އެމްއާރުޑީސީގެ އާ އެމްޑީ ހަމްދީ އަގީލް
03 ޖެނުއަރީ 2018 - 10:20
22 comments
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ)ގެ މެނޭޖިން ޑިރެކްޓަރަކަށް އާ ބޭފުޅަކު މިއަދު އައްޔަން ކުރައްވައިފި އެވެ.
ޕްރައިވަޓައިޒޭޝަން ބޯޑުގެ ޗެއާމަން މުހައްމަދު ނިޒާރު ކުރެއްވި ޓްވީޓެއްގައި ވިދާޅުވީ އެމްއާރުޑީސީގެ މެނޭޖިން ޑިރެކްޓަރަކަށް އައްޔަން ކުރެއްވީ ހ. ރަންގަލި، ހަމްދީ އަގީލް ކަމަށެވެ.
ރީޖަނަލް އެއާޕޯޓްސްގެ ޑިރެކްޓަރު ޖެނެރަލް ސާމީ އަގީލްގެ ކޮއްކޮ ހަމްދީ އަށް އެމްއާރުޑީސީގެ މެނޭޖިން ޑިރެކްޓަރުގެ މަގާމު ދިން އިރު، އޭނާ ވަނީ މީގެ ކުރިން ސަރުކާރުގެ ބައެެއް މަގާމުތައް ފުރުއްވައިފަ އެވެ. އޭގެ ތެރޭގައި ފިނޭންސް މިނިސްޓްރީގެ އެގްޒެކެޓިވް ޑިރެކްޓަރު ކަމާއި އެސްޓީއޯ ގޭހުގެ ޗެއާމަންކަން ހިމެނެ އެވެ.
އެމްއާރުޑީސީގެ އެމްޑީ ކަމަށް ހަމްދީ އައްޔަން ކުރެއްވީ، ކުރިން އެ މަގާމުގައި ހުންނެވި މުހައްމަދު ޝަފާއު ހަސަން މަސް ދުވަސް ނުވަނީސް ވަކިކުރުމަށް ފަހު އެވެ.
ރައީސް އަބްދުﷲ ޔާމީން، ނޮވެމްބަރު 2013 ގައި ވެރިކަމާ ހަވާލުވެވަޑައިގެންނެވި ފަހުން އެމްއާރުޑީސީގެ އެމްޑީގެ މަގާމު މީގެ ކުރިން ހަތަރު ބޭފުޅަކު އަދާކުރައްވާފައިވެ އެވެ. އެއީ ކުޑަ ދުވަސްކޮޅަކަށް އެ ކުންފުނީގެ އެމްޑީކަން ކުރެއްވި ޝަފާއުގެ އިތުރުން އިބްރާހިމް ނަޒީމާއި އިބްރާހިމް ހަލީމް އަބްދުއްރައްޒާގު އަދި މުހައްމަދު ނިމާލެވެ.
އެމްއާރުޑީސީގެ އެމްޑީ ކަމަށް މިއަދު އައްޔަން ކުރެއްވި ހަމްދީއަކީ މި ވެރިކަމުގައި އެ މަގާމު ފުރުއްވާ ފަސްވަނަ ބޭފުޅާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނެޝަނަލިސްޓް
07 January 2018
ހަމްދީ އަކީ ގާބިލް "ކުޅެދޭ" ބޭފުޅެއް! ނަމަވެސް ސަރުކާރު ކުންފުނިތަކުގެ ފޯކަސް އަކީ 2018 ރިޔާސީ އިންތިހާބު! ހީވަނީ ހަމްދީ ވެސް މިސަރުކާރުން "ނުކުޅެދޭ" މީހަކަށް ހަދާލާނެހެން!
ފުވައްމުލަކު މީހާ
04 January 2018
ހިންގާނެ މުދައްބިރުން އިތުރުކުރުމަކުން ނުފުދޭ. އަމިއްލަ ގާބިލްކަން އުފައްދާ އެގާބިލްކަމުގައި މަސައްކަތް ކުރާ ހަރުދަނާ ބަޔަކަށްވާން އެބަޖެހޭ. ފުޓްސެލް ދަނޑުއަޅާ ބަޔަކަށްވުމަކީ އަބަދު ކުރަންޖެހޭ ކަމެއްނޫން. ވެލިމަގު އެކަށީގެންވާ ގޮތެއްގައި މަރާމާތުކޮށް ރަގަނޅު ފެންވަރަކަށް ތާރުއަޅާ މަގުތައްހެދޭނެ ކުޅަދާނަ ބަޔަކަށްވާންއެބަޖެހޭ. ރާއްޖޭގެ ފަންނުވެރި ކުންފުނިތަކާ ބޭރުގެ ފަންނުވެރި ކުންފުނިތަކާ ވާދަކުރެވޭ ގާބިލް ބަޔަކަށްވާން އެބަޖެހޭ. އެހެންވެއްޖެނަމަ ދިވެހިން އަމިއްލަ ރަށުގައި ޗަކަ ފެންގަނޑުން ނުހިގާ ތާރަމަގުގައި ހިގުމުގެ ފުރުސަތު ލިބޭނެ. ވީމާ ބޭނުންވަނީ ދިގުމުއްދަތެއްގެ ޕްލޭނެއް. ހަގީގީ ރޭވުންތެރިކަމެއް. އެރޭވުން ތެރިކަމާ އެކު މަސައްކަތް ކުރެވޭނެ ގާބިލް ވެރިން.
ތިބެ
03 January 2018
ތިޔަ ތަންތާންގައި އެމްޑީނ
ވަސީމާ
03 January 2018
ހަމްދީ ތިކުރީ އަލިފާނަށް ފުންމާލުން ފަދަ ކަމެއް. ބޯހަލާކު
އާދަމް އިބްރާހިމް
03 January 2018
ކޮރަޕްޝަން ނެއްތޭނީ އެމްޑީޕީއަށް ވެރިކަންދީގެނެއްނޫން. ތަޖްރިބާއި ތައުލީމު ލިބިފައިތިބި އިޚްލާސްތެރިންނަށް ކުރެވޭ ކަމެއް. ހަމްދީ އަކީ މީގެ 17 އަހަރުކުރިން އޮސްޓްރެލިޔާގައި މާސްޓަރ އިން އިކޮނޮމިކްސް ހާސިލްކޮށް އަދި މެދުނުކެޑި ގައުމަށް ޚިދުމަތްކުރައްވާ ޒަވާން ބޭފުޅެއް.
ސައްތާރު
03 January 2018
ހަމްދީ އަށްކުރި އިތުބާރު ގެއްލިއްޖެ. ވަޒީފާގަ ކުރިމަތިވި ދަތިތައް ހަނދާން ނެތުނީބާއޭ ހިތައްއަރާ. ހަމްދީ ވަޒީފާ ހޯދަން ކުރި މަސައްކަތް އަޅުގަނޑަށް އެގޭ. ތިކަމުގެ މޮޅައްވުގެ ލިބޭނެ ގެއްލުން ބޮޑުވާނެ ކަމަށް ފެނޭ.
ކަދުރޭ
03 January 2018
މަގާމާ ތި ހަވާލުވީ ގޮސްވަގުތަކު. ކެއްކޮށްލިނަމަ ރަނގަޅުވީސް
ބަލްގިސް
03 January 2018
ހަމްދީއަށް ތި ލިބުނު ވަގުތީ މޮޅަށްވުގެ ކުރިއަށް އޮތްތަން ބަނަ ކަމަށް ފެންނަނީ. އެހެނީ ހަމްދީ ފަދަ ގާބިލް ބޭފުޅަކު ތި ނެންގެވި ޑެސިޝަންގެ ސަބަބުން ކޮރަޕްޝަނުގެ ބަދުނާމު އެޅިގެން ދާނެތީ. ވިސްނާލިނަމަ ރަނގޅުވީސް
ޖަޒްބާތު
03 January 2018
ތި މަގާމާ ހަވާލުވުމަކީ ހަމްދީގެ މުސްތަގުބަލްގައި ޖެހުނު ކަޅު ލައްގަނޑެއް
ފާތުން
03 January 2018
ހަމްދީ ފަދަ ގާބިލް ބޭފުޅަކު ކޮރަޕްޝަންގެ ހާއްޔަކަށް ބައި އަތުހިފުމަކީ ހިތާމަހުރި ކަމެއް. ފަހަށް ވިސްނި ނަމަ މާ ރަނގަޅުވީސް