ސައޫދީ ރަސްގެފާން ސަލްމާން ބިން އަބްދުލްއަޒީޒްއާ، ރައީސް ޔާމީން ސަލާމްކުރައްވަނީ. --ފޮޓޯ/ރައީސް އޮފީސް
07 ނޮވެމްބަރ 2017 - 13:00
23 comments
ސަރަހައްދީ ހަމަޖެހުން ގާއިމްކުރަން ކުރާ މަސައްކަތްތަކުގައި ރާއްޖެ އިން ސައުދީ އަރަބިއްޔާ އެކު އަބަދުވެސް ސާބިތުކަންމަތީ ދެމިތިބޭނެ ކަމަށް ވިދާޅުވެ، އެ ގައުމުގެ ރަސްގެފާނު ސަލްމާން ބިން އަބްދުލްއަޒީޒަށް ރައީސް އަބްދުﷲ ޔާމީން މިއަދު މެސެޖެއް ފޮނުއްވައިފި އެވެ.
ސައޫދީ އަރަބިއްޔާގެ އާއްމު ރައްޔިތުންނާއި އިމާރާތްތަކަށް އަމާޒުކޮށް ޔަމަންގެ ހޫތީ ސިފައިން، އިއްޔެ ރިޔާޒަށް އަަމާޒުކުރި މިސައިލް ހަމަލާ ކުށްވެރިކުރައްވައި ރައީސް ޔާމީން ފޮނުއްވި މެސެޖުގައި ވިދާޅުވީ އެ ޚަބަރު އެއްސެވީ ކުއްލި ހައިރާންކަމާ އެކުގައި ކަމަށެވެ. އަދި ހޫތީ ހަނގުރާމަވެރިންގެ އެ އަމަލާއާ މެދު ނަފްރަތު ކުރައްވާ ކަމަށް ވެސް ރައީސް ޔާމީން ވިދާޅުވި އެވެ.
ސައުދީ އަރަބިޔާގެ ވެރިރަށް ރިޔާޒަށް ހަމަލާ ދޭން ޔަމަނުގެ ހޫތީން ފޮނުވާލި ބެލިސްޓިކް މިސައިލް، ސައުދީ ސިފައިން ވަނީ ނާކާމިޔާބުކޮށްލައިފަ އެވެ.
އެއީ، ޓެރަރިޒަމްގެ ފިނޑި އަމަލެއް ކަމަށާއި ދިވެހި ސަރުކާރާއި ރައްޔިތުންނާއި އެމަނިކުފާނުގެ އަމިއްލަ ނަންފުޅުގައި އެންމެ ހަރުކަށި އިބާރާތުން އެކަން ކުށްވެރިކުރައްވާ ކަމަށް ވެސް ރައީސްގެ މެސެޖުގައި ވިދާޅުވި އެވެ.
ރައީސް ޔާމީން ވިދާޅުވި ގޮތުގައި ދުނިޔެއަށް ކުރިމަތިވެފައިވާ ޓެރަރިޒަމްގެ ނުރައްކަލާ ދެކޮޅަށް ކުރަމުންދާ މަސައްކަތުގައި ރާއްޖެއިން އަބަދުވެސް ސާބިތުކަންމަތީ ދެމިތިބޭނެ އެވެ. އަދި ސައުދީ އަރަބިއްޔާ އާއި ބައިނަލްއަގުވާމީ ދުނިޔެއާ އެކު ރާއްޖެއިން ކެނޑިނޭޅި މަސައްކަތް ކުރަމުން ގެންދާނެ ކަމަށް ވެސް ރައީސް ޔާމީން ވިދާޅުވި އެވެ.
ހޫތީން ވަނީ މިދިޔަ މެއި މަހު ވެސް ރިޔާޒަށް މިސައިލް ހަމަލާއެއް ފޮނުވާލައިފަ އެވެ. އެ ފަހަރު ހަމަލާދިނީ އެމެރިކާގެ ރައީސް ޑޮނަލްޑް ޓްރަމްޕް ސައުދީ އަށް ވަޑައިގަތުމަށް އެއް ދުވަހަށް ވެފައި ވަނިކޮށެވެ. އެ މިސައިލް ވައްޓާލީ ރިޔާޒާ 200 ކިލޯ މީޓަރު ދުރުންނެވެ.
ޔަމަނުގެ ހޫތީން ކުރިން ފޮނުވާލި މިސައިލްތައް ވެސް ސައުދީ ސިފައިން ވަނީ ވައްޓާލައިފަ އެވެ. ހޫތީންގެ އެއްވެސް މިސައިލެއް ސައުދީގައި މީހުން ދިރިއުޅޭ ހިސާބަކަށް އަރައިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުމަރު
07 November 2017
ސައުދީއާއި އެކުގައުތިބި ހުރިހައި މުސްލިގް ގައުމެއް ހަލާކުގެ ތެރެއަށް އެމެރިކާ އަޑީގައި އޮވެގެން ވައްޓާލާނެ، ސޫރިއާ ކޮބާ؟ އީރާގު ކޮބާ؟ ޔަމަނު ކޮބާ؟ ލީބިޔާ ކޮބާ؟ އިޖިޕް މިހާރު އޮތީ ކޮން ހާލަތެއްގައި، ސައުދީގެ ވެރިކަމާއި ހަވާލުވެގެން ހުންނެވި ދުނިޔޭގެ ސިޔާސަތު އަދި ނެއެނގި ހުރި މީހަކު އެތަނުގެ ވެރިކަމާއި ހަވާލުވެ އެމީހުން ވެއްޓިގެން ދާ ވަޅުގަނޑަށް ހުރިހައި މުސްލިމް ގައުމުތަށް ވައްޓަމުން އެގެންދަނީ، ދެން ސައުދީގެ އެދުމަށް އީރާނާދެކޮޅަށް ދުނިޔެ ތެދުވާނީ، އެކަމަކު ފުނޑީގެންދާނީ ސައުދީ
އަލީ_
07 November 2017
ތިޔަ ވީގޮތުން ދެން ސައުދީން ކަންބޮޑުވާންޖެހޭ އެއްވެސް ކަމެއް ނޯންނާނެ.
ޢަތްޖަހާ އަލީ
07 November 2017
ޜަގަޅު. ސާބިތުކަންމަތީ ތިބޭތި. ސައުދީންވެސް ކޮޕީކުރާނީ ރާއްޖެ ދޯ.
ރޭޒަރު
07 November 2017
މިއަދު އަނެއްކާވެސް ފާޑެއްގެ ހާދިސާއެއްގަ ޕުރިންސަކު މަރުވެގެން އެބައުޅެޔޯ. 48 ގަޑިއިރުތެރޭ 2 ވަނަ ޕުރިންސު.
ރޯނުއެދުރު
07 November 2017
މުޅިގައުމުގަ ހުސް ޕްރިންސ ，ދެން މަރުވާނީވެސް ހުސް ޕްރިންސް އެއްނު.
ހަބީބު
07 November 2017
އަރަބިންނައް ބަދުބަސް ބުނުމަކީ ގޯހެއް ގަމާރުންނައް ހެޔޮވިސްނުން ދެއްވާށި ޔާމިނޫ ކުޅުދުއްފުށި އެއާޕޯޓު ތަރައްގީ ކޮއްދިނުމައް ސައޫދީގެ އެހީލިބޭތޯ ބައްލަވައިދެއްވާ 2018 ގަ މަވެސް ރަށައްބަދަލުވާން މިއުޅެނީ ކަނޑުމަގުން ދަތުރުކުރުމަކީ ތަކުލީފަކައްވެގެން މާލޭގަ މިއުޅެނީ ރިސޯޓުގަ އުޅެމުންވެސް މިހާރު އަނބިމީހާޔައް ސަޕްރައިޒް ފަސޭހަކަމާއެކު ދެވޭނެ ހަފްތާ ބަންދައްވެސް ޖައްސާލެވޭނެ ބުރާސްފަތި ދުވަހު ގޮސްފަ ހޮނިހިރު ދުވަހު ހަވީރު ފުލައިޓަކުން އާދެވޭނެ އަދި ރޯއްދަވީއްލަން ގޮސް ހާރު ކައިގެންވެސް އާދެވޭނެދޯ މިހާތަނައް ވެރިޔަކު ކުޅުދުއްފުއްޓައް ހަދިޔާކުރި އެންމެއަގުބޮޑު ހަދިޔާމީ ނަސީދުވެސް ކުރަންވީ ކަމަކީ ރާއްޖެ ބަސުނާމު ނުކޮއްވައުދު ވެފަ ވައުދު ފުއްދަންވީ ނޮޅިވަރަމާ ކުޅުދުއްފުއްޓާ ދެމެދު ބުރިޖުއަޅަންބުނަންވީ ރައްޔިތުން ގޮތްނިންމާނީ އޭރުން ވެރިކަމައް އަރާފަ އިސްތިޔުފާ ދިނުމަކުން ނުވާނެ
ލައްކަވާހަކަ
08 November 2017
ކޮންމެ އަރައްބަކީ މުސްލިމެއްނޫން. އަދި ކޮންމެ މުސްލިމަކަީ އަރައްބެއް ނޫން.
އަހުމަދުކެން
07 November 2017
ސައޫދީން ނޫޅޭ ތިހެން ފޮނުވާ މެސެޖަކައް ރުހިގެން 100މިލިޔަން ޑޮލަރު ދޭކައް ! އެމީހުން ހެދި އިސްލާމިކް ކޯލިޝަންގަ ބައިވެރިވެ ހަގުރާމަައައް ފޮނުވަން އެދެނީ...އެދުމެއްނެތި ވެދުމެއް ނުކުރާނެ
ތެއާސާ.
07 November 2017
ތިފާޑާށް ވައިޖަހައިގެން އުޅުނަސް ބައިމުކޮސްވެސް ނުލިބޭދޯ މިހާރު?
ހޫތީ
07 November 2017
ހޫތީންގެ މިސައިލްގެ ޓައިމިންގްވެސް ހާދަ ސަޅިއޭ ދޯ. ހުރިހާ އެންމެން ހައްޔަރުކުރި ދުވަހު ހަމަ. އަނެއްކާ ހައްޔަރުނުކޮށް އެތައް ބަޔަކު ހެލިކޮޕްޓާ "ކްރޭޝް" އެއްގަވެސް މަރުވީ. ދެން މިއީ ހުސް އިއްތިފާގުތައް.
ހަސަނު
07 November 2017
ސައުދީން ޔަމަނުގެ ކުށެއް ނެތް އާންމު ރައްޔިތުންގެ ބޮލަށް ބޮން އަޅާ މައްސަލަ އަހަރުމެން ރައްޔިތުން ވަރަށް ބޮޑަށް ކުށްވެރި ކުރަން.. އަދި ރައްޔިތުންގެ ނަމުގާ ޔާމީނު ވާހަކަ ދައްކާތީ އެކަންވެސް ކޫށްވެރިކުރަން.. ޔާމީނަށް މިހާރު ރައްޔިތުންގެ ތާއީދެއް ނެތް.. އެހެންވީމާ ރައްޔިތުންގެ ނަމުގާ ބަސްބުނުމުގެ ހުއްޖަތެއް ވެސް ނޯންނާނެ...
ޚޫތީން
07 November 2017
ބަލަ ޚޫތީންގެ ކުޑަކުދިންނާއި އަންހެނުންނާއި ކުށެއްނެތް ރައްޔިތުންގެ ބޮލަށް ސައޫދީން ބޮމުގެ ވާރޭ ވެއްސުމަކީ ޓެރަރިޒަމެއްނޫންތަ؟ މިހާރު ސަޢޫދީގެ ރަސްކަން ފެންނަނީ ވަރަށް އަނިޔާވެރި މުސްލިމުންނަށް ވުރެ ޔަހޫދީންނާ ގާތްގުޅުން ބާއްވާ ރަސްކަމެއްގެ ގޮތުގައި.