އައްޑޫ އެކްސިޑެންޓްގައި ސީރިއަސްވި ޒުވާނާ އިތުރު ފަރުވާއަށް މާލެ ފުރުވާލައިފި

ފޭދޫގައި ރޭ އެކްސިޑެންޓްވި ސަރަހައްދަށް ބަޔަކު ޖަމާވެފައި.

ސ. ފޭދޫން، އަހުމަދު އަދްޝަން، މިހާރު އަދި

12 ޖެނުއަރީ 2018 - 15:02

އައްޑޫ ލިންކް ރޯޑްގައި ރޭ ހިނގި ނުރައްކާތެރި އެކްސިޑެންޓްގައި ބޮލަށް ސީރިއަސް ގެއްލުންތަކެއް ވެ، ހިތަދޫ ރީޖަނަލް ހޮސްޕިޓަލްގެ އައިސީޔޫގައި ފަރުވާ ދެމުން އައި ޒުވާނާ އިތުރު ފަރުވާއަށް މިއަދު މެންދުރު ފަހު، މާލެ ފުރުވާލައިފި އެވެ.

ހިތަދޫ ރީޖަނަލް ހޮސްޕިޓަލުން ބުނީ، ބޯ ފަޅައިގެން ގޮސް، ސިކުނޑި އަށް ވެސް ލޭގެ އަސަރު ކޮށްފައިވާ ހިތަދޫ ގާދޫގޭ، މުހައްމަދު އަސްވާގް 18، މާލެ ފުރުވައިލިއިރު ހާލު ސީރިއަސް ކަމަށެވެ. އެހެންވެ އޭނާ މާލެ ފުރުވާލީ ޗާޓަރުކުރި މަތިންދާބޯޓެއްގަ އެވެ.

ފޭދޫ ލިންކް ރޯޑްގައި ހުންނަ ޕީޕީއެމްގެ އޮފީސް ކުރިމަތީގައި ހިނގި ހާދިސާގައި އޭނާ ދުއްވި ސައިކަލް ކޮންޓްރޯލް ނުވެ، މަގުމަތިން ހިގާފައި ދިޔަ ބިދޭސީއެއްގެ ގައިގައި ޖެހި، އޭނާގެ ބޮލުގެ ފުއްކިބަ ވެސް ފަޅައިގެން ގޮސްފައިވެ އެވެ. އެކަމަކު ސީރިއަސް ގެއްލުމެއް ނުލިބެ އެވެ.

މީގެ އިތުރުން އަސްވާގާ އެކު ސައިކަލްގެ ފަހަތުގައި އިން އުމުރުން 16 އަހަރުގެ ފިރިހެން ކުއްޖާގެ ހަށިގަނޑުގެ ބައެއް ތަންތަން މަށައިގެން ގޮސްފައިވެ އެވެ.

މިދިޔަ މަހު އައްޑޫ ހިނގި ނުރައްކާތެރި އެކްސިޑެންޓެއްގައި އުމުރުން 13 އަހަރުގެ ފިރިހެން ކުއްޖަކު މަރުވެފައިވެ އެވެ.

ސ. ފޭދޫ އައްޑޫ އެކްސިޑެންޓް މަގުމަތީގެ އެކްސިޑެންޓް ހިތަދޫ ރީޖަނަލް ހޮސްޕިޓަލް އައްޑޫ ޕޮލިސް

9 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާބިދާ

13 January 2018

ބާރަށް ދުއްވާއިރު އަމިއްލަ ނަފްސަށާއި ބުރޭކަށް އިތުބާރު ކުރިއަސް، އެހެންމީހުނަށް އިތުބާރު ނުކުރެވޭނެ. އެހެންވީމަ މަޑު މަޑުން ދުއްވަންވީ. ތިޔަ ދާތަނަކަށް ސަލާމަތުން ދެވިދާނެތާ ލަސްވިޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސިޑެންޓް

13 January 2018

ތި މަގުގަ ކޮންމެ ދެފޫޓަކުން ބަމްޕަރު ޖަހައްވެއްޖެނު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރު

12 January 2018

ހެލްމެޓްރާއްޖޭގަ އެންމެންވެސް އެޅުމަށް ލާޒިމްކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮޓަސް

12 January 2018

އަބަދުވެސް އައްޑޫގައި ނުރައްކާތެރި އެކްސިޑެންޓެއް ހިނގައިގެން. ކުރިން އަޅުގަނޑުމެންނަށް އައްޑޫއޭ ބުނީމަ ސިފަކުރެވެނީ އިނގިރޭސިން އުޅުނު ތަނެއްގެ ގޮތުގައި. ނަމަވެސް މިހާރު އައްޑޫއޭ ބުނީމަ ސިފަކުރެވެނީ ނުރައްކާތެރި އެކްސިޑެންޓް ހިނގާ ތަނެއްގެ ގޮތުގައި. ނުރައްކާތެރި އެކްސިޑެންޓް ހިނގާގޮތަށް ދިވެހިރާއްޖޭގެ މަގުތަކުގައި ވެހިކަލް ދުއްވާމީހުން ދިގުމުއްދަތަކަށް ޖަލަށްލައި ބަންދުކުރެވޭ ކަހަލަ ގާނޫނެއް ފާސްކުރުން ވަރަށްމުހިންމު. އެހެންމީހުންގެ ސަލާމަތާއި ރައްކާތެރި ކަމަށްޓަކައިވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކޮޅުގޭ މުޙައްމަދު

27 June 2018

އޭރުން 18 އަހަރުން ފެށިގެން 40 އަހަރާ ދެމެދު ގިނަ ޒުވާނުން ތިބޭނީ ޖަލުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

12 January 2018

މިފަދަ ކަންކަމަށް ދައުލަތުގެ ފައިސާ ހަރަދު ކުރާއިރު އޭގެ ބޭނުން އެންމެ އެދެވޭ ގޮތަށް ކުރާންޖެހޭ. އައްޑޫން އެކްސިޑެންޓް ވެގެން މާލެ ފޮނުވާ ގިނަމީހުން މާލެ ދެވުމާއި އެކު “އައިޖީއެމްއެޗުން ފަރުވާކުރެވެން ނެތިގެން” އިންޑިޔާ ނުވަތަ ލަންކާ އަށް ފޮނުވަމުންގެންދޭ. އެހެންކަމުން “މާލެ ނުގޮސް އައްޑޫ ހޮސްޕިޓަލް މެދުވެރިވެގެން އައްޑޫ މުލައް ހުވަދޫ ރައްޔިތުން” ރާއްޖެއިން ބޭރުން ފަރުވާހޯދަން ޖެހިއްޖެ ހާލަތެއްގައި އެކަން ހަމަޖައްސާދޭންޖެހޭ. ހަފުތާއަކު 5 ދުވަހު ގޭން ކޮލަމްބޯ ޝެޑިއުލް ފްލައިޓް ސްރީލަންކަން އިން އޮންނައިރު މާލެ އިންވެސް ބަލިމީހުން ލަންކާއަށް ފޮނުވަން އާސަންދަ މަދަނައިން ސްރީލަންކަން ޓިކެޓް ދޫކުރާފަދައިން ގަމުން ފުރަންވެސް ޓިކެޓް ދޫކުރާންޖެހޭ. އެއީ ޤާނުނީ ހަމަހަމަކަމަކީ. ރޭސިޒަމް ދޫކޮށްލާ.!