ކުރިން ބޭއްވި ކެބިނެޓްގެ ބައްދަލުވުމެއްގައި ޝައިނީ (ކ) އަދި ދުންޔާ ބައިވެރިވެވަޑައިގަންނަވަނީ.---ފައިލް ފޮޓޯ: ރައީސް އޮފީސް
12 ފެބުރުއަރީ 2018 - 12:44
66 comments
ސަރުކާރު ވައްޓާލަން އުޅުމާއި ރިޝްވަތު ދިނުމުގެ ތުހުމަތުގައި ހައްޔަރު ކޮށްފައިވާ ކުރީގެ ރައީސް މައުމޫން އަބްދުލްގައްޔޫމް ދޫކޮށްލުމަށް، އެމަނިކުފާނުގެ ދަރިކަނބަލުން ދުންޔާ މައުމޫން ގޮވައިލެއްވުމުން، ފިޝަރީޒް މިނިސްޓަރު ޑރ. މުހައްމަދު ޝައިނީ ހިތްހަމަޖެހިވަޑައިނުގެން، ދުންޔާ އަށް ރައްދު ދެއްވައިފި އެވެ.
މައުމޫން ޖަލަށްލިތާ ހަތް ދުވަސް ފަހުން، ހެލްތު މިނިސްޓްރީގެ ސްޓޭޓް މިނިސްޓަރު ދުންޔާ މިއަދު ކުރެއްވި ޓްވީޓެއްގައި ވަނީ "ގައުމުގެ ބައްޕަ" އަދި އޭނާގެ ބައްޕާފުޅު މިނިވަންކޮށް ގެ އަށް ދޫކޮށްލުމަށް ގޮވާލައްވައިފަ އެވެ. އަދި މާފުށީ ޖަލުގައި ބަންދުކޮށްފައި ހުންނެވި މައުމޫނަށް، އާއިލާ އާއި ވަކީލުންނާ ބައްދަލު ކުރެއްވޭނެ ގޮތް ހަމަޖައްސައިދީ، ސިއްހީ ފަރުވާ ފޯރުކޮށްދިނުމަށް ވެސް ޓުވީޓްގައި ގޮވައިލެއްވި އެވެ.
މި މަހުގެ ފަސް ވަނަ ދުވަހުގެ ރޭ ދަންވަރު މައުމޫން ހައްޔަރުކުރީ ކުއްލި ނުރައްކަލުގެ ހާލަތު އިއުލާނު ކުރުމަށް ފަހު އެވެ. އެމަނިކުފާނު ދޫކޮށްލަން، ދުންޔާ ފުރަތަމަ ފަހަރަށް ގޮވާލެއްވި އިރު އެ ޓްވީޓުގައި، ރާއްޖޭގެ ހާލަތާ ގުޅޭ ގޮތުން ކަންބޮޑުވުން ފާޅުކޮށްފައިވާ އދ.ގެ ސެކްރެޓަރީ ޖެނެރަލް އެންޓޯނިއޯ ގުޓެރަސް އާއި ކޮމަންވެލްތުގެ ސެކްރެޓަރީ ޖެނެރަލް ޕެޓްރިސިއާ ސްކޮޓްލޭންޑާއި އެމެރިކާގެ ރައީސް ޑޮނަލްޓް ޓްރަމްޕާއި އިންޑިއާގެ ބޮޑުވަޒީރު ނަރެންދުރަ މޯދީ ފަދަ ބޭފުޅުން ޓެގް ވެސް ކުރައްވާފައިވެ އެވެ.
I call upon the authorities to release & bring my father, HE @maumoonagayoom, Father of the Nation, home. I urge them to ensure proper access to his family, lawyers & medical care! @antonioguterres @PScotlandCSG @raad_zeid @theresa_may @realDonaldTrump @narendramodi @FedericaMog pic.twitter.com/FICF4ZSuax
— Dunya Maumoon (@dunyamaumoon) February 12, 2018
ބައްޕާފުޅު މައުމޫނާއި ބޮޑުބޭބޭފުޅު ރައީސް އަބްދުﷲ ޔާމީންއާ ދެމެދު ހިޔާލު ތަފާތުވުންތައް އުފެދިފައިވާތާ ގިނަ ދުވަސްތަކެއް ވީ ނަމަވެސް، އެކަމާ ދެކޮޅަށް ދުންޔާ މިހާތަނަށް އެއްޗެއް ވިދާޅުވެފައެއް ނުވެ އެވެ. ރައީސް ޔާމީނާ ދެކޮޅަށް މައުމޫން ނުކުންނެވުމުން ފޮރިން މިނިސްޓަރުކަމުން އިސްތިއުފާ ދެއްވި ދުންޔާ މާ ގިނަ ދުވަހެއް އަލުން، މާ ދަށް މަގާމެއްގައި ސަރުކާރާ ގުޅިވަޑައިގަތެވެ. އޭގެ ފަހުން އޭނާ އާއި ކޮއްކޯފުޅު މުހައްމަދު ގައްސާން މައުމޫން ހުންނެވީ، ރައީސް ޔާމީންގެ ސަރުކާރު ދިފާއުކުރެއްވުމުގަ އެވެ.
ދުންޔާގެ ޓްވީޓަށް ރައްދު ދެއްވައި، ރައީސް ޔާމީންއާ އެންމެ އަރިސް އެއް މިނިސްޓަރު ޝައިނީ ވިދާޅުވީ މައުމޫން ޖަލުގައި ހުންނެވީ ސަރުކާރު ވައްޓާލުމަށް ރިޝްވަތުދީ، އެކަމަށް މަސައްކަތް ކުރެއްވުމުން ކަމަށެވެ. އެހެންވެ އެހެން ކުށްވެރިންނާ އެމަނިކުފާނާ ތަފާތުކޮށް އަމަލު ކުރަންވީ ކީއްވެތޯ އޭނާ ސުވާލު ކުރެއްވި އެވެ.
ޓުވީޓުގެ ތަފްސީލް ދެއްވަމުން ޝައިނީ "މިހާރު" އަށް ވިދާޅުވީ ސިޔާސީ ޕާޓީތަކުގެ މަޝްވަރާތައް ފެށުމަށް ސަރުކާރުން މަސައްކަތް ކުރަމުން އަންނަނިކޮށް، އެ މަޝްވަރާ އަށް ހުރަސް އެޅޭ ފަދަ މޭރުމަކުން ދުންޔާ ވާހަކަ ދައްކަވާތީ ކަންބޮޑުވެވަޑައިގަންނަވާ ކަމަށެވެ.
@maumoonagayoom was arrested on the charges of bribery and unlawfully bringing down a government (coup), so why shud he be treated any different from other alleged criminals. Don’t try to stir the efforts of government to engage in dialogue to resolve the situation... 1/2
— Mohamed Shainee (@mshainee) February 12, 2018
އަދި މައުމޫނަށް ލިބެން ޖެހޭ ހުރިހާ ހައްގެއް އެމަނިކުފާނަށް ލިބިވަޑައިގަންނަވާ ކަމަށާއި އެހެންވެ، ހަގީގަތާ ހިލާފު ދޮގު ވާހަކަ ނުފެތުރުމަށް ދުންޔާގެ ކިބައިން ޝައިނީ އެދިވަޑައިގެންނެވި އެވެ.
"މައުމޫނަށް ލޯޔަރުންނާ ބައްދަލުކުރުމުގެ ފުރުސަތު ލިބޭ. ފުރިހަމަ އަށް ބޭސްފަރުވާ ކުރުމުގެ ހައްގު ވެސް ލިބޭ. އެހެންވީމަ ދުންޔާ ދޮގު ވާހަކަ ފަތުރާކަށް ނުވާނެ،" އޭނާ ވިދާޅުވި އެވެ.
ޝައިނީ ވަނީ މައުމޫނަށް ބޭއިންސާފުން ކަންކަން ކުރާ ވާހަކަ ވެސް ދޮގު ކުރައްވައިފަ އެވެ. އަދި ބޭނުންހާ ވަގުތަކު އާއިލާ އަށް ވެސް މައުމޫނާ ބައްދަލު ނުކުރެއްވޭނެ ކަމަށް ވެސް ވިދާޅުވި އެވެ.
އޭނާ ވިދާޅުވި ގޮތުގައި ޖަލުގައި ތިބި އެހެން މީހުންނާއި މައުމޫނާ ވާނީ ހަމަހަމަ އެވެ. އަދި ރަނގަޅު ގޮތަކީ މައުމޫން ވެސް ތަހުގީގަށް އެއްބާރުލުން ދެއްވައި އެމަނިކުފާނާ ދެކޮޅަށް ކުރެވޭ ތުހުމަތުން ބަރީއަވާން މަސައްކަތް ކުރެއްވުން ކަމަށް ވެސް ވިދާޅުވި އެވެ.
As chair of all party talks i condemn these baseless allegations tht @maumoonagayoom doesn’t have access to medical treatments n lawyers. Currently he is not cooperating with the investigation. Lawyers are given access n whenever rqstd medical trtmnt hve been given....2/2
— Mohamed Shainee (@mshainee) February 12, 2018
"ޕާޓީތަކުގެ މަޝްވަރާ ޗެއާކުރައްވާ މީހެއްގެ ހައިސިއްޔަތުން، މައުމޫނަށް ބޭސްފަރުވާ އާއި ވަކީލުންނާ ބައްދަލު ކުރުމުގެ ފުރުސަތު ނުލިބޭ ކަމަށް ބުނެ ދައްކާ ވާހަކަތައް ކުށްވެރި ކުރަން،" ޝައިނީ ވިދާޅުވި އެވެ.
މައުމޫނަށް ވަކީލުންނާއި އާއިލާއާ ބައްދަލު ނުކުރެއްވޭ ކަމަށް ވިދާޅުވެ ކަންބޮޑުވުން ފާޅުކުރި ފަހުން، އެ އުސޫލު ބަދަލުކޮށް ވަކީލުންނާ ބައްދަލު ކުރުމާއި ގުޅުއްވުމުގެ ފުރުސަތު އަލުން ވަނީ ދީފަ އެވެ.
އެކަމަކު އެމަނިކުފާނަށް އާއިލާއާ ބައްދަލުކުރެއްވުމުގެ ފުރުސަތެއް ނުދެ އެވެ.
މޯލްޑިވްސް ކަރެކްޝަނަލް ސާވިސް އިން ބުނިގޮތުގައި މައުމޫނަށް ވަކީލުންނާ ބައްދަލުނުކުރެއްވޭނެ ކަން އެންގީ ކުއްލި ނުރައްކަލުގެ ހާލަތާ ގުޅިގެންނެވެ. އެކަމަކު ކުއްލި ނުރައްކަލުގެ ހާލަތުގައި ވެސް ވަކީލުންގެ އެހީ ހޯދުމުގެ ހައްގު އުނިކޮށްފައެއް ނުވެ އެވެ.
މައުމޫންގެ އިތުރުން އުއްތަމަފަނޑިޔާރު އަަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު ވެސް ވަނީ ހައްޔަރުކޮށްފަ އެވެ. ހުކުމުގައި ތިއްބެވި ސިޔާސީ ބޭފުޅުން ވަގުތުން ދޫކުރަން އަމުރުކޮށް ފެބްރުއަރީ 1 ގައި ސުޕްރީމް ކޯޓުން ނެރުނު އަމުރާ ގުޅިގެން ކުއްލި ނުރައްކަލުގެ ހާލަތު އިއުލާންކުރީ، އިދިކޮޅު ފަރާތްތަކުން ބުނާ ގޮތުގައި، ރައީސް ޔާމީން ބޭނުންފުޅުވާ ބަޔަކު ހައްޔަރުކޮށް، ބިރުދެއްކުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެން ވިސްނަ
14 February 2018
ޔާމީނަށް ކުރި ތާޢީދު އަނބުރާ ގެންގޮސްފިން. އަހަރެން ވޯޓް ދިނީ މައުމޫނަށް، ޔާމީނު ހޮވަން.
ސޮފީ
13 February 2018
ތަހުތުގައި ކޮންމެ ބޭފުޅަކު އިންނެވިޔަސް، ނަޝީދަށް ޒުވާނުން ކިތަންމެ ސަޕޯޓެއް ކުރިޔަސް، ގާސިމްގެ ކިތަންމެ ރިސޯޓްތައް ގިނަވިޔަސް، ޝިޔާމް ކިތަންމެ މުއްސަނދިވިޔަސް، މައުމޫނަށް އޮންނަ ގަދަރެއް ނޯންނާނެ އެއިން އެއްވެސް މީހަކަށް. އަހަރެމެން އެންމެންވެސް މައުމޫނަށް ގަދަރާ އިހްތިރާމް ކުރަން. އެމަނިކުފާނު ކުރި ކުށަކާ އެމަނިކުފާނާ. އެކަމަކު މުސްކުޅިވީ ދުވަހު އެހާ ޙާލުގަ ޖައްސާތީ ލޮލުން ކަރުނަ ހިލޭ. ދެރަވޭ. އެއީ އަހަރެމެން ވަރަށް ގަދަރުދިން ލޯބިވި ރައީސެއް. މިއަދުވެސް އިޙްތިރާމް ނޫން އެއްޗެއް ނެތް ހިތުގަ. އެއީ ބައްޕައެއް. ކާފައެއް. ފިރިއެއް. އެހެން ހިތަށް އަރާފަ ދެރަވެ ރޮވޭ. ޢުމުރުން ދުވަސްވެ މުސްކުޅިވީ ދުވަހު ނިކަމެތިކަމެއް ލިބޭތީ ވަރަށް އަސަރުކުރޭ. އަހަރެމެން މީ ހިލޭ މީހުން. ދެން އަމިއްލަ ދަރިއަކަށް ވާނެ ގޮތް ވިސްނާލާ. ދުންޔާގެ ބައްޕަގެ ދިފާޢުގައި ދުންޔާ ވާހަކަ ދެއްކުމަކީ މައްސަލައެއްނޫން. އެއްގޮތަކަށްވެސް މައްސަލައެއް ނޫން.
ފިޗް
13 February 2018
ޝައިނީ ދަލުބޭރުން ޖެހޭނީޔޯ؟؟ ނުބެހޭ ކަންތަކާ ނުބެހި އޮފީހުގެ ކަންތައް ކޮށްބަލަ
ދީދީ
13 February 2018
މިޝައިނީމީ ރަހުމެއްވެސް ހުންނަމީހެނޫންތާ، ނިކަން މީނަގެ ބައްޕަ ގެންގޮސް ޖަލައް ލާބަލަ ބަގާވާތޭކިޔާ ފުރޭމް ކޮއްފަ، އޭރުން ތިޔަ ގަޓު ފުއްފާނަންތަ؟
ބޭބެ ގެ ބޭބެ
12 February 2018
ބޭބެ ހާދަ ޅަޔޭދޯ ! ތުބުޅީގަޔާއި ބޮލުގަ ނުރަޖެހީ މަވެސް ދޯ!ހަމަ މިހެން ބުނަންޖޭހޭ ސަބަކީ އެމަނިކުފާނަކީ މިގައުމު ދުށް އެންމެ މޮޅު ކުޅަދާނަ އެންމެ އޯގާތެރި އެއް ރައިސް ދޯ! އަދި މިހާރު ދުނިޔޭގަ ތިބި ދިވެހިރާއްޖޭގެ ރައީސް ކަން ކުރެއްވިބޭބޭ ފުޅުން ގެ ތެރޭ އެންމެއުމުރުން ދުވަސްވީ ވެސް ރައީސް އެހެން ވެ ދިގުތިރީސް އާއެކު މިލަގަބު ދެއްވީ އިގިއްޖެ ދެއްތޯ.
އެމްސް
12 February 2018
ޝައިނީ އަކީ އަނެއްކާ މިހާރު ފިޝަރީޒް މިނިސްޓަރ ނޫން ބާ؟
ހަހަ
12 February 2018
ކާކުތަމީ....މަޝްވަރާކުރަން
މެންޓަލިސްޓް
12 February 2018
އަޅުގަނޑު ގޮވާލާ ހިއްވަނީ ދުންޔާ މައުމޫން މިނިވަންކުރަން ،،،، އެކަމަނާވެސް އެހުންނެވީ ކަސްތަޅު އެޅުވިފައި ،،،، ޑިމޮކްރެސީގައި ބްލެކްމެއިލް ކުރުމަކީ ވަަރަށް އާންމުކޮށް ހިނގާކަމެށް ،،،، އެކަންކަން ރާއްޖޭގައިވެސް ހިނގާފައިހުރީ ،،، މައައްސަލާމާ
ބާލަ އާދަނު
12 February 2018
ތިޔަހެން ރައްދު ދީ ޓްވީޓްކުރެއްވިޔަސް ކަމަކުނުދާނެ. ހަވާލުކުރެވިފަ އޮތް މިނިސްޓްރީ ރަނގަޅަށް ހިންގޭތޯބައްލަވާ. މިހާރުވެސް މަސްވެރިން އެތިބީ ރަތަށް އަރާފަ. ބެޔަސް ނުބެޔަސް ނުލިބޭތީ.
ގައުމީދޫ
12 February 2018
ރައީސް މައުމޫނަކީ މަޑުމައިތިރި ސާބިތު ބޭފުޅެއް. އިންތިޚާބުގައި ރައްޔިތުންގެ ނިންމުން ބަލައިގަނެ ގަޓްހުރިކަން އަމަލާއި ބަހުން ދެއްކެވި ލީޑަރެއް. އަދުގެ ތަޢުލީމުގެ ބާނީ! ކަރަންޓާއި ފެނާއި ނަރުދެމޭ އާއި ފޯން އަދި ބަނދަރުފަދަ ވަސީލަތްތައް މުޅި ރާއްޖެއަށް ފުޅާކޮށްދެއްވައި މަސްވެރި އަވަށްތަކަކުން ގައުމަކަށް ދިވެހިރާޢްޖެ އާރާސްތުކޮށްދެއްވި މޭސްތިރިއެއް! ބަލި ކަށިކަމާއި ބަލިމަޑުކަމާއި ތަދުމަޑުކަން ނައްތާލެއްވި އިހްސާންތެރިއެއް! 03 ނޮވެމްބަރު 88 ގެ އުދުވާނީ ހަމަލާއިން ރާއްޖެ ސަލާމަތްކޮށްދެއްވި އަބްތާލެއް! ޝައިނީ އަށާއި ރަހީމްބެއަށް ވަރަށް ވެދުން!