އޮޑިޓް އޮފީހަށް 50 މިލިއަން ރުފިޔާގެ ބަޖެޓެއް މަޖިލީހުން ފާސްކޮށްފި

ރައްޔިތުންގެ މަޖިލިހުގެ ޖަލްސާއެއްގައި މެމްބަރުންތަކެއް ބައިވެރިވެޑައިގަންނަވަނީ. - ފޮޓޯ: މަޖިލިސް

މުހައްމަދު ޔާމީން، މިހާރު

24 އޮކްޓޯބަރ 2017 - 10:15

އޮޑިޓާ ޖެނެރަލް އޮފީހަށް އަންނަ އަހަރުގެ ބަޖެޓަށް 50 މިލިއަނަށް ވުރެ ގިނަ ރުފިޔާ ދިނުމަށް ރައްޔިތުންގެ މަޖިލީހުން މިއަދު ފާސްކޮށްފި އެވެ.

މަޖިލީހުގެ ޖަލްސާގައި ހުށަހެޅި މާލިއްޔަތު ކޮމެޓީގެ ރިޕޯޓަށް ބަދަލު ނުގެނެސް، އޮޑިޓް އޮފީހުގެ ބަޖެޓް ފާސް ކުރީ 34 މެމްބަރުންގެ އިއްތިފާގުންނެވެ. މި ވޯޓުގައި އިދިކޮޅު އެއްވެސް މެމްބަރަކު ބައިވެރިވެވަޑައިގެންފައެއް ނުވެ އެވެ. ނަމަވެސް ކޮމެޓީ މަރުހަލާގައި އިދިކޮޅު މެމްބަރުން ވަނީ އެ ބަޖެޓަށް ތާއީދު ކުރައްވައިފަ އެވެ.

މަޖިލީހުގެ ރައީސް އަބްދުﷲ މަސީހުގެ ރިއާސަތުގައި ޖަލްސާތައް ކުރިއަށް ގެންދާތީ އިދިކޮޅު މެމްބަރުން މިއަދު ވެސް ގެންދެވީ މަޖިލީހުގެ ތަޅުމުގައި އަޑުގަދަ ކުރައްވަމުންނެވެ. އެކަމަކު، ވޯޓު ނެގި ގަޑީގައި އިދިކޮޅު އެއްވެސް މެމްބަރަކު ތަޅުމަކު ނެތެވެ.

އޮޑިޓަ ޖެނެރަލް އޮފީހުގެ ބަޖެޓް ކަނޑައެޅުމުގެ މަސައްކަތަކީ މާލިއްޔަތު ކޮމެޓީގެ ޒިންމާއެކެވެ. އަދި ކޮންމެ އަހަރަކު ވެސް އޮޑިޓް އޮފީހުން އެ އަހަރަކަށް ލަފާކޮށް ބަޖެޓް ހުށަހަޅަނީ އެ ކޮމެޓީއަށެވެ. އެގޮތުން އަންނަ އަހަރަށް ލަފާކޮށް، އޮޑިޓަ ޖެނަރަލްގެ އޮފީހުން ކޮމެޓީ އަށް ހުށަހެޅީ ވެސް 50 މިލިއަން ރުފިޔާ އެވެ.

މި އަހަރު އޮޑިޓް އޮފީހުގެ ބަޖެޓުގެ ގޮތުގައި މާލިއްޔަތު ކޮމެޓީން 2016 ގައި ކަނޑައަޅާފައި ވަނީ 45 މިލިއަން ރުފިޔާ އެވެ. އަދި ހަރަދުވާ މިންވަރަށް ބަލާފައި އިތުރު ދެ މިލިއަން ރުފިޔާ އޮޑިޓަ ޖެނެރަލްގެ އޮފީހަށް ލިބޭ ގޮތަށް މާލިއްޔަތު ކޮމެޓީން ވަނީ ނިންމައިފަ އެވެ.

އޮޑިޓް އޮފީސް އުފެދުނު ފަހުން މިހާތަނަށް 627 އޮޑިޓް ރިޕޯޓެއް ވަނީ ނިންމައިފަ އެވެ. އަދި މި އަހަރުގެ މިހާތަނަށް 78 އޮޑިޓް ރިޕޯޓު ވަނީ ނިންމައިފަ އެވެ.

Audit offeehah 50 million rufiya ge budget eh dheyn committee in ninmaifi

The most trusted news source in the Maldives

Mihaaru

ރައްޔިތުންގެ މަޖިލިސް މަޖިލީހުގެ މާލިއްޔަތު ކޮމިޓީ އޮޑިޓާ ޖެނެރަލް އޮފީސް އޮޑިޓާ ޖެނެރަލް އޮޑިޓް އޮފީހުގެ ބަޖެޓް

5 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަގާ

24 October 2017

50 މިލިއަން ދޭކަށް ނުޖެހޭނެ ތިޔަ އޮފީހެއް ހިންގާކަށް. ތިޔައީ ޕްރައިވެޓް އޮޑިޓް ފާމެއް ނުން ހިތު ހުރި ވަރެއް ނަގައިގެން އޮޑިޓް ކޮށްދޭން. ތިފައިސާ ހަރަދުކުރާގޮތް ރައްޔިތުން ބަލަން ބޭނުން ފުރަތަމަ މިއޮޑިޓް ހައްދަވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިޑިއާ

24 October 2017

ކިޔަވަން ރަށުން ބޭރުން އައިސް ތިބޭ ކުދިންނަކަށް ނެތްތަ ހަމަ އެއްވެސް އެއްޗެއް. ހާދަ ހާލެއްގައޭ ބައެއް ކުދިން ކިޔަވަން އުޅެނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަގީގަތް

24 October 2017

މިސަރުކާރު ރަސްމީ ދަތުރުގެ ނަމުގައި ރަށްރަށަށް ކެމްޕެއިނަށް ކުރާ ދަތުރަށް ކިހާވަރެއްބާ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

24 October 2017

އޮޑިޓް އޮފީހަށް 50 މިލިއަން ރުފިޔާ ދޭންޖެހޭ އެއްވެސް ސަބަބެއް ނުފެނޭ، އޮޑިޓުކޮށްގެން ދައުލަތުގެ ގެއްލުނު ފައިސާހޯދުމަށް އޮޑިޓަރުން ކުރި އެއްވެސް މަސައްކަތެއްނެއް، ކޮރަޕްޝަން އެންމެ ބޮޑަށް ހިންގާ އިމިގްރޭޝަނާއި، ޓޫރިޒަމް މިނިސްޓްރީއާއި، ފިނޭންސް މިނިސްޓްރީ އަދި ހައުސިންގް މިނިސްޓްރީގެ އޮޑިޓުން ދެއްކި ގެއްލުނު ފައިސާހޯދަންޖެހޭ އަދި ބިޑްނުކޮށް ޕްރޮޖެކްޓްދީގެން ގެއްލުނު އަދަދާއި، ކޮރަޕްޝަނަށް މަގު ފަހިވާގޮތަށް ހިންގުނު ޕްރޮޖެކްޓުން ގެއްލުނު ފައިސާގެ އަދަދުވެސް ހާމަކޮށް އެފައިސާވެސް ހޯދަންޖެހޭ، މިހާރު އޮޑިޓް ކޮމެޓީ މިއޮންނަނީ ނަމެއްގައި، ހަމައެކަނި ރިޕޯޓްހަދާ ކޮމެޓީއެއްގެ ގޮތުގައި، މިއީ އެއްގޮތަކަށްވެސް ރައްޔިތުން އެދޭގޮތެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެސަމްކެސޭ

24 October 2017

އުމަރާ ތިމާގެހުރި ތަންދޮރު ނުދަންނަކަން ހާމަކޮށްލީތަ؟ ބަލަ އޮޑިޓް އޮފީހަކީ ގެއްލޭ ފައިސާ ހޯދަން ދުވަން ހަދާފަ ހުރި އޮފީހެއް ނޫނޭ އެ މަސައްކަތް ކުރަން ވަކި މުއައްސަސާތަކެއް އުފައްދާފައިވޭ. އޮޑިޓް އޮފީހުން ބުނާނީ ގެއްލުނު އަދަދު. ގާމާރާ އޮޑިޓް ކުރުން މިއީ ކިހިނެތްކުރާ ކަމެއްކަން ނޭނގުނަސް އަނގަ ފުޅާކުރާތި