އަދީބު: ރިޝްވަތު ދިނުމުގެ ދައުވާކުރަނީ ފުލުހުންގެ އިންޓެލިޖެންސްގައި މަސައްކަތްކުރި ފުލުހުންތަކަކަށް ރިޝްވަތު ދިން ކަމަށް ބުނެ --މިހާރު ފޮޓޯ/ނިޝާން އަލީ
04 ޖެނުއަރީ 2018 - 16:40
14 comments
ފުލުހުންގެ ބަޔަކަށް ރިޝްވަތު ދިން ކަމަށް ބުނެ ކުރީގެ ނައިބު ރައީސް އަހުމަދު އަދީބުގެ މައްޗަށް ދެ ދައުވާއެއް ކޮށް، ކްރިމިނަލް ކޯޓަށް ފޮނުވައިފި އެވެ.
އޭނާގެ މައްޗަށް އެ ދައުވާ ކުރަނީ ސަރުކާރުގައި އުޅުއްވި ދުވަސްވަރު ފުލުހުންގެ އިންޓެލިޖެންސް މައުލޫމާތުތަކެއް ހޯދުމަށް، ފުލުހުންގެ އިންޓެލިޖެންސްގައި މަސައްކަތް ކުރި ދެ ފުލުހަކަށް އަދީބު ރިޝްވަތު ދިން ކަމަށް ބުނެ އެވެ. އެ މައްސަލާގައި އަދީބުގެ މައްޗަށް ކުރަނީ ރިޝްވަތު ހުށަހެޅުމުގެ ދައުވާ އާއި ރަސްމީ ހައިސިއްޔަތު ނުވަތަ މައުލޫމާތު ނަހަމަ ގޮތުގައި ބޭނުން ކުރުމުގެ ދައުވާ އެވެ.
ރިޝްވަތު ހުށަހެޅުމުގެ ދައުވާ ސާބިތުވެއްޖެ ނަމަ ތިން އަހަރާއި ދެ މަހާއި 12 ދުވަހުުގެ ޖަލު ހުކުމެއް އަންނާނެ އެވެ. ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ ސާބިތުވެއްޖެ ނަމަ އެއް އަހަރާއި ހަތް މަހާއި ހަ ދުވަހުގެ ޖަލު ހުކުމެއް އަންނާނެ އެވެ.
ތަފާތު ތިން މައްސަލައެއްގައި 33 އަހަރުގެ ޖަލު ހުކުމެއް ތަންފީޒު ކުރަމުން ގެންދާ އަދީބުގެ މައްޗަށް އިތުރު ދެ ދައުވާއެއް ކުރިއިރު، އޭނާގެ މައްޗަށް ދައުވާކުރާ ގިނަ މައްސަލަތަކެއް ކްރިމިނަލް ކޯޓުގައި މިހާރު ވެސް ދަނީ ހިންގަމުންނެވެ. އެއީ މަގާމުގެ ނުފޫޒު ބޭނުން ކުރުމުގެ ނުވަ ދައުވާ އަކާއި ޓެރަރިޒަމްގެ ދައުވާއެއްގެ އިތުރުން އެނގިހުރެ މީހަކު މަރަން ރޭވުމުގެ ދައުވާ އެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީ
06 January 2018
މީނަޔަށް ލައްކަ ސިއްރު އެނގޭކަން މިދައްކަނީ. މިމީހުން ބޭނުންވަނީ އަނގައިންވެސް ނުބުނެވޭނެވަރު ކޮއްލަންހެން ހީވަނީ.
ހަސަނު.
06 January 2018
އެބުނާހެ ހާދަ ސްމާޓޭ ދޯ މިހާރު. މީހާގެ ހަށިގަނޑު ނުހިކި ހަމަ އެކަނި ބަނޑު ވިއްޔާ އެ ދުއްވާލީ. އެކަމަކު ދެން އެއޮތް ރީތި ފްރެންޗް ތުނބުޅީގެ ދުވަސް ދުއްވާލީތީ ދެރައީ. ބްރޯގެ ސްޓައިލް ކޮޕީ ކޮށްގެން ލައްކަ ބަޔަކު މިޤައުމުގައި އުޅުނު.
ދުން
05 January 2018
މަ ހީކުރީ ހާމިދު ސޭޓުކަމަށް. މި ފޮޓޮއިން މިހިރަ ފެންނަނީ.
ސާދާސީދާ
04 January 2018
500% ހަމަވަންދެން ދަޢުވާ. މިހާރުވެސް 33 އަހަރުގެ ޙުކުމް. އަދި 12 އަހަރުގެ 2 ޙުކުމާއި 3 އަހަރުގެ 9 ޙުކުމް އެބައޮތް. ޖުމުލަ 84 އަހަރުގެ ޙުކުމް. ޢުމުރުން އަދި އެންމެ 34 އަހަރު. ހުރިހާ ޙުކުމެއް ފުރިހަމަވާނީ 118 އަހަރުފުރެންދެން ދުނިޔޭގަ ލެއްވިއްޔާ. އަނެއްކާ މަރުވިޔަސް، ގަބުރު ވެސް ބާއްވާނީ ޖަލުގަބާ؟ ރާނީ އުފެދި ރަސްގެފާނު ހުރީ ތަޚްތުގައި!
ރިހި
04 January 2018
ރިޝްވަތުހިފާމީހާއަށް މިސަރުކާރުން ފަރުވާލެއް ނެތް. އެހެންތާވާނީ...ފައިސާލިބޭގޮތެއް ބަލާކަށް ނުޖެހޭވިއްޔާ....
ޢަބްދުﷲނާފިޒު
04 January 2018
ކޮބާ ދެ ފުލުހުން..............މަޖާ ކަމެއް އުތަ، އަނެއްކާ އަނެއް ގޭސްގަނޑެއް އަނބުރާލީނު، ޑްރާމާ ތައްޔާރުކުރާ މީހާ ހާދަ ތަތޭ އުތަ.
ޢުތުރިން
04 January 2018
ﷲގެ ކުޅަދުން ވަންތަކަން ހިތަށް އަރަނީ. އަދީބު ހަމަލޮލުން އެންމެ ފަހުން އަޅުގަނޑަށް ފެނުނީ އޭނަގެ ޓޫރިޒަމް މިނިސްޓަރުކަމުގައި އެޝާނާއި ޝައުކަތުގައި ނިކަން ދެފައިކާރިނުވާ ފާޓުފުޅާ ހިގުމެއްގައި ހައިބަތުބޮޑުކަމުން އިސްޖަހާން ބޭނުންނުވެ އެކަމަކު ސަލާންކުރަން ފަހަތުން އައިހަށް މީހަކަށް ބަލާލުމެއްވެސް ނެތި އެހެރަގެން ކުރިޔަށް ދަނިކޮށް. ޥަﷲ އަޢުޡަމް.
ޢަލީމް
04 January 2018
ރިޝްވަތު ހިފިޕޮލިސްމީހާ ކޮބާތަ. ޢިންޓެލިޖެންސް މައުލޫމާތު ތިމަންނާއަށް ނުލިބޭތާ 3 މަސްވެއްޖެކަމަށް ޔާމީން ވިދާޅުވި. 3 މަސްވަންދެން ލިބެންޖެހޭ ރިޕޯޓެއްނުލިބިއޮތްއިރު އޮތީ ނިދިކުރައްވާފަތޯ ނޫނީ ހުރިހާ ކަމެއް ނައިބުރައީސަށް ހަވާލު ކުރެއްވީތޯ.
ރިސޯޓުހިއްސާނުދިންސަރުކާރު
04 January 2018
މިސަރުކާރު ބަދަލުވާދުވަހަކީ ޔާމީނައް ތިޔަހުކުންތައް ރައްދުވާނެ ދުވަހެއް ހަމަގައިމުވެސް ރިސޯޓު މުވައްޒަފުން މިތިބީ ޔާމިނު ހައްޔަރުކުރަން އިތުރު ސަރުކާރެއް ގާއިމުކުރަން ވޯޓުލާން ތަޔާރައް
އަލީ.
04 January 2018
ހަމަގައިމުވެސް ރިސޯޓު ތަކުގެ އެއްވެސް ތާއީދެއް މިސަރުކާރަކައް ނެތް ތިޔަބުނީ ހަމަތެދެއް
ކޮކްޓެއިލްރައީސް
04 January 2018
އޭ އެހެން ނުހަދާ ރިސޯޓު ހިއްސާ ދޭނަމޭ 2018ގަ ވޯޓު ދިނީމަ، ދޭތި އިނގޭ، އޭރުން ބޯކޮށް ހިއްސާ ދޭނެކަން ހަމަ ޔަޤީން.
އުމަރު
04 January 2018
އަޅެ ކޮންމެވެސް މީހަކު އަދީބުގެ އެހާރާއި މިހާރުގެ މަންޒަރެއް ކުރަހާލަބަލަ، އަދީބުއަށް އެވަނީ ކިހިނެއްތޯ؟ ޖަލައްލިތާ އެހާ ގިނަދުވަހެއްނުވޭ، އެކަމަކު މީހާއަށް ހާދަބޮޑު ބަދަލެކޭ އައިސްފައިވަނީ، އަދީބްގެ ސިއްހަތު ހުރީ ސަލާމަތުންތޯ؟