ޗައިނާގެ އެހީގައި ލަންކާ އިން 13 ހޮސްޕިޓަލެއް ތަރައްގީ ކުރަނީ

ލަންކާގެ ރައީސް ސިރިސޭނާ ގެންދަވަނީ ސިއްހީ ޚިދުމަތް ތަރައްގީ ކުރަން ބޮޑެތި އިންވެސްޓްތަކެއް ކުރައްވަމުން.

ހަސަން އާމިރު، މިހާރު

17 ޖެނުއަރީ 2018 - 12:09

ކޮލަމްބޯ (ޖެނުއަރީ 17) - ޗައިނާ ސަރުކާރުގެ އެހީގައި ސްރީ ލަންކާގައި 13 ހޮސްޕިޓަލެއް ތަރައްގީ ކުރަން ހަމަޖެހިފައިވާ ކަމަށް ހެލްތު މިނިސްޓަރު ރަޖިތާ ސެނަރަތުނަ ވިދާޅުވެއްޖެ އެވެ.

މިރިގަމާ ބޭސް ހޮސްޕިޓަލް ތަރައްގީ ކުރުމާ ގުޅޭ ގޮތުން ހެލްތު މިނިސްޓްރީގައި ދާދި ފަހުން ބޭއްވި ބައްދަލުވުމެއްގައި ސެނަރަތުނަ ވިދާޅުވީ ހޮސްޕިޓަލްތައް ތަރައްގީ ކުރުމަށް ޗައިނާ ސަރުކާރުގެ ދެ ބިލިއަން ރުޕީސްގެ މާލީ އެހީ ލިބިފައިވާ ކަމަށެވެ. ހޮސްޕިޓަލްތައް ތަރައްގީ ކުރާ އިރު އައުޓް ޕޭޝަންޓް ޑިޕާޓްމަންޓް (އޯޕީޑީ) އާއި އިމަޖެންސީ ޔުނިޓް، ލެބޯޓްރީ ޚިދުމަތް، ރޭޑިއޭޝަން ޔުނިޓް އަދި ލޭ އަޅާނެ ސެންޓަރެއް ހުންނާނެ ކަމަށް މިނިސްޓަރު ވިދާޅުވި އެވެ.

ސެނަރަތުނަ ވިދާޅުވީ ހޮސްޕިޓަލްތައް ތަރައްގީ ކުރުމާ ބެހޭ ގޮތުން ވަރަށް އަވަހަށް ކެބިނެޓަށް ކަރުދާހެއް ހުށަހަޅާނެ ކަމަށެވެ.

ޗައިނާ އިން ދަނީ ލަންކާގެ ތަރައްގީ އަށް ބޮޑެތި އެހީތައް ވަމުންނެވެ. ހައިވޭތަކާއި އެއާޕޯޓްތައް އަދި ބަނދަރުތައް ވަނީ ޗައިނާގެ އެހީގައި ހަދައިފަ އެވެ.

ސްރީ ލަންކާ ޗައިނާ ހޮސްޕިޓަލް

6 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންފުތު

18 January 2018

ޗައިނާ ހިލޭ އެހީ ދެނީ ޗައިނާ އައް ލަންކާ ވަރަށްވެސް މުހިންމު ވީމަ ސަރުކާރު ރުއްސަންވެގެން .. ސިލްކް ރޫޓް ކާމިޔާބު ކުރަން ޗައިނާ ކޮންމެ ހެންވެސް މުހިއްމު .. މައްސަލަ އަކީ ހިލޭ އެހީ ދީފަ ބޮޑެތި ލޯނު ދީފަ ޗައިނާއައް ދަރާ ވިކިފައި ހުންނަންް ޖެހޭނެތީ .. ދެންޖެހޭނީ ކޮންްމެވެސް ބިމެއް ނޫނީ އެހެން އެއްޗެއް ދީފަ ފޫބައްދަން ..ރާއްޖެވެސް މިހާރު އޮތީ ޗައިނާ އަތް ދަށުގައި ..