އެމްޕީއެލް ހިންގާ އިމާރާތް: އެސްޓީއެލްއަކީ ދަތުރު ފަތުރުގެ ޚިދުމަތް ދޭން އެމްޕީއެލްގެ ދަށުން ހިންގާ ތަނެއް -ފޮޓޯ/މިހާރު
09 އޮކްޓޯބަރ 2017 - 20:32
12 comments
މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ދަށުން ހިންގާ ސަދަން ޓްރާންސްޕޯޓް ލިންކް (އެސްޓީއެލް)ގެ 350،000ރ. އަށް ވީނުވީ ނޭނގި ގެއްލިފައިވާ ކަމަށް އެ އޮފީހުގެ އޮޑިޓް ރިޕޯޓުގައި ބުނެފި އެވެ.
އައްޑު އަތޮޅާއި ފުވައްމުލަކުގައި ދަތުރުފަތުރުގެ ޚިދުމަތް ދިނުމަށް އެމްޕީއެލްގެ ދަށުން ހިންގާ އެސްޓީއެލްގެ ޚާއްސަ އޮޑިޓް ރިޕޯޓުގައިވާ ގޮތުން ޑިސެމްބަރު، 2015 އިން ފެށިގެން މިދިޔަ އަހަރުގެ މެއި މަހުގެ ނިޔަލަށް އެކި ގޮތްގޮތުން ލިބިފައިވާ 350،000 އަށް ވުރެ ގިނަ ރުފިޔާ އެކައުންޓަށް ޖަމާކޮށްފައެއް ނުވެ އެވެ. އެ ފައިސާ އެ އޮފީހުގައި ނެތުމުގެ އިތުރަށް އެއަށް ވީ ގޮތް ވެސް ހޯދިފައި ނެތް ކަމަށް ރިޕޯޓްގައިވެ އެވެ.
އެއީ ޚިޔާނާތުގެ މައްސަލައެއް ކަމަށް ތުހުމަތުކުރެވޭތީ އެ މައްސަލަ ތަހުގީގުކުރަން އޮޑިޓަ ޖެނެރަލް ހަސަން ޒިޔަތު އެ ރިޕޯޓުގައި ލަފާދެއްވާފައިވެ އެވެ.
މި މަހުގެ ދެވަނަ ދުވަހު ނެރުނު ރިޕޯޓުގައި، އެސްޓީއެލަށް ލިބުނު 67،000ރ. އަމިއްލަ ދެ މީހެއްގެ އެކައުންޓަށް ޖަމާކޮށްފައިވާ މައްސަލައެއް ވެސް ފާހަގަކޮށްފައިވެ އެވެ. އެ ރިޕޯޓުގައިވާ ގޮތުން އެ ފައިސާ ޖަމާކޮށްފައި ހުރީ އެސްޓީއެލްގެ އޭރުގެ ފައިނޭންސް އެންޑް އެޑްމިނިސްޓްރޭޝަން މެނޭޖަރާ ގުޅުން ހުރި ދެ ފަރާތެއްގެ އެކައުންޓަކަށެވެ.
މީގެ އިތުރުން ލޯންޗް ކުއްޔަށް ދީގެން ލިބުނު 12،000ރ. އަކާއި ކޮށް ދީފައިވާ ދަތުރުތަކަކަށް ލިބެން ޖެހޭ 25،000ރ. އެ އޮފީހަށް ލިބުނު ކަން ނުވަތަ ނޫންކަން އެނގެން ނެތް މައްސަލަ ވެސް އޮޑިޓާ ޖެނެރަލްގެ ރިޕޯޓުގައިވެ އެވެ.
އެމްޕީއެލްގެ އެދުމަކަށް ހެދި އެ އޮޑިޓްގައި ބުނެފައިވާ ގޮތުގައި އެސްޓީއެލްގެ ފެރީ އާއި ލޯންޗްތައް ކުއްޔަށް ހިފި ފަރާތްތަކާއި ކޮށްފައިވާ ދަތުރުތަކުގެ ތަފްސީލް ހަރުދަނާ ގޮތެއްގައި ބަލަހައްޓާފައެއް ނެތެވެ. ފައިސާއާ ބެހޭ ކަންކަން ރަނގަޅަށް މޮނީޓާ ކުރުމަށާއި އެއްވެސް މައްސަލައެއް ފާހަގަވެއްޖެ ނަމަ އެކަމަށް ވަގުތުން ފިޔަވަޅު އަޅަން ރިޕޯޓުގައި ލަފާދީފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމަ
14 November 2017
ޚުދު ރައީސުލްޖުމްހޫރިއްޔާގެ އެކައުންޓަށް ފައިސާ ޖަމާކުރީމާވެސް އެންޓި ކޮރަޕްޝަން އަށް އޯކޭ. ދެން އެކައުންޓް ބަލަހައްޓަން ހުރި ފަރާތާއި ގުޅުން ހުރި ދެފަރާތެއްގެ އެކައުންޓަށް ފައިސާ ޖަމާކޮށްގެން މައްސަލަ އެއް ޖެހެންވީ ސަބަބެއް މި ވިސްނަނީ.
ހަސަން
10 October 2017
ޕާޓީ ތަކަށް ދޫކުރަންޖެހޭ އެތަށް މިިލިޔަން ރުފިޔާއަށްވެސް ވީގޮތެއް ނުއެނގޭކަމަށް ފަނޭންސް މިނިސްޓްރީ އިން ބުނަނީ ... މިއީ ދިވެހިރާއްޖޭ " ފައިނޭންސް މިނިސްޓްރީ " ... އެހެންވީމަ ސަރުކާރުގެ ކުންފުންޏަކުން ދެތިން ލައްކަ ގެއްލުނަސް އެއީކީ ދިވެހިން މާކަންބޮޑުވާ ކަމެއް ނޫން.
ކޮރަޕްޝަން
10 October 2017
ކޮރަޕްޝަން ކޮރަޕްޝަން ކޮރަޕްޝަން މުޅި ގައުމުގައި ހުސް ކޮރަޕްޝަން ،،، ދެން އަތްޖަހާ
އައްޑޫ ރަދުން
10 October 2017
"އެމީހުންވެސް އެ ތަނުން ނަގަނީ މަވެސް މިތަނުން ނަގާނަން"...މިއީ މޮޓޯއަކީ ނިޔަތަކީ މަގްސަދަކީ....އަހަރެން ހެދި އޮޑިޓް ރިޕޯޓުން އެބަ ދައްކާ އައްދު ވިއްކާލި އައުޓުބޯޑު ދެ އިންޖީނުވެސް...މިވާހަކަ އައްޑޫގަ ވަރަށް މަޝްހޫރު..
falaku ain
10 October 2017
ވަގަކަށް ނުނަގާތާ! ވީނުވީގޮތެއް ނޭގުމާ ވަގަށް ނެގުމާ ދެމެދު ވަރަށް ބޮޑު ތަފާތެއްވޭ. މިސަރުކާރުގައި އެއްވެސް ތާކުން ރައްޔިތުންގެ ފައިސާއެއް ވަގަށްވެސް ނުނަގާނެ އަދި ޚިޔާނާތެއްވެސް ނުވާނެ. މުޅިންވެސް ވީނުވީގޮތެއް ނޭގިފައި އޮންނާނީ. ބޮޑަށް ލަފާކުރެވެނީ ވީނުވީގޮތެއް ނޭގި އަތުގައި އޮތް އެއްޗެއް ގެއްލުމަށް ތިން ޙާލަތެއް މެދުވެރިވާ ކަމަށް. އެއީ: 1. މަސްތުވެ (ތަންދޮރު އޮޅުންނުފިލާ ޙާލުގައި) ވަނިކޮށް އަތުގައި އޮތް އެތި ގެއްލުން. 2. މީހަކު ބޮލުގައި ބާރަށް ޖެހުމުގެ ސަބަބުން ދެންބަންދިހާރު (ތަންދޮރު ވަކިނުވާގޮތް) ވެފައި ވަނިކޮށް ގެއްލުން. 3.ވަގުގައި ވަގުހިފުން ( މިޔަށް ކިޔަނީ ވަގަށްނެގި އެތި އެހެންވަގުންނަށް ފޮރުވަން ތަނަކަށް ލާފައިވަނިކޮށް އެކަން ދެނެހުރިވަގު އެނަނަގައި އެހެންތަނަކަށް ލުން. މިގޮތަށް ސިލްސިލާ ކޮށް ގޮސް މަހާޗޯރު އެ ވަގަށް ނެގުން). އެއިރަކުން އެހެން ޗޯރުންނަށް އެއަށްވީނުވީގޮތެއް ނޭގޭނެ.
ނަމޫނާ ދާއިރާ
11 October 2017
ތި ބުނުއްވީ ހަމަ ހެޔޮކޮށް ??????
އުމަރު
09 October 2017
ވަރަށްމޮޅު، ތިޔައީ ކުޑައަދަދެއް އެހެންކަމުން އެއީ މައްސަލައެއްނޫން، 1 ބިލިއަން ނުވަތަ 2 ބިލިއަން ގެއްލުނީމަ ގެއްލުނުކަމަށްވާނީ، ރައީސް ޔާމީނު އެހާބޮޑަށް އަޅާނުލައްވާނެ ލައްކައެއްހާ ރުފިޔާ ދައުލަތުން މީހަކު ވަގަށްނެގިޔަސް އެނގޭނެ އެގޮތަށް ގެއްލޭނެކަން، އެހެންކަމުން ތިޔަ އޮޑިޓް ރިޕޯޓްވެސް ފައިލްތަކަށްގޮސް އެފައިސާ ހޯދުމެއް ނެގިމީހެއް ނުބަލާނެ، މިއަދުވެސް އޮޑިޓް އޮފީހަށް 50 މިލިއަން ދީފި
އަތޮލޭ
09 October 2017
ވީގޮތް ވަރަށްސާފުކޮށް ރައްޔިތުންނަށް އެނގޭ، ޕީޕީސަރުކާރުގަ އޮންނާނީ އެމީހަކަށް ކުރެވުނުވަރަކަށް ވައްކަންކުރުން, ސަނާކިޔާލީމަ ކުށުންސަލާމަތްވެވޭނެކަން އެނގޭވިއްޔާ!!!! ވަގުން ވަގުން ހުސްވަގުން
މަހާރަދުން
09 October 2017
ފައިސާއާ ބެހޭ ކަންކަން ރަނގަޅަށް މޮނީޓާ ކުރުމަށާއި އެއްވެސް މައްސަލައެއް ފާހަގަވެއްޖެ ނަމަ އެކަމަށް ވަގުތުން ފިޔަވަޅު އަޅަން ރިޕޯޓުގައި ލަފާދީފައިވެ އެވެ. އެހިނގާ މަގުން ހިގުމަށް އެންމެ ބޭކަލުން ދަނީ ފިޔަވަޅުމަތީ ފިޔަވަޅު އަޅަމުން ނެވެ. ޔަޢުނީ މީ ކިތަންމެ ބައިވަރު ވާހަކަ އެވެ.
އަހުމަދުބެ
09 October 2017
އެންމެ ގިނަ ފައިސާ ވަގައް ނަގަނީ ވެރީންނެވެ. ވެރީންގެ މައްސަލަ ވެރީން ނުބަލަނީއެވެ.
މެންޓަލިސްޓް
09 October 2017
މިސަރުކާރު ފެށުނީއްސުރެން ތިޔަހެން ފައިސާތަށް ގެއްލެމުންނޫންތޯ ދަނީ ،،، އެއީ އިކޮނޮމިކްގައިގެ މައިކްރޯ ވައްތަރު ،، އޭގައި ވަރަށްގިނައިން އެކިތަންތަނުން އިންވެސްޓްމަންޓްތަށް ހަދާނެ ،،، އެއީކުއްލިއަކަށް ސްޓޮކްމާރކެޓްގައި ސްޓޮކްގަންނަހެން ހިނގާކަމެށް ،،، އެހެން އިންވެސްޓްކުރާއިރު ލިއެކިއުމުގައި ފެންނާކަށްނުހުންނާނެ ،،، ފަހުން އޭގެފައިދާފެންނާނީ ،، އެމްއެމްޕީއާރސީގެ ގެއްލުނު 1.2ބ ގެ ފައިދާވެސް ފަހުންފެންނާނެ ،، އޭގެފޮނިމީރުކަން ފެންނާނީ އެކިއެކިފަރުދުންގެ އިންވެސްޓްމަންޓްތަކުން ،، މިހާރުމިހިގަނީ ލާމަސީލް އާވައްތަރެއްގެ އިކޮނޮމިކްސް އެއް ،، އެއީ ޑާކްއިކޮނިމީ ،،، އެއީ މުޅިދުނިޔޭގައިވެސް އެންމެބާރަށްމިހާރުހިނގާ ވައްތަރަކީ ،، ވަރަށްވެދުން