ކުރީގެ ރައީސް މައުމޫން: އެމަނިކުފާނުގެ މައްޗަށް ކުރިން ވެސް ވަނީ ތިން ތުހުމަތެއް ކޮށްފައި --ފޮޓޯ/މިހާރު
15 ފެބުރުއަރީ 2018 - 15:08
12 comments
ހެކި ފޮރުވުމުގެ ތުހުމަތެއް ކުރީގެ ރައީސް މައުމޫން އަބްދުލްގައްޔޫމްގެ މައްޗަށް ފުލުހުން ކޮށްފައިވާ ކަމަށް މައުމޫންގެ ވަކީލް މައުމޫން ހަމީދު މިއަދު ވިދާޅުވެއްޖެ އެވެ.
ކުއްލި ނުރައްކަލުގެ ހާލަތު އިއުލާން ކުރުމަށް ފަހު، މިދިޔަ ހަފުތާގައި މައުމޫން ހައްޔަރުކުރީ ފަނޑިޔާރުންނަށް ރިޝްވަތު ދިނުމާއި މަޖިލީހުގެ މެމްބަރުންނަށް ރިޝްވަތުގެ ފައިސާ ދީގެން ގާނޫނާ ޚިލާފަށް ސަރުކާރު ބަދަލު ކުރަން އުޅުމާއި ސަލާމަތީ ބާރުތަކުގެ މެދުގައި ބައިބައިވުން އުފައްދައި، ސަރުކާރާ ދެކޮޅަށް ނިކުތުމަށް ސަލާމަތީ ބާރުތަކަށް ހިތްވަރު ދިންކަމުގެ ތުހުމަތުގަ އެވެ. އެކަމަކު އެ ތުހުމަތުތަކަށް މައުމޫން އިންކާރު ކުރައްވާ ކަމަށް އެމަނިކުފާނުގެ ވަކީލުން ވަނީ ބުނެފަ އެވެ.
ވަކީލް މައުމޫން ހަމީދު މިއަދު ކުރެއްވި ޓްވީޓެއްގައިވަނީ ހެކި ފޮރުވުމުގެ ތުހުމަތުގައި މައުމޫންގެ މައްޗަށް ތަހުގީގު ހިންގާނެކަން ފުލުހުން އަންގާފައިވާ ކަމަށެވެ. އެކަމަކު އެއީ ކޮން މައްސަލައެއްގެ ހެކި ފޮރުވުމުގެ ތުހުމަތެއް ކަމެއް ސާފެއް ނުވެ އެވެ.
Just received a call from @PoliceMv
— Maumoon Hameed (@maanhameed) February 15, 2018
No, it wasn't to discuss arrangements for #SoEDebate 😞
Pres. @maumoonagayoom is now being "investigated" for unspecified offences of hiding evidence. I assume they'll let us know once they make up their minds about what evidence they meant.
ވަކީލް މައުމޫން ހަމީދު ކުރެއްވި ޓްވީޓް
މައުމޫންގެ އިތުރުން އުއްތަމަ ފަނޑިޔާރު އަބްދުﷲ ސައީދާއި ފަނޑިޔާރު އަލީ ހަމީދު ވެސް ވަނީ ހައްޔަރުކޮށްފަ އެވެ. އެ ބޭފުޅުންގެ މައްޗަށް ވެސް ރިޝްވަތު ހިފުމުގެ ތުހުމަތާއި ގާނޫނާ ޚިލާފަށް ސަރުކާރު ބަދަލު ކުރަން އުޅުމުގެ ތުހުމަތުގެ އިތުރުން ދައުލަތާއި ޖިނާއީ އަދުލުގެ ނިޒާމު ހިންގުމަށް ހުރަސް އެޅުމުގެ ތުހުމަތު ކުރެ އެވެ.
އެ މައްސަލައާ ގުޅޭ ގިނަ އަދަދެއްގެ ފައިސާ އާއި އެތައް މިލިއަން ޑޮލަރެއްގެ ރުފިޔާގެ ޓްރާންސެކްޝަންތަކެއް ވެސް ހެކީގެ ގޮތުގައި ލިބިފައިވާ ކަމަށް ފުލުހުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްދުﷲނާފިޒު
15 February 2018
ދެން އެންމެ ރަނގަޅޭ، މައުމޫނު ހެކި ފޮރުވިއްޔޯ، ދެން ފޮރުވި ހެކި ހޯދުމަކީ ފުލުހުންގެ ކަމެއް ނޫންބާ! ހޯދީމަ ވީނު، ނުހޯދުނިއްޔާ ޤާބިލުކަން ނެތީނު، ދޫކޮށްލަންވީނު، ކޮންހާ ވަންޏެއް ތިޖައްސަނީ.
ވިސްނާލީ
15 February 2018
އަޅުގަނޑު އަޑުއަހަނީ ޕާޓޭ ކުދިން ބޮކްސަރ ތެރެއަށް ލައިގެން ފަތާއި އޭގެ ހެކި ފޮރުވާކަން..... މީދެން އަރަތެއްތަ....ަމައުމޫނު ޖަލުގަ އންނަވައިގެން ހެކި ފޮރުވަނީ....
ޢަބްދުﷲނާފިޒު
15 February 2018
މައުމޫނުފޮރުވި ހެކި އޮންނާނެ ބޯއަޅާ ބާލީސްދަށުގަ ފޮރުވާފަ، ބަލާ ފާސްކުރަން ދަގަ، މިވަރުގެ ހަޔާތް މަދު ބަޔަކު ދުނިޔޭގެ އެއްވެސް ތާކު ތިބޭނެހެން ހިއެއް ނުވޭ.
ބޮޑުކަކުނި
15 February 2018
މޮޔައިންނަށް ފުލުހުން ހަދައިފި . ހެކިފޮރުވި އިރު ފޮރުވޭނީ ފެނިފައި އޮތް އެއްޗެއްކަން ނުދަންނަ ކުޑަ ކުދިންނަށް ފުލުހުން ހަދައިފި . ކާކަށްތޯ ހކިފެނުނީ . ކާކުތޯ ހެދިނީ މައުމޫނު ތިކަމެއް ކުރެއްވި ކަމަށް . ގަމާރންނަށްހެދިޔަސް ތިޔަވަރު ތަންފުކެއް ބޮޑު
ކޮކްޓެއިލްރައީސް
15 February 2018
ފުލުހުންގެ ސޯޓު ބޭލޭއިރުވެސް ފުލުހުންނަށް ހަމަ ނޭގެނީބާ!
ނުދަންނަ ސޮރު
15 February 2018
ފަހުންޖެހޭނެ މައްސަލައެއްގެ ހެކި އެމައްސަލައެއް ކުރިން ފޮރުވޭނީ ހާދަ ކުޅަދާނަ މީހަކަށެވެ
އެމްސް
15 February 2018
ފުރަތަމަ އުޅުނީ ހެއްކެއް ނެތިގެން، ދެން ދެއްކީ ބްލެކް ބޮކްސް އެއް ފުރާ ހެކި ލިބުނު ވާހަކަ، މިހާރު ތިކިޔަނީ އަދި މުޅިން އާ ލަވައެއް
ވާލުސޮރު
15 February 2018
ކުރިން ނޭނގުނަސް ރައީސް މައުމޫނަކީވެސް މޮޅު ޖާދޫގަރެއް ދެއްތޮ! އެއޮއް ހުރިހާ ހެއްކާ އެކު އެވާނީ ފުލުހުންނަށް "އެ ކަޅުފޮށި" ވެސް ފޮރުވީކަމަށް!!! އަޅެ ހާދަ މޮޅުފުޅޭދޯ
ރަތަފައި
15 February 2018
ތިޔައީ ޒަޢީމެ އަދުލޮބުވެތިމިދިވެހިޤައުމުފަޙުރުވެރިވާ އުފެދޭޝުޢޫރުންނަންފުޅު ލިޔެވިދާ ހަނދާންތަކުގާ
އިންސާރފް
15 February 2018
ތިގޮތުން ކޮންމެ މީހަކުވެސް ޖަލަށް ލެވިދާނެ. ހިތަށް އެރި ދައުވާއެއް ފުރަތަމަ ކުރާނީ. ދެން އެ ސާބިތު ކުރާކަށް ހެކި ނެތީމަ ހެކި ފޮރުވުމުގެ ދައުވާ އުފުލާނީ.
އިންސާރފް
15 February 2018
ނެތް އެއްޗެއް ކިހިނެތް ފޮރުވާނީ؟؟
2311
15 February 2018
ހެކި ނެތީމަ ނޫނީ ނުފެނުނީމަ...؟... މޮޅޭ ފިސާރި!