ޖަޕާންގެ ޚާރިޖީ ވަޒީރު ޓާނޯ ކޯނޯ
06 ޖެނުއަރީ 2018 - 07:25
16 comments
ރާއްޖެ އާއި ޖަޕާންގެ ސިޔާސީ ގުޅުމަށް 50 އަހަރު ފުރިފައިވާއިރު، ޖަޕާން ފާހަގަކުރެވެނީ ރާއްޖޭގެ ތަރައްގީގައި ވަރަށް މުހިންމު ބައިވެރިއެއްގެ ގޮތުގައި. ރާއްޖޭގެ ތަރައްގީ އާއި މޫސުމީ ރައްކާތެރިކަމަށް އެންމެ ބޮޑެތި އެހީތެރިކަން ދެމުން އަންނަ އެއް ގައުމަކީ ވެސް ޖަޕާން. ދެ ގައުމުގެ ގުޅުމަށް ބައި ގަރުނު ފުރުން ފާހަގަކުރަމުންދާއިރު، ޖަޕާންގެ ވިސްނުމަކީ ރާއްޖޭގެ ތަރައްގީއަށް އިތުރު އެހީތެރިކަމެއް ދީ، އެ ގުޅުން ކުރިއަށް ވުރެ ބޮޑަށް ބަދަހިކުރުން.
ރާއްޖެ-ޖަޕާންގެ ގުޅުމަށް 50 އަހަރު ފުރުން ފާހަގަކުރާއިރު، އެ ގައުމުގެ ފޮރިން މިނިސްޓަރު ޓާނޯ ކޯނޯ މި އަހަރު އެންމެ ފުރަތަމަ ޒިޔާރަތް ކުރައްވާ ގައުމަކަށް ރާއްޖެ ހެއްދެވުމުން ވެސް ދޭހަވަނީ ދެ ގައުމުގެ ގުޅުން ކުރިއަށް ގޮސްފައިވާ މިންވަރު. އޭނާގެ މި ދަތުރުގައި ރައީސް އަބްދުﷲ ޔާމީނާ ބައްދަލުކުރެއްވުމުގެ އިތުރުން ދެ ގައުމުގެ މެދުގައި ރަސްމީ ވާހަކަތައް ބާއްވަވާނެ.
ތިރީގައި މިވަނީ ޖަޕާންގެ ފޮރިން މިނިސްޓަރު ޓާރޯ ކޯނޯ ރާއްޖެ އަށް ކުރައްވަމުން ގެންދަވާ ރަސްމީ ދަތުރާ ގުޅިގެން އޭނާ "މިހާރު" އަށް ދެއްވި އިންޓަވިއުގެ މުހިންމު ބައިތަކެވެ.
ރާއްޖެ އާއި ޖަޕާނާ އެކު ސިޔާސީ ގުޅުން ގާއިމް ކޮށްފައިވާތާ 50 އަހަރަށް ވުރެ ގިނަ ދުވަސް ވެއްޖެ. މި ގުޅުމަށް އައި ކުރިއެރުމަކީ ކޮބައިތޯ؟ އަދި ޖަޕާނަށް ރާއްޖެ ހާއްސަ ވެފައިވާ ގޮތަކީ ކޮބައިތޯ؟ ޖަޕާނު ސަރުކާރުން ދިވެހި ރައްޔިތުންނަށް ދޭން ބޭނުންވާ މެސެޖަކީ ކޮބައިތޯ؟
ރާއްޖޭގެ ފޮރިން މިނިސްޓަރު އާސިމް އާއި ރާއްޖޭގައި ހުންނަވާ ޖަޕާންގެ ސަފީރު، ދެ ގައުމުގެ ދެމެދުގައި އެއްބަސްވުމެއްގައި ސޮއިކުރެއްވުމަށް ފަހު، އެއްބަސްވުން ބަދަލުކުރައްވަނީ.
ރާއްޖެއަކީ އޭޝިއާ ޕެސިފިކް ގައުމުތައް މެދުއިރުމައްޗާއި އެފްރިކާއާ ގުޅުވައިދޭ، އިންޑިއާ ކަނޑުގެ މުހިއްމު ހިސާބެއްގައި އޮންނަ ގައުމަކަށް ވާއިރު، ރާއްޖެއާ މެދު އޮންނަ ގުޅުމަށް ޖަޕާނުން ބޮޑު އަހައްމިއްޔަތު ކަމެއްދޭ.
ޖަޕާންގެ ފޮރިން މިނިސްޓަރު ޓާރޯ ކޯނޯ، ރާއްޖެއަށް ކުރައްވަމުން ގެންދަވާ ރަސްމީ ދަތުރުފުޅުގައި މިއަދު ހެނދުނު ދިވެހި މީޑިއާއާ ވާހަކަ ދައްކަވަނީ.---ފޮޓޯ: ފޮރިން މިނިސްޓްރީ
މީގެ ބައި ގަރުނު ކުރިން ރާއްޖެއާ ޖަޕާނާ ދެމެދު ގާއިމްކުރި ސިޔާސީ ގުޅުން ދެ ގައުމުން ވެސް މި ދަނީ ހަރުދަނާ ކުރަމުން. ރާއްޖޭގެ މާހައުލާއި ރީތި ގޮނޑުދޮށްތައް ޖަޕާނުގެ ގިނަ މީހުންނަށް ކަމުދޭ. މިހާރު ވެސް އަހަރަކު 40،000 އަށް ވުރެ ގިނަ މީހުން ޖަޕާނުން ރާއްޖެ އެބަ ޒިޔާރަތް ކުރޭ. ޖަޕާނާއި ރާއްޖެއަކީ ވެސް ގުދުރަތީ ކާރިސާތަކުގައި، ހާއްސަކޮށް ސުނާމީގެ ބިރު ބޮޑު ދެ ގައުމަށް ވާތީ، މި ފަދަ ކާރިސާތަކުން ލިބޭ ގެއްލުން ކުޑަކުރުމަށް ދެ ގައުމުން އަތާ އަތް ގުޅާލަންޖެހޭ. މި އަހަރު އަޅުގަނޑު އެންމެ ފުރަތަމަ ޒިޔާރަތް ކުރާ ގައުމަކަށް ރާއްޖެ ހެދީ ވެސް ޖަޕާނާއި ރާއްޖެއާ ދެމެދު އޮންނަ ގުޅުން ހަރުދަނާ ކުރުމުގެ ގޮތުން.
ރައީސް ޔާމީން، ޖަޕާނުގެ ވައިސް މިނިސްޓަ ފޯ ފޮރިން އެފެެއާޒް އައިވާއޯ ހޯރީއާ މިދިޔަ އަހަރުގެ ނޮވެމްބަރު މަހު ބައްދަލުކުރައްވަނީ.--- ފޮޓޯ: ރައީސް އޮފީސް
ބައިގަރުނަށް ވުރެ ގިނަ ދުވަސް ވީ މި އެކުވެރި ގުޅުން އިތުރަށް ހަރުދަނާ ކުރުމަށްޓަކައި "ފްރީ އެންޑް އޯޕަން އިންޑޯ-ޕެސިފިކް ސްޓްރެޓެޖީ"ގެ ދަށުން މަސައްކަތް ކުރުމަށް ޖަޕާނުން ގަސްދުކުރޭ. މި ސްޓްރެޓެޖީގެ އަމާޒަކީ ހުރިހާ ގައުމަކަށް ހަމަހަމަވާ ގޮތުގެ މަތިން، އިންޑޯ-ޕެސިފިކް ސަރަހައްދުގެ ގާނޫނާ އެއްގޮތްވާ ގޮތަށް، ކަނޑުތަކުގެ މަސައްކަތްތައް ހުޅުވައިލުން. ހާއްސަކޮށް ސަރަހައްދީ ގުޅުންތައް ވަރުގަދަކުރުމުގެ ގޮތުން އުމްރާނީ ތަރައްގީ އާއި ކަނޑުގެ ސަލާމަތީ ކަންކަމަށް އެއްބާރުލުން ދިނުމަށް ޖަޕާނުން މަސައްކަތް ކުރަމުން ދާނެ.
ރާއްޖެ-ޖަޕާންގެ 50 އަހަރުގެ ގުޅުން ދައްކުވައިދޭ ލޯގޯ.
މިފަދަ ކަންކަމުން ދިވެހި ރައްޔިތުންނަށް އަޅުގަނޑު ދޭން ބޭނުންވާ މެސެޖަކީ، ޖަޕާނާއި ރާއްޖެއަކީ ސަރަހައްދަށް ހަމަޖެހުމާއި އަމާންކަން ގެނައުމަށް އެކުގައި މަސައްކަތްކޮށް އެކުގައި ކުރިއަރާނެ ދެ ބައިވެރިންކަން
ރާއްޖޭގެ ތިމާވެށި ހިމާޔަތް ކުރުމަށް ޖަޕާނުން ވަނީ ވަރަށް މުހިއްމު އެހީތަކެއް ވެދީފައި. މިގޮތުން އެންމެ ފާހަގަކޮށްލެވެނީ މާލެ ހިމާުޔަތްކުރުމަށް ވަށައިގެން ލާފައިވާ ތޮށި. ރާއްޖޭގެ ތިމާވެށި ހިމާޔަތް ކުރުމަށް ކުރިއަށް އޮތްތަނުގައި ޖަޕާނުން މި ފަދަ އެހީތެރިކަން ދިނުމަށް ނިންމާފައިވޭތޯ؟
ޖަޕާނާއި ރާއްޖެއަކީ ވެސް ވަށައިގެން ކަނޑު އޮންނަ ދެ ގައުމަށް ވާތީ ސުނާމީ ފަދަ ގުދުރަތީ ކާރިސާތަކާއި އެއިން ރައްކާތެރިވުމަށް ކުރާ މަސައްކަތްތައް ދެ ގައުމަށް ވެސް އެނގޭ. ޖަޕާނުން ވާނީ އެކި އެކި ގޮތް ގޮތުން، ހާއްސަކޮށް ތިމާވެއްޓާއި މޫސުމީ ބަދަލުތަކާއި ކާރިސާތަކުން ސަލާމަތްވުމާ ގުޅޭގޮތުން ރާއްޖެއަށް އެހީތެރިކަން ފޯރުކޮށްދީފައި. އޭގެ ތެރޭގައި މީގެ އަހަރުތަކެއް ކުރިން އަޅައިދިން މާލޭގެ ބޭރުތޮށި ފާހަގަކޮށްލެވޭ.
ރާއްޖޭގެ ބޮޑުބަޔަކަށް ކަރަންޓު ފޯރުކޮށްދެނީ ޑީސަލް ޖެނެރޭޓަރުން ކަމަށްވާތީ، އަވިން ހަކަތަ އުފައްދާ ނިޒާމު ނުވަތަ ސޯލާ ޕަވާ ތައާރަފް ކުރުމަށް، 2010 ވަނަ އަހަރުން ފެށިގެން ޖަޕާނުން އަންނަނީ މަސައްކަތް ކުރަމުން. މީގެ ސަބަބުން ޖައްވު ހޫނުކުރާ މާއްދާތައް ބޭރުވާ މިންވަރު މަދުވާނެ.
ޑިޖިޓަލް ޓެރެސްޓީރިއަލް ބްރޯޑްކާސްޓިން ނެޓްވޯކްގެ މަޝްރޫއަަށް އެހީ ދިނުމުގެ އެއްބަސްވުމުގައި މިދިޔަ އަހަރުގެ މޭ މަހު ސޮއި ކުރުމަށް ފަހު ރާއްޖޭގެ ފިނޭންސް މިނިސްޓަރު މުނައްވަރު (ކ) އަދި ޖަޕާންގެ ޖައިކާގެ ޗީފް ރެޕްރެޒެންޓޭޓިވްއާ ސަލާމް ކުރައްވަނީ: އެ މަޝްރޫއަށް 36 މިލިއަން ޑޮލަރު ޚަރަދުވާނެ.---ފޮޓޯ: ހުސެއިން ވަހީދު/މިހާރު
އަދި ޖަޕާނުގެ ސްޓޭންޑަޑްތަކާ އެއްގޮތަށް ގާއިމް ކޮށްފައިވާ ޓެރެސްޓްރިއަލް ޑިޖިޓަލް ބްރޯޑްކާސްޓިން ނެޓްވޯކް ރާއްޖޭގައި ގާއިމް ކުރުމަށް ވެސް ޖަޕާނުން އެހީތެރިކަން ފޯރުކޮށްދޭނެ. އަޅުގަނޑުމެން ގަބޫލުކުރާ ގޮތުގައި ކުއްލި ހާލަތްތަކާއި ކާރިސާތަކުގައި މި ބްރޯޑްކާސްޓިން ނެޓްވޯކު މެދުވެރިކޮށް މުވާސަލާތު ކުރުމާއި މައުލޫމާތު ފެތުރުމަށް އެހީވެދޭނެ. އަދި މިއީ މި ފަދަ ކާރިސާތަކުގައި ލިބިދާނެ ގެއްލުން ކުޑަވެސް ކުރެވިދާނެ ކަމެއް.
ޖަޕާނުން އަބަދުވެސް ދިވެހި ސަރުކާރާ އެކު މަޝްވަރާކޮށްގެން، ރާއްޖޭގެ ތިމާވެއްޓަށް ހުރި ނުރައްކާތައް ކުޑަކުރުމަށް ދެވިދާނެ އެއްބާރުލުންތަކަކީ ކޮބައިތޯ ބަލާނަން.
ޖަޕާނުން ރާއްޖެއަށް ދީފައިވާ އެހީތެރިކަން ހުރިހާ ރޮނގަކުން ވެސް ފާހަގަކޮށްލެވޭ. އޭގެ ތެރޭގައި ތައުލީމާއި އިގްތިސޯދާއި އިޖްތިމާއީ އަދި ތިމާވެށީގެ ދާއިރާ ހިމެނޭ. ކުރިއަށް އޮތްތަނުގައި ޖަޕާނުގެ އެހީތެރިކަން ރާއްޖެއަށް ލިބޭނީ ކޮން ދާއިރާތަކަކުންތޯ؟
ތިމާވެއްޓާއި ކާރިސާތަކުން ސަލާމަތް ވުމުގައި އެހީތެރިވުމުގެ އިތުރުން، ދިވެހިންގެ ސިނާއީ މަސައްކަތްތައް ކުރިއެރުވުމަށް ވެސް އަޅުގަނޑުމެން އަހައްމިއްޔަތުކަން ދޭނަން.
ރާއްޖެ އާއި ޖަޕާންގެ ގުޅުމަށް 50 އަހަރު ފުރުން ފާހަގަކުރުމަށް ޖަޕާންގެ "ސައީ" ބެރު ގުރޫޕާއި ރާއްޖޭގެ ހަބޭސް ބޮޑުބެރު ގުރޫޕުން މިދިޔަ އަހަރުގެ އޮކްޓޫބަރު މަހު ޖުމްހޫރީ މައިދާނުގައި ބޭއްވި ބެރުވެރިކަމުގެ ހުނަރު ދައްކާލުމުގެ ޝޯ ނިންމާލުމަށް ފަހު ދެ ގުރޫޕުން ފޮޓޯއަކަށް ހުއްޓިގެން.---ފޮޓޯ: ހުސައިން ވަހީދު/މިހާރު
ޖަޕާން އިންޓަނޭޝަނަލް ކޯޕަރޭޝަން އޭޖެންސީ (ޖައިކާ) މެދުވެރިކޮށް ދިވެހި ޓޫރިޒަމް ދާއިރާއިން މީހުން ބިނާކޮށް، ޓޫރިޒަމް ޕްރޮމޯޓް ކުރުމަށް ތަމްރީން ދިނުމަށް ވަނީ ރާވާފައި. ޓޫރިސްޓުން އިތުރުކުރުމަށް ދިވެހި ސަރުކާރުން ކުރަމުންދާ މަސައްކަތްތަކަށް އިތުރު އެހީތެރިކަން ދޭން ޖަޕާނުން ބޭނުންވޭ.
ރާއްޖެ-ޖަޕާންގެ ގުޅުމަށް 50 އަހަރު ފުރުމުގެ މުނާސަބަތުގައި ދެ ގައުމު ގުޅިގެން ނެރުނު ސްޓޭމްޕް ސެޓް، މިދިޔަ އަހަރުގެ ނޮވެމްބަރުމަހު ތައާރަފު ކޮށްދެއއްވަނީ.---ފޮޓޯ: ހުސެއިން ވަހީދު/މިހާރު
މަސްވެރިކަމުގެ ދާއިރާއަށް ބަލާއިރު، ރާއްޖޭގައި މަސްވެރިކަން ކުރާ ގޮތް ހަރުދަނާ ކުުރުމަށް މާސްޓާ ޕްލޭނެއް އެކުލަވާލުމުގެ މަސައްކަތަށް ޖަޕާނުން އެހީތެރިވެދޭނެ. މީގެ ތެރޭގައި ރާއްޖެ އާއި ޖަޕާނުން ވެސް މަސްވެރިކަމުގައި ގެންގުޅޭ އެއްގޮތް ކަންކަން ހިމަނާނެ. މިސާލަކަށް ކަޅުބިލަމަހުގެ ދޮށީގެ މަސްވެރިކަން.
މި ފަދަ ކަންކަމުގެ ތެރެއިން ޖަޕާނުން އަބަދުވެސް ދާނީ ރާއްޖޭގެ އިގްތިސޯދީ ކުރިއެރުމަށް އެހީތެރިވަމުން.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގެރި
06 January 2018
މިކަމާ އިންޑިޔާ ޖެލެސްނުވޭތަ؟
އެފް އެމް
06 January 2018
ދުނިޔޭގެ ގައުމުތައް ކުރިމަތީގައި ރާއްޖެ އެކަހެރިވެ ބިކަވެ ބާކީވެ އަގުވެއްޓޭ ކަމުގަ ސިޔާސީ ވާދަވަރެން ބުނަމުންދާ އިރު ބަައިނަލްއަގްވާމީ ގަވްމިތަކުން ބުނަމުން މިދަނީ ދިވެހިރާއްޖެއާއި އެކު މުޅިސަރަހައްދީ އަމންކަމާއި ހަމަޖެހުން ގާއިމްކުރުމުގަ މުހިއްމު ދައުރުތަކެއް އަދާކުރާނެ ކަމުގަ އެހެނީ ބައިނަލްއަގްވާމީ ގައުމުތަކަށްތާ އެނގޭނީ ދިވެހި ސަރުކާރުން ގެންގުޅެމުން މިދާ ހަރުދަނާ ސިޔާސަތުތައް ވާދަވެރިން އުޅޭނީ އޮޅުވާލަންތާ
ރިޒާ
06 January 2018
އާދެ، މި އުޅޭ އަބުދުﷲ ޝާހިދުމެން، ޝަހީދުމެއް ކިޔާ އެއްޗަކާ މި ގައުމު ތަކުން އަންނަ ފޮރިން މިނިސްޓަރުން ދައްކާ ވާހަކަ އަކާ ދިމަލެއް ނުވޭ، ދެން ބުނާނެ ޖަޕާނު އެއީ މާ އުރައްޕެއް ހުރި ގައުމެއް ނުނޭ.
ޙުސެން
06 January 2018
ޢަހަރެމެން ބޮޑުވެގެން އައި އިރު ތަރައްގީގެ ކަމެއްވިއްޔާ ޖަޕާން. ޜަށްރަށު ސްކޫލް ހެދުމާ އެތައްކަމެއް. ޖަޕާނާ ރާއްޖެ ދުރުވިސަބަބެއްނޭނގެ
ބަލާތި
06 January 2018
ޖަޕާނުން ރާއްޖެ އަށް އެހީވެފައިވާ މިންވަރުގެ 1 އިން ސައްތަ ވެސް ނުހުންނާނެ އިންޑިއާ އަށް ރާއްޖެ އަށް އެހީވެވިފައި. ދެން ކޯއްޗެކޭ ކިޔަންތޭ އިންޑިއާ އިން އުޅެނީ. އިންޑިއާ އިން ދައްކަބަލަ އިންޑިއާ އިން ރާއްޖޭގައި އަޅާދީފަިއވާ ލާމަސީލު ބިލްޑިންގް އެއް. އައިޖީއެމްއެޗް އެހެރީ ފީވެގެން ތަޅާލަން ޖެހިފައެވެ. މުޅި ތަނުގެ އިންފްރާސްޓްރަކްޗަރ ފެއިލް ވެގެން ސަރުކާރުގެ އެހީގައި އެވަނީ އެތަން ބަދަލު ކޮށްފައެވެ. ކަން މިހެން ހުުރުމުން އިންޑިއާ އިން ދުރަށް ގޮސް ރާއްޖެ އެބަޖެހޭ ޖަޕާން ޗައިނާ އަދި މެލޭސިއާ އަދި ތައިލެންޑް އަދި އިންޑޮނޭޝިއާ އަދި ކެމްބޯޑިއާ އަދި ވިއެޓްނާމް އަދި ލާއޯސް ތަން ތަނުގެ އެހީހޯދަން. ދެން ގަލްފްގެ މުއްސަނދި ގައުމު ތައް ކަމަށް ވާ ސައުދީ އާއި ޔޫއޭއީ އާއި ކުވޭތު ފަދަ ގައުމު ތަކުގެ އެހީ ހޯދަން އެބަޖެހެއެވެ. އެއިރުން ޔޫރަޕް ސިއްސައިގެން ދާވަރަށް އަދި އެމެރިކާ ސިއްސައިގެން ދާވަރަށް ރާއްޖެ ތަރައްގީ ވުމުން އެމެން ނާށިގަނޑު ހިފަިއގެން ސަލާމް ޖަހާނެ މަމެން ގާތު މަސައްކަތެއް ދޭތޯ ބަލަން.
މޮހޮނު
06 January 2018
މާދަމާ ކަންނޭގެ އެއްވެސް ސަބަބަކާ ނުލައި ތިޔަ ގުޅުން ވެސް ކަނޑާނީ ގަތަރާ ގުޅުން ކެނޑީވެސް އެއްވެސް ކަމަކާނުލާ
އަސްތާ
06 January 2018
މޮހޮނާ ދަތް ބާރުވީ ދޯ؟ ޑރ ޝަހީދު އައް އަންގާ ޔޫ އެން ގަ ޖަޕާނު ކުއްވެރި ކުރަން
ލުކްފާރ
06 January 2018
އިންޑިއާ ފައި ބުޑަށް ރާއްޖޭގެ ސަރުކާރު ވެއްޓުމުގެ ބަދަލުގައި ރާއްޖޭގެ ސަރުކާރުން ގުޅުން ގާއިމް ކުރަންވީ ޖަޕާން ފަދަ ގައުމު ތަކާއިއެވެ. އިންޑިއާ އަމިއްލަ އަށޭ ބުނަނީ ތިމަންނާ މެންނީ ސަރަހައްދުގެ ސަލާމަތާއި ރައްކަލަށް މަސައްކަތް ކުރާ ބަޔެކޭ އެކަމަކު އެމެން ލަންކާ އަށް އިންޑިއަން ޕީސް ކީޕިންގް ފޯރސް ފޮނުވުމުން ލަންކާގެ މަޝްރަހު ވީ ގޯސް އޭ އިންޑިއާ އަކީ ތިޔާ ބުނާ ބާރު ގަދަ ބަޔެއް ނޫނޭ މިލިޓަރީ ގޮތުން ވެސް އަދި ސިޔާސީ ގޮތުން ވެސް އަދި އިގްތިސާދީ ގޮތުން ވެސް. މިހާރުވެސް އިންޑިއާގައި ބްލެޓް ޓްރެއިން މަޝްރޫއު އެމެންނަށް ހިންގާދެނީ އެއީ ޖޭބިކްގެ ބޮޑު ލޯނެއްގައޭ އެެއީ އެމެންނަށް އެކަން ނުވުމުން ނޫންތޭ. އިންޑިއާ އާއި ދުރަށް ރާއްޖެ ޖެހިގެން ނޫން ގޮތަކަށް ރާއްޖެ ތަރައްގީ ނުވާނެއެވެ. އިންޑިއާ އަކީ ދުވަހަކު ވެސް ތަރައްގީވާނެ ގައުމެއް ނޫނެވެ. ދެން އަނެއް ކޮޅުން ރާއްޖެ އަށް ރަނގަޅުވާނީ ވެސް ސާރކް ސަރަަހައްދުގެ އެހެން ގައުމު ތައް ފަގީރު ކަންމަތީގައި ތިބުމުންނެވެ. އެއީ އެކަން އޮންނަން ޖެހޭނެ ގޮތަކީ.
ވިސްނާތި
06 January 2018
ޖަޕާންގެ އެމްބަސީ އެއް މާލޭގައި ގާއިމްވެފައި ހުރުމަކީ އެއީ ދިވެހިންނަށް ލިބޭނެ އެންމެ އުފާވެރި ކަމެވެ. ކަން މިހެން ހުރުމުން މިކަމުގެ އެޑްވާންޓޭޖް ސަރުކާރުން ނަގައިގެން ބައްލަވަންވީ ޖަޕާން އިން ރާއްޖެ އަށް ލޯން ސްކީމެއްގެ ދަށުން ނަމަވެސް އަހަރަކު 1000 ސްކޮލަރޝިޕްސް މާސްޓަރސް ފެންވަރަށް ކިޔަވަން ފުރުސަތު ޖަޕާނުގެ ޔުނިވަރސިޓީ ތަކުންނާއި އަދި ޖަޕާނުގެ ޓިވެޓް އިން ލިބޭތޯއެވެ. ރާއްޖޭގައި ކޮންމެ އަހަރަކު އޯލެވެލް ހަދާ 10 ހާސް ކުދިންގެ ތެރޭން 1000 ކުދިން ޖަޕާން އަށް ދިގު މުއްދަތުގެ ތަމްރީން ހަދަން ފޮނުވައިފިނަމަ އެމެން ޖަޕާން ގައި ރާއްޖެ ނައިސް 5 އަހަރު ކޮށް ފައި އަންނަ އިރު އެމެންނަކީ އެއީ ހިއުމެން މެޝިން އަށް ތިބޭނީ ބަދަލު ވެފައެެވެ. ނަތީޖާ އަކީ ރާއްޖެ ސާރވިސް އޮރިއެންޓެޑް ކަންޓްރީ އަކުން އިންޑަސްޓްރިއަލައިޒްޑް ކަންޓްރީ އަކަށް އެމެން ބަދަލު ކުރާނެ އެމެން ރާއްޖެ އައިސް މަސައްކަތް ފަށާތާ 10 އަހަރު ދުވަސް ތެރޭގައި. މީ ސަރުކާރުގެ އިކޮނޮމިކް ކައުންސިލުން ވިސްނަން ޖެހޭނެ ކަންކަން މިހުންނަނީ.
ކަމީސް
06 January 2018
ތީ ހަމަ ވަރަށް ރަނގަޅު ހިޔާލެއް
ލުކްވެލް
06 January 2018
ސާރކް ސަރަހައްދަށް އަމާން ކަން ގެނެވޭނީ ފުރަތަމަ ޑޮމެސްޓިކް ވަޔަލެންސް ހުއްޓި އަދި މިހާރު މިއޮތް ޕަވަރޓީ ލައިން ގެޕް ކުޑަ ވެގެން ނެވެ. އެކަން މިރާއްޖޭގައި ކުޑަ ނުކުރެވޭނެ ރާއްޖެތެރޭގައި އުޅޭ 10 ހާހުން ދަށުގެ އާބާދީ ތައް އެމެންގެ ރަށުގައި ތިބެގެން. ކިތަންމެ ބޮޑު އިންވެސްޓެއް ކުރި ނަމަވެސް އެކަން ނުވާނެއެވެ. އަނެއްކޮޅުން ދިވެހިންގެ ކަލްޗަރ ހުންނަ ގޮތުން ރާއްޖެތެރޭ އެއް ރަށަށް އަނެއް ރަށެއްގެ ބަޔަކު ހިޖްރަ ކޮށްފިނަމަ ނަސްލީ ތަފާތު ކުރުން އިންތިހާ އަށް ބޮޑެވެ. އެކަން ފެނޭ އޭދަފުށިން ލާމު ގަމުން އަދި ހަނިމާދޫން އަދި ނޮޅިވަރަމް ފަރުން. ކަން މިހެން ހުރުމުން ރާއްޖޭގެ އާބާދީ އެއް ފަސް ކުރުމަށް ޓަކައި މާލެ ސަރަަހައްދުގައި އިމާރާތް ކުރަންވީ ޖަޕާންގެ ބޭންކްސް ތަކުން ލޯން ނަގައިގެން އަހަރަކު 1 ލައްކަ ހައުސިންގް ޔުނިޓްސް 2 ކޮޓަރީގެ އެޕާރޓްމެންޓްސް ހިމެނޭ. ދެން 10 ހާހުން ދަށުގެ އާބާދީ މާލެ ސަރަހައްދަށް ބަދަލު ކުރަންވީ އެމެން ނަށް މީގައި ވާނުވާ ނާންގާ. އެނޫން ނަމަ ހަމަ ޖެހުން ނުގެނެވޭނެ.
ޖައްސާތި
06 January 2018
އިންޑިއާ އިން ކަރުގެ ނާރުތަކަށް ފުއްޕާފައި މާ ބޮޑަށް ރާއްޖެ އަށް އެހީވާ ގައުމެއް ކަމަށް ހެދިގެން އުޅޭއިރު އެމެން އެޅި އައިޖީއެމްއެޗް އިމާރާތް ހީވަނީ ކޮތަރު ކޮއްޓެއް ހެން ދެން އެޅި ފެކަލްޓީ އޮފް ހޮސްޕިޓަލިޓީ އިމާރާތް އެޅީ ސްޓްރަކްޗަރ ގައި އަޅާފައިވާ ދަގަނޑު ތައް ފީވި ފަހުންނެވެ. އެހެނެއް ނޫން ޖަޕަނީސް ގްރާންޓް އެއިޑް. ކޮމިޓްމެންޓް ޑެލިވަރޑް ޕާރފެކްޓްލީ. ޖަޕާނު ސަރުކާރުގެ ހިލޭ އެހީގައި އަޅާދީފައިވާ ޕޯސްޓެލް ބިލްޑިންގް އަކީ އެއީ ނަމޫނާ ބިލްޑިންގް އެކެވެ. އެމެރިކާ ވެސް މަހަށް ދާން ޖެހޭނީ މިވަރުގެ އިމާރާތަކާއި އަދި ޑިޖިޓަލް ޓެލެކޮމް ނެޓް ވޯރކެއް މާލޭގައި އަޅަން ޖެހިއްޖެނަމަ ޔޫއެސް އެއިޑްގެ ދަށުން. ޖައިކާގެ އެއިޑްސް ތަކަކީ އެއީ އެންމެ ޓްރާންސްޕޭރެންސީ ބޮޑު އަދި އެންމެ ކޮރަޕްޝަން ކުޑަ އެހީ ދޭ އޮގަނައިޒޭޝަން އެވެ. މިހާރު އެނަން ވަނީ ޖިކްސް އަށް ބަދަލު ވެފައެވެ. މިރާއްޖޭގެ މާލޭ ސަރަހައްދުގައި 1 މިލިއަން ހައުސިންގް ޔުނިޓްސް ތައް އެެޅުމަށް ޓަކަައި ޖައިކާގެ އޯޑީއޭ ލޯން ނަގައިގެން އެކަން ކުރަންވީ.
ގެރި
06 January 2018
އިންޑިޔާއަކީ އެއްވެސް ގައުމަކަށް އެހީވާ ބަޔެއްނޫނޭ! އެމީހުންބޭނުމީ ސަރުޖީ ކިޔާލަ ކިޔާލަ ތިބުން!
ދަވޭ
06 January 2018
ރާއްޖެ އާއި ޖަޕާނާއި ދެމެދު އޮތް ގުޅުން އިތުރު ހަރުފަތަކަށް ގެނައުމަށް ޓަކައި އެބަޖެހޭ ޖަޕާނާއި ރާއްޖެ އާއި ދެމެދު މިއަހަރުގެ ރިޔާސީ އިންތިޚާބުގައި ވޯޓް ލުމުގެ ކުރިން ފްރީ ޓްރޭޑް އެއްބަސްވުމެއް ގައި ސޮއި ކޮށް މާލެ ސަރަަހައްދުން މާލެ އާއި ވިލިގިލި އާއި ދެމެދު ކަނޑުއޮޅި އެއް ކޮށް ހިއްކާލާ އެތަނުގައި ޑޮމެސްޓިކް އެއާރޕޯރޓް އަކާއި އެެއް ކޮށް ތަރައްގީ ކޮށް އެކު ތަރައްގީ ކޮށް އެތަނުގައި ޖަޕަނީސް އިންޑަސްޓްރިއަލް ޕާރކް އަކާއި ކޮމާރޝަލް ޕާރކް އަކާއި އަދި އެޑިއު ޕާރކް އަކާއި އަދި އެގްރިކަލްޗަރ ޕާރކް އާއި އަދި މެޑިކަލް ޕާރކް އަކާއި އަދި އިލެކްޓްރޯނިކްސް އެންޑް ޑޭޓާ ޕްރޮސެސިންގް ޕާރކެއް ހަދަން. ޖަޕަނީސް ޓެކްނޮލޮޖީ އަކީ އެއީ ދުނިޔޭގެ ލާމަސީލު ޓެކްނޮލޮޖީ އެވެ. ބޮއިންގް 787 ޑްރީމް ލައިނަރގެ %80 އެއީ ޖަޕަނީސް ޓެކްނޮލޮޖީ އެވެ. އަދި އެއާރބަސް އޭ 380 ގައި ބީއޭއީ ސިސްޓަމަށް ބޭނުންވާ ހުރިހާ އޮގްޒިލަރީ ސަޕޯރޓް ދޭ ޓެކްނޮލޮޖީ އެއީ ޖަޕަނީސް ޓެކްނޮލޮޖީ އެވެ. ޖަޕާނަކީ ފްރީ ޓްރޭޑް ހަދަން ޖެހޭ ގައުމެކެވެ.
ގެދަރނޯމޮސް
06 January 2018
ބޭފުޅާ 6 ފަހަރު ކޮމެންޓް ކުރުމުން ހިތްހަމަޖެހޭތޯ؟