ޕީއެސްއެމް ކަނެޓް ޓޫރިޒަމް މިނިސްޓަރު ޒަމީރު މިއަދު ރަސްމީކޮށް ތައާރަފްކޮށްދެއްވަނީ. ފޮޓޯ: ޕީއެސްއެމް
12 ޑިސެމްބަރ 2017 - 17:09
12 comments
ޕަބްލިކް ސަރވިސް މީޑިއާ (ޕީއެސްއެމް)އިން "ޕީއެސްއެމް ކަނެކްޓް"ގެ ނަމުގައި ކޭބަލް ޓީވީގެ ހިދުމަތް މިއަދު ތައާރަފްކޮށްފި އެވެ. ރާއްޖެއާއި ރާއްޖެއިން ބޭރުގެ މަޝްހޫރު ޗެނަލްތައް ހިމެނޭ "ޕީއެސްއެމް ކަނެކްޓް"ގެ ހިދުމަތް ތައާރަފްކޮށްދެއްވީ ޓޫރިޒަމް މިނިސްޓަރު މޫސާ ޒަމީރެވެ.
"މިހާރު"އާ ވާހަކަދައްކަވަމުން ޕީއެސްއެމްގެ މެނޭޖިން ޑިރެކްޓަރު އިބްރާހިމް ހަލީލް ވިދާޅުވީ ކޭބަލް ޓީވީ ހިދުމަތް ދިނުމުގެ ފުރަތަމަ ފިޔަވަހީގެ ދަށުން ދިނީ އިންޓަނެޓް މެދުވެރިކޮށް ވައިފައި ޓީވީތަކަށާއި ޓެބްލެޓް އަދި ސްމާޓް ފޯނުތަކަށް ކަމަށެވެ. އޭގެ އިތުރުން އުރީދޫ އާއި އާރުއޯއެލްގެ ބްރޯޑްބޭންޑް އިންޓަނެޓް ބޭނުންކުރާ ފަރާތްތަކަށް ވެސް ޕީއެސްއެމް ކަނެޓް ލިބޭނެ ކަމަށް ވެސް އޭނާ ވިދާޅުވި އެވެ.
"ފުރަތަމަ ފިޔަވަހި މި ލޯންޗްކުރީ ޓެބްލެޓްތަކަށާއި ފޯނުތަކަށާއި އުރީދޫގެ ބްރޯޑްބޭންޑް ނަގާފައިވާ ޕެކެޖްތައް ނަގާފައިވާ ފަރާތްތަކަށް. އަދި އާރުއޯއެލްގެ ކަސްޓަމަރުންނަށް އެއް އަހަރުވަންދެން ހިލޭ ދޭން އެ ކުންފުނިން ވަނީ ނިންމާފައި،" ހަލީލް ވިދާޅުވި އެވެ.
އޭނާ ވިދާޅުވީ ވިޔަފާރި އުސޫލުން އެ ހިދުމަތް ދޭން ފެށޭނީ އަންނަ އަހަރުގެ ކުރީކޮޅު ކަމަށެވެ. އަދި ކޮމާޝަލް ސާވިސްއެއް ގޮތުގައި ފެށެންދެން ހިލޭ އެ ހިދުމަތް ލިބޭނެ ކަމަށް ވެސް މެނޭޖިން ޑިރެކްޓަރު ވިދާޅުވި އެވެ.
"މިވަގުތު އަޅުގަނޑުމެން މި ހިދުމަތް އާއްމުކޮށް ހުޅުވާލީ އެއްފަހަރާ ގިނަ މީހުން ބޭނުންކުރީމަ ދިމާވާ މައްސަލަތައް ދެނެގަތުމަށް. އަދި ކަސްޓަމަރުންނަށް ވެސް އެ ޗެނަލްތައް ތަޖުރިބާކޮށްލުމުގެ ފުރުސަތު ދޭން،" ހަލީލް ވިދާޅުވި އެވެ.
އޭނާ ވިދާޅުވީ ޕީއެސްއެމް ކަނެޓް ތައާރަފްކުރިއިރު އާއްމު ބާލަހިތްވާ ކަހަލަ 60 ޗެނަލް ހިމެނޭނެ ކަމަށެވެ. އަދި އެ ހިދުމަތް އާއްމުކޮށް ހުޅުވާލިއިރު 2،000 އަށް ވުރެ ގިނަ މީހުން ބޭނުންކުރަމުން އަންނަ ކަމަށް ވެސް ހަލީލް ވިދާޅުވި އެވެ.
"މި ހިދުމަތް ވިޔަފާރި އުސޫލުން ދޭން ފަށާއިރު ކޭބަލް މެދުވެރިކޮށް ބަލަން ބޮކްސްއެއް ބޭނުންކުރަން ޖެހޭނެ. އޭރުން ދިވެހިން ބަލާހިތްވާ ހުރިހާ ޗެނަލެއް ހުންނާނެ. އަޅުގަނޑުމެން އެއްވެސް ބަޔަކާ ވާދައެއް ނުކުރާނެ. ބޭނުންވަނީ ފެންވަރު ރަނގަޅު ގިނަ ޗެނަލްތަކެއް ކަސްޓަމަރުންނަށް ދޭން،" އޭނާ ވިދާޅުވި އެވެ.
އެ ކުންފުނިން ބުނީ "ޕީއެސްއެމް ކަނެކްޓް"ގެ ހިދުމަތަކީ ސްމާޓް ޑިވަސްތައް މެދުވެރިކޮށް މުޅި ރާއްޖެއަށް އެއްފަހަރާ ދެވުނު މިފަދަ ފުރަތަމަ ހިދުމަތް ކަމަށެވެ. އަދި އެ ހިދުމަތުގައި މަޝްހޫރު ޓީވީ ޗެނަލްތަކުގެ އިތުރުން ވީޑިއޯ އޮން ޑިމާންޑްގެ ހިދުމަތް ވެސް ހިމެނިފައިވާ ކަމަށް ޕީއެސްއެމް އިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓާޓާ މީޑިއާނެޓް
13 December 2017
ވަރަށް ވެސް އުފާވެރި ޚަބަރެކެވެ. މި މީޑިއާ ނެޓް ގަނޑު ދެން ބޭނުމެއް ނުކުރާނަމެވެ. ތިކަމަށް އިންތިޒާރު ކުރާތާ ލައްކަ ދުވަސް ވެއްޖެއެވެ.
ނއމ
13 December 2017
ދިރާގުންވެސް ތިކަހަލަ ސަކަރާތެއް ޖަހާ. ނަމެއްގަ ކުރަނީ. އަހަންނަކީވެސް ތި ދިރާގު ޓީވީ ނެގި އެކަކު. ރަނގަޅު ޗެނަލްގަނޑެއް ނުލިބޭ. ސްޕޯޓްސް ޗެނަލްވެސް ކަމުދާ އެއްޗެތް ނެތް. ހިލޭ ޑީކޯޑަރު ދިނަކަސް ނުވާނެ. މިހާރު އެކި ކަހަލަ ޑިވައިސް ތައް ހުރޭ އިންޓަނެޓް ބޭނުންކޮއްގެން 200 ވަރަކަށް ޗެނަލް ބަލާލެވޭ. ކޮއްމެ ގެއެއްގަވެސް އަންލިމިޓެޑް އިންޓަނެޓް މިހާރު ހުރޭ. ތިކަހަލަ ތާކުން ތާކު ނުޖެހޭ އެއްޗެހި ރައްޔިތުންގެ ބޮލުގަ އަޅުވަން ޕީއެސް އެމުން ވެސް ތިއުޅެނީ. ބަޔަކު ކުރާތީ ކުރަންވީ. ތިހެންވީމަ ކިޔެނީ ރޯނު އެދުރުންނޭ. އިނގިރޭސިން ބުނަންޔާ " ޖެކް އޮފް އޯލް، މާސްޓާރ އޮފް ނަން " އެއްކަން ރަނގަޅަށް ކޮއްފަ ދެން އެހެން ކަންކަމާ އުޅެންވީ.
އަބުއްލާ
12 December 2017
މަ ހޯހޯ. ޕީއެސް އެމްއިން ދައްކާ އެއްވެސް އެއްޗެއް ބަލަން ހެޔޮނުވާނެ. ތީ ހުރިގޮތަށް ހުރި ޕްރޮޕެގެންޑާ މެޝިނެއް.
ލިން
12 December 2017
ފޯނުން ތިޔަ ބަލަން ކިހިނެކޯ ހަދަން މިޖެހެނީ؟
ރަދީފް
13 December 2017
ގޫގުލް ނުވަތަ އެޕް ސްޓޯރ އިން ''ޕީއެސްއެމް ކަނެކްޓް'' ކިޔާ އެޕް ޑައުންލޯޑްކުރޭ.ކޮށްފަ ''ލިން'' ނުވަތަ ކޮންމެވެސް ނަމެއްގަ އެކައުންޓެއް ރެޖިސްޓަރ ކުރޭ ، މިކަމަށް އީމެއިލް އައިޑިއެއް އަދި ފޯން ނަމްބަރެއް ބޭނުންވާނެ.އެހިސާބުން ލޮގްއިން ވެފަ އިންނާނީ.ދެން ހަމަ ޗެނަލްތައް ބަލަަންވީ ވައިފައި ނުވަތަ ޑޭޓާ ޕެކޭޖެއް ފޯނުގަ ހުރިނަމަ. މިހާވަރުން ސުވާލުގެ ޖަވާބު ލިބުނުކަމަށް އުއްމީދުކުރަން.ވ.ވެދުން
ހުސޭނުބެ
12 December 2017
މީޑިއާ ނެޓަށްވުރެން ހުރިހާ ގޮތަކުން އަގުހެޔޮވާނެކަމަށް އުންމީދުކުރަން!! މީޑިޔާ ނެޓުން ލައްކަދުވަސްވެއްޖެ ވަރަށް ބޮޑު ޢަދަދަކުން ފައިސާ ނަގަމުން ގެންދާތާ!! ދިރާގު ޓީވީވެސް ރަގަނޅުކަމަށްވަނީ 300 ރުފިޔާއަށް 80 ވަރަކަށް ޗެނަލްލިބޭކަމަށް ވަނީ!! ދެން އެއަށް ސްޕޯޓްސް ޗެނަލްތައް އިތުރުކޮށްލީމަ ދެން އެނިމުނީ!! ރާއްޖޭގެ ޗެނަލްތަކާ އެކު 300 ރުފިޔާއަށް ސްޕޯޓްސް ޗެނަލްތައްވެސް ހިމެނޭގޮތަށް 250 ވަރަކަށް ޗެނަލް ލިބޭނަމަ އޯކޭ!! ޕީއެސްއެމް އިންވެސް ރަގަނޅުކުރާނެކަމަށް އުންމީދު ކުރަން!!
ރަދީފް
12 December 2017
''އޭނާ ވިދާޅުވީ ޕީއެސްއެމް ކަނެޓް ތައާރަފްކުރިއިރު އާއްމު ބާލަހިތްވާ ކަހަލަ 60 ޗެނަލް ހިމެނޭނެ ކަމަށެވެ. '' އެބުނާ 60 ޗެނަލްއެއް ނުފެނޭ މަށަކަށް.40 ވަރަކަށް ޗެނަލް ފެންނަނީ. އަލްޖަޒީރާ ވެސް އިނީ ކިޑްސް ކެޓަގަރީގަ. ވ.ވެދުން
ރަދީފް
12 December 2017
މިހާރު ހުރި ގިނަ ޗެނަލްތައް ކަމަކުނުދޭ.ނިކަން ސްކައިގެ ޗެނަލްތައް އެޑްކޮއްލަބަލަ.ނަމަވެސް ހަމަ ވަރަށް ރަނގަޅު މަސައްކަތެކޭ ބުނެލެވެން އޮތީ.މިއަށްވުރެ މާގިނަ ޗެނަލްތައް ބަލާލެވޭނެ ''މޮބްޑްރޯ'' އެޕްއިން. ވ.ވ.ެދުން
ހުސްނުހީނާ
12 December 2017
"ސްމާޓް ޑިވަސްތައް މެދުވެރިކޮށް މުޅި ރާއްޖެއަށް އެއްފަހަރާ ދެވުނު މިފަދަ ފުރަތަމަ ހިދުމަތް ކަމަށެވެ." މިއީ ރަނގަޅުވާހަކައެއްނޫން ދޯ؟ ދިރާގުން ތިޙިދުމަތް ދޭތާ މިހާރު ދުވަސްކޮޅެއްވެއްޖެ ދޯ.
ސުނީތާ
12 December 2017
ޢެޔޮތީނު ބުންޏޭ ބުންޏޭ. ދެން އޯކޭނު.
ނަން ޖަބީރުގެ ފުތާ އިން ކަތްދަ
12 December 2017
މީޑިއާނެޓްގެ އޯޕަން މައި ޓީވީ ކޮބާ... މުޅިން ހިލޭ ލިބެނީވެސް..
އަންބާ
12 December 2017
ކޮންމެ ބަޔަކު ވަކިން އެތިކޮޅުކޮޅު ނަގައިގެން އާންމުންނަށް ބޮޑު އަގުގަ ވިއްކަމާ. ކުރީގަ ޑިޝް ބަހައްޓައިގެން ލިބޭ 80 ޗެނަލް މިހާރު ލިބެނީ މިޔާ، ދިރާގުގެ އެއްޗާ، އައި.ފްލިކްސް އާ، ނެޓް ފްލިކްސް އެއްކޮށްގެން.