ގާފަރުގެ އެކި ސަރަހައްދުތަކުގައި ބެހެއްޓުމަށް ހަދިޔާ ކުރި ޑަސްބިންތަކާއެކު މެމްބަރު ފައިސަލް (ކ-5) ފޮޓޯއަކަށް ހުއްޓިގެން.
24 ޑިސެމްބަރ 2017 - 20:53
6 comments
ކ. ގާފަރު ރައްޔިތުންނަށް ރައްޔިތުންގެ މަޖިލީހުގެ ކާށިދޫ ދާއިރާގެ ޖުމްހޫރީ ޕާޓީގެ މެމްބަރު ފައިސަލް ނަސީމްގެ ފައިސަލް ފައުންޑޭޝަނުން ޑަސްބިންތަކެއް މިއަދު ހަދިޔާކޮށްފި އެވެ.
ފައިސަލް "މިހާރު" އަށް މިރޭ ވިދާޅުވި ގޮތުގައި ފައިސަލް ފައުންޑޭޝަންގެ ފަރާތުން ގާފަރަށް ހަދިޔާ ކުރީ މީހުން ދިރިއުޅޭ އެކިއެކި ސަރަހައްދުގައި ބެހެއްޓުމަށް 12 ޑަސްބިނެވެ. އަދި ކުރިއަށް އޮތް ތަނުގައި ކާށިދޫގެ އެކި ހިސާބުތަކުގައި ޑަސްބިންތައް ބަހައްޓާނެ ކަމަށް ވެސް އޭނާ ވިދާޅުވި އެވެ.
"މިކަމުގެ ބޭނުމަކީ މި ރަށްރަށުގެ ގުދުރަތީ ރީތިކަން ދަމަހައްޓައި، ސާފުތާހިރު ތަނެއްގެ ގޮތުގައި މި ރަށްރަށް ބޭއްވުން. ރީތި މާހައުލެއް ފެނުމަކީ ރަށުގެ މީހުންނާއި ރަށަށް ޒިޔާރަތް ކުރާ އެންމެހާ މީހުންނަށް ހޯދައިދެވޭނެ އުފަލެއް،" ދާއިރާގެ މީހުންނަށް ގިނަ އެހީތަކެއް ވެދެްްވާ ފައިސަލް ވިދާޅުވި އެވެ.
ގުރުއާން މުބާރާތުން ވަނަވަނައަށް ދިޔަ ކުދިންނާއެކު ފައިސަލް ފޮޓޯއަކަށް ހުއްޓިވަޑައިގެން
ފައިސަލް ވިދާޅުވީ "ސާފު ވެށި، މަގޭ ޒިންމާ" މި ޝިއާރުގެ ދަށުން އަންނަ އަހަރު ނިމުމުގެ ކުރިން ކާށިދޫ އާއި ގާފަރުގައި ޕްލާސްޓިކް ކޮތަޅު ބޭނުން ކުރުން ހުއްޓާލައި، ތިމާވެއްޓާ ރައްޓެހި ކޮތަޅު ބޭނުން ކުރުމަށް ކުރަން ޖެހޭ ކަންކަން ކުރަމުން އަންނަ ކަމަށެވެ.
މީގެއިތުރުން ފައިސަލް ވަނީ ޝަހީދު އާދަމް ހަލީމްގެ ހަނދާނުގައި ބޭއްވި ގުރުއާން ކިޔެވުމުގެ މުބާރާތުން އެއްވަނަ އަށް ދިޔަ ގާފަރު، ވޭވްސް، އައިމިނަތު ނުއާޝާ އަށް އުމްރާ ދަތުރެއް ދެއްވައިފަ އެވެ.
މި މުބާރާތަކީ ދެ ރަށުގެ ރައްޔިތުންގެ ހިތްތަކުގައި ކީރިތި ގުރުއާން ކިޔެވުމުގެ ފަންނު ދިރުވައި އާލާކުރުމާއި ދީނީ ހޭލުންތެރިކަން އިތުރު ކުރުމުގެ މަގްސަދުގައި ބާއްވާ މުބާރާތެކެވެ. އެގޮތުން ގާފަރަށް ހުޅުވާލައިގެން މިހާތަނަށް ފައިސަލް ފައުންޑޭޝަނުން ހަތަރު މުބާރާތެއް ބޭއްވި އެވެ.
ފައިސަލް ފައުންޑޭޝަނުން މިހާތަނަށް ގުރުއާން ކިޔެވުމުގެ އަށް މުބާރަތެއް ވަނީ ބައްވައިފަ އެވެ. ކާށިދޫ ދާއިރާގެ އިތުރުން ދެން މި މުބާރާތް ބޭއްވީ ފައިސަލްގެ އުފަން ރަށް ފުވައްމުލަކުގަ އެވެ. ފުވައްމުލަކުގައި އެ ފައުންޑޭޝަނުން މިހާތަނަށް ވަނީ ހަތަރު މުބާރާތެއް ބާއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިލަރީ
25 December 2017
ރަނގަޅު ކަމެއް.. އެމީހަކަށް ވެވުނު ވަރަކުން މިކަހަލަ މުޖުތަމައަށާއި ތިމާވެއްޓަށް ފައިދާ ކުރާ ކަންތައްތައް ކުރަންވީ! ބައެއް މެމްބަރުން ހަދާހެން ރައްރަށަށް ގޮސް ޖޯލިފަތީގަޔާއި ޕޯޑިއަމްގައި ފޮނިކަނޑާފައި ސައިބޮއެގެން ނައްޓާލުމަށްވުރެ މާރަނގަޅު!
ދޮން އާމިރު
25 December 2017
ހަދިޔާ ބަހައިގެން ދެނެއްނޮހޮވޭނެ.
ޑޮކްޓަރުންގެ ސިޓީ / އައްޑޫ ސިޓީ
25 December 2017
ރާއްޖޭގެ ރައްޔިތުންގެ ތެރެއިން ބަޔަކު ޒަމާނީ ޑިމޮކްރަސީ އާއި ފުރިހަމަ އަދުލު އިންސާފުގެ ނިޒާމަކާއި ދެފުށްފެންނަ ޖަވާބުދާރީ ކުރެވޭނެ އިދާރީ އޮނިގަޑެއް ދިވެހިންނަށް ހޯދާދިނުމަށް މަސައްކަތް ކުރާއިރު އެމަގަށް ހުރަސް އެޅުމަށް ގަސްތުގައި “އަދި ނޭގިތިބެ” މަސައްކަތް ކުރާބަޔަކު އެބައުޅޭ. ރައީސުލް ޖުމްހޫރީއްޔާގެ ހެޔޮފުޅުމަކުން ނުވަތަ “އެޓޯލްސް މިނިސްޓަރ ގެ ދީލަތިފުޅު ކަމުން”އެހެން ނޫން ނަމަ “މާލެ އިން ފޮނުވާފައި ހުރި އަތޮޅިވެރިންގެ އެޙީތެރިކަމުން” ކަންކަން ކުރުވަން ދިވެހިން ބޭނުން ނުވާތީ ޤާނޫނު އަސާސީ އިސްލާހްކޮށް ދައުލަތުގެ ބާރުތައް ގުޅިލާމެހިފައިވާ ގޮތަކަށް ރައްޔިތުންވަނީ އެކުލަވާލާފައި. މިއަދު ރައީސުލް ޖުމްހޫރީއްޔާ އާއި ފަނޑިޔާރުންނާއި ޤާނޫނު ހަދާ މަޖިލިސް މެންބަރުންނާއި ދައުލަތުގެ މިނިވަން މުއައްސަސާތަކުގެ ވެރިންގެ ކިބައިން “ރައްޔިތުން އެދޭ ހަމައެކަނި އެދުމަކީ” ޤާނޫނު އަސާސީ އާއި ޤާނޫނު ތަކާއި އެއްގޮތަށް މަޤާމުގެ މަސްއޫލިއްޔަތު އަދާކޮށްދިނުން. މިނޫނއ އެއްޗެއް ދިވެހިން ބޭނުމެއްނުވޭ.
މަންޓޭ
24 December 2017
ތިޔަށް ކުނިއަޅާނެ ބަޔަކުނުވާނެ އެކަމަކު މަގުމައްޗަށް ގޮނޑޮދޮށަށް ކުނިއަޅާފާނެ ދިވެހިންގެ ކަށީގަހިފާފަ ހުރި ކަމެއް ނުފިލުވޭނެ ކިތަމެ ޑަސްބިނެއް ހަދިޔާކުރިޔަސް
އަލީ.
24 December 2017
މަވެސް ހުންނާނެ ދަތްކޮއްޓާ އިލޮށި ފުޅިތަކެއް ބަހާލަން ވެގެން ބަހައްޓާފަހުރި
ރަދީފް
25 December 2017
ދެން ބަހަންވީއެއްނު.އެމީހެއްގެ ހުރި ފެންވަރުން ކަންކަން ކުރަންވީ.މިސާލަކަށް މިސްކިތުގަ ވުޟޫ ކުރާ އިސްކުރުބަރި ކާރީގަ ހޭންޑްވޮޝް ފުޅީއެއް ވެސް ބެހެއްޓިދާނެ.