އެންމެ ފަހުން ބޭއްވި ޓީޗަރުންގެ ކޮންފަރެންސްގައި ގިނަ ބަޔަކު ބައިވެރިވަނީ-- މިހާރު ފޮޓޯ
03 ޖެނުއަރީ 2018 - 13:42
8 comments
މި އަހަރު ރާއްޖޭގެ ސްކޫލުތަކުގައި ކިޔަވައިދިނުމަށް 400 އަށް ވުރެ ގިނަ ޓީޗަރުން ހޯދުމަށް އެކި ސްކޫލްތަކުން އިއުލާނުކޮށްފި އެވެ.
ދިރާސީ އާ އަހަރުގެ ކިޔެވުން ފެށެން ދިހަ ދުވަހަށް ވެފައިވާ އިރު މިދިޔަ ހަފުތާ އިން ފެށިގެން ގިނަ ސްކޫލުތަކަކުން އަންނަނީ ޓީޗަރުން ހޯދުމަށް ގެޒެޓުގައި އިއުލާނު ކުރަމުންނެވެ. އޭގެ ތެރޭގައި ގިނަ އަދަދެއްގެ ޕްރީ ސްކޫލު ޓީޗަރުންނާއި ވަގުތީ ޓީޗަރުން ވެސް ހިމެނެ އެވެ.
ޓީޗަރުން ހޯދުމަށް ގެޒެޓުގައި އާއްމު ގޮތެއްގައި އިއުލާނުކޮށްފައިވަނީ ރަށްރަށުގެ ސްކޫލުތަކުންނެވެ. އެކަމަކު ހިރިޔާ ސްކޫލު ފަދަ މާލޭގެ ބައެއް ސްކޫލުތަކުން ވެސް ޓީޗަރުން ހޯދަން އިއުލާންކޮށްފައި ވެ އެވެ.
ގެޒެޓްގައި ކޮށްފައިވާ އިއުލާނުތަކަށް ބަލާއިރު، އެކި މާއްދާތަކުގެ ޓީޗަރުން ބޭނުންވެ އެވެ. އެކަމަކު ގިނައީ ވަކި މާއްދާތައް ނުހިމެނޭ ގޮތަށް، ޕްރައިމަރީ ޓީޗަރުން ހޯދުމަށް ކޮށްފައިވާ އިއުލާންތަކެވެ.
ޓީޗަރުންގެ ކޮންފަރެންސްގައި ބައިވެރިވި ޓީޗަރުންތަކެއް: ރާއްޖޭގައި އަދިވެސް ބިދޭސީ ޓީޗަރުން ގިނަ-- މިހާރު ފޮޓޯ
އެޑިއުކޭޝަން މިނިސްޓްރީން ބުނީ ސްކޫލުތައް ހުޅުވެން ވާ އިރަށް ޓީޗަރުން ހަމަކުރުމުގެ މަސައްކަތް އެ މިނިސްޓްރީން ކުރަމުން އަންނަ ކަމަށާއި ގިނަ ސްކޫލުތަކުގައި ޓީޗަރުން ހަމަވާނެ ކަމަށެވެ. އަދި ވޭތުވެ ދިޔަ ހަފުތާ އިން ފެށިގެން އެހާ ގިނަ ޓީޗަރުން ހޯދަން ސްކޫލުތަކުން އިއުލާންކޮށްފައިވަނީ ސްކޫލުތަކުގައި ތިބި ބިދޭސީ ޓީޗަރުންގެ ބަދަލުގައި ދިވެހިންނަށް ފުރުސަތު ދިނުމަށް ކަމަށް އެ ތަނުން ބުންޏެވެ.
"އެކަމަކު އޭގެ ތެރޭގައި ހިމެނޭނެ ޓީޗަރުން ނެތިގެން، އެ މީހުން ހޯދަން ކޮށްފައިވާ އިއުލާންތައް ވެސް،" އެޑިއުކޭޝަން މިނިސްޓްރީގެ ޗީފް އެގްޒެކެޓިވް ވަހީދު ހަސަން ވިދާޅުވި އެވެ.
އޭނާ ވިދާޅުވީ މި އަހަރު ސްކޫލުތަކުގައި ކިޔަވައިދޭ ޓީޗަރުންގެ އަދަދު މަދު ނުވާނެ ކަމަށާއި އެކަމަކު އެ މިނިސްޓްރީން މަސައްކަތް ކުރަނީ ބިދޭސީންގެ ބަދަލުގައި ދިވެހިންނަށް ވަޒީފާ ދިނުމަށް ކަމަށެވެ.
ސްކޫލުތައް ހުޅުވޭ އިރު ޓީޗަރުން ހަމަނުވުމަކީ ކޮންމެ އަހަރަކު ވެސް ދިމާވާ މައްސަލައެކެވެ. އަދި އެކަމާ ބެލެނިވެރިން ރުޅި އައިސްގެން މުޒާހަރާކޮށް، ސްކޫލުތައް ބަންދު ކުރުމަކީ އާއްމުކޮށް ދިމާވާ ކަމެކެވެ.
އެޑިއުކޭޝަން މިނިސްޓްރީން ބުނި ގޮތުގައި ދިމާވާ އެންމެ ބޮޑު ގޮންޖެހުމަކީ ބިދޭސީ ޓީޗަރުން ޗުއްޓީ އަށް ގޮސް، ކިޔެވުން ފެށޭ އިރަށް އެނބުރި ނައުމެވެ. މިދިޔަ އަހަރު ވެސް 140 ބިދޭސީ ޓީޗަރުން ރާއްޖޭން ގޮސްފައިވާ ކަމަށާއި އޭގެ ބަދަލުގައި ދިވެހި ޓީޗަރުން ހޯދަމުން އަންނަ ކަމަށް އެ މިނިސްޓްރީން ބުންޏެވެ.
މި އަހަރުގެ ކިޔެވުން ފެށޭނީ މި މަހު 14ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަގު
04 January 2018
ޢުނބަށް ޖެހީދޯ. ތިޗަރުން ކަނޑަން ހާދަ ފޯރިއެއްލާފަ އުޅުނޭ 2015 ގަ.
ޓީޗަރު
04 January 2018
އެޑިޔުކޭޝަނުން ބަލާނީ ދޮގެއް ހެދޭތޯ. މިނިސްޓަރު ރާއްޖެމިއަދު ޕްރޮގްރާމަށް އަރުއްވާ ވިދާޅުވާނެ ފޮތްތައް ހަމަޔޭ، ޓީޗަރުން ހަމަޔޭ ޕްރިންސިޕަލް ހަމަޔޭ. ކޮންމެ ދިރާސީ އަހަރު ފެށޭއިރު އަހަރަކު ކުރާކަމެއް އެއީ. އެކަމަކު އެއްވެސް އަހަރަކު އެއީ ތެދެއްނޫންކަން ހާޒިރީތަކާއި އެފަދަ ރެކޯޑުތައް ބެލުމުން އެނގޭނެ. އެޑިޔުކޭޝަނުން ބަލަނީ ޓީޗަރުން ވަކިކޮށް، ޕްރިންސިޕަލުން ވަކިކޮށް ފޮތްތަކުން ކަޓުނެގޭތޯ/
މެންޓަލިސްޓް
03 January 2018
އަދިމާއަވަސް ކަމުގައި އަޅުގަނޑުދެެކެނީ ،،،،، ސުކޫލްތަށް ހުޅުވުނީމައި ބަލާނީ ކިތައްކުލާހައްތޯ ޓީޗަރުންބޭނުްނުންވާނީ ،،،، ދެންއެކަންޔަގީންކޮއްފައި އިއްލާންކުރާނީ ،،،، އޭރުން 2 މަހެއްގެ ތެރޭގައި ލިބޭނެ ،،،،، އޭރުން ކުދިންނަށްވެސް 2 މަސްދުވަސް ލިބޭނެ ސަކަރާތްޖަހާލަން ،،،، ކޮންމެދުވަހަކު ވަކިގަޑިތަކެއްފްރީވާނެ ،،،،، އެޑިޔުކޭޝަން މިނިސްޓްރީ މާބޮޑަށް އެފިޝަންޓީކަމަށް ދަންނަވަންޖެހެނީ ،،،، މައައްސަލާމާ
ޝިފާގު
03 January 2018
އަޅުގަޑަށް ހީވަނީ މިފަހަރު އިއުލާނުކުރީ ޓެބްލެޓް ޓީޗަރުންނަށް ހެނެވެ. އެހެންނޫނިއްޔާ މިހާ ކުޑަތަންވީމާ ކުރާކަށް ނުޖެހޭނެއެވެ.
ޢައިސާ
03 January 2018
ގުރެޖުއޭޓް ޓީޗަރުން ސްކުޫލްތަކުގައި ޖާގަ އޮންނަ އިރުވެސް ވަގުތީ ޓީޗަރުންގެ ގޮތުގައި ގެންގުޅޭތީ ހިތާމަ ކުރަން
ބަސް
03 January 2018
އަދި ތަންކޮޅެއް އަވަސް ޓީޗަރުން ހޯދަން އުޅެން!؟
އަބްދުއްލާ
03 January 2018
ރާއްޖޭގަ ބިދޭސީ ޓީޗަރުން ތިބެންޖެހެނީ ނިސްބަތުން ޓީޗަރުން މަދުވެގެނެއްނޫން ޓީޗަރުންގެ ގޮތުގާ ބޭކާރު މީހުން ގެނެގުޅެންޖެހޭތީ . ސަބަބަކީ ކުދިކުދި ރަށް ތަކުގާހުންނަ ސޮކޫލް ތަކުގާ ކޮލާހެއްގާ 10/15 ކުދިން ތިއްބަސް ކޮންމެ މާއްދާ އަކަށް ކޮލިފައިޑް ޓިޗަރަކު ގެންގުޅެންޖެހޭތީ މިހާރުވެސް އާބާދީ އެއްފަސް ވެލަނިކޮށް އެއްވެސް ބިދޭސީ ޓީޗަރަކާ ނުލާ ޓީޗަރުން ހަމަޖެއްސޭ ވަރަށް ދިވެހިން ރާއްޖޭގަ ޓީޗަރުކަން އެބަކުރޭ. މިބަދަލު އައުމުން ނޫނީ ބިދާސީން މުޅިން ހުސް ނުކުރެވޭނެ.
ޓީޗަރު
03 January 2018
މި ސަރުކާރު އައިސްގެން ނޫންތަ ޓީޗަރުން މަދު ކުރީ ސްކޫލް ތަކުން އެހެން ޓީޗަރުންނަށް މުސާރަ ބޮޑުކޮށްދޭންވެގެންނޭ ކިޔާފަ. ވޯޓު ގާތްވީމަ ދިވެހިންގެ ބޭނުން ޖެހުނީ ދޯ. ހަމަ ހޮވޭ އިރަށް އަނެއްކާ އަނެއް ބަޔަކަށް ފައިދާ ހޯދައިދޭން ބޭރު ޓީޗަރުންކޮޅެއް އެތެރެ ކުރަންވީ.