އޯ ލެވެލްގެ ކާމިޔާބީ ފާހަގަކުރަން މާދަމާ ހާއްސަ ހަރަކާތްތަކެއް

އަމީިނިއްޔަ ސްކޫލުގެ ދަރިވަރުންތަކެއް ސްކޫލު ބޭރުގައި މަޑުކޮށްލައިގެން: އޯ ލެވެލް އިމްތިހާނުގައި ރާއްޖޭން ރަނގަޅު ނަތީޖާއެއް ހޯދާފައިވާ ކަމަށް މިނިސްޓްރީން ބުނޭ.-- ފޮޓޯ: ނިޝާން އަލީ/ މިހާރު

އާސިމާ ނިޒާރު، މިހާރު

31 ޖެނުއަރީ 2018 - 17:14

5 comments

މިދިޔަ އަހަރުގެ އޯ ލެވެލް އިމްތިހާނުގައި ރާއްޖޭގެ ދަރިވަރުން ހޯދި ކާމިޔާބީ ފާހަގަ ކުރުމުގެ ގޮތުން މާދަމާ ރާއްޖޭގެ ހުރިހާ ސްކޫލެއްގައި ހާއްސަ ހަރަކާތްތަކެއް ހިންގަން އެޑިއުކޭޝަން މިނިސްޓްރީން ނިންމައިފި އެވެ.

އެ އިމްތިހާނުން ހޯދި ކާމިޔާބީ ފާހަގަކުރުމުގެ ހަރަކާތްތައް މާދަމާ ފަށާނީ ހުރިހާ ދަރިވަރުން ބައިވެރިވާ ގޮތަށް ކުރާ ފަތިސް ނަމާދުގެ ޖަމާއަތުންނެވެ. މާލޭގައި މިކަން އޮންނާނީ އިސްލާމީ މަރުކަޒުގަ އެވެ. އޭގެ އިތުރުން، ކީރިތި ގުރްއާން ހަތިމް ކުރުމާއި ދުވަހާ ގުޅޭ ހާއްސަ އެސެމްބްލީއެއް ބޭއްވުން ވެސް ހިމެނެ އެވެ. އަދި މާދަމާ ސްކޫލުތަކުގައި ކިޔެވުން ނުބާއްވާ ގޮތަށް ވަނީ ހަމަޖައްސައިފަ އެވެ.

އޯ ލެވެލްގެ ނަތީޖާ އާ ގުޅޭގޮތުން މިިދިޔަ އާދިއްތަ ދުވަހު ނޫސްވެރިންނާ ވާހަކަދައްކަވަމުން އެޑިއުކޭޝަން މިނިސްޓަރު ޑރ. އާއިޝަތު ޝިހާމް ވިދާޅުވީ، ފަސް މާއްދާއިން ފާސްވި ދަރިވަރުންގެ ނިސްބަތް 77 ޕަސެންޓަށް އަރާ ކަމަށެވެ. އަދި ތިން މާއްދާއިން 93 ޕަސެންޓު ދަރިވަރުން ފާސްވިއިރު، ވަކި ވަކި މާއްދާތަކުން ވެސް ރަނގަޅު ކުރިއެރުމެއް ހޯދާފައިވާ ކަމަށް ވިދާޅުވި އެވެ.

މާދަމާ ބާއްވާ ހަރަކާތުގައި ބައިވެރިވާ ދަރިވަރުންގެ ހާޒިރީ ބަލާނެ ކަމަށް ވެސް ބައެއް ސްކޫލުތަކުން ވަނީ ދަރިވަރުންނަށް އަންގައިފަ އެވެ.

އޯ ލެވެލްގައި ދަރިވަރުން ހޯދި ނަތީޖާ މަތިވެފައިވާ ކަމަށް މިނިސްޓްރީން ބުނި ކަމުގައި ވިއަސް އެއީ އޮޅުވާލުމެއް ކަމަށް އިދިކޮޅު އެމްޑީޕީން ވަނީ ތުހުމަތުކޮށްފަ އެވެ.

އެ ޕާޓިން ނެރުނު ބަޔާނުގައި ބުނީ އޯލެވެލް އިމްތިހާނުގައި ދަރިވަރުން ބައިވެރި ކޮށްފައިވާ ގޮތް ސާފުކޮށްދޭން ޖެހޭ ކަމަށާއި އެކަން ކޮށްފައިވަނީ އިމްތިހާނުގެ ނަތީޖާ އެންމެ ރަނގަޅަށް ވަޒަންކުރެވޭނެ ގޮތަކަށް ނޫން ކަމަށެވެ.

ސްކޫލް ތައުލީމް އެޑިއުކޭޝަން މިނިސްޓްރީ ކިޔަވާކުދިން އޯލެވެލް އިމްތިހާން

5 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަދީޖާ

01 February 2018

އަޅެފަހެ ފާއިތުވި އަހަރުތަކުގައި ކާމިޔަަބު ނުވޭތޯ. އޮޅުވާލަން އުޅުއްވަނީތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ީހަސަން

01 February 2018

މިކަމުގައި އެމްޑީޕީ އިން ދެއްކި ވާހަކަ ގަބޫލު ކުރެވޭ ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްކަލަ މީހާ

01 February 2018

އަރަބިއްޔާގެ ޓީޗަރުންނަށް “ޕިންކް” ހެދުން، ބުރުގާ އަޅާގެން އަންނަންވަނީ އަންގާފަ. އަދި ލަފާކުރެވޭ ގޮތުގައި އެހެން ސްކޫލްތަކުންވެސް މިހެން އަންގާނެ! ގަދަ ބާރުން ސަޕޯޓްއޮތްކަން ދައްކަން ވެގެން، އެހެނަސް ވޯޓަކީ ސިއްރު އެއްޗެއް.