ފްރާންސްގައި މިހާރު ކުރިއަށް ގެންދާ ޔުނެސްކޯގެ ބައްދަލުވުމުގައި ރާއްޖޭގެ އެޑިއުކޭޝަން މިނިސްޓަރު ޑރ. އާއިޝަތު ޝިހާމް ވާހަކަ ދައްކަވަނީ.
04 ނޮވެމްބަރ 2017 - 21:55
7 comments
ސާސްކަފުގެ ތަރައްގީގެ ލަނޑުދަނޑިތައް ނުވަތަ މިލޭނިއަމް ޑިވެލޮޕްމެންޓް ގޯލްސް (އެމްޑީޖީ) ހާސިލު ކުރަން ރަނގަޅު އަޒުމެއްގައި ރާއްޖެ އިން މަސައްކަތް ކުރާނެ ކަމަށް އެޑިއުކޭޝަން މިނިސްޓަރު ޑރ. އާއިޝަތު ޝިހާމް މިއަދު ވިދާޅުވެއްޖެ އެވެ.
ފްރާންސްގައި މިހާރު ކުރިއަށް ގެންދާ ޔުނެސްކޯގެ 39 ބައްދަލުވުމުގައި ވާހަކަ ދައްކަވަމުން އެޑިއުކޭޝަން މިނިސްޓަރު ވިދާޅުވީ ރާއްޖެ އޮތީ އެހެން ގައުމުތަކާއި އަދި ބައިނަލްއަގުވާމީ ޖަމާއަތްތަކާއެކު، ހާސިލްކޮށްފައިވާ އެމްޑީޖީގެ ހަ ލަނޑުދަނޑީގެ ކަންކަން ކުރިއަށް ގެންދިއުމަށް އަޅަން ޖެހުނު ކޮންމެ ފިޔަވަޅެއް ވެސް އަޅަން ތައްޔާރަށް ކަމަށެވެ.
"އިތުރަށް ހާސިލް ކުރަން ހުރި ލަނޑުދަނޑިތަކަށް ވެސް ވަރުގަދަ އަޒުމެއްގައި މަސައްކަތް ކުރަން ވެސް ތައްޔާރު،" ތައުލީމާ ބެހޭ ވަޒީރު ވިދާޅުވި އެވެ.
ސާސްކަފުގެ ތަރައްގީގެ ލަނޑުދަނޑިތަކުގައި ހިމެނެނީ ތައުލީމީ ދާއިރާ އާއި ދެ ޖިންސުގެ ހަމަހަމަ ކަމާއި ތުއްތުކުދިން މަރުވާ މިންވަރު މަދުކުރުމާއި ދަރިމައިވުމުގެ ސިއްހަތާއި އެޗްއައިވީ އެއިޑްސް އާއި މެލޭރިއާ ފަދަ ބަލިތަކާ ދެކޮޅަށް މަސައްކަތް ކުރުމާއި ތިމާވެށި ހިމާޔަތް ކުރުން އަދި ގައުމުތައް ގުޅިގެން މަސައްކަތް ކުރުމެވެ.
އެ ދާއިރާތަކުން ލަނޑުދަނޑިތަކެއް ކަނޑައަޅައި އެކަންކަން ހާސިލު ކުރުމަށް އދ. ގައި ހިމެނޭ ހުރިހާ ގައުމަކުން އެއްބަސްވެފައި ވަނީ 2000 ވަނަ އަހަރު އެވެ.
އާއިޝަތު ޝިހާމް ވިދާޅުވީ ރާއްޖޭގައި އުމުރުން 4-18 އަހަރާ ދެމެދުގެ ކުދިންނަށް ހިލޭ ތައުލީމް ހާސިލް ކުރުމުގެ ފުރުސަތު ފަހިކޮށްދީފައިވާއިރު، އޭގެ ނަތީޖާވެސް ރަނގަޅު ކަމަށެވެ.
އެގޮތުން ފާހަގަ ކުރެއްވި ކަންކަމުގެ ތެރޭގައި ރާއްޖޭގައި ލިޔަންކިޔަން ދަންނަ މީހުންގެ ނިސްބަތް 98 ޕަސެންޓްގައި ހުރުމާއި 90 ޕަސެންޓްގެ ކުދިން ޖީސީއީ އޯލެވެލް އާއި އެސްއެސްއީ އިމްތިހާން ހަދާފައިވުމެވެ.
ކުދިންގެ ހުނަރު އިތުރު ކުރުމަށް ތައުލީމީ މުގައްރަރުގައި މުހިންމު ބައިތަކެއް ހިމަނާފައިވާކަން ވެސް މިނިސްޓަރު ފާހަގަ ކުރެއްވި އެވެ. އޭގެ ތެރޭގައި މޮނީޓަރިން އަދި މެނޭޖުމަންޓް ސިސްޓަމާއި ޓީޗަރުންގެ ކިބައިގައި ވަކި ފެންވަރެއް ހުރުން ލާޒިމް ކުރުން ހިމެނެ އެވެ.
އިންސާނީ ހައްގުތައް ހިމާއަތް ކުރުމަށް އެންމެ ރަނގަޅު ގޮތަކީ މީހުން ބިނާކުރުން ކަމަށާއި ސަރުކާރުން އިސްކަން ދެނީ ޒުވާނުންނާއި އަންހެނުންގެ އިތުރުން ކުޑަކުދިން ބާރުވެރި ކުރުވމަށް ކަމަށް މިނިސްޓަރު ވިދާޅުވި އެވެ.
ޒުވާނުން ބިނާކުރުމަށް ސަރުކާރުން އިސްކަންދީގެން އެތައް ހަރަކާތެއް ހިންގަމުން އަންނަކަން ވެސް އޭނާ ފާހަގަ ކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސާސްކަފް
05 November 2017
ސާސްކަފްގެ ލަނޑުދަނޑި: 12 އަހަރުގެ ކިޔެވުމުގެ ބުރަ މަސައްކަތުން އެތައްހާސް ދަރިވަރުންގެ ތެރެއިން ފަސްމާއްދާއިން އޭލެވެލް އިން އޭ ހާޞިލުކުރުމުން އޮސްޓްރޭލިޔާ، ޔޫކޭ، ކެނެޑާ ފަދަ ތަރައްގީވެފައި ވާ ގައުމުތަކުން ދެމުން އައި ރައީސުލްޖުމްހޫރިއްޔާގެ ސްކޯލަރޝިޕް: ބޫޓާން، ސްރީލަންކާ، ނޭޕާލް، ޕާކިސްތާނު، އަފްޣާނިސްތާނު އަދި ބަގުލަދޭޝްއަށް ބަދަލުކުރުން.
މެންޓަލިސްޓް
05 November 2017
އަޅުގަނޑުގެ ވަރަށްބޮޑު އެދުމެށްއެބައޮތް ،،، ސާސްކަފްގެ ލަނޑުދަނޑި އާޢި ހިސާބަށް ވާސިލްވާއިރު ސުކޫލްތަކުގެ ކުދީންގެ ޑިސިޕްލިންއެބަޖެހޭ ރަގަޅުވާނެ ،،،، އެގޮތުން އަޅުގަނޑު އެދެނީ ގްރޭޑް 8 އިންފެށިގެން 3 އަހަރުވަންދެން ސިފައިންގެ ޙާއްސަބެލުމުގެ ދަށުން އެކުދީންނަށް ކޮންމެވެސް ވަރެއްގެ ޓްރެއިނިންގެއެއްދޭން ،،، މިކަމުގައި އަޅުގަނޑަށް ވަރަށް ޔަގީން ޗީޕްއޮފްޑިފެންސްފޯސް ޝިޔާމްގެ އެއްބާރުލުން ކަމަނާއަށް ލިބޭނެކަން ،،، އަދި ސަރުކާރުންވެސް އެއްބާރުލުން ދެއްވާނެ ،،، އޯގަނައިޒް ސިސްޓަމްއެއްގައި ކުދީންނަށް އުޅެން ދަސްކޮއްދޭންވީ ،،،، މިލިޓަރީރައި ހުރޭ ވަރަށްރަގަޅުކަންކަންވެސް ،،،، އޭގެން ރަގަޅުަބައި ދަސްކޮއްދޭންވީ ،،،، ވަރަށްވެދުން
އުމަރު
05 November 2017
ޑރ. އައިޝަތު ޝިހާމް ވިސްނައިގެން ނުވާނެ ރާއްޖެ އަދިވެސް އޮތީ ތަރައްޤީނުވާ ގައުމުތަކުގެ ލިސްޓުގައިކަމަށް، މީގެ 10 ވަރަކަށް އަހަރުކުރިން އެންމެ ކުޑަކޮށް ތަރައްޤީވަމުން އަންނަ ގައުމުތަކުގެ ލިސްޓުން ރާއްޖެވަނީ ގްރެޖުއޭޓްވެފައި، އެއީ ޔޫއެން އަދި ޔޫއެންގެ އެޖެންސީތަކުން ދިން އެހީތަކާއި ހިންގި ދިރާސާތަކަށް ބަލައި ރާއްޖޭގެ އެކި އެކި ދާއިރާތަށް ތަރައްގީކުރަން ހިންގުނު ކަންކަމުގެ މައްޗަށް ބަލައި، އެކަމަކު ސުވާލަކީ މީގެ 10 އަހަރުކުރިއާއި މިހާރާއި ހުރީ ކޮން ތަފާތެއްތޯ؟ ޖީސީއޯލަވަލް ހެދީމަ ނިމުނީތޯ؟ 21 ވަނަ ގަރުނުގައިވެސް ޖީސީއޯލަވަލް ހަދަހަދައިތޯ ދިވެހިންތިބޭނީ؟ ހެލްތު ސެކްޓަރު، ޓޫރިޒަމް ސެކްޓަރު، މަސްވެރިކަން، އުފެއްދުންތެރިކަން ކުރިއަރައިފިތޯ؟ ރަށެއް ކުއްޔަށް ދީފައި ބިމުގެ ކުލި ނެގުމަކީ އުފެއްދުންތެރިކަމެއްނޫން، ޖީސީ އޯލަވަލް ހަދައިގެން ވަޒީފާއަށް ނިކުތުމަކީ އުފެއްދުންތެރިކަމެއްނޫން، އުފެއްދުންތެރިކަން އިތުރެއް ނުކުރެވުނު، ކޮބައިތޯ ލަނޑުދަނޑިއަކީ؟
ބިއްލުރިއެއާޕޯޓު ޓަވަރުން
05 November 2017
ލަނޑުދަނޑި 5 އަހަރުވަނީ މަގޭވޯޓު ފޭރުނުފަހުން ރިސޯޓު ހިއްސާ ދޭނަމޭ ކިޔާފަ ލަނޑުދިންދަނޑި.
ފިނި ވައިރޯޅި
05 November 2017
ހީ ހީ ހަލާކު...
ޢައްލީ
05 November 2017
މަށަކީ މިސަރުކާރައް ތާއިދު ކުރާމީހެއް ނުން އެކަމަކބުނެލަން ބޭނުން އައިޝަތު ޝިހާމު އެޑިއުކޭޝަން މިނިސްޓްރީ ހިންގަނީ ވަރައް ރަގަޅައް ވަރައް މަސައްކަތް ކުރޭ ކަންތައްތައް ރަގަޅު ކުރަން މިސަރުކާރުގަ މިނޫނިއްޔާ ނެއް ކަމުދާ އެއްމެ މިނިސްޓްރީ އެއްވެސް ސަލާމް
ރރރރރރރރ
04 November 2017
އެލަނޑުދަނޑިއަކީ ވީހާވެސް ގިނަ ކުލީ އަޅުން މާލެ ޖަމާކުރުން. މަލޭ ސުކޫލްތައް ބުރިބުރިއަށް ނަގައި ކިލާހެއްގައި 30 ކުދިން ވިޔަސް. އެކަމުގެ އެންމެ ކުރީގަިއ ހުރި މީހާ މިއީ. އަހާބަލަ ކީއްވެތޯ؟ މާލޭ ކުލި ލިބޭ ބޭފުޅޫން އެތާ ގިނައީތޯ؟ މުއްސަނދިވެލަނެ މޮޅުގޮތެއް ދޮތަ؟