ގްރޭޑް 8 އާއި 9 ގެ ދަރިވަރުންގެ އޯ ލެވެލް އަންނަ އަހަރު

މިދިޔަ އަހަރު އޯލެވެލް އިމްތިހާނުގައި ދަރިވަރުންތަކެއް ބައިވެރިވަނީ: މިހާރު ގްރޭޑް 10 ގައި ކިޔަވާ ކުދިންގެ އޯލެވެލް އިމްތިހާނު އޮންނާނީ މެއި/ޖޫންގައި.-- ފޮޓޯ: ނިޝާން އަލީ | މިހާރު

މާއިދާ މުހައްމަދު ރަޝާދު، މިހާރު

07 ޖެނުއަރީ 2025 - 11:55

8 comments

މިހާރު ގްރޭޑް 8 އާއި 9 ގައި ކިޔަވަމުން އަންނަ ދަރިވަރުންގެ އޯ ލެވެލް އިމްތިހާނު އޮންނާނީ އަންނަ އަހަރުގައި ކަމަށް އެޑިއުކޭޝަން މިނިސްޓްރީން ސްކޫލުތަކަށް އަންގައިފި އެވެ.

އެޑިއުކޭޝަން މިނިސްޓަރު އިސްމާއިލް ޝަފީއު ސޮއި ކުރައްވައި އިއްޔެ ހުރިހާ ސްކޫލުތަކަށް ފޮނުވި ސާކިއުލާއެއްގައި ބުނީ ދިރާސީ އަހަރަށް ގެނެވުނު ބަދަލާ ގުޅިގެން ސާނަވީ ނިންމާ އިމްތިހާނަށް ބަދަލުތަކެއް ގެނެސްފައިވާ ކަމަށެވެ.

ގްރޭޑް 10 ގައި ކިޔަވަމުން އަންނަ ދަރިވަރުންގެ އޯ ލެވެލް އިމްތިހާނަށް ބަދަލެއް ނުގެނެ އެވެ. އެ އިމްތިހާން އޮންނާނީ މެއި/ ޖޫންގަ އެވެ.

އެޑިއުކޭޝަން މިނިސްޓްރީން ބުނި ގޮތުގައި މިހާރު ގްރޭޑް 9 ގައި ކިޔަވަމުން އަންނަ ކުދިންގެ އޯލެވެލް އިމްތިހާނު އޮންނާނީ އަންނަ އަހަރުގެ ފެބްރުއަރީ/ މާޗުގަ އެވެ. އަދި 8 ގައި ކިޔަވަމުން އަންނަ ދަރިވަރުންގެ އޯލެވެލް އިމްތިހާނު އޮންނާނީ އަންނަ އަހަރުގެ އޮކްޓޫބަރު/ ނޮވެމްބަރުގަ އެވެ.

މިނިސްޓްރީން ބުނީ އަންނަ އަހަރުގެ ދިރާސީ އަހަރުން ފެށިގެން އޯލެވެލް އިމްތިހާނުތައް ބާއްވާނީ ކޮންމެ އަހަރެއްގެ ވެސް އޮކްޓޫބަރު/ ނޮވެމްބަރުގައި ކަމަށެވެ.

އޯ ލެވެލްއަށް ތައްޔާރުކުރުމުގެ ގޮތުން މިދިޔަ އަހަރުގެ ކުރީކޮޅު ވަނީ ގްރޭޑް އަށެއްގައި ކިޔަވަމުން އައި ކުދިންނަށް ކެމްބްރިޖްގެ މާއްދާތައް ކިޔަވައިދޭން ފަށައިފަ އެވެ. ކުރިން އެ މާއްދާތައް ކިޔަވައިދޭން ފަށަނީ ގްރޭޑް ނުވައެއްގަ އެވެ.

އެކަަމަކު އެޑިއުކޭޝަނުން ކުރިން ވަނީ މިދިޔަ އަހަރު އަށެއްގައި ތިބި ކުދިން މި އަހަރު މެއި/ޖޫންގައި ހެދުމަށް ނިންމާފައިވާ އޯލެވެލް އިމްތިހާނު މިއަހަރުގެ އޮކްޓޫބަރު/ނޮވެމްބަރަށް، ބަދަލުކޮށްފަ އެވެ.

އިމްތިހާނަށް ބަދަލު ގެނައިއިރު، މީގެ ކުރިން ވެސް ބަދަލު ގެނެސްފައިވެ އެވެ. ކޮވިޑް-19 ގެ ބަލިމަޑުކަމަށް ފަހު ދިރާސީ އަހަރަށް ވަނީ އެކި ބަދަލުތައް ގެނެސްފަ އެވެ. އެކަމަކު އިރުއިރުކޮޅާ ދިރާސީ އަހަރަށް ބަދަލުތައް ގެންނާތީ ބެލެނިވެރިންގެ ޝަކުވާ ބޮޑެވެ.

ސްކޫލް ތައުލީމް އެޑިއުކޭޝަން މިނިސްޓްރީ ކިޔަވާކުދިން އޯލެވެލް އިމްތިހާން

8 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުޝް

07 January 2025

ވާނުވާ ނުބަލާ ހަޅޭލަވަން ވަރަށް މޮޅުވާނެ ބެލެނިވެރިން. 2016 ހިސާބުގަވެސް ދިރާސީ އަހަރުގެ ކިޔެވުން އޮންނަނީ 200 ދުވަހު، 2025 ގަ 180 ދުވަސް. ހަމަ އެހާ ގެއްލުން ވާނެތޯ ކުދިންނަށް!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެލެނިވެރިޔާ 101

07 January 2025

ބަލަ މިނިސްޓަރޫ ސިލަބަސް ކަވަރ ކޮށް ކުދިންގެ މޮކް އެގްޒޭމް ބާއްވާ އޭގެ ނަތީޖާއަށް ބަލައި އިތުރު އެހީ ބޭނުންވާ ކުދިންނަށް އެ ފުރުޟަތު މި މަދު ދުވަސްކޮޅުތެރޭ ދެވޭހޭ؟ ތިހުރިހާ ފިލާވަޅު ނަގައިދީ އޭއެއްޗެތި ދަސްކުރަން ވަގުތު ބޭނުންވާނޭ. އަދި ކިރިޔާ ސްޓްރީމް ސިލެކްޓްކޮށް މިއަހަރު އެ ފެށީ ސްޓްރީމްގެ މާއްދާތައް ކިޔަވަން. މިއަހަރު ބޮޑު ބަންދަށްފަހު ދެން 9 އަށް ގޮސް މި ސިލަބަސް ކަވަރުކުރެވޭނެހޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސީނާބޭގަމް

07 January 2025

ދުރު ވިސްނުމެއް ނެތް ސަރުކާރެއް! ސަރުކާރުތަކެއް! ކުޅޭ ކުޅޭ ސަރުކާރުތަކެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޡެސްޓީ

07 January 2025

ޢެއްވެސް ސަރުކާރަކުން މިހާ ކަޑަ ކަންތަކެއް ނުކުރޭ. ރައިސް މުއިޒް އަށް ވޯޓު ދިން މީހުން ލަދު ގަންނާނެ މިހާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުލް މުހްސިން

07 January 2025

ދެން މިކުދިން އޭލެވެލް ހަދަނީ ކޮން އިރަކު އޮންނަ އިމްތިހާނަކުން ތޯ؟ އެކަން ސާފުވީމާ އިނގޭނީ މި އަނބުރާ ގޭސް ގަނޑު ގޮސް ނިމޭ ހިސާބެއް. އިރުއިރުކޮޅާ ޕުލޭންތަން ބަދަލުކޮށް މުޅިން އޮޅުންބޮޅުންވެއްޖެ. ކަމެއް ތިލަވެ ސާފުވަނީ ވަގުތު ޖެހުނީމަ. އަދިވެސް ހައެއްކަ މިނިސްޓަރުން އިތުރުކޮއްލީމާ ރަނގަޅުވާނެހެން ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުމާރު

07 January 2025

މިވެސް ކުޅޭ ކުޅިވަރެއްތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯލި

07 January 2025

އޯ ލެވެލްއަށް ތައްޔާރުކުރުމުގެ ގޮތުން މިދިޔަ އަހަރުގެ ކުރީކޮޅު ގްރޭޑް އަށެއްގައި ކިޔަވަމުން އައި ކުދިންނަށް ކެމްބްރިޖްގެ މާއްދާތައް ކިޔަވައިދޭން ފެށުމުން އެކުދިންނަށް އެ ލެވެލްގައި އުނގެނެއްޖެހޭ އެތައްކަމެއްވަނީ ދޫވެގެން ގޮސްފައެވެ. ހާއްސަކޮށް ކުރިއޭޓިވް އާޓާއި ހެލްތު އެންޑް ޕީއީ ފަދަ މާއްދާތަކުން ކުދިންގެ ދިރިއުޅުމާއި ހެދި ބޮޑުވުމާއި ވިސްނުމާއި ފިކުރު ހިންގަން ލިބެންޖެހޭ ބައިތައް އުނިވެގެން ދިޔައެވެ. އާހިރުގަ އެނިންމުން މިވީ ބޭކާރެވެ.