ސިވިލް ކޯޓު ހިނގާ ޖަސްޓިސް ބިލްޑިން: ހަވީރުގެ ކުރީގެ މުވައްޒަފުން އެހެން މީޑިއާއެއްގައި އުޅޭ ނަމަ އެކަން ހުއްޓުވަން ވެސް ވަނީ އަންގާފައި --މިހާރު ފޮޓޯ/ނިޝާން އަލީ
03 ޖުލައި 2016 - 14:49
179 comments
"ހަވީރު" ނޫހާއި އެ ނޫހުގައި މިދިޔަ ފެބްރުއަރީ މަހާ ހަމަ އަށް މަސައްކަތް ކުރި އެއްވެސް މީހަކު އެހެން މީީޑިއާއެއްގައި މިއަދުން ފެށިގެން ދެ އަހަރު ވަންދެން މަސައްކަތް ކުރުން މަނާކޮށް ސިވިލް ކޯޓުން މިއަދު ހުކުމް ކޮށްފި އެވެ.
އެގޮތަށް ކޯޓުން އަމުރުކުރީ ހަވީރު ނިއުސް އޭޖެންސީގެ ތިން ހިއްސާދާރުން ކަމަށްވާ އިބްރާހިމް ރަޝީދު މޫސާ އާއި އަބްދުﷲ ފާރޫގު ހަސަނާއި މުހައްމަދު ނައީމްގެ ފަރާތުން ހަވީރު ނޫހުގެ ކުރީގެ މަސްއޫލުވެރިޔާ މުހައްމަދު ޒާހިރު ހުސައިނާ ދެކޮޅަށް ހުށަހެޅި މައްސަލައިގަ އެވެ. އެ ތިން މީހުންގެ ފަރާތުން ދައުވާ ކޮށްފައި އޮތީ "ހަވީރު" ނޫސް ހިންގައިގެން މިހާތަނަށް ލިބުނު ފައިދާގެ ތެރެއިން އެ ތިން މީހުންނަށް ލިބެން ޖެހޭ މިންވަރު ކޯޓު މެދުވެރިކޮށް ހޯދައިދިނުމަށާއި ހަވީރު ނޫސް ހިންގުމުގައި ބައިވެރިވެވޭނެ ގޮތް ހަދައިދިނުމަށެވެ.
"ހަވީރު"ގައި މަސައްކަތް ކުރި މީހުންނާ މެދު ފިޔަވަޅެއް އެޅުމަށް، އެ ދައުވާގައި އެދިފައި ނެތަސް، ކޯޓުން ހުކުމް ކުރި އިރު އޮތީ މުވައްޒަފުންގެ މައްޗަށް ވެސް އަމުރު ކޮށްފަ އެވެ.
ކޯޓުގެ ހުކުމުގައިވަނީ "ހަވީރު"ގެ މުވައްޒަފުން އެހެން މީޑިއާއެއްގައި ނުވަތަ މީޑިއާއަކާ ގުޅުން ހުރި ވިޔަފާރިއެއްގައި ބައިވެރިވުމަކީ ހަވީރުގެ ވިޔަފާރި އަށް ގެއްލުންވެ، އެ ތަނުގެ ހިއްސާދާރުންގެ ހައްގު ގެއްލިގެންދާނެ ސަބަބެއް ކަމަށެވެ. އެހެންވެ މިދިޔަ ފެބްރުއަރީ މަހުގެ ތިން ވަނަ ދުވަހާ ހަމަ އަށް އެ ތަނުގައި މަސައްކަތްކުރި އެއްވެސް މުވައްޒަފަކު މިއަދުން ފެށިގެން ކުރި އަށް އޮތް ދެ އަހަރު ވަންދެން "ހަވީރު" ފިޔަވައި އެހެން މީޑިއާއެއްގައި މަސައްކަތް ނުކުރެވޭނެ ކަމަށް ކޯޓުގެ ހުކުމުގައިވެ އެވެ.
އެގޮތަށް މަސައްކަތް ކުރާ ނަމަ އެކަން ހުއްޓުވަން ހޯމް މިނިސްޓްރީ އާއި ބްރޯޑްކާސްޓިން ކޮމިޝަނަށް ވެސް ކޯޓުން ވަނީ އަމުރުކޮށްފި އެވެ.
މީގެ އިިތުރުން "ހަވީރު" ގެ މެޖޯރިޓީ ހިއްސާދާރުން ކަނޑައަޅާ ގޮތެއްގެ މަތިން ވިޔަފާރި ކުރި އަށް ގެންދިއުމަށާއި އެ ވިޔަފާރި އޮޑިޓްކޮށް، އެ ވިޔަފާރިން ރަޝީދު މޫސާ އާއި ފާރޫގާއި ނައީމަށް ލިބެންޖެހޭ ހައްގުތައް އެ މީހުންނަށް ދިނުމަށް ވެސް ކޯޓުން ވަނީ އަމުރު ކޮށްފަ އެވެ.
"ހަވީރު" ނޫހާއި އޮންލައިނާއި ހަވީރުގެ ވިޔަފާރީތައް މިހާރު އޮތީ ޒާހިރު ހުސައިންގެ ތިން ދަރިންގެ ނަމުގައި އޮތް ހަވީރު މީޑިއާ ގްރޫޕްގެ ނަމުގައި ކަމަށް ވިޔަސް، ރަޝީދު މޫސާ އާއި ފާރޫގާއި ނައީމް ކަނޑައަޅާ ގޮތެއްގެ މައްޗަށް އެ ވިޔަފާރި ބަދަލު ކޮށްދޭން ވެސް އެ ހުކުމުގައިވަނީ އަންގައިފަ އެވެ.
ރަޝީދު މޫސާ އާއި ފާރޫގާއި ނައީމް އުފެއްދި "ހަވީރު ނިއުސް އޭޖެންސީ" ގައި ޒާހިރު ހުސައިން ހިމެނިފައި ނުވިޔަސް، ހައި ކޯޓުން މިދިޔަ އަހަރު ނިންމާފައިވަނީ އެ އޭޖެންސީގައި ޒާހިރު ވެސް ހިމެނޭ ކަމަށާއި ޒާހިރުގެ މަސްއޫލުވެރިކަމުގެ ދަށުގައި ރަޖިސްޓްރީކޮށްފައި އޮތް ހަވީރަކީ، އެ އޭޖެންސީގެ މިލްކެއް ކަމަށެވެ.
"ހަވީރު" ހުއްޓާލި އިރު އެތަނުގައި މަސައްކަތްކުރި ގިނަ މުވައްޒަފުން ވަޒީފާ އަދާކުރަމުން ދަނީ "މިހާރު" ނޫހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހުމް
05 July 2016
ހަވީރުނޫހަކީ، ނިޒާމުގެ ތެރެއިން ގެއްލުވާލަފައިވާ ގިނަދުވަސްވީ ނޫހެއް!
ައެޑަމް
04 July 2016
ހަހަހަހަ ސަދޫމުކޯޓް ހަމަ މަހުލޫފުބުނާހެން
މުޙައްމަދު
04 July 2016
އަނިޔާވެރި ވެރިންނަށް/ޙާކިމުންނަނަށް ލަޢުނަތް ލައްވާށި!
ޖަމާލް
04 July 2016
ހަވީރު ނޫހުގެ ނޫސްވެރިން ހަވީރުސައި ބުއިން ހުއްދަބާ؟
އަންތަރީސް9
04 July 2016
ހަމަ ހިލާ ކިތަންމެ ވަރެއް ކުރިޔަސް އަހަރެމެން ކިޔުންތެރިންގެ ހިތުގައި މިހާރު ނޫހަށް މިހިރަ ލޯތްބާ އިތުބާރު ގެއްލުވާލާކަށް ލާހިކު ކުޅަދާނައެއްނޫން.
ހާލަތު
04 July 2016
މީހަކު އަޅައި އަޖައިބުވެ އަންތަރީހެއް ނުވާނެތަ؟ ކޮން ދުނިޔެއަކުން ފައިބައިގެން އުޅޭ ބައެއްބާ މިރާއްޖޭގެ ކޯޓް ތަކުގެ ފަޑިޔާރުންނަށް މި ތިބެނީ! ވަރަށް ބޮޑަށް ފެނޭ މެންޓަލީ އަދި ސައިކޮލިޖިކަލީ ޓެސްޓެއް ފަޑިޔާރުންގެ ހަދަން! ބުއްދި ސަލާމަތުން ހުރިތޯ ބަލާފައި ނޫނީ މި މީހުން އިންވާ ހުކުމެއް ތަންފީޒު ކުރާކަށް އެއްގޮތަކަށްވެސް ނުފެނެއެވެ.
ޝުއައިބު
04 July 2016
ދުނިޔޭގެ ކުރި އަރާފައިވާ ގައުމު ތަކުގައިވެސް މިކަހަލަ ހުކުމް ކުރޭ....ބޭރު ގައުމު ތަކުގައިވެސް އެއްކަހަލަ މަސައްކަތް ކުރާ ތަންތަނުގައި ވަޒީފާ އަދާކުރުން މަނާކުރެވޭ ގޮތަށް އެގްރިމެންޓްވެސް ހެދޭ...އެހެންވީމަ މިފަދަ ހާލަތެއްގައި އެކަހަލަ ހުކުމެއް ކުރެވިދާނެ....
ކަމަނަ
04 July 2016
ރާއްޖޭގެ ޝަރުޢީ ކޯޓުތަކުން ތާކުން ތާކު ނުޖެހޭ ހުކުމް ކުރެެއޭ ބުނާތީ އަޑު އިވޭ!! އެކަމަކު މިވަރުގެ ހެއްވާ ހުކުމެއް ކުށްފާނެ ކަމަށް ހީވެސް ނުކުރަން!!! ހީނ ހީނ ހަލާކު!!
ޙުކުމް
04 July 2016
މިއަދުން ފެށިގެން ހަވީރު ނޫހުގެ ކުރީގެ މުވައްޒަފުން 2 އަހަރު ވަންދެން ދުނިޔޭގައި އުޅުން މަނާ ކަމަށް ބުނެ އަންގާ ޙުކުމް ކުރީމެވެ!
ފާރޫގް ލާދިން
04 July 2016
ޙަވީރު ނޫހުސް މިހާރު ނުހިންގާތީ، އެމުވައްޒަފުންގެ އަނބިދަރިންގެ ކެއުމާއި ގޭގެ ކުލި ކަންތައް، ތި ހުކުމްކުރި ގާޒީގެ ވޮލެޓުން ހަމަޖައްސައިދޭންޖެހޭނެ......
ބުޅާ
04 July 2016
މުސާރަ ދޭންޖެހޭނެތާ ދޯ؟
ޑާހިމް
04 July 2016
ރައްޔިތުން މިކަހަލަ ހުކުމް ތަކުގެ ވާހަކަދައްކާތާ ވަރަށް ގިނަ ދުވަސްތަކެއްވެއްޖެ، މިރަމްޟާން މަހުގެފަހު15 އަށް އެޅުނުފަހުން މިސިލްސިލާ އިތުރުވި ކަމަށް ފާހަވޭ. މިގައުމުގެ ޝަރުއީ ދާއިރާގެ އެކިއެކި ކޯޓުތަކުންވަނީ ވަރަށް ގިނަ ބަޔަކު ކައިރިން ބަލަމުން ދިޔަ މައްސަލަތަކެއްގެ ހުކުމް އިންސާފުން އެއްކިބާވެ ތިބެ އިއްވާފަ..މިސާލަކަށް ނާޒިމް، ނަޝީދު، އަފްރާޝީމް، އަދި ޕީޕީއެމްއެމްޑީއޭޖޭޕީ ގެ ބޯގޯސް ސަރުކާރުގެ ބޮޑުހިޔާނާތުގެ މައްސަލައިގަ ހިގި ޝަރީއަތްތައް ދިޔައީ ގަބޫލު ކުރަން ދަތި ކޮށް. 5މިލިޔަން ޑޮލަރު ވަގައްނެގީމަ 8އަހަރު ޖަލު ހުކުމް އަންނަޔާ ކާކުތޯ ވައްކަން ކޮއްގެން އެވަރު ހޯދަން ބޭނުން ނުވާނީ..8އަހަރު މަސައްކަތް ކޮއްގެން ވެސް އެވަރު ހޯދޭނެ ގޮތެއްނެތް..× ނުސް މައްސަލަ އިސްތިއުނާފު ކުރިޔަސް ދެންއަންނަ ޙުކުމް ވެސްވާނީ ބޮޑު..އޭރަށް ހުކުމްގަ ބުނެފާނެ × މުވައްޒަފުން ކުރިޔަށްއޮތް 7އަހަރު ×ސައިބޮއެގެންވެސް ނުވާނެއޭ..