ދެމަފިރިއެއް އަތުގައި ހިފައިގެން: ފިރިމީހާ ބުނެގެން އަނބިމީހާ ގެއަށް ކުރި ޚަރަދުތައް އަނބުރާ ދައްކަން ފިރިމީހާގެ މައްޗަށް ހައި ކޯޓުން ވެސް ވަނީ އަންގާފައި --ފޮޓޯ/މިހާރު
05 އޮކްޓޯބަރ 2017 - 15:02
36 comments
ކައިވެނި ކޮށްގެން އުޅުނުއިރު އަނބިމީހާ ލައްވައި ފިރިމީހާ ގެޔަށް ކުރުވި ޚަރަދުތައް އަނބުރާ ދައްކަން ފިރިހެން މީހާގެ މައްޗަށް ދަށު ކޯޓުން ކުރި ހުކުމަށް ހައި ކޯޓުން މިއަދު ތާއީދުކޮށްފި އެވެ.
ކަައިވެނި ކޮށްގެން އުޅުނުއިރު އަނބިމީހާ އެކި ކަންކަމަށް ޚަރަދުކުރި 175،000ރ. އަކީ ކައިވެނި ޕާޓީގެ ކޭޓަރިން ޚަރަދުތަކާއި ހަނީމޫން ދަތުރުތަކާއި ގެއަށް ބޭނުންވާ ސާމާނުތައް ހޯދުމަށް ފިރިމީހާ ބުނެގެން ޚަރަދުކުރި ފައިސާ އެވެ. އެ ފައިސާ އަނބުރާ ދައްކާނެ ކަމަށް ބުނެ، ފިރިމީހާ އާއި އަނބިމީހާ އޮތީ އެކަމުގެ އެއްބަސްވުމެއް ވެސް ހަދައިފަ އެވެ.
ކައިވެނި ރޫޅުމުން އެ ފައިސާ ހޯދަން އަންހެން މީހާ ދައުވާ ކުރުމުން ސިވިލް ކޯޓުން 2015 ގައި ފިރިހެން މީހާގެ މައްޗަށް ހުކުމްކުރީ އެ ފައިސާ އަނބުރާ ދެއްކުމަށެވެ. އެ ފައިސާ ދައްކަން ނުޖެހޭނެ ކަމަށް ބުނެ ފިރިހެން މީހާގެ ފަރާތުން އެ ހުކުމް އިސްތިއުނާފް ކުރުމުން ހައި ކޯޓުން ނިންމީ ހުކުމަށް ބަދަލެއް ގެންނަން ނުޖެހޭ ކަމަށާއި ފިރިހެން މީހާ އެ ފައިސާ އަނބުރާ ދޭން ޖެހޭނެ ކަމަށެވެ.
ހައި ކޯޓުގެ ހުކުމުގައިވަނީ ފިރިމީހާއަށް ޚަރަދު ކުރުން އަނބިމީހާގެ މައްޗަށް ޝަރުއީ ގޮތުން ލާޒިމްނުވާ ކަމަށާއި އަނބިމީހާ އަށް ޚަރަދު ކުރުމަކީ ފިރިމީހާގެ ޒިންމާއެއް ކަމަށެވެ. އެ ފައިސާ ޚަރަދުކުރީ ފިރިހެން މީހާގެ އެދިގެން ނޫން ކަމަށް އޭނާގެ ފަރާތުން ބުނެފައި ވިޔަސް އެ ފައިސާ އަނބުރާ ދެއްކުމަށް ދެ ފަރާތުގެ ދެމެދުގައި އެއްބަސްވުމެއް އޮތްކަން ހުކުމުގައި ފާހަގަކޮށްފައިވެ އެވެ.
މީގެ އިތުރުން އެ ފައިސާ އަންހެން މީހާ ޚަރަދުކުރި ކަމަށް ފިރިހެން މީހާ އެއްބަސްވާއިރު އެ ފައިސާ އަނބުރާ ދައްކަން ނުޖެހޭ ކަމަށް ފިރިހެން މީހާ ބުނާ ބުނުން ސާބިތުކޮށް ދިނުމަކީ އޭނާގެ ޒިންމާއެއް ކަމަށް ފަނޑިޔާރު އަބްދުޣަނީ މުހައްމަދާއި ފަނޑިޔާރު ޝުއައިބު ހުސައިން ޒަކަރިއްޔާ އަދި ފަނޑިޔާރު ޝުޖާއު އުސްމާންގެ އިއްތިފާގުން ކުރެއްވި އެ ހުކުމުގައިވެ އެވެ.
އެ ދެ މީހުން ކައިވެނިކޮށްގެން އުޅުނުއިރު އެކި ކަންކަމަށް އަންހެން މީހާ ޚަރަދުތައް ކޮށްފައިވާ ކަމަށާއި އެކަމަކު އޭނާ ދައުވާކުރީ އޭގެ ތެރެއިން ބައެއް ޚަރަދުތަކުގެ ފައިސާ އަނބުރާ ހޯދަން ކަމަށް އެ ހުކުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކހގފރރ
07 October 2017
ދޮންއާމިނަ ހަރަދުކުރީ އެސޮރު ރީތިކަމުން.. ބަޔަކައް އިދެވޭނެކަންދައްކަން އެއީ ޕާޓީހަރަދާއި މެލޭޝިއާއައްދިޔަ ހަރަދު އެއްބަސްވުމުގައި ސޮއިކުރީ މިކަންދިމާވާނެކަން މާކުރިންވެސް އިގޭތީ ... ފުރުސަރުގެބޭނުން ހިފީ....
ފާތުމަ
06 October 2017
އިސްލާމީ ޝަރީޢަތުގައި ފިރިމީހާއަށް ހަރަދުކުރާކަށް އަންހެނުންނަކަށް ނުޖެހޭނެ. މިތާ ކޮމެންޓްކުރާ ފިރިހެނުން މޮޔަވެގެން ނޫޅޭތި. ރަގަޅަށް ތިޔަހެދީ. އަނބިމީހާއަށް ލިބޭ ލާރިކޮޅު ކާލައިގެން ލައްކަ ދުވަހު އުޅެވިުއްޖެއެންނު
އެގޮތްމިގޮތް
06 October 2017
އޭއްކިޔާނެ ކަމެއްނެތް ދުވަހަކުވެސް އަޑުއެހިންތަ ފިރިމީހާގެ ހައްޤު ކިޔާފަ އެއްވެސް އެއްޗެއް އެވެރިން ބުނާއަޑު. ނާހާނެ. މީ ފަހުޒަމާނުގެ އަލާމާތްތައް.
ނޭގުުނު
05 October 2017
ދީނުގައި ތިިކަން ކަނޑައެޅިފަ އޮންްނަގޮޮތް ސާފުު ކޮޮއްދެވިިފަ އޮތްްނަމަ ވަރަށް ފުުރިިހަމަވީސް. އެނގިިފަ އޮންްނަ ގޮޮތުުން ނަމަ ކައިވެއްޏެއް ކުުރުުމަށްފަހުު ދިިރިިއުޅުުމުުގެ ހުުރިިހާޚަރަދެއް ބެލެހެއްޓުުމަކީ ފިިރިިމީހާގެ ޒިންމާއެއް. އަނބިމީހާއަށްް ވަޒީފާއަދާކުުރެވޭނީީ ފިިރިިމީހާގެ ރުުހުުން ލިިބިގެން ނަމަވެސް އަނބިމީހާއައް ލިިބޭ މުުސާރަ ގޭގެ ޚަރަދުު ކުުރުުމަށް ފިިރިިމީހާއައް ބާރެއް ނޭޅޭނެ ނަމަވެސްް މިިއަދުުގެ ހާލަތަށްް ބަލާއިރު ފިރިިމީހާއައް އެކަނި ލިިބޭ އެއްޗަކުުންް ދިިރިި އުޅެވެންް އޮތީ މަޖިލިިސްް މެމްްބަރުުންްނާއި ކޮޮރަޕްޓް ވެރިިންްނަށްް
އަލީ ނާޒިމް
06 October 2017
ތިއީ މި ގަރުނުގެ ވިސްނުމެއް ނޫން! ހޮހޮޅައެއްގަ ދިރިއުޅެން ދޭ!
ސަމާ
06 October 2017
ތިކަމަށް ކުޑަ ހައްލެއް. މި އަދު މީހުން ރެސްޓޯރެންޓަށް އަރާފަ އެ ކާލާ 1 ބިރިޔާނީ އަކީ 4 މީހުންގެ ކެއުން. އެހާ ބޮޑު ބަތް އެއްޗެއް ކައިފަ އަދި އޮރެންޖް ޖޫސް ބޯކަށް ވެސް ނުޖެހޭނެ. 3 ހޭންޑް ބޭގް، 5 އަންހެން ފައިވާން، ސިގިރޭޓް ޙަރަދު ،ދުފުމުގެ ޙަރަދު ، ހަވީރު ސައި(މިއީ އިންގިރޭސީ ސަގާފަތެއް، މިތާ މޫސުމާ ގުޅޭ ކަމެއް ވެސް ނޫން) ، ނިދުމުގެ ކުރީގެ ސައި، 10 ގަޑި ސައި،..ހުސް ބޭކާރު
އަތްފުނާ
05 October 2017
'' އެ ފައިސާ އަނބުރާ ދައްކާނެ ކަމަށް ބުނެ، ފިރިމީހާ އާއި އަނބިމީހާ އޮތީ އެކަމުގެ އެއްބަސްވުމެއް ވެސް ހަދައިފަ އެވެ ''.އެ އެއްބަސްވުމުގައި ދެފަރާތުގެ އިނގިލީގެ ނިށާނާއި ސޮއި އޮތްނަމަ މި މައްސަލަ ނިމޭނީ އަނބިމީހާގެ ކޮޅަށް.އެހެންނޫންނަމަ މި އެއްބަސްވުން މޮޅަށް ދެނެވޮޑިގެންވަނީ މާތް ﷲ
ކަމަނަ_
05 October 2017
އެއްބަސްވުމެއް އޮތިއްޔާ ޖެހޭނީ ދައްކަން. އެކަމަކު ކައިވެނީގައި ތިބެގެން ދެ ފަރާތުން ކުރެ އެއްވެސް ފަރާތަކުން ކުރާ ޚަރަދަކީ އަބުރާ ދައްކަންޖެހޭ އެއްޗަކަށް ވެގެން ނުވާނެ.
ދޮންމެ
07 October 2017
ތިޔައީ ވަރަށް ބޮޑު އޮޅުމެއް ކަމަނާ
ކުޑަކަމަނަ
05 October 2017
އޭ ދޮން މޮހޮނ.ާ. އަންހެނުން ނުޖެހޭނެ ހަރަދު ކުރާކަށް.
އަސްލުގޮތް
05 October 2017
ހަބަރު ރަނގަޅަށް ލިއުއްވާ ހަރަދެއް ހޯދާކަށް ނޫން ދައުވާ ކުރީ ފަހުން ދޭގޮތަށް އަނބިމީހާ ލައްވާ ކުރުވި ހަރަދާ ފިރިމީހާގެ ބައެއް ތަކެތި ގަތުމަށް އަނބިމީހާ ގަންނުވާ ނެގި ލޯނަށްވާ ފައިސާ ހޯދަން
ޙަމީދު ކުޑަހުވަދޫ
05 October 2017
ލަދުން ބޯ ހަލާކު
ދުވެލި
05 October 2017
ކައިވެނީގެ އެގްރިމެންޓް ހެދުމަކީ ދީނު ގައިވެސް އޮތް ކަމެއް. ނަމަވެސް އަހަރެމެން ދިވެހީންގެ ތެރޭގައި ނެތް ކަމެއް. ވަރިވާ ދުވަހު އަންހެން މީހާ އަށް ގިނަ ފަހަރު މި އޮންނަނީ ދެރަ ލިބިފައި. އެހެންކަމުން ކައިވެނި ކުރުމުގެ ކުރިން ދެފަރާތުން އެއްބަސްވާ ކަންކަމަށް އެގްރިމެންޓް ހެދުމަކީ މުހިންމު ކަމެއް.
ރަދީފުސް
05 October 2017
ކައިވެނި ކަހަލަ ބަރަކާތް ތެރި ކަމެއް ކުރަން ފުރާ ފޯމްގަ ވަރި ކިޔާ އެއްޗެއް އޮތީމަ ވާނެ ގޮތް ވިސްނާލާ،.
ސަލީމް1985
05 October 2017
ކައިވެނީގެ އަޤުދުގައި ވަރީގެ ވާހަކަ ނޫނަސް އެއްބަސް ވެވޭނެ ބައިވަރު ކަންތައްތައް އެބަހުރި. މިސާލަކަށް ފިިރިމިހާ އެހެން މިހާކާއި ކައިވެނި ނުކުރުން. މިއީ ޝަރުތު ކުރެވިދާނެ ކަމެއްކަމަށް ޢިލްމުވެރިން ބުނޭ. ފިރިމިހާ އެ ޝަރުތާ ޚިލާފު ވެއްޖެނަމަ އަނބިމީހާ އަށް އެނާގެ ހައްޤު ހޯދުމުގެ އިޙްތިޔާރު ލިބިދޭ. ކައިވެނީގެ އެގްރިމެންޓް ގެ ސަބަބުން ދެފަރާތުގެ މަސްލަހަތުވެސް ހިމާޔަތްކުރެވޭ.