ފާރިސް ހޮސްޕިޓަލަށް ގެނައި ވަގުތު، ދުންޔާ ގައިގައި ބައްދާލަނީ.
22 އޮކްޓޯބަރ 2017 - 11:37
14 comments
ރައްޔިތުންގެ މަޖިލީހުގެެ ދިއްގަރު ދާއިރާގެ މެމްބަރު އަހުމަދު ފާރިސް މައުމޫން އަލުން ޖަލަށް ގެންދިއުމާ ގުޅިގެން އެކަމާ އެންމެ ބޮޑަށް ކަންބޮޑުވެވަޑައިގެންނެވި އެއް ބޭފުޅަކީ އޭނާގެ އެއްބަނޑުއެއްބަފާ ދައްތަ އަދި ހެލްތު މިނިސްޓްރީގެ ސްޓޭޓް މިނިސްޓަރު ދުންޔާ މައުމޫނެވެ.
މާފުށީ ޖަލުގައި ފާރިސް ހުންނަވައި ޖަލު މަރާމާތު ކުރަމުންދާ ކަމަށް ބުނެ، އޭނާ ގޭ ބަންދަށް ބަދަލު ކުރީ މިމަހުގެ 11 ވަނަ ދުވަހު އެވެ. އަދި ދެ ހަފުތާއެއްހާ ދުވަހު ގޭގައި ބެހެއްޓުމަށް ފަހު، މޯލްޑިވްސް ކަރެކްޝަނަލް ސާވިސް އިން އިއްޔެ ވަނީ ފާރިސް އަލުން ޖަލަށް ބަދަލުކޮށްފަ އެވެ.
ދުންޔާގެ ފޭސްބުކް ޕޭޖްގައި ވިދާޅުވީ ކޮއްކޮ ފާރިސް އަނެއްކާ ޖަލަށް ދާން ޖެހުމުން އެކަމާ ހިތާމަ ކުރައްވާ ކަމަށެވެ. އަދި މާތް ﷲ ފާރިސަށް ރައްކާތެރިކަމާއި ހިތްވަރު ދެއްވުމަށް ދުންޔާ އެދިވަޑައިގަތެވެ.
މީގެ އިތުރުން ފާރިސް އާއި އާއިލާ އަށް ކެތްތެރިކަން ދެއްވުމަށް ވެސް އޭނާ އެދިވަޑައިގަތެވެ. ހާއްސަކޮށް، ފާރިސްގެ އަނބިކަނބަލުންނާއި ދަރިކަލުންނަނަށް ކެތްތެރިކަން ދެއްވުމަށް އޭނާ އެދިވަޑައިގަތެވެ.
"ދުއާ މި ކުރަނީ ކުރިއަށް އޮތް މުސްތަގުބަލުގައި ރަނގަޅު ގޮތެއް މެދުވެރިވޭތޯ،" ދުންޔާ ވިދާޅުވި އެވެ.
ދުންޔާގެ މެސެޖް.
ގިނަ ތުހުމަތުތަކަކާ އެކު ފާރިސް "ނުހައްގުން" ބަންދުކޮށް، އަދަބު ދެމުންދާ ކަމަށް ބައްޕާފުޅު މައުމޫން އަބްދުލްގައްޔޫމް ވިދާޅުވުމުން ވެސް ސަރުކާރާ ގުޅިވަޑައިގެން، ރައީސް އަބްދުﷲ ޔާމީން އަރިހުގައި މަސައްކަތް ކުރައްވާތީ ގިނަ ބައެއްގެ ފާޑުކިއުން ދުންޔާ އަށް ވަނީ އަމާޒުވެފަ އެވެ.
ރައީސް ޔާމީންގެ ފަޅީގައި ދުންޔާ ހުންނެވި ސަބަބާ މެދު ވެސް ގިނަ ބަޔަކު ސުވާލު އުފައްދަ އެވެ. ނަމަވެސް އެކަމާ ގުޅިގެން ދުންޔާ މިހާތަނަށް އެއްވެސް އެއްޗެއް ވިދާޅެއް ނުވެ އެވެ.
ރައީސް ޔާމީންގެ ސިޔާސަތުތަކާ މެދު ހިތްހަމަޖެހިވަޑައިނުގެން ފޮރިން މިނިސްޓަރު ކަމުން އިސްތިއުފާ ދެއްވުމަށް ފަހު، އެއަށް ވުރެ ދަށް މަގާމަކަށް ދުންޔާ ވަޑައިގަތީ، ރައީސް މައުމޫންގެ ނުުރުހުމާ އެކުގަ އެވެ. ސަރުކާރާ ދުންޔާ ގުޅިވަޑައިގަތުމަށް ތާއީދު ނުކުރައްވާ ކަމަށް މައުމޫން ވިދާޅުވެފައިވެ އެވެ.
ފާރިސްގެ ދިފާއުގައި އެންމެ ބުރަކޮށް މަސައްކަތް ކުރައްވާ މަންޒަރު ފެންނަނީ ދައްތަ ޔުމްނާ މައުމޫނެވެ. ނަމަވެސް ރައީސް އޮފީހުގެ ސްޓޭޓް މިނިސްޓަރު ޣައްސާން މައުމޫން ހުންނެވީ "ހިމޭނުން"ނެވެ. މިއީ ފާރިސްއާ އެއްބަނޑު އެއްބަފާ ދެ ބޭފުޅުންނެވެ.
ފާރިސްގެ މައްޗަށް ދައުލަތުން ކުރަނީ ޕީޕީއެމްގެ ދިދަ އާއި ލޯގޯ ގަވާއިދާ ޚިލާފަށް ބޭނުންކުރި ކަމަށް ބުނެ ޝަހްސު އޮޅުވައިލުމުގެ ދައުވާ އާއި މަޖިލީހުގެ މެމްބަރުންނަށް ރިޝްވަތު ހުށަހެޅުމުގެ ދައުވާ އެވެ. މެމްބަރުންނަށް ރިޝްވަތު ހުށަހެޅި ކަމަށް ބުނާ ދައުވާގެ ޝަރީއަތް ނިމެންދެން އޭނާ ވަނީ ބަންދުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަތޮޅުކޮއެ.
23 October 2017
ކޮއްކޮއަށް ކެއްތެރިވުމަށް ގޮވާލީ..ދައްތަ އެހުރީ ނަގޫ ފިތިފަ..
އަބުދުއްﷲ ޝަހީދު
22 October 2017
ދުންޔާ އެވެ. ކަމަނާ މި ސަރުކާރުގައި މަސައިކަތް ކުރުމަކީ މިސަރުކާރުން ރޯމާ ދުވާލު ހިންގަމުން މިގެންދާ ވައްކަމާއި, ނާއިންސާފާއި ނުހައްޤު އަނިޔާގައި މަޤާމުގެ ހައިސިއްޔަތުން ފުރިހަމަޔަށް ބައިވެރިވުމާއި އެކު ކޮއްކޯފުޅަށް ދެމުން އެގެންދާ ނުހައްޤު އަނިޔާ އަށް އެެއްބާރުލުންދީ މަރުހަބާކިއުން ނޫން ކަމަކަށް ނުވާނެ އެވެ.
ގޮއްޔެ
22 October 2017
ފާރިޝް އަށް ކެތްތެތިކަން ދެއްވާ ސާބިތު ކަމުގައި ލަހައްޓަވާށި. ކެތްތެތިކަމުގެ މޭވާ އެހާ ފޮނި އެއްޗެއްކަމުގައި ވެގެންދަނީ ކެތްތެރި ވުމުގެ ރަހަ ހިތިކަމުން. އަނިޔާވެރިކަމަކީ ދެވިހިފާކަމެއް. ނަމަވެސް ކެތްތެރިވުމަކީ މާޔުސްވުމުން އެއްކިބާކޮށްދޭ ކަމެއް. ޖަލުތަކުގައި ނުޙައްޤުން އަނިޔާ ލިބެމުންދާ އެންމެހާ ލޮބުވެތި އަޚުންނަށް ހެޔޮ ރަޙްމަތް ލައްވާށި. އާމީން.
ލައްކަވާހަކަ
22 October 2017
ކޮބައިތަ ކޮއްކޯފުޅު ޣައްސާން..؟؟
މެންޓަލިސްޓް
22 October 2017
ދުންޔާވެސް ހާދަކެއްތެރި ކަމަނޭއެއްވީމައޭ ޔާމިންގެ އޯޑަރަށް ފާރިސް ޖަލަށްލާ ހަދާއިރުހަމަ ވަޒީފާގައި އެހުންނަވަނީ ،،، ހަގީގަތުގައި ވެގެން މިއުޅޭ ގޮތަކީ ފާރިސް ނުކުމެ އެހުންނެވީ ދުންޔާމެނގް ސަލާމަތާޢި ރައްކަލަށްޓަކައި ،، ދުނިޔާވެސް ސަލާމަމަތްވާން އަންނަނީ ރައީސްޔާމިންގެ ވެރިކަންނިމި އަދި އަދުރޭ މެންގެ އަތުގައި އޮތް ބެޓްމޭންގެ ފޮޓޯތަށް ލިބުނު ދުވަހަކުން ،، އެހެންނޫނީ ދުނިޔާހުންނަވަން ޖެހޭނީ އުމުރުދުވަހަށްވެސް އަޅުވެތިކަމުގައި ،،،، އަޅުގާނޑުގެ ދުއާޢަކީ ދުންޔާމެންވެސް ސަލާމަތްވުން ،،، ފާރިސްމެންވެސް ސަލާމަތްވުން ،،، އެންމެންވެސް ސަލާމަތުގެ އައްސޭރިއެއްގައި ތިއްބެވުން ،،، ވަރަށްވެދުން
އަންތަރީސް މޭން
22 October 2017
ދުންޔާ އެވެ. ކަމަނާ ރޭގަނޑު ނިދިކުރައްވަނީ ކިހިނަކުންތޯ އެވެ؟
ޕޮކަންޑިމޭން
22 October 2017
ހަމަ އަންތަރީސްމޭން ވެސް ނިދާގޮތަށް އެނދުގައި އަރިހުރަހަށް.
ޕޮކަންޑިމޭން
22 October 2017
މިރައީސް ކޮއްކޮއެއް ބޭބެއެއް އަމިއްލަ ކަދުރާއަކަށް ނުބަލާ ޤާނޫނު ތަންފީޛުކުރާނެ
އަލިހޮއްކޮ
22 October 2017
މިރައީސްއަށް ފާޑު ކިޔައިފިއްޔާ.
ޕޮކަންޑިމޭން
22 October 2017
މިރައީސްއަށް ސަނާކިޔަސް ފާޑުކިޔަސް އޮށްގާ އުކިއަސް ހަމައެއް ބީދައަކުން ޤާނުނު ތަންފީޛުކުރާނެ.
އިބްރަތް
22 October 2017
ޖަލުގައި ވާނުވާ ނުބެލޭ. ނޭނގޭ ޒަމާނުގައި އެކިގޮތްގޮތުން އެތާގައި މީހުން ތަހައްމަލްކުރި ކަންކަން މިއަދު ހިތަށް އަރަނީ ކާކު؟ އެންމެނަށް އިންސާފު.
އަސްލުވެސް
22 October 2017
ދުންޏާ ފާރިސް އަށް މެސެޖް ދެމުން ރައީސް ޔާމީނަށް ވާގިދެމުން... ގޯސް ގޯހެއްގެ ގޮތުގައި ބަލައިގަތުމަކީ ގޯސްކޮށް ކަންތައް ކުރާ މީހާއަށް އެއްވެސް ގޮތެއްގައި އެއްބާރުލުން ނުދިނުން. އޭނާއާ ބައިވެރި ނުވުން.
އަނިޔާވެރިން
22 October 2017
ދުންޔާ އަށް ވެސް މަޖުބޫރެއް އޮވެގެން ކަމަށް ޤަބޫލުކުރވެނީ ސަރުކާރު ފަޅީގައި ތިބިކަން ބޭރަށް މިފެންނަނީ، ޖަލްސާތަކަށް މީހުން ގެންދާގޮތް ފެނުނީމާ އެއްވެސް މީހަކު ދުންޔާ ޣައްސާނަކަށް ފާޑު ކިޔާނެ ތަނެއް ނެތް، އެމީހުން އެތިބީ ކޮންމެވެސް ކަމަކު ބައްދަން އިންޒާރު ދީފައި، ތިމާގެ އަމިއްލަ އަނބިމީހާ އެކު އެދު ދާން ކުރާ ފޮޓޯތަކެއް ހަމަ ލީކު ކޮށްލުން ފަދަ ކަންކަމަކީ ކުރިމަތި ނުލެވޭނެ ކަންކަން، މީ ހަމަ ހިތައް އައި މިސާލެއް ބަޔެއްމީހުން ފިނޑިކަމުން ނުކުންނަން ކުކެރެނީއޭ ކިޔާތީ، އެހާ އަވަހަށް މީހުން ޖަޖް ނުކުރަމާ، އަހަރެން ހަމަ ގައިމުވެސް މައުމޫނުގެ ދަރިން ފިނޑިވާނޭ ކަމަށް ޤަބޫލެއް ނުކުރާނަން، އަންނިވެސް ލައިލާއާއި ދަރިންގެ ސަލާމަތަށް ބަލާފައި އިސްތިއުފާދިން،
ޑްރާމާ
22 October 2017
ޢަދިވެސް