ޚަބަރު / ކުރީގެ މެމްބަރު އަހުމަދު ނިހާން

އިދިކޮޅު މެމްބަރުން ބަޖެޓު ބަހުސްގައި ބައިވެރިނުވުމުން ފާޑުކިޔައިފި

މެމްބަރުން. - ފޮޓޯ: މަޖިލިސް

މުހައްމަދު ޔާމީން، މިހާރު

25 އޮކްޓޯބަރ 2017 - 11:19

ރައްޔިތުންގެ މަޖިލީހަށް ސަރުކާރުން އިއްޔެ ހުށަހެޅި ސަޕްލިމެންޓްރީ ބަޖެޓުގެ ބަހުސް މަރުހަލާގައި އިދިކޮޅު މެމްބަރުން ބައިވެރި ނުވުމުން ސަރުކާރަށް ތާއީދު ކުރާ ގިނަ މެމްބަރުންތަކެއް މިއަދު ފާޑު ވިދާޅުވެއްޖެ އެވެ.

ފިނޭންސް މިނިސްޓަރު އަހުމަދު މުނައްވަރު ހުށަހެޅުއްވި 493 މިލިއަން ރުފިޔާގެ ސަޕްލިމެންޓްރީ ބަޖެޓަށް ބަހުސް ކުރަން ހުޅުވާލި ފުރުސަތުގައި، ވެރިކަން ކުރާ ޕީޕީއެމްގެ ޕާލަމެންޓްރީ ގްރޫޕްގެ ލީޑަރު އަދި ވިލިމާލެ ދާއިރާގެ މެމްބަރު އަހުމަދު ނިހާނު ވަނީ މަޖިލީހުގެ ޗެމްބަރު ތެރޭގައި އުސް ފާރެއް ހެދުމުން އެކަމަށް ތާއީދު ކުރައްވައިފަ އެވެ.

އިދިކޮޅު މެމްބަރުން މަޖިލީހުގެ ރިޔާސަތުގެ މޭޒު ކައިރިއަށް ވަޑައިގެން އިހްތިޖާޖް ކުރައްވައި، އިދާރީ މޭޒުގައި ތިއްބަވާ ބޭފުޅުންގެ "ގަޔަށް އަތްލާ" ހިސާބަށް ދާން ނުޖެހޭ ކަމަށް އޭނާ ވިދާޅުވި އެވެ. އަދި ކޮންމެ ދުވަހަކު މަޖިލިސް "އޮބި އަޅުވައި" ހުއްޓުވައިގެން "ތިމަންނާމެން ވަރުގެ ބައެއް ނެތް ކަމަށް" ބަލައި ކުރާ އިހްތިޖާޖްތައް ހުއްޓާލުމަށް އިދިކޮޅު މެމްބަރުންނަށް ނިހާން ގޮވާލެއްވި އެވެ.

މަޖިލީހުގެ އިއްޔެގެ ޖަލްސާގައި މެމްބަރުންތަކެއް ބައިވެރިވެވަޑައިގަންނަވަނީ. - ފޮޓޯ: މަޖިލިސް

"އިތުރު ބަޖެޓެއް ހަދައިގެން އެ ފަރާތްތަކަށް ބޭސް ކުރަން ޖެހިއްޖެއްޔާ، އިތުރު އަގު ވެސް ދައްކަން މަސައްކަތް ކުރާނެ ވާހަކަ ދަންނަވަން،" މަޖިލީހުގެ މެޖޯރިޓީ ލީޑަރުކަން ކުރައްވާ ނިހާނު ވިދާޅުވި އެވެ.

މަޖިލީހުގެ ނައިބު ރައީސް ހުޅުހެންވޭރު ދާއިރާގެ މެމްބަރު ރީކޯ މޫސާ މަނިކު ވިދާޅުވީ މަޖިލީހުގެ ޗެމްބަރު ހަލަބޮލިކަން އުޅެނީ ރާއްޖެ ތަރައްގީ އަށް ކުރަމުން އަންނައިރު، އެކިއެކި ދާއިރާތަކުން ބޭނުންވާ ކަންކަން ދާއިރާތަކުގެ މެމްބަރުން ވާހަކަ ދައްކަވާފާނެތީ ކަމަށެވެ.

މީގެ އިތުރުން ރާއްޖެއަށް އަންނަ ތަރައްގީގެ ވާހަކަ މަޖިލީހުގައި މެމްބަރުންނާ ވަޒީރުން ދައްކަވާނެ ކަން އެނގިވަޑައިގަންނަވާތީ އިދިކޮޅު މެމްބަރުން އެކަމަށް ހުރަސް އަޅަނީ ކަމަށް އޭނާ ވިދާޅުވި އެވެ.

"ވަޒީރުންނަށް ވާހަކަ ދެއްކިޔަ ނުދޭން ކުރާ ކަމެއް މިއީ. އެއްވެސް ސިޔާސީ މަސައްކަތެއް ނޫން މިއީ. ރައްޔިތުންގެ މަޖިލީހުގެ ރައީސްގެ ފަހަތުން ދުވެގެން ކޮބައިތޯ ބޭނުމަކީ؟" މޫސަ ވިދާޅުވި އެވެ.

މެމްބަރު އާރިފް ވާހަކަ ދައްކަވަނީ. - ފޮޓޯ: މަޖިލިސް

އޭނާ ވިދާޅުވި ގޮތުގައި އިދިކޮޅު މެމްބަރުން މަސައްކަތް ކުރަނީ ބާރުވެރި މުއައްސަސާއަށް ގެއްލުން ދިނުމަށެވެ. އަދި ބަޔަކު މީހުން ބަލިވިޔަސް، މިއީ "ބޮޑުވަރު" ކަމަށް މޫސަ ވިދާޅުވި އެވެ. މޫސަ ވިދާޅުވީ މިގޮތަށް ދިވެހިންނަށް ޑިމޮކްރަސީ ދަސްކޮށްދޭން ނުޖެހޭ ކަމަށެވެ. އަދި ޑިމޮކްރަސީއަކީ އަމިއްލަ ޖީބަށް "ބޮޑު ކުރަން" ކުރާ ކަމެއްތޯ ސުވާލު އުފެއްދެވި އެވެ.

މާފަންނު ދެކުނު ދާއިރާގެ ޕީޕީއެމް މެމްބަރު އަބްދުﷲ ރިފާއު ވިދާޅުވީ އިދިކޮޅު މެމްބަރުންނަށް ދެން އިހްތިޖާޖް ކުރުމުގެ ފުރުސަތު މަޖިލީހުގައި ނޯންނާނެ ކަމަށެވެ. އަދި އެކަން ހުއްޓުވީ މަޖިލީހުގެ ރައީސް އަބްދުﷲ މަސީހްގެ ހިކުމަތްތެރި ވިސްނުމުގެ ތެރެއިން ކަމަށް ވެސް ރިފާއު ވިދާޅުވި އެވެ.

"ދެން އިދާރީ މޭޒުގެ ކައިރިއަށް އައިސް އިއްޒަތްތެރި، ލޮބުވެތި މުވައްޒަފުންނާ ނުކުޅެވޭނެ،" ރިފާއު ވިދާޅުވި އެވެ.

ކެލާ ދާއިރާގެ މެމްބަރު އަދި ޕީޕީއެމްގެ ސްޕޯކްސްޕާސަން އަލީ އާރިފް ވިދާޅުވީ ސަޕްލިމެންޓްރީ ބަޖެޓުގެ މަސައްކަތް ކުރާއިރު، މަޖިލީހުގެ ދެބައިކުޅަ އެއްބައި މެމްބަރުން ނެތުމަކީ އެ މެމްބަރުންގެ އިހްލާސްތެރިކަން ރައްޔިތުންގެ މައްޗަށް ނެތް ކަން ހާމަވަގެންދާ ކަމެއް ކަމަށެވެ. އަދި އެމްޑީޕީ ސަރުކާރުން މަޖިލީހަށް ހުށަހެޅި ތިން ބަޖެޓަށް އޭރު އިދިކޮޅަށް ތިއްބެވި މެމްބަރުން ވޯޓު ދެއްވިކަން އޭނާ ފާހަގަކުރެއްވި އެވެ.

ސަޕްލިމެންޓްރޫ ބަޖެޓުގެ ބަހުސް މަޖިލީހުގައި މިއަދު ފަށާފައިވާއިރު، އިދިކޮޅު މެމްބަރުން ވަނީ އެ ބަހުސް ބޮއިކޮޓް ކޮށްފަ އެވެ.

ރައްޔިތުންގެ މަޖިލިސް އިދިކޮޅު ފަރާތްތައް މަޖިލީހުގެ މެމްބަރުން ދައުލަތުގެ ބަޖެޓް ކުރީގެ މެމްބަރު އަހުމަދު ނިހާން

17 ކޮމެންޓް, 37 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާމަ

06 November 2017

ކޮންމެ މެންބަރަކު ހެޑްސެޓް ޖަހާގެން މިކުރާކަމަކީ ރައްޔިތުންގެ ހައްގުގަ ލަވަޖަހަނީ ސަރުކާރު ދޯހަޅި މެންބަރުން މާދޯހަޅި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

26 October 2017

އާރިފޫ، އިޚްލާސްތެރިކަން އޮންނަނީ ވައްކޮށްތަ، އާރިފަށް ނޭގޭހެން ހީވާތީ ހަމަ އަހާލީ، ވ ސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

25 October 2017

ބަޖެޓް ވިއަސް އަދި އެހެން ކަމެއް ވިއަސް ޤާނޫނާއި އެއްގޮތައް ދާންޖެހޭނީ، ޤާނޫނުގައި އޮންނަ ގޮތުން ބަޖެޓް ބަހުސްގެ ކުރިން ނަގަންޖެހޭނީ މަސީހުގެ ނޯކޮންފިޑެންސް ވޯޓް، ނަގާފަ ހަމަ ވަގުތުން ބަޖެޓް ބަހުސް ފަށަންވީ، މިހާރު ތިޔަ ކުރާކަމަކުން މުސްތަގްބަލުގައި ރައްޔިތުންގެ މަޖިލިސް ހިންގަނާނީ ޤާނޫނުތަކަށް ނުބަލާ ސިފައުން ބޭނުންކޮށްގެން. މިއީ ރައްޔިތން ބޭނުންވާނެ ގޮތެއް ނޫން، އިދިކޮޅު މީހުންނާ ދިމާލަށް ކަނަކަން ރަގަޅު ކުރަން ނަސޭހަތް ދޭއިރު ނީހާން ވީ ފުރަތަމަ މަޖިލިސް ޤާނުނި ހަމާއިން ހިނގޭތީ އިދިކޮޅުފަރާތްތަކާއި އެކު މަސައްކަތް ކުރަން އެހެނީ މަސީހްގެ ވޯޓް ނަގަން. ވަކި ބަޔަަށް މެޖޯރިޓީ ލިބުނީމަ، ޤާނުނުބަދަލުކޮށް ސްޕްރީމް ކޯޓަށްގޮސް ގޮޑިތައް ގެއްލުވާލާ، ބަލަ ރައްޔިތުން މޮޔައެއް ނޫނީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގޫރޯޅި

25 October 2017

އައިންތު، މަމެން އިދިކޮޅުގަ ތިބިއިރު މެޖޯރިޓީއޮތަސް ނެތަސް ކޮންމެ އަހަރެއްގެ ބަޖަޓައްހުންނާނީ ވޯޓުދީފަ. ސަރުކާރުން ހުސައެޅި އެއްވެސް ބަޖަޓެއްގެ ޖުމްލައަދަދު ބަދަލުކޮއްފަކަނޯންނާނެ. ބަޖަޓުގެ ހުރިހާ ބަހުސެއްގަހުންނާނީ ބައިވެރިވެފަ. ދަންވަރު ގަޑީގަބޭއްވި ކޮމެޓީތަކައް ވެސްހުންނާ ހާޒިރުވެފަ. ބުނިވަރަކައް ބަޖެޓުދީފަ އެގޭފަހުން ހުންނާނީ ސަރުކާރުޒިންމާ ކުރުވަން މަސައްކަތްކޮއްފަ. އެހުރިހާކަމެއް ކޮއްފަ އޭގެފަހުން ވާޒީރުންހާޒިރުކޮއްގެން ސުވާލުކުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިންތު

25 October 2017

މަމެއް އިދިކޮޅުގައި ތިބިއިރު "ހިތުން ރުހުމުން" ސަރުކާރަށް އެއބާރު ލުން ދިން ކަމެއް ބުނެދީބަަލަ، މިއަދު "އިދިކޮޅުގައި" ތިބި މީހުން ހަމަ ތަމެން ކުރި ކަންތައް ކުރީމަ ކަމަކު ނުދިޔަ، ދެން ކީކޭދޯ ކިޔާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ރާބިޔާ

25 October 2017

‫އޭބަޖެޓަކީ ކޯންޗެއްކަން އިނގޭ ކިތައްމެންބަރުން އެބަތިބިބާ , ބެލެންސްއޮފް ޕޭމަންޓޭ ބުނީމައި ތިޔަތާތިބި ގިނަމީހުން ނިންމަނީ އެއީ މަގުމަތީ ޕޭމަންޓްކަމަށް ...އެހިސާބުން ދެންކުރާނެ ކޮންބަހުސް އެއްބައި އޮތީ!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ރާބިޔާ

25 October 2017

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޫމް

25 October 2017

"އަދި ކޮންމެ ދުވަހަކު މަޖިލިސް "އޮބި އަޅުވައި" ހުއްޓުވައިގެން "ތިމަންނާމެން ވަރުގެ ބައެއް ނެތް ކަމަށް" ބަލައި ކުރާ އިހްތިޖާޖްތައް ހުއްޓާލުމަށް އިދިކޮޅު މެމްބަރުންނަށް ނިހާން ގޮވާލެއްވި އެވެ." ކުޑަ ދުވަސްކޮޅެއް ކުރިން ނިހާނުމެން ރިޔާސަތަށް އަރައި ތިތަނުގެ ކޭބަލްތަކާ އެއްޗެހި ބުރިކޮށް ހެދި ހަނދާން އެބަހުރިތޯ؟ ރިޔާޒު ރަޝީދު ތިތާނގެ ފޯނާ މައިކުތައް ފުނޑާލާ ވީޑިއޯއެއް މިހާރުވެސް ސޯޝަލް މީޑިއާގައި އެބަ ދައުރުވޭ. ގުދޯ ގުދޯ ގޮވިޔަސް ބޮޑުވަރު. މަކުރިޔަސް ކަލޭ ނުކުރާށޭ އުތަ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ

25 October 2017

ތި އެމްޑީޕީ މެމްބަރުންނަކީ މިގައުމަށް ބޭނުންވާ ބައެއްނޫން!!! ފާއިތުވެދިޔަ 4 އަހަރުގެ ބަޖެޓަށްވެސް ވޯޓް ދިން ބައެއްނޫން!!! އެހެންވީމަ އެމީހުންނަކީ ހަމަ ޙަގީގަތުގައިވެސް ބޭކާރު ބައެއް!!!