ރާއްޖޭގެ މަރުކަޒީ ބޭންކުގެ މައި އިމާރާތް: ބޭންކުތަކުގެ ފައިދާ އިތުރުވަމުން އަންނަ ކަމަށް އެމްއެމްއޭ އިން ބުނޭ
20 ޑިސެމްބަރ 2017 - 13:17
4 comments
ރާއްޖޭގެ ބޭންކުތަކުގެ ފައިދާ މިއަހަރުގެ ތިންވަނަ ކުއާޓަރު ނިމުނުއިރު 14 ޕަސެންޓް އިތުރުވެއްޖެ އެވެ.
މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނީ ބޭންކުތަކުގެ ފައިދާ މިދިޔަ ކުއާޓަރު ނިމުނުއިރު 14 ޕަސެންޓް އިތުރުވިއިރު، ކުރީ އަހަރުގެ ތިންވަނަ ކުއާޓަރުގައި ބޭންކުތަކުގެ ފައިދާ 26 ޕަސެންޓް އިތުރުވި ކަމަށެވެ. އޭގެ މައިގަނޑު ސަބަބެއް ކަމަށް އެމްއެމްއޭ އިން ބުނެފައި ވަނީ ބޭންކުތަކުގެ ފައިދާ އާދަޔާ ހިލާފަށް އިތުރުވުމާއި ގަވައިދުން ނުދައްކާ ހުރި ގިނަ އަދަދެއްގެ ލޯނުގެ ފައިސާ އަނބުރާ ހޯދުމުން ކަމަށެވެ.
އެމްއެމްއޭ އިން ބުނީ މިދިޔަ ސެޕްޓެމްބަރު މަސް ނިމުނުއިރު ބޭންކުތަކުގައި ޖަމާކޮށްފައި ހުރީ 28.8 ބިލިއަން ރުފިޔާ ކަމަށެވެ. އެއީ މިދިޔަ އަހަރުގެ އެ މުއްދަތާ އަޅާބަލާއިރު 1.6 ބިލިއަން ރުފިޔާ ދަށް އަދަދެއް ކަމަށް ވެސް ބުނެފައިވެ އެވެ. އެއީ ހަ ޕަސެންޓް ދަށްވުމެކެވެ.
އެމްއެމްއޭއިން ނެރުނު މިދިޔަ ކުއާޓަރުގެ އިކޮނޮމިކް ބުލެޓިންގައި ބުނެފައި ވަނީ ބޭންކުތަކުގައި ޖަމާކުރި ފައިސާގެ އަދަދު މަދުވީ ރިސޯޓުތައް ތަރައްގީކުރުމަށާއި ޑިވިޑެންޑާއި ޓެކްސް ދެއްކުމަށް ނެގި އަދަދު އިތުރުވުމުން ކަމަށެވެ.
އެ ބުލެޓިންގައިވާ ގޮތުން ބޭންކުތަކުން ދޫކުރި ލޯނުތަކުގެ ތެރެއިން ގަވައިދުން ފައިސާ ނުދައްކާ މިންވަރު ވަނީ މިދިޔަ ކުއާޓަރުގައި 17 ޕަސެންޓަށް އިތުރުވެފަ އެވެ. އަދި ގަވައިދުން ފައިސާ ނުދައްކާ ލޯނުގެ މިންވަރު އިތުރުވި ނަމަވެސް ޖުމްލަ ލޯނުގެ މިންވަރާ އަޅާބަލާއިރު ހުރީ 14 ޕަސެންޓްގައި ހިފެހެއްޓިފައި ކަމަށް ބުނެފައިވެ އެވެ. އޭގެ ސަބަބަކީ އެ ކުއާޓަރުގައި ލޯނު ދޫކުރި މިންވަރު އިތުރުވުމުންނެވެ. އޭގެ އިތުރުން ނުދައްކާ ހުރި ލޯނުތަކުގެ 97 ޕަސެންޓް ބޭންކުތަކުން ޕްރޮވިޝަން ހަދާފައިވާ ކަމަށް ވެސް ވެސް މަރުކަޒީ ބޭންކުގެ ބުލެޓިންގައި ބުނެފައިވެ އެވެ.
އެމްއެމްއޭ އިން ބުނީ ބޭންކުތަކުން ލޯނު ދޫކުރި މިންވަރު މިއަހަރުގެ ތިންވަނަ ކުއާޓަރު ނިމުނުއިރު ވަނީ 15 ޕަސެންޓް އިތުރުވެފަ އެވެ. އެގޮތުން އެ ކުއާޓަރު ނިމުނުއިރު 2.6 ބިލިއަން ރުފިޔާ ލޯނު ދޫކޮށްފައިވާ ކަމަށް ވެސް އެ ބުލެޓިންގައި ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެނޯ
20 December 2017
ރައްޔިތުންނަށް ވީފައިދާ %144 ދަށަށް!
އައްޑޫ ރަދުން
20 December 2017
މުސާރަވެރިންނަށް ޚާއްސަކޮށްގެން ތިޔަ ދޭ ލުއިލޯނުން އެކަނިވެސް ރަނޅު އެއްޗެއް ލިބޭނެ ދޯ....50000 ހާސް ރުފިޔާގެ ލުއިލޯނެއް ނިމޭއިރު 72000 ރުފިޔާ ޚަލްގުކުރޭ....22500 "ދިވެހިންގެ ބޭންކު އެވެރިންގެ ބޭންކް"
ރަދީފް
20 December 2017
''އެމްއެމްއޭ އިން ބުނެފައި ވަނީ ބޭންކުތަކުގެ ފައިދާ އާދަޔާ ހިލާފަށް އިތުރުވުމާއި ގަވައިދުން ނުދައްކާ ހުރި ގިނަ އަދަދެއްގެ ލޯނުގެ ފައިސާ އަނބުރާ ހޯދުމުން ކަމަށެވެ.'' ރިބާގެ ގޮތުގައި ލިބުނު މިންވަރުވެސް ހިމަނާލިނަމަ. #ރާއްޖެއިސްލާމްވިދުވަސް.
ބަރުބާަދު
20 December 2017
ތިޔަބޭންކައް ފައިދާނުވެއްޖެއްޔާ އެކަންވާނީ ބޮޑު އަރަތަކައް. ތިޔަބެންކްގެ ކާޑެއް ރާއްޖޭންބޭރުގަ އޮންލައިންކޮއްވިޔަސް ބޭނުންކޮއްފިއްޔާ ބޭންކް ޗާޖަސް އޭ ކަރަންސީކޮންވާސަންއޭ ކިޔާފަ މަދުވެގެން 20% އިތުރައް ނުނަގާނެގޮތެއް އެއީ ނެތްގޮތެއް. ދެން ރައިއްޔަތުން ދަމާލާފަ މިބުނަނީ ފައިދާވެއްޖޭ. ޕޭޕަލްއައްހެޔޮ ކާޑުހުސްކޮއްލިޔަސް 20% ލިބޭތީ އޯކޭ. އެކަމަކު ފައިސާ ޕޭޕަލްއިން ރާއްޖެއައް ގެނެވިގެން ނުވާނެ. ރައިއްޔަތުން ތަނަވަސްވެދާނެތީ. ލަދުކޮބާ؟.