ރީތި ބީޗް ރިސޯޓުގެ މުދާ އުފުލާ ދޯންޏެއްގައި މިއަދު ރޯވެ، ބޮޑުބައެއް އަނދައި ހުލިވެއްޖެ އެވެ.
މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ބުނީ އަލިފާން ރޯވިއިރު ދޯނީގައި ތިބީ ތިން ދިވެހިންނާއި ބިދޭސީއެއް ކަމަށެވެ. ދޯނީގައި ރޯވުމާއެކު އެ މީހުން މޫދަށް ފުންމާލުމުން އެއްވެސް މީހަކަށް އަނިިޔާއެއް ނުވެ އެވެ.
ދޯނީގައި ރޯވީ، އެމްއެންޑީއެފުން ބުނިގޮތުގައި، ކޮކޯ ބޮޑު ހިތި ރިސޯޓާ ހަ މޭލް ދުރުގައި އޮއްވަ އެވެ. ފުރަމަ ރޯވީ ދޯނީގެ އިންޖީނު ބައިގައި ކަމަށް ވެސް އެމްއެންޑީއެފުން ބުންޏެވެ.
އެކަމަކު ރޯވަން މެދުވެރިވި ސަބަބެއް އަދި ނޭނގެ އެވެ. އެ ހާދިސާ އަންނަނީ ތަހުގީގު ކުރަމުންނެވެ.