މާލޭގެ ސްކޫލެއްގެ ދަރިވަރުންތަކެއް މިދިޔަ އަހަރުގެ ފަހު ޓާމަށް ފަހު ރިޕޯޓް ފޮތް ހިފައިގެން ނުކުންނަނީ: މިއަހަރުގެ ދިރާސީ އާ އަހަރު މިމަހު 14ގައި ފެށޭނެ.
04 ޖެނުއަރީ 2018 - 18:32
19 comments
މި އަހަރުގެ ދިރާސީ އަހަރުގެ ކިޔެވުން މި މަހުގެ 14 ގައި ފަށާއިރު ވެސް، ސްކޫލްތަކަށް ބޭނުންވެގެން އެޑިއުކޭޝަން މިނިސްޓްރީން އިއުލާންކުރި 400 ޓީޗަރުން އެ އަދަދަށް ހަމަވާނެ ކަމާ މެދު ޝައްކު އުފެދޭ ކަމަށް އިދިކޮޅު ހަރަކާތުން މިއަދު ބުނެފި އެވެ.
ޖުމްހޫރީ ޕާޓީގެ އޮފީހުގައި، އިދިކޮޅު ފަރާތްތަކުން ބޭއްވި ނޫސްވެރިންގެ ބައްދަލުވުމުގައި މާފަންނު އުތުރު ދާއިރާގެ އެމްޑީޕީގެ މެމްބަރު އިމްތިޔާޒް ފަހުމީ (އިންތި) ފާހަގަކުރެއްވި ގޮތުގައި މި އަހަރަށް ސްކޫލްތައް ހުޅުވޭއިރު، ޓީޗަރުން ހޯދައިގެން ތަމްރީން ދީ، ސްކޫލަށް އަހުލުވެރި ކުރަންޖެހެ އެވެ. އަދި އެކަމަށް ވަގުތުތަކެއް ނަގާނެ ކަމަށް ވެސް އޭނާ ވިދާޅުވި އެވެ.
"މިއިން އެނގެނީ އެޑިއުކޭޝަން މިނިސްޓްރީ މިވަނީ މިކަމުގައި ވަރަށް ބޮޑަށް އިހުމާލުވެފައި ކަން. ދަރިވަރުންނާ މެދު މިވަނީ އިހުމާލުވެފައި. އަޅުގަނޑުމެންގެ އަންނަން އޮތް ޖީލުތަކާމެދު އިހުމާލުވާ ތަން،" އިންތި ވިދާޅުވި އެވެ.
އޭނާ ވިދާޅުވީ ސްކޫލްތައް ހުޅުވެންވާ އިރަށް، ބޭނުންވާ މިންވަރަށް ޓީޗަރުން ނުލިބުމަކީ އިދިކޮޅު ޕާޓީތަކުން އިންތިހާއަށް ކަންބޮޑުވާ ކަމެއް ކަމަށެވެ. އަދި އެޑިއުކޭޝަން މިނިސްޓްރީން އެކަމާމެދު އިހުމާލުވެފައިވާތީ އެކަން ކުށްވެރިކުރާ ކަމަށް ވެސް އިންތި ވިދާޅުވި އެވެ.
"މި ދައްކަނީ ހަތަރު ސަތޭކަ ޓީޗަރުން ހޯދާ ވާހަކަ. މައިންބަފައިން ކުރާ އެންމެ ބޮޑު އެންމެ ބޮޑު އިންވެސްޓްމަންޓަކީ ދަރިންނަށް ތައުލީމް ހޯދައި ދިނުން. އެޑިއުކޭޝަން މިނިސްޓްރީން މިކަމާ އިހުމާލުވެފައިވާތީ އަޅުގަނޑުމެން އެކަން ކުށްވެރި ކުރަން،" އޭނާ ވިދާޅުވި އެވެ.
ދިރާސީ އާ އަހަރުގެ ކިޔެވުން ފެށެން 10 ދުވަހަށް ވެފައިވާ އިރު މިދިޔަ ހަފުތާ އިން ފެށިގެން ގިނަ ސްކޫލުތަކަކުން އަންނަނީ ޓީޗަރުން ހޯދުމަށް ގެޒެޓުގައި އިއުލާނު ކުރަމުންނެވެ. އޭގެ ތެރޭގައި ގިނަ އަދަދެއްގެ ޕްރީ ސްކޫލު ޓީޗަރުންނާއި ވަގުތީ ޓީޗަރުން ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކްރޯޑް
06 January 2018
ކޮންސަރުކާރެއްގަބާ ސްކޫލްތައް ހުޅުވެންވާއިރަށް ޓީޗަރުން ހަަމަވީ އެންމެ ފުރިހަމަ30އަހަރުގަވެސް ސްކޫލްހުޅުވިގެން 3 4 މަސްވާއިރުވެސް ޓީޗަރުން ހަަމަވެފަ ނެތް ދެން އައި ސަރުކާރު އެއަށްވުރެ ހާލު ބޮޑު
ޝިމާލް މޫސާ
05 January 2018
ރާއްޖޭގެ އެތަކެއް ޒުވާނުންނެއް ވަޒީފާނުލިބި އުޅޭއިރު ބިދޭސީން ގެންނަން ކުއްލިއަކަށް ޖަނަވަރީ އައުމުން އިއުލާންކުރީ ޓީޗަރުން ހޯދުމަށް، ދެން ދިވެހިން ދިޔައީމަ ވަޒީފާއެއް ނުދޭނެ އެކި ފާޑުފާޑުގެ ޓެސްޓުދީގެން ތަޖްރިބާއެއް ނެތޭކިޔާފައި ވަޒީފާ ނުދޭނެ ދެން މިނިސްޓަރު ތެޅިގަންނާނެ ޓީޗަރުން ހޯދަން ތެޅިގަތީމަ އެންމެ ފަހުވަގުތުގައި ބޭރުގެ ބިދޭސީ ޓީޗަރުން އަޅާލާނެ، އަދި އިންޓަވިއުކުރަން އެޑިއުކޭޝަނުން ގުރޫޕެއް އިންޑިއާއަށްގޮސް އެތަނުގައި މަޖާނަގާފައި ކަމިޝަން ނަގައިގެން ޓީޗަރުން އަޅާލާނެ، އެމީހުންގެ ސެޓްފިކެޓް ބެލޭނެ ގޮތެއް ނޮއޮންނާނެ، އަދި ނުވެސް ބަލާނެ، ދެން ބޮޑެތި އެކޮމޮޑޭޝަންތަށް ސަރުކާރުގެ ވެރިންގެ ގޭގެއިން ހިފައިގެން ބޮޑެތި އެޑްވާންސް ދައްކައިގެން ވަޒީފާދޭނެ، މިއީ ބޮޑު ކުޅިގަނޑެއް، ރައީސް އޮފީހުގައި އޮންނަ ސޯޝަލް ކައުންސިލުން ނުބެލޭ ކުޅިގަނޑެއް
އެދުރުބެ
06 January 2018
ޝިމާލް އަށް ވަރަށް ސަލާމް. އިއުލާނަކަށް ކުރިމަތިލާ ދިވެހިރައްޔިތަކަށް ވަޒީފާ ނުދީފިނަމަ ޓްރައިބިއުނަލުން އެމައްސަލަ ބެލޭނެ. ނޭގޭ ކަންތކުގެ ވާހަކަ އަނގަ ފުޅާކޮށް ނުދައްކާނީ
އުމަރު
05 January 2018
ބޭރުގެ އިންޑިއާގެ ކެރެލާ ސްޓޭޓުގެ ޓީޗަރުން ރާއްޖެއަށް ގެނައުން އެއްވެސް ސަރުކާރަކުން ނުހުުއްޓުވުނު، ސަބަބަކީ ކޮބައިތޯ؟ ސަބަބު ވަރަށް ސާފް، ބިދޭސީ ކޮންމެ ޓީޗަރެއްގެ އަތުން 5000 ޑޮލަރު ނުވަތަ 2000 ޑޮލަރު ކަމިޝަނުގެ ގޮތުގައި އެޑިއުކޭޝަން މިނިސްޓްރީގެ އިސްވެރިންނަށް ލިބޭގޮތަށް އޮންނަނީ، އަދި އެޑިއުކޭޝަން މިނިސްޓްރީގެ ބައެއް އިސްވެރިން އިންޑިއާ އަށް ދިއުމުން އެމީހުންގެ އާއިލާގެ ހުރުމާއި، ކެއުމާއި ބޭސްފަރުވާ އިންޑިއާގެ އެޖެންޓްދެމުންގެންދޭ، 400 ޓީޗަރުން ކޮންމެ ބޮލަކަށް 2000 ޑޮލަރު ކަމިޝަން ލިބެންޏާ އެއީ އެކަންކުރުމަށް ޑިޒިޝަން ނަގާ މީހާއަށް އަހަރަކު ލިބޭ 8 ލައްކަ ޑޮލަރު، އެއީ 12 ވަރަކަށް މިލިއަން ރުފިޔާ، އެފައިސާ ލިބިލިބި ހުއްޓައި ރާއްޖޭގެ ޔުނިވަސިޓީތަކަށް އަދި ކޮލެޖުތަކަށް ފޮނުވައިގެން ޓީޗަރުން ބިނާކުރުމަށް ކީއްކުރަންތޯ މަސައްކަތްކުރަންވީ؟ އެހެންވެ އަދި އެންމެ ފަހުވަގުތުގައި މިކަން ކުރަނީވެސް ދިވެހިންނަށް ފުރުސަތު ނުދިނުމަށް، ދެން ބިދޭސީން ގެންނަން އެއީ ޖަހާ މަޅިއަކީ
އެރއެ
05 January 2018
ސަރުކާރުން ބޭކާރު ޚަރަދު ނުކޮށް ތިފައިސާ ކުދިންގެ ޓިއުޝަނަށް ދިނިއްޔާ މާރަނގަޅު. 2000ރ ގެ ޓިއުޝަން ނުނަގާ ކުއްޖެއްނެތް. ދެން ކޮންބޭކާރު ސްކޫލެއް ؟
އެދުރުބެ
05 January 2018
ތިޔަ އިއުލާނަކީ ސިވިލް ސާވިސް ކަމިޝަނުން ގަވާއިދަށް ގެނައި ބަދަލަކުން ބީދޭސީން ހޯދުމުގައި އަމަލް ކުރަނޖެހޭ އިޖުރާއަތެއް. ތި އިއުލާންގެ ސަބަބުން ދިވެހިންގެ ތެރެއިން އިއުލާނަށް ކުރިމަތި ލައިގެން ވަޒިފާ އަށް ނުކުންނަން ބޭނުންވާ މީހާއަށް ފުރުސަތު އޮތުން ފިޔަފައި މާކަ ބޮޑު ބަދަލެއް ނެތް. އިއުލާން ކުރުމުން އޭގެ މާނައަކީ އެކިއެކި ސަބަބު ތަކާއި ހުރެ އެހާ ޓީޗަރުން ސްކޫލްތަކަށް މިހިންގާ 2018 ވަނަ އަހަރު އިތުރަށް 400 ޓީޗަރުން ހޯދާނެ ކަން.
ފަރީ
05 January 2018
Mމިދިޔައަހަރުވެސް ޓީޗަރުން ހަމަ ނުވޭ. ޔަގީނުންވެސް ރެހެދި ސުކޫލްގެ ގްރޭޑު 1ގެ ޓީޗަރުން ހަމަވީ އަހަރު ނިމެނިކޮން. ބޭކާރު އަހަރެއް އެއީ. ޓީޗަރުން ހަމަވި ކްލާސްތަކާ އެއްވަރަށް ކިޔަވައެއް ނުދެވުނު. ޢެކަންއިންގޭނެ އެހެން ކްލާސްތަކުގެ ޕޯރޓް ފޯލިޔޯ އެކަނި ބަލާލިޔަސް.
ސަރީފް
05 January 2018
ނުޖެހެ ހަމަކުރާކަށް
ބޯޑާއްތަ
04 January 2018
އިންތިއާޒޫ މިއީ ޓެކު ޒަމާން.. ހޭލަބަރ
ކޮކްޓެއިލްރައީސް
05 January 2018
ދެން އެހާ ގިނަ ޓީޗަރުން ހޯދަން އިއުލާނު ކުރިއްޔޯ! "ޓެކު ގޭސް" ގަނޑެއް އަނބުރާލީ އުތަ.
އަބްދުއްލާ
04 January 2018
ރާއްޖޭގެ އާބާދީ 500 ހަމަނުވާ ހުރިހާރަށެއް ފަޅުރަށްރަށަށް ހަދާ އެތާގެ ސްކޫލް ޓީޗަރުންނާ ސްޓާފުން ހިމަނަނިކޮށް ޓީޗަރުންނާ ރިޒާވްޓީޗަރުންވެސް މިރާއްޖެއިން ނެރެވޭނެ.ގައުމު ތަރައްގީ ނުވުމުގެ ހުރިހާ އަސްލަކީ މީހުން 189 ރަށަށް ބެހިފާ އޮތުން. 5 ނުވަތަ 10 ރަށުގެ އުޅޭ ނަމަވެސް މާލެއާ އެއް ފެންވަރުގާ ތަރައްގިވާނެ. ތަރައްގީ ހަމަހަމަ ވާނެ.ބޭކާރު ގޮތުގާ ހަރަދުވާ ފައިސާވެސް މަދުވާނެ.
ފަތިސް
05 January 2018
ކުޑަ ކުދިންގެ ސްކޫލްގެ ނިޒާމަކީ އެހާ މުހިއްމު އެއްޗެއް ނޫން. ލާރި ބޭކާރު ވަގުތު ބޭކާރު.
އެދުރުބެ
06 January 2018
އަސްލު ރަގަޅު ވާހަކައެއް. 20އަކަށް ކުދިން ހިމެނޭ ސްކޫލްތަށް އެބަ ހިންގާ. ޥަރަށް ބޑު އިސްރާފެއް.
ޝިފާގު
04 January 2018
ތިވާހަކަ ދައްކައިގެންވެސް ރައީސް ނަޝީދުގެ ނަން ވޯޓޖަރުދާހުގައި އޮތިއްޔާ އޯކޭ އެއްނު.
ކޮކްޓެއިލްރައީސް
05 January 2018
ކަރުދާހުގަ އެކެއްގެ ނަންނެތަސް، ރ ޔާމީނުގެ ވެރިކަން ނިމުމަކަށް ގެނެވިއްޖެއްޔާ އަހުންނަށް އޯކޭ.
ގޮންގް
04 January 2018
ޓީޗަރުން ވާ ވަރަށް ނެތީކީ ނޫން. ބޭރު ޓީޗަރުން ރިޕްލޭސް ކުރަން އެއުޅެނީ