22 އަހަރަށް ފަހު ޕިރްލޯ ފުޓްބޯޅަ ކުޅުން ހުއްޓާލައިފި

06 ނޮވެމްބަރ 2017 - 22:03

ނިއު ޔޯކް ސިޓީ (ނޮވެމްބަރު 6) – ދުނިޔޭގައި އުފެދުނު އެންމެ އުފެއްދުންތެރި އެއް މިޑްފީލްޑަރު އިޓަލީގެ އަންދްރޭ ޕިރްލޯ 22 އަހަރަށް ފަހު ފުޓްބޯޅަ ކުޅުން ހުއްޓާލައިފި އެވެ.

އެމެރިކާގެ މޭޖާ ލީގުގެ ނިއު ޔޯކް ސިޓީ އެފްސީ އަށް އިއްޔެ ކުޅެދިން ފަހު މެޗަށް ފަހު ޕިރްލޯ ބުނީ ނިމުން އައީ ހަމައެކަނި ނިއު ޔޯކުގައި އޭނާ ކުރަމުން އައި ތަޖުރިބާއަށް ނޫން ކަމަށައި ފުޓްބޯޅަ ކުޅުންތެރިއެއްގެ ގޮތުގައި ކުރަމުން އައި ދަތުރަށް ވެސް ނިމުން އަތުވެއްޖެ ކަމަށެވެ.

އޭނާ އެ ޓީމަށް ކުޅެދިން ފަހު މެޗަކީ އެމްއެސްއެލް ކަޕުގެ ސެމީ ފައިނަލުގެ ދެ ވަނަ ލެގުގައި ކޮލަމްބަސް ކްރޫ އަތުން އަމިއްލަ ދަނޑުގައި 2-0 އިން ނިއު ޔޯކް މޮޅުވި މެޗެވެ. ބަދަލު ކުޅުންތެރިއެއްގެ ގޮތުގައި ޕިރްލޯ 90 ވަނަ މިނެޓުގައި އެރިއިރު، ދެ ލެގުގެ އެގްރިގޭޓުން 4-3 އިން ނާކާމިޔާބީއާ ކުރިމަތިވެ ނިއު ޔޯކަށް ވަނީ ސީޒަން ނިމިފަ އެވެ.

އުމުރުން 38 އަހަރުގެ ޕިރްލޯ އަކީ ގިނަ ބަޔަކު ގަބޫލުކުރާ ގޮތުގައި ދުނިޔޭގައި އުފެދުނު އެންމެ މޮޅު އެއް މިޑްފީލްޑަރެވެ. ޑިފެންސް ލައިނުގެ ކުރިމަތީގައި ހުރެ އެޓޭކް އުފައްދާ، ޑީޕް-ލައިން ޕްލޭމޭކާގެ ރޯލަކީ ޒަމާނީ ފުޓްބޯޅައިގައި އޭނާ އުފެއްދި މަގާމެއް ކަމަށް ގިނަ ބަޔަކު އެއްބަސްވެ އެވެ. މަޑުމައިތިރިކަމާ އެކު ހަމަޖެހިލައިގެން، ދިގު ޕާސްތައް ޖަހައިގެން އޭނާ އުފައްދާ ކުޅުމަށް ގިނަ ބަޔެއްގެ ތައުރީފް ވަނީ އޮހިފަ އެވެ. ޕިރްލޯ އަކީ ހިލޭ ޖެހުންތަކަށް ވެސް އެފަދަ ދެ ވަނައެއް ނެތް ކުޅުންތެރިއެކެވެ.

އިޓަލީގެ 21 އަހަރުން ދަށުގެ ޓީމާ އެކު 2000 ވަނަ އަހަރުގެ ޔޫރަޕިއަން ޗެމްޕިއަންޝިޕް ކާމިޔާބުކޮށް ގިނަ ބަޔެއްގެ ލޮލުގައި އަޅައިގަތް ޕިރްލޯ ވަނީ އިޓަލީން 2006 ވަނަ އަހަރުގެ ފީފާ ވޯލްޑް ކަޕް ކާމިޔަބުކުރިއިރު މޮޅު ކުޅުމެއް ދައްކައިފަ އެވެ. ފްރާންސް އަތުން ޕެނަލްޓީ ޖަހައިގެން އިޓަލީ މޮޅުވެ ތަށި ހޯދި ފައިނަލް މެޗުގެ މޮޅު ކުޅުންތެރިއާގެ މަގާމް ވެސް ހޯދި އެވެ. އޭގެ ފަހުން 2012 ވަނަ އަހަރުގެ ޔޫރޯގެ ފައިނަލަށް އިޓަލީ ދަތުރުކުރިއިރު ވެސް ތަފާތު ދެއްކި އެވެ. އިޓަލީ ގައުމީ ޓީމަށް 2002 އިން 2015 ވަނަ އަހަރުގެ ނިޔަލަށް ޕިރްލޯ ވަނީ 116 މެޗު ކުޅެދީފަ އެވެ.

ކްލަބް ކެރިއަރު 1995 ވަނަ އަހަރު ބްރެޝިއާ އިން ފެށި ޕިރްލޯ ވަނީ 1998 ވަނަ އަހަރު އިންޓަ އަށް ބަދަލުވެފަ އެވެ. އެ ކްލަބުގައި އެކަށީގެންވާ ފުރުސަތު ނުލިބުމުން 2001 ވަނަ އަހަރު ވާދަވެރި އޭސީ މިލާނަށް ބަދަލުވެ ކެރިއަރުގެ މިސްރާބު ބަދަލުކޮށްލި އެވެ. އެ ޓީމަށް 2011 ވަނަ އަހަރުގެ ނިޔަލަށް ކުޅެ 2003 އާއި 2007 ވަނަ އަހަރު ޗެމްޕިއަންސް ލީގު ކާމިޔާބުކުރި އެވެ. އަދި އިޓާލިއަން ލީގާއި ޔުއެފާ ސުޕަ ކަޕް ދެ ފަހަރު ކާމިޔާބުކޮށް އިޓާލިއަން ކަޕާއި ފީފާ ކްލަބް ވޯލްޑް ކަޕް އެއް ފަހަރު ކާމިޔާބުކުރި އެވެ.

އޭނާގެ ތަރި އޮއްސުނީ ކަމަށް ބެލެވިފައި ވަނިކޮށް 2011 ވަނަ އަހަރު ޔުވެންޓަސް އަށް ބަދަލުވެ އަނެއްކާ ވެސް ތަފާތު ދައްކަން ފެށި އެވެ. އޭނާ ވަނީ އެ ކްލަބާ އެކު އިޓާލިއަން ލީގު ހަތަރު ފަހަރު އަދި އިޓާލިއަން ކަޕް އެއް ފަހަރު ކާމިޔާބުކޮށް ޗެމްޕިއަންސް ލީގުގެ ފައިނަލުގައި ވެސް ވާދަކޮށްފަ އެވެ. އޭނާ ކެރިއަރުގެ ފަހު ކްލަބް ކަމަށްވާ ނިއު ޔޯކް ސިޓީ އަށް ބަދަލުވީ 2015 ވަނަ އަހަރު އެވެ.

ކެރިއަރުގެ ރަން ދުވަސްވަރު ބާސެލޯނާ އާއި ރެއާލް މެޑްރިޑް އަދި ޗެލްސީ އަށް ވެސް ބަދަލުވުމާ ގާތަށް ދިޔަ ޕިރްލޯ ވަނީ އޭނާގެ ކެރިއަރުގައި ކުޅުނު ހުރިހާ ކްލަބަކަށާއި އެކުގައި ކުޅުނު ހުރިހާ ކުޅުންތެރިންނަށް ޝުކުރުއަދާކޮށްފަ އެވެ.

އޭސީ މިލާން ޔުވެންޓަސް އަންދްރޭ ޕިރްލޯ އިޓަލީގެ ގައުމީ ޓީމް

19 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިއްސެ

08 November 2017

2006 ވޯލްޑް ކަޕް ސެމީ ފައިނަލް މެޗް - މަ ޕިރްލޯއަށް ސަޕޯޓްކުރަން ފެށި މެޗް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޓަލަންސް

07 November 2017

މަމީ ބާރސާގެ ފޭނެއް އެކަމަކު ފިރްލޯ ޔޫރަފުގަ ކުޅުނު އެންމެ ފަހު މެޗުކަމަށްވާ ޗެމްޕިއަންސް ލީގު ފައިނަލްގަ ބާރސާ އަތުން ޔުވެންޓަސް ބަލިވުމުން ޕިރްލީ ދެރަވެ ފެންކަޅި ވެފަ ހުރުމުން ވަރަށް އަސަރުކުރި ވަރަށް ދެރަވި.. ސަބަބަކީ އަހުލާގު ރަނގަޅު މޮޅު ކުޅުމުގެ ސަބަބުން ފިރްލޯއަށް ދެވިފަވާ ރެސްޕެކްޓް.. ކިތަންމެ ޕްރެޝަރ ބޮޑު މެޗެއް ގަވެސް ހަމަޖެހިލައިގެން ހާސްކަމެއް ނެތި ޕިރްލޯކުޅޭ ޓެކްޓިކަލް އަދި އެތިކަލް ގޭމަކީ އޭނާގެ އެންމެ ޔުނިކް ސިފަ.. ގޮނަ މިސްޔޫ މެސްޓްރޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައި

07 November 2017

މޮޅެތި މިޑްފީލްޑަރުން ދުނިޔެ ދެކެފި އެކަމަކު މިކަހަލަ ކުރިއޭޓިވް އަމިއްލަ ވަންތަ އުކުޅުތަކަކާ ގޭމެއް ކުޅޭ ކުޅުންތެރިން ހާއްސަކޮށް މިޑް ފީލްޑަތުންނަކީ ވަރަށް މަދުނއ ނޫނީ ނުފެންނަ ބައެއް.. ތެންކިއޫ ޕިރްލޯ ފޯ އެވްރީތިންގ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެންޑެލި

07 November 2017

ހަމަ އަސްލުވެސް ޕިރްލޯ އަކީ ފުޓުބޯޅައަަށް އިންގިލާބީ ބަދަލެއް ގެނުވި ކުޅުންތެރިއެއް. އޭނާ އަމިއްލަޔަށް ފުޓު ބޯޅައަށް އުފަންކުރުވި މަޤާމެއް ކަމަށްވާ (ޑީޕްލައިން މިޑްފީލް) ޑިފެންސް ލައިނުގެ ކުރިމަތީގައި ހުރެ އެޓޭކް އުފައްދާ، ޑިފެންސް ކުރިމަތިން މެދުތެރެއަށާ އަރިމައްޗަށް ދުވެ ކުރި އަރާ ލޯންގް އަދި ސަބްލިމަން ފާސް ޖައިގެން ކުޅޭ ޒަމާނީ ފުޓްބޯޅައިގައި އޭނާ އުފެއްދި މަގާމަކީ ފުޓުބޯޅައަށް ލިބުނު އިތުރު ފުރިހަމަކަމެއް. ޕިރްލޯ ކުޅޭމެޗެއް ބަލާއިރު ހީވަނީ މަޑުމައިތިރި ހިތްގައިމު މިއުޒިކެއްގެ އަޑު އިވޭހެން. އިޓަލީގެ ވާދަވެރި ހުރިހާ ޓީމަކަށް ކުޅުނުއިރުވެސް އެންމެންގެ ލޯތްބާ އިޚުތިރާމު ޕިރްލޯއަށް ލިބެނީ އޭނާގެ ރިވެތި އަހުލާގާއި މަޑުމައިތިރި މިޒާޖުގެ ސަބަބުން. ފުޓބޯޅަ ކުޅެގެން ލިބޭނެ ހުރިހާއެއްޗެއް ޕިރްލޯއަށްވަނީ ލިބިފަ. ގޯންނަ މިސް ދިސް ލެޖެންޑް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީ.އެފް.ސީ

07 November 2017

ރެސް ޕެކްޓް ޔޫ ދި ލެޖެންޑް މެސްޓްރޯ... ނަމޫނާ ކުޅުންތެރިއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެޖެންޑް

07 November 2017

ވަރަށް ރެސް ޕެކްޓް ކުރެވޭ ކުޅުންތެރިއެއް.. ހަމަ އެކަނި މޮޅު ހުނަރަކުން ނޫން ދަނޑުމަތީގައާ ދަނޑު ބޭރުގެ ސުލޫކާ އަޙްލާޤަށް ވެސް ބަލާފަ.. ޔޫރޯ 2012ގަ އިނގެރޭސިން ކޮޅަށް ޖެހި ޕެނަލްޓީއާ 2006ގެ ވޯލްޑްކަޕް ގްރޮއްސޯ ޖެހި ލަނޑަށް ނަގައިދިން ލޯންގް ބޯލް އެސިސްޓް އެންމެ ފާހަގަ ކުރެވެނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިފުޓްބޯލަރ

07 November 2017

ޓްރޫ ލެޖެންޑް..އަރަމުން އަންނަ ކުޅުންތެރިން ނަމޫނާއަކަށް ބަލަންޖެހޭ ރޯލް މޮޑެލްއެއް.. ފުޓު ބޯޅައަށް ފިރްލޯ ގެނެސްދިން ޑީޕް ލައިން މިޑް ފީލްޑަރގެ ރޯލްއަކީ މި ކުޅިވަރަށް މި ފަހުން ގެނައި އިންގިލާބީ ބަދަލެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުޒާމް

06 November 2017

މް ގޯންނަ މިސް ޔޫ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑިބޯ

06 November 2017

ކޮބާ ޒަވީ ކޮބާ އިނިއެސްޓާރ ކޮބާ ޒިދާން މި ކުޅުންތެރިންނަށްވުރެ ޕިރުލޯ އުފެއްދުންތެރިވީ ކޮންގޮތަކުންތޯ؟ ވ ބޮޑު އަޖާބެއް ތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޤުބަސް

07 November 2017

އެއީ ޒަމާނޯ ފުޓުބޯޅައަށް އޭނާ ތަޢާރަފުކޮށްދިން ޑީޕްލައިން މިޑް ފީލްޑަރގެ ރޯލްގެ ސަބަބުން.. ޑިފެންސިޗް މިޑަކަށް ހިރެ މުހިންމު ލަނޑުތައް ކާމިޔާބުކޮށްދީފަވާތީ.. ފްރީ ކިކްގެ މެސްޓްރޯއެއްކަމަށް ވާތީ..ރަނވަޅު މަޑުމައިތިރި އަޙްލާޤާވު އަދި ރޯލް މޮޑެލްއަކަށް އޭނާ ވީމަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑީޕްލައިންމިޑްފީލްޑަރ

07 November 2017

ބުރޯ ޒަވީ އިނިއެސްޓަރ ޒިދާނު ދަށެކޭ ނެތް މި އާޓިކަލްގަ ބުނެފައެއް... ޕިރްލޯ އުފެއްދުންތެރިވީ އޭނާ މިކުޅިވަރަށް ގެނެސްދިން ޑީޕް ލައިން މިޑް ފީލްޑަރ ކިޔާ ރޯލްގެ ސަބަބުން... އެއީ އޭނާގެ އަމިއްލަ އުފެއްދުމެއް.. ހަމަ ހޭގަ ހުރެ ވާނުވާ އެނގިގެން ބޭނިގަތުން ބުއްދިވެރި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިއަލްފުޓްބޯލަރ

07 November 2017

38 އަހަރުގަ ރިޓަޔަރ ކުރި އިރު އުމުރުން 36 އަހަރު އެންމެ މަތީ ލެވަލްގަ ހިފަހައްޓާލި ޔޫރަޕްގެ އެންމެ ބޮޑު ކުލަބު މުބާރާތުގެ ފައިނަލްގަ 90 މިނެޓް ފުލްކޮށް ވަރުބަލި ކަމެއް ނެތި ކުޅުނު.. ޒަވީމެން 33 އަހަރުގަ ގެއްލިއްޖެ އިނިއެސްޓަރ އަށް އަދި 33 އަހަރު މިވީ ކުރީގެ ފޯމުގަ ނުކުޅެވޭ.. އެއީ ތަފާތަކީ އުފެއްދުން ތެރިކަމަކީ އޭނާ އަމިއްލަޔަށް ފުޓު ބޯޅައަށް މަޤާމެއް އުފަން ކުރުވުން.. އެއީ ޑިފެންސް ކުރިމަތިން މެދުތެރެއަށާ އަރިމައްޗަށް ދުވެ ކުރި އަރާ ލޯންގް އަދި ސަބްލިމަން ފާސް ޖައިގެން ކުޅޭ ޑީޕްލައިން މިޑް ފީލްޑަރެއްގެ ރޯލް.. ދަން ދޮރު ބަލާފަ ކޮމެންޓް ކުރާނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯޅައެދުރު

07 November 2017

ބުނަން ބޯޅަ އެނގޭ މީހުން ބޯޅައަށް ކޮމެންޓް ކުރާނި... ދުނިޔޭގެ އެންމެ ލީގެއްގެ ދެތިން މެޗު ބެލިޔަކަސް އަދި ބޯޅައެއް ނޭނގޭނެ... މީހަކު އެއްޗެއް ލިޔެލާއިރަށް ލެޖެންޑުންނަށް އިހުތިރާމެއް ނެތި ހަސަދަ ބާލާ ވައްތަރަށް ވާހަކަ ނުދައްކާނެ ބޯޅަ ދަންނަ މި ކުޅިވަރަށް ލީބި ކުރާ މީހުންނެއް.. ޒަވީ ޒިދާން އިނި އެސްޓަރ ވެސް އެއީ މޮޅެތި ކުޅުންތެރިން.. މިތާނގަ މިދައްކަނީ ޕިރްލޯގެ ވާހަކަ ފުޓު ބޯޅައަށް މުހިންމު މަޤާމެއް އުފަންކުރުވި ލެޖެންޑެއް ރިޓަޔަރ ކުރި ވާހަކަ.. ދެން ކޮން ބޭކާރު ހާސަރެއް ދަމާކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޅުމީހާ

07 November 2017

މުޅި ދުނިޔެއިންވެސް ޕިރްލޯދެކެ ރުޅިއަންނަނީ ކަލޭ އޭނަ އަކީ މޮޅު އަދި އެއްމެންގެ ލޯބި ހޯދައިފާ ކުޅުންތެރިއެއް ޝުކުރިއްޔާ ޕިރްލޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވީލަވްޕިރްލޯ

07 November 2017

ކަޑިބޯ ބުނަން ޕިރްލޯ ފަދަ އަޙްލާޤު ރަނގަޅު ހުނަރުވެރި މޮޅު ލެޖެންޑަކަށް ކުޑައި މީސްވާ ގޮތަށް އެއްޗެއް ބުނެގެން ހަޤީޤީ ފުޓު ބޯޅަ ސަޕޯޓަރުންނަކަށް ހަޖަމެއް ނުވާނެ.. އެހެންވެ ކަލެއާ ދެކޮޅަށް ގިނަ ބަޔަކު ކޮމެންޓްކޮށްފަ އެހުރީ ބެސް..މަމެވެސް މީ މެންޔޫ ފޭނެއް އެކަމު ޕިރްލޯއަކީ މަ އެންމެ ރެސްޕެކްޓްކުރާ އަދި މަށަށް އެންމެ ކަމުދާ އެއް މިޑްފީލްޑަރ.. މި މެސްޓްރޯ ފުޓުބޯޅައަށް ކޮށްދިން ހިދުމަތާ އޭނާގެ ހުނަރާ ސްޓައިލް ދުވަހަކުވެސް ނުފޮހެވޭނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑިބޯ

07 November 2017

މަ ނުބުނަން ޕިރްލޯއަކީ ދަށް ކުޅުންތެރިއެކޭ.. މޮޅު ނޫނެކޭ.. މަވެސް ޤަބޫލުކުރަން އެއީ މޮޅު އަދި އަޙްލާޤު ރަނގަޅު ލެޖެންޑެއްކަމަށް..ޒަވީ ޒިދާން އިނިއެސްޓާވެސް ހަމަ އެފަދައޭ މަ ބުނެފަ އެއޮތީ.. ސަޕޯޓަރުނަށް މިސް އަންޑަސްޓޭންޑް ވީ.. އައލަވް ފިރްލޯ ޓޫ ހީ އިސްއަ މެސްޓްރޯ އަ ލެޖެންޑް