މަޖިލީހުގެ ޖަލްސާއެއްގައި މެމްބަރުންތަކެއް ބައިވެރިވެވަޑައިގަންނަވަނީ: -- ފޮޓޯ/މަޖިލިސް
19 ފެބުރުއަރީ 2018 - 23:16
9 comments
ރައްޔިތުންގެ މަޖިލީހުގެ ދައުރުން ބޭރު ޖަލްސާއެއް މާދަމާ ބާއްވާނެކަން މަޖިލީހުގެ މެންބަރުންނަށް މިރޭ އަންގައިފި އެވެ.
ދައުރުން ބޭރުގައި ބާއްވާ ހާއްސަ ޖަލްސާއެއް މާދަމާ އޮންނާނެކަން އެންގި ނަމަވެސް ޖަލްސާ އޮންނާގެ ވަގުތެއް، މެންބަރުންނަށް ފޮނުވި މެސެޖުގައި ބުނެފައެއް ނުވެ އެވެ.
މިރޭ ޕީޕީއެމުން ބޭއްވި ނޫސްވެރިންގެ ބައްދަލުވުމުގައި، މަޖިލީހުގެ ރައީސް އަބްދުﷲ މަސީހު ވެސް ވަނީ ޖަލްސާއެއް ބާއްވަން މަސައްކަތް ކުރައްވަމުން އަންނަ ކަމަށް ވިދާޅުވެފަ އެވެ. މަސީހު އިސްތިއުފާ ދެއްވި ކަމަށް ދެކެވޭ ވާހަކަ ދޮގުކުރައްވައި ވިދާޅުވީ މަޖިލީހުގެ މަސައްކަތުގައި ސާބިތުކަމާއެކު ދެމިހުންނަވާނެ ކަމަށާއި ދައުރުން ބޭރު ޖަލްސާއެއް މާދަމާ ބޭއްވޭތޯ މަސައްކަތް ކުރައްވަމުން އަންނަ ކަމަށެވެ.
މަސީހު ނޫސްވެރިންނާ ވާހަކަ ދެއްކެވީ ޕީޕީއެމްގެ ނައިބު ރައީސް އަބްދުއްރަހީމްގެ ފޯނު މެދުވެރިކޮށެވެ. ޖަލްސާގެ އިތުރު ތަފްސީލެއް މަސީހު ނުދެއްވަ އެވެ.
މަޖިލީހުގެ ޚާއްސަ ޖަލްސާއެއް ބާއްވަން އުޅެނީ ރައީސް އަބްދުﷲ ޔާމީން މި މަހުގެ 5 ވަނަ ދުވަހުގެ ރެއިން ފެށިގެން 15 ދުވަހުގެ މުއްދަތަށް ކުއްލި ނުރައްކަލުގެ ހާލަތު އިއުލާން ކުރައްވައި ނެރުއްވި ގަރާރާ މެދު މަޖިލީހުން ފާސްކުރުމަށެވެ. އެ ޖަލްސާ މިރޭ ބާއްވަން އުޅުނު ނަމަވެސް ފަހު ވަގުތު ވަނީ ކެންސަލްކޮށްފަ އެވެ.
ރައީސް އަބްދުﷲ ޔާމީން، މަޖިލީހަށް މިއަދު ފޮނުއްވި ސިޓީފުޅުގައި ވަނީ ކުއްލި ނުރައްކަލުގެ ހާލަތު އިތުރު 30 ދުވަހަށް ދިގުދަންމަން ހުށަހަޅުއްވައިފަ އެވެ. މި މަހުގެ 7 ވަނަ ދުވަހު މި މައްސަލަ މަޖިލީހަށް ފޮނުވި އިރު، ކުއްލި ނުރައްކަލުގެ ހާލަތުގެ މުއްދަތު މާދަމާ ރޭ ހަމަވާނެ އެވެ.
ގާނޫނުއަސާސީގައި ބުނާގޮތުން އެ ގަރާރު ފާސްކުރަން، 43 މެމްބަރުން މަޖިލީހުގައި ހާޒިރުވެ ތިއްބަވަން ޖެހެ އެވެ. އެކަމަކު އެ އަދަދަށް ޕީޕީއެމަށް މެމްބަރުން ހަމައެއް ނުވެ އެވެ. ޣައިރު ގާނޫނީ ޖަލްސާއެއް ކަމަށް ބުނެ އިދިކޮޅު ޕާޓީތަކުން ވަނީ ޖަލްސާ ބޮއިކޮޓްކުރަން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަދި
20 February 2018
ޤާނުނު އަސާސީ ބަދަލުކުރަންވީނު؟ އެހެންޔާފަހެ
ޤާނޫނުއަސާސީ
20 February 2018
ޤާނޫނު އަސާސީއެއްނެތް. މިއަދު ޤާނޫނުގެ ދަށުންނޭ ކިޔާފަ އެއްވެސް މީހަކަށް އަދަބު ދީގެންނުވާނެ. ޤާނޫނަކީ ހަމައެކަނި އަދަބުދޭން އޮންނައެއްޗެއްނޫން. ޤާނޫނު ބުނަނީ ހަދަންވާގޮތާއި ލިބޭނޭ ހިމާޔަތްވެސް. ވީމާ ޤާނޫނުއަސާސީ ވަނީ ޕީޕީ ދަރުބާރު ފެކްޝަން އަޑީގައި އޮވެ ނެތިކޮށްލާފަ.
ލޮބީ
20 February 2018
ކީއްކުރަން ބާއްވާ ޖަލްސާއެއްތޯ؟ އަނިލްއާއި އާޒިމާ ކުރިޔަށްނެރެ ބަޔާނެއް އިއްވީމަ ނިމުނީ ނޫންތޯ؟
ޓެސްލާ
20 February 2018
އެބައޮތް ތިޔަވޯޓްލައިގެން ގަރާރުފާސްކުރާނެ މޮޅުގޮތެއް ،،، އެއީ މިހާރު ޖަލުގައި ތިއްބެވި ފާރިޝްއާޢި ސިނާންއާއި އިލްހާމް ބިޑިއަޅުގައިގެން ގެނެން ވޯޓްލާގަނޑީގައި ގޮނޑީގައި ބައިތިއްބާނީ ،،، ދެން އެމީޙުން ތިބެދާނެނުން ވޯޓްލާ ނިމެންދެން ،،، އޭރުން 43 ބޯހަމަވާނެނުން ،،،، ދެން އިދިކޮޅުމީޙުން ޕޯޑިއަމްތަކުގައި ގާނޫނޭ މާއްދާއޭ ކިޔާނެ ،،، އަޅައެއްލާނެކަމެށްނެތް ،،، ސިފައިންނާއި ފުލުހުން ގަބޫލްކުރީމައި ނިމުނީ ،،، ގާނޫންއަސާސީއަކީ މިހާރުއެއީ ،،، ބައެއްމީހުން ކިޔާއުޅޭ ޔާމިންއަސާސީވެސް ،،،، އަޅުގަނޑު އެކަމާ ވަރަށް ހިނތާމަކުރަން ،،، މައައްސަލާމާ
ތުނިޔަ
20 February 2018
އޮށްޓުއަޅައިގެން 43 ހަމަވީތޯ މާދަން ޖަލްސާ ބާއްވަން ތިއުޅުއްވަނީ؟ ނޫނީ ގާނުނުގަ 43 ހަމަ ކުރަން އޮންނަ ތަންކޮޅު 38 އަށް ބަދަލުކުރަން ޤާނޫނަށް އިސްލާހު ގެންނަނީތޯ؟ ތިން މެމްބަރުން ކޮމެޓީ ބައްދަލުވުމެއް ބާއްވާފަ އެގޮތަށް ނިންމާފަ ގެޒެޓް ކޮށްލީމަ ނިމުނީ ނޫންތޯ! ދެން ބާކީތިބި އެއްމެން ބާރަށް އަތްޖަހާނީ..
އަބްދުއްލާ
20 February 2018
43 އަށް ތިޔަގަރާރު ތަނެއް ނުދޭ ކޮންމެ އަދަދކުން ވެސް ފާސްކުރީމަ އެވީ
ތުނިޔަ
20 February 2018
ފާސް ނުކުރިޔަސް ރަނގަޅުވާނެނު! ޤާނޫނެއް ނެތެއްނު!
ތުއްތުނާ
20 February 2018
މަޖިލިސް ޖަލްސާއެއް ނޫން ތި ބާއްވަނީ ދަރުބާރު ފެކްޝަން ކުދިންނަށް ހާއްސަ ޖަލްސާއެއް....... ތި ޖަލްސާ ތަކުގައި ބައިވެރިވި ވުމަށް ދަޢުވަތު ލިބެނީ ވެސް ދަރުބާރު ފެކްޝަން ކުދިންނަށް އެކަނި..........
މަރިޔަމް މަނިކެ
19 February 2018
ބޮޑާހޭކުމުގަވެސް އިންތިހާއަށް! ރައީސް ހާކިމާ ވިދާޅުވި ގޮތްދޫނުކުރައްވާނެ ކަމަށް. ތިޔަގޮތަށް ނެތްވަރުން ކަންކަން ކުރައްވަން އުޅުއްވުމުން އަތަށް ގޮވާނީ ! މަދުވަމުން މަދުވަމުން ގޮސް މަނިކުފާނު އެކަނިމާއެކަނި އުޅުއްވާތަން ފެންނާނީ... ދަންނަވަން ބޭނުންވަނީ ފެންނަ މަންޒަރުން މިކަން މި ނިމެނީއޭ