ނޫސްވެރިންނަށް އެވޯޑު ދިނުމަށް ބޭއްވި ހަފުލާގައި ރާއްޖެ ޓީވީގެ "އަބުރުފުޅު ފަންޑު" ފޮށި ބަހައްޓާފައި.-
16 އޮކްޓޯބަރ 2017 - 17:13
9 comments
ރާއްޖެ ޓީވީ އެއް މިލިއަން ރުފިޔާއިން ޖޫރިމަނާކުރި މައްސަލަ، ސިވިލް ކޯޓުގެ ޑިސްޕިއުޓު މަރުހަލާއިން ހައްލުނުވުމުން ޝަރީއަތަށް ދާން ޖެހިއްޖެ އެވެ.
ރައީސް އަބްދުﷲ ޔާމީންގެ އިއްޒަތަށް ގެއްލުންވާ ގޮތަށް ރާއްޖެ ޓީވީން ކޮންޓެންޓެއް ގެނެސްދިން ކަމަށް ބުނެ، މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް) އިން ވަނީ މިދިޔަ މާޗު މަހު އެއް މިލިއަން ރުފިޔާއިން އެ ޓީވީ ސްޓޭޝަން ޖޫރިމަނާކޮށްފަ އެވެ.
ރާއްޖެ ޓީވީގެ ސީއޯއޯ ހުސެއިން ފިޔާޒު މޫސާ ވިދާޅުވީ ޖޫރިމަނާ ފައިސާ ދެއްކުމަށްފަހު އެ މައްސަލަ އިސްތިއުނާފުކުރަން ސިވިލް ކޯޓަށް ކުރިން ހުށަހަޅާފައިވާ ކަމަށެވެ. ނަމަވެސް ޑިސްޕިއުޓް މަރުހަލާއިން އެ މައްސަލަ ހައްލުނުވުމުން ޝަރީއަތަށް ދާން ޖެހިފައިވާ ކަމަށް ވިދާޅުވި އެވެ.
އޭނާ ވިދާޅުވީ ޑިސްޕިއުޓް މަރުހަލާއިން އެ މައްސަލަ ހައްލުނުވީ ދައުލަތުން އެކަން ބޭނުން ނުވެގެން ކަމަށެވެ.
"ދައުލަތުން ބޭނުން ނުވީ ޑިސްޕިއުޓު މަރުހަލާއިން އެކަން ހައްލުކުރަން. އެހެންވެ ޝަރީއަތަށް ދާން ޖެހުނީ،" ފިޔާޒު ވިދާޅުވި އެވެ.
އަބުރުގެ ގާނޫނުގެ ދަށުން ތިން ފަހަރެއްގެ މަތިން ރާއްޖެ ޓީވީ ޖޫރިމަނާކޮށްފައި ވެ އެވެ. އެންމެ ފުރަތަމަ 250،000ރ. އިން ޖޫރިމަނާކުރިއިރު ދެ ވަނަ ފަހަރަށް ކުރީ އެއް މިލިއަން ރުފިޔާއިންނެވެ. އަދި މިދިޔަ ހަފުތާގައި ބްރޯޑްކޮމް އިން ވަނީ ފަސް ލައްކަ ރުފިޔާއިން ރާއްޖެ ޓީވީ ޖޫރިމަނާކޮށްފަ އެވެ.
އަބުރުގެ ގާނޫނު ބުނާގޮތުން ޖޫރިމަނާގެ މައްސަލަ އިސްތިއުނާފު ކުރެވޭނީ އެ ފައިސާ ދެއްކުމަށްފަހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
17 October 2017
ރާއްޖެ ޓީވީ އުވާލަން ޖެހޭ .ދޮގު ހަބަރާ މައުލޫމާތު ފަތުރައިގެން ގައުމު ފަސާދަ ކުރަނީ މިޓީވީ ން ، މި ޓީވީ ބަލާ ގިނަ ބަޔަކު ތިބެނީ ވާނުވާނޭގި އޮޅިފާ
ޙުސެން
17 October 2017
ރާއްޖެ ޓީވީގެ ބަންދުކުރުމަކީ ސަރުކާރުގެ ވަރަށް ބޮޑު އަމާޒެއް! ރާއްޖެ ޓީވީގެ ސަބަބުން މި ޤައުމުގައި ހިނގާ ހުރިހާ ކަމެއް ސާފުކޮށް އޮޅުންފިލަނީ! ރާއްޖެ ޓީވީ ހަމަ ބެސްޓު
ހަަހަ
17 October 2017
ލަދެއް ހަޔާތެއް ނެތި ކިޔުނުހާ އަވަގުރާނައެއް ކިޔާފާ ފައިސާ ދައްކަން ޖެހުނީމާ ތިއުޅެނީ ބޮޑުވެގެން. ތިޔަބުނާ ޓީވީއަކުން ގައުމުގެ އެއްވެސް ކަމަކާ ރަނގަޅަށް ވިސްނާފައެއްނެތް. މުޅިންވެސް ވަކި މީހަކާ ނުވަތަ ބަޔަކާ ޖައްސާލައިގެން ފާޑު ފާޑު އެއްޗެތި ކިޔުން.
ލާލާލާ
17 October 2017
ހަހަ ޗެނަލް 13 ޕީއެސްއެމް ކީއްކުރަނީ. ލަދު ކޮބާ؟ އެންމެ ބައެއްގެތަ އަބުރުއޮންނަނީ. ރޯމާ ދުވާލު ދައުލަތުގެ މުދާ ބޭނުންކުރަންޏާ އެވާހަކަ ދައްކާނެ. ބަލާބަލަ އިދިކޮޅު މީހެއްގެ ހިޔަނިވެސް ޕީއެސްއެމް ނުދައްކާ ކާނިވާ ސަރަހައްދުގައި ޖަލްސާ ބޭއްވެނީ ހަމައެކަނި ޕީޕީއެމަށް. ދެން މިވާހަކަ ނުދައްކަންވީތަ؟ ދައުލަތުގެ ބިމުގައި ޖަގަހަ ހެދެނީ ހަމަ ޕީޕީ އަށް ދެން އަތްޖަހާ. ލަދުކޮބާ؟ މިއީ އެންމެންގެ ގައުމެއް. ވަކިބަޔަކު ހިތުހުރިފައިދާއެއް ނަގަންޏާ އެވާހަކަ ދައްކާނެމީހުންތިބޭނެ. އެއަޑެއް ނުކެނޑޭނެ.
އަހުމަދުބެ
16 October 2017
ތިޔަ އޮތީ އަޅައި ގަނެފައެވެ. ނެއްޓެން ނޭނގިފައެވެ.
ނަމެއް
16 October 2017
ނުދައްކާތި މިފަހަރު. ލައިސަންސް ބާތިލު ކުރަން ހިޔެއް ނުވޭ ކެރޭނެ ހެނެއް. އެއީ ބޭރުގެ ޕްރެޝަރު އޭރުން މިއަށްވުރެވެސް ބޮޑުވާނެ.
އައްޑޫ ރަދުން
16 October 2017
ސަރުކާރުން އަނގަޔާ އަތާ ދިމާނުވެގެން އުޅޭއިރު ހެޔޮއެދޭ މުއައްސާސާތަކާއި ކޮމިޝަންތަކުން ތިޔަހެން ހޯދާދޭ ޓިޕްސް ފައިސާކޮޅު ސަރުކާރުން ބޭރުވިއަކަ ނުދޭނެ...
ޙަޟަ.ން
16 October 2017
މީ ރާއްޖެ ޓީވީގެ ނޫހެއްތަ . މިހާރު އިން ފެންނަނީ އަބަދުވެސް ރާއްޖެ ޓީވީ ރާއްޖެ ޓީވީ ގެ ހަބަރެއް ޖަހައިގެން އުޅޭތަން.މި ނޫހެކެ މޑޕ ޕުރޮޕެގެންޑާ ފަތުރާ އައްޑަނަ އެކެ އެއްގޮތް. ޖަހާނެބާ މި ކޮމެންްޓް
ކޮމެންޓޭ
16 October 2017
ތިއުޅެނީ މިނިވަން ނޫސްވެރިކަން އަދި ނޫސްވެރިކަން ނޭގިގެން ރާއްޖެޓީވީ އެއީ މިނިވަން ނޫސްވެރިކަން ކުރާ ބައެއް ނޫން ،ވަކި މީހަމު ޕްރޮމޯޓުކޮށް ސަރުކާރާ ދެކޮޅަށް ޕްރެޕެގެންޑާ ފަތުރަން ބޭނުން ކުރާ މެށިނެއް،،،މިހާރުނޫސް އާ ރާޓީވީ އާ ބޮނޑުތަން ތަފާތު