލައްވާނެ ކަމަށް ބެލެވޭ. އެހެނީ އަފްރާޝީމްގެ އަނބިކަބަލުން އިންނެވީ ރޭގަނޑުގެ ފަރިއްކޮޅު ތައްޔާރުކުރައްވާއިގެން އެމަނިކުފާނުގެ އިންތިޒާރުގައި ކަމަށް ވަނީ. އެންމެފަހުން މަރާލެވުނު ޔާމީން ރަޝީދުގެވެސް ހާދިސާ ހިނގުމާއިއެކު އޭނާގެ ހަޅޭކުގެ އަޑުތަކެއް އައިކަމަށް އެވަގުތު އެ ސަރަހައްދުގައި ހޭލާތިބި މީހުންނަށް އިވުނުކަމަށް ނޫސްތަކެއް އަހަރުމެން ކިޔާފިން. އެ ސަރަހައްދު ކެމެރާތައް ނިންވާލައިފައި ހުރުމާއި އަދިވެސް ހިގާ ދިޔަކަންތަކުން އެމަރު ހިނގާފައިވަނީ ވަރަށްވެސް ރޭވިގެންކަމަށް ވަރަށް ބޮޑަށް ޤަބޫލުކުރެވޭ. ވަރަށް ސަލާމް
ދޫނި ރާއްޖެ
05 October 2017
ޑރ.އަފްރާޝީމް މަރަކީ ވަރަށް ބޮޑަށް ރޭވިގެން "ސިޔާސީ ޤަތުލެއް" ގޮތުގައި ކުރެވިފައިވާކަމެއްކަމަށް ބެލެވެނީ. އެހެންވާތީ އަދިވެސް އެކަމަށް ފަންޑް ކުރި ބަޔަކު ނުހޯދިގެން އުޅެނީ. މިހިގާ ކަންތައްތަކާއި މެދު ވިސްނާ ބަޔެއްގެ ހައިސިއްޔަތުން އަހަރުމެން ލިބޭ އުފަލަކީ އެމަރުގެ ހަޤީޤަތް ކާއިރި މުސްތަޤްބަލެއްގައި ލިބިދާނެ ކަމުގެ އުއްމީދް. އެހެނީ އެ ހާދިސާ ހިނގި އިރު ދައުލަތުގެ އިސްމަގާމުގައި ތިބި އަދި އެކަމުގެ ހަޤީޤަތް އެނގޭނެ ކަމަށްލަފާކުރެވޭ އެތައް ބަޔަކު މިއަދު އެވަނީ ވަރަށް ބޮޑަށް ނިކަމެތިވެފައި. ސިޔާސީގޮތުން އެމީހުންނަކީ މިއަދު އެއްވެސް އާރެއް ބާރެއް ނެތް. ބައެއް މީހުން ޤައުމުން ބޭރަށް އަމިއްލަަޔަށް އަރުވާލެވިފައި. އަނެއްބަޔަކު ޖަލުގެ ތޭރިތަކުގައި. އަނެއްބަޔަކު ޤައުމުގައި އަނގަހުޅުވަންވެސް ނުކެރިފައި. އެއީ ޤުދުރަތުގެ ނިޒާމު. ތިމާމެއް ކިތައްމެ ކަމެއް ސިއްރުކުރަން އުޅުނަސް އެކަމެއް ފާޅުވާން އިރާދަކުރައްވާ ގޮތަކަށް އެކަމެއް ފާޅުވެގެން ހިނގައިދާނެ. ވަރަށްސަލާމް
ފާތުމާ
05 October 2017
ޔާމީނު ދައުރުގައި މިހިނގި 29 މަރަކީ އަފްރާޝީމް މަރުގެ ފަންޑް ކުރިމީހާ ހޯދާ އަދަބު ނުދެވުމުން ވީގޮތެއް ކެރިހުރެގެން މިބުނީ. އެކަމުގެ މޫ ނެގުނުނަމަ 29 ފުރާނަ ސަލާމަތްވީސް.