އެއްބަސްވުމެއް ނެތި 19 މިލިއަން ރުފިޔާގެ ތަކެތި ހައުސިން މިނިސްޓްރީން ހޯދި: އޮޑިޓް ރިޕޯޓު

މާލޭގެ މަގެއް ހެދުމުގެ މަސައްކަތުގައި ބިދޭސީންތަކެއް ހަރަކާތްތެރި ވަނީ.-- ފޮޓޯ: ނިޝާން އަލީ/ މިހާރު

މުހައްމަދު ޔާމީން، މިހާރު

01 ފެބުރުއަރީ 2018 - 13:34

އެއްބަސްވުމެއް ނެތި 19 މިލިއަނަށް ވުރެ ގިނަ ރުފިޔާގެ ޚިދުމަތާއި ތަކެތި ހޯދާފައިވާކަން ހައުސިން މިނިސްޓްރީގެ އޮޑިޓް ރިޕޯޓުން ހާމަވެއްޖެ އެވެ.

އޮޑިޓަ ޖެނެރަލް ހަސަން ޒިޔަތު އިއްޔެ އާންމު ކުރެއްވި، ހައުސިން މިނިސްޓްރީގެ 2015 ވަނަ އަހަރުގެ އޮޑިޓް ރިޕޯޓުގައި ބުނީ، އެ މިނިސްޓްރީން ޚިދުމަތާއި ތަކެތި ހޯދާފައި ވަނީ މާލިއްޔަތު ގަވާއިދާ ޚިލާފަށް ކަމަށެވެ.

މާލިއްޔަތު ގަވާއިދުގައިވާ ގޮތުން ދައުލަތުގެ މަސައްކަތެއް ކުރުމަށް އެއްވެސް ފަރާތަކާ ހަވާލުކުރަން ވާނީ އެ މަސައްކަތް ކުރުވުމާ ބެހޭ ގޮތުން ދެ ފަރާތުން ސޮއި ކުރުމަށް ފަހު އެވެ.

އޮޑިޓް ރިޕޯޓުގައި ބުނެފައި ވަނީ، ހައުސިން މިނިސްޓްރީ އާއި އެ މިނިސްޓްރީގެ ދަށުން ހިންގާ ޕަބްލިކް ސާވިސްއިން އެއްބަސްވުމެއް ނަހަދައި ކުރި ބައެއް ބޮޑެތި ޚަރަދުތަކުގެ ތެރޭގައި ހައުސިން މިނިސްޓްރީން ކުރިއަށް ގެންދާ މަޝްރޫއުތަކަށް ބޭނުންވާ ހެވީލޯޑު ވެހިކަލް ގަތުން ހިމެނޭ ކަމަށެވެ.

އެހެންވެ، އޮޑިޓަ ޖެނެރަލް ހަސަން ލަފާ ދެއްވީ ދައުލަތުގެ މަސައްކަތެއް ކުރުމަށް އެއްވެސް ފަރާތަކާ ހަވާލު ކުރަން ވާނީ އެ މަސައްކަތް ކުރުވުމާ ބެހޭ ގޮތުން ނުވަތަ ޚިދުމަތެއް ހޯދުމާ ބެހޭ ގޮތުން އެއްބަސްވުމެއްގައި ދެ ފަރާތުން ސޮއިކުރުމަށް ފަހު ކަމަށެވެ.

މީގެ އިތުރުން، އަވަސްކޮށް ކުރަން ޖެހޭ މަސައްކަތެއް ނުވަތަ ހޯދަން ޖެހޭ ޚިދުމަތެއް ކަމުގައި ވިޔަސް، މާލިއްޔަތު ގަވާއިދުގެ މަތިން އެ ކަމެއްގެ ފެންވަރާއި އަގާ ބެހޭ ގޮތުން ދެ ފަރާތުން އެއްބަސްވާ އެއްބަސްވުމެއްގައި ސޮއިކުރަން ޖެހޭނެ ކަމަށް ވެސް އޮޑިޓް ރިޕޯޓުގައި ވެ އެވެ.

ކޮރަޕްޝަން ހައުސިން މިނިސްޓްރީ އޮޑިޓާ ޖެނެރަލް އޮފީސް ރާއްޖެ ކޮރަޕްޝަން އޮޑިޓް ރިޕޯޓް

7 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަނު

02 February 2018

އޮޑިޓުން ކުރާނީ ރިޕޯޓް، އެރުވޭނީ ލަފާ. އެމީހުންނަށް ހުކުމް ކުރުމާ، އަދަބު ދިނުމާ ތަހުގީގު ކުރުމަކީ ރާއްޖޭގައި ނިޒާމު ކަނޑައެޅިފައިވާ ގޮތުން ދައުލަތުގައި އެކަންކަމަށް ކަނޑައެޅިފައި ހުރި އެހެން އިދާރާތަކުން ކުރަންޖެހޭކަމެއް. އޮޑިޓަރުންގެ މަސައްކަތް އޭރުވެސް މިހާރުވެސް ވަރަށް ރަނގަޅުކަމަށް ފާހަގަ ކުރަން. އެ ބޭފުޅުން ގެ ދައުރަކީ ރިޕޯޓް ކުރުމާއި، ލަފާދިނުން، ފިޔަވަޅު އެޅުމަކީ އެބޭފުޅުންގެ އިޚްތިޞާސްގައި ހިމެނޭ ކަމެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

01 February 2018

ތިކަމެއް ސާބިތެއް ނުވާނެ !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

01 February 2018

ހަމަ ޔަޤީނެއްނު، ތިކަމުގަ އުޅުނު ބައެއްގެ ޖީބަށް ހުންނާނީ ބޯކޮށް ވަދެފަކަން، މުޅި ޤައުމުގަ ކޮރަޕްޝަނުގެ ފޮރިއަޅާފައޭ އުތަ، ވާނީވެސް އެހެންތާ އެންމެ މަތިން ފެށިގެން ހިނގަމުން އަންނަކަމެއް، އަތުގަ ޖެހިއްޖެއްޔާ ހަލާލެއް ހަރާމެއް ބަލާކަށް ނުޖެހޭ ކަމަށް ވިދާޅުވީ، ރަނގަޅު ބޮޑު އަދަދެއްވިއްޔާ ޚުދު އަނބިމީހާވެސް ނާހާނެޔޯ، ކޮންތާކުން ހޯދި އެއްޗެއްތޯވެސް، ބަސްމަގު ފަށުވިވެފަ ކިހާ ރީތި ދެއްތޮ، ނުދޭނަން ވޯޓެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

falaku ain

01 February 2018

ހެވީ ވެހިކަލްތައް އެކަންޏެއްނޫން މަކަރާއި ޙީލަތު ހިމެނިދާނޭ ކަމަށް ބެލެވޭ އެތައް ކަމެއް. އޭގެ ތެރޭގައި ތަކެތި ހޯދަން އިޢުލާންކޮށް ބިޑް ހޯދައި އޭގެ ފަހުން ބިޑްކުރިފަރާތްތަކަށް ވީނުވީއެއް ނާންގައި ހޯދާ ލުއިތަކެތިވެސް ހިމެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

01 February 2018

17 މިލިޔަން ދުއްވާލީމަވެސް ލަފާ އެރުވީޔޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭކެނޑޭ

01 February 2018

މަނިކުފާނު ލަފާތޯ އަރުވަނީ އަދިވެސް. ބަލަ ރައްޔިތުންގެ ޙަޒާނާ އަތުޖެހުނު ބަޔަކު ކައި ހުސް ކުރަމުން ދާއިރު އެފަދަ ޖަރީމާ އެއް ހިންގި ބަޔަކާއި މެދު ފިޔަވަޅު އަލާ އެ ފައިސާ ދަޢުލަތައް ހޯދޭނެ ގޮތަކަށް ލަފާ ނޭރުއްވީ ކީއްވެގެންތޯ! މީގެ ކުރިން އޮޑިޓް އޮފީހުން އަމަލު ކުރައްވަމުން ގެންދެވި ގޮތައް އަމަލު ކުރެއްވުމަށް މަމެން ގޮވާލަން. މަނިކުފާނު ޖެހިލުންވެ ވަޑައި ގަންނަވަނީދޮތަ! ތިހެން ހައްދަވަންޏާމު ހުރިހާ މުއައްސަސާ ތަކުންވެސް ހިންގަމުން ގެންދާ ޖަރީމާ ތަކަށް މަނިކުފާނު އަބަދުވެސް ނަސޭހަތް ދީ އެކަން ތައް ނުކުރުމަށް އެދޭ. ގެއްލިފައިވާ އެއްޗެއް ހޯދުމުގެ ބަދަޅު ގައު އަބަދުވެސް ތި ގޮތައް ނަސޭހަތްތެރި ވަމުންދޭ. ވ ސަލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

falaku ain

01 February 2018

ބައެއްގެ ދަށުގައި ހުންނަމީހަކަށް ކޮންފިޔަވަޅެއްތޯ އެޅޭނީ. މިހާރުވެސް އާދައިގެ ސޮރަކަށް އޮޅިގެންވެސް ސަރުކާރަށް ރުފިޔާއެއްވަރުގެ ކުޑަ ގެއްލުމެއް، ނުވަތަ އެއޮފީހަށް ބޭނުންވާ ޚިދުމަތެއް އެނޫންތަނަކުން ލިބެންނެތިގެން އެންމެ ކޯޓޭޝަނަކަށް ނިންމިޔަސް މާލިއްޔަތުގެ ގަވާޢިދާ ޚިލާފަށް ކޮރަޕްޝަނަށް މަގުފަހިކުރިކަމަށްވެ ދަޢުވާކުރަން ނުވަތަ ތަޙްގީގުކުރަން އެބަ އަންގާ.