ނިވާކަން ކުޑަ ނެށުމެއް ދެއްކުމުން ޕީއެސްއެމް މާފަށް އެދެން އަންގައިފި

އާ އަހަރު ފާހަގަކުރަން އަލިމަސްކާނިވަލުގައި ބޭއްވި މިއުޒިކް ޝޯ: އެ ޝޯގައި ނިވައިކަންކުޑަ ހެދުމެއް ލައިގެން ނެށި މަންޒަރު ދެއްކި މައްސަލާގައި ޕީއެސްއެމުން މާފަށް އެދެން ވަނީ އަންގާފައި. --ފޮޓޯ: ނިޝާން އަލީ/ މިހާރު

ފަޒީނާ އަހުމަދު، މިހާރު

20 ފެބުރުއަރީ 2018 - 15:37

24 comments

އާ އަހަރު ފާހަގަ ކުރުމަށް އަލިމަސް ކާނިވަލުގައި ބޭއްވި ޝޯގެ ނެށުމެއްގައި އަންހެނުންތަކެއް ނިވައިކަން ކުޑަ ހެދުންތަކެއް ލައިގެން ނެށި މަންޒަރު ދެއްކި މައްސަލައިގައި މާފަށް އެދުމަށް ބްރޯޑްކާސްޓިން ކޮމިޝަނުން ޕަބްލިކް ސާވިސް މީޑިއާ (ޕީއެސްއެމް) އަށް މިއަދު އަންގައިފި އެވެ.

ޕީއެސްއެމުން ލައިވް ކުރި އެ ޝޯގެ މައްސަލައެއް ބެލީ، ކޮމިޝަނުން ބުނި ގޮތުގައި، ބްރޯޑްކާސްޓްކުރުމުގެ ސުލޫކީ މިންގަނޑާއި ދީނީ ގޮތުންނާއި އިޖްތިމާއީ މިންގަޑާއި ޚިލާފަށް ކޮންޓެންޓް ފޮނުވި ކަމަށް ބުނެ އެ ކޮމިޝަނަށް ހުށަހެޅި މައްސަލައަކާ ގުޅިގެންނެވެ.

އެ ކޮމިޝަނުން ބުނީ އާ އަހަރުގެ ޝޯ ޕީއެސްއެމުން ލައިވްކުރި އިރު އެ ރޭ 21:03 އިން އިން 21:09 އަށް ގެނެސްދިން ކޮންޓެންޓް ބްރޯޑްކާސްޓްކުރުމުގެ ކޯޑް އޮފް ޕްރެކްޓިސްއާ ޚިލާފު ކަން ތަހުގީގަށް ސާބިތުވާ ކަމަށެވެ. އެހެންވެ ބްރޯޑްކާސްޓިން ކޮމިޝަނުން ޕީއެސްއެމަށް އެންގީ އެ މައްސަލައިގައި މާފަށް އެދި ބަޔާނެއް ނެރެ، އެ ބަޔާން އަންނަ މަހުގެ ހަތަރު ވަނަ ދުވަހުގެ ކުރިން ޓީވީން އާއްމު ކުރުމަށެވެ.

އެ ކޮމިޝަނުން ބުނި ގޮތުގައި އެ މައްސަލައިގެ ތަހުގީގުގައި ޕީއެސްއެމަށް ޖަވާބުދާރީވާން ފުރުސަތު ދިން ނަމަވެސް، އެ ތަނުން ޖަވާބުދާރީއެއް ނުވި އެވެ.

Aa aharu faahaaga kuri show gai nivaakan kuda hedhun laafai vaathee maafah edhefi

The most trusted news source in the Maldives

Mihaaru

ޕީއެސްއެމުން ލައިވް ކުރި އެ ޝޯގައި ނިވައިކަން ކުޑަ ހެދުން ލައިގެން ނެށުމުން ސޯޝަލް މީޑިއާގައި ވަރަށް ގިނަ ބަޔަކު ފާޑުކި އެވެ. ޝޯ އިންތިޒާމްކުރި މޯލްޑިވްސް އިންޓެގްރޭޓެޑް ޓޫރިޒަމް ޑިވެލޮޕްމެންޓް ކޯޕަރޭޝަން (އެމްއައިޓީޑީސީ) އިން އެ މައްސަލައިގައި މާފަށް އެދުނެވެ.

އެ ކުންފުނިން ބުނެފައި ވަނީ ޝޯގައި ނެށި ބަޔަކު ހެދުން އަޅާފައިވަނީ އެ ފަދަ ހަރަކާތެއްގައި ބޭނުން ކުރަން އެންމެ އެކަށީގެންވާ ފަދަ ގޮތަކަށް ނޫން ކަމަށް އެ ކުންފުނިން ގަބޫލު ކުރާ ކަމަށެވެ. ކުރިމަގުގައި އެ ތަނުން އިންތިޒާމް ކުރާ ހަރަކާތްތައް، ރާއްޖޭގެ ސަގާފަތާއި ރިވެތި އުސޫލު އަދި އާއްމު އިޖްތިމާއީ މިންގަނޑާ އެއްގޮތަށް ކުރިއަށް ގެންދަން ސަމާލުކަން ދޭނެ ކަމަށް ވެސް އެ ކުންފުނިން ވަނީ ބުނެފަ އެވެ.

މީޑިއާ މޯލްޑިވްސް ބްރޯޑްކާސްޓިން ކޮމިޝަން ޕީއެސްއެމް

24 ކޮމެންޓް, 106 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙުސް

21 February 2018

ޙެހެ ނުޖެހޭ މާފައް އެދޭކައް، މިމީހުންވެސއ ސޯޓުބުރި ލައިގެން މަގުމަތީ ދިވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިލިހިލާ

21 February 2018

އެވަރުގެ ޝޯއެއް އިންތިޒާމްކުރި މީހުންނަށް އެއްވެސްކަމެއް ނެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާސީދާ

21 February 2018

ހަހަހާ! ކޮބާ 1 މިލިޔަން ޖޫރިމަނާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޤުބަސް

21 February 2018

ހާދަ ހީވޭ އިދިކޮޅު ޓީވީ ޗެނަލަކަށް ބޮޑު ބޮނޑިއެއްދޭން އުޅޭހެން. އެކަމަށް މަގުކޮށާ، މަތިއޮމާންކޮށް، ހަމަހަމައަށް ކަންތައްކުރާކަށް ލޯމައްޗަށް ދައްކާލުމުގެ އަމަލެކެވެ. ރާއްޖެ ޓީވީ ނޫނީ ވީޓީވީ އަށް ވަރަށްބޮޑު ބޮމެން އަންނަންއުޅޭކަމުގެ މަލަމަތި އެބަފެނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުއްބާ

21 February 2018

އަޖައިބުވެ އަންތަރީސް ވާހާވޭ... މަހިތައްއަރާ ނިވާކަން ކުޑަވީ ކިހިނެތްބާއޭ... އެމީހުން ތިބީ ހަށިގަނޑު އެކަށް ނިވާވާނެހެން ބްރައުން ކުލައިން ބޮޑީފިޓް ލައިގެން.. މަށަށް މާ ކަންތައްބޮޑު މިހާރު ދިވެހި ބުރުގާ އަޅާކުދިން މިލާ ހެދުންތައް.. ބުރުގާ އަޅައިގެން އެތިބެނީ އޮރިޔާމާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރޫ

21 February 2018

ބަޔާންގަނޑެއް ނެރެލީމަ ނިމުނީޔޯ ދޯ..ރ ޓީވީ ނަމަ މިލިޔަނުން އަތުލީސް..ދެރަވޭ އަސްލު މިއޮށް ފަދަ ތަހުޒީބު ޒަމާނުގަވެސް ޖާހިލިއްޔަ ޤައުމެއްގަ އުޅެންޖެހުނީމަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުމީހާ

20 February 2018

މިވެސް ރާއްޖެޓީވީއިން ދެއްކި ޝޯއެއްގެމައްސަލަނަމަ 2މިލިއަނުން ޖޫރިމަނާކޮށް ނުވީތާކަށް ހަފަތާއެއްވަންދެން މާފައްއެދެންޖެހުނީސް އަދި 2 މިލިޔަން ރުފިޔާ އެއީ ކަމުގެ ބާވަތުން ކުޑަ އަދަދެއްކަމަބުނެ ސަލަފުން ބަޔާންނެރޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

20 February 2018

ތިކުންފުންޏަށް ދެން އިތުރު ފުރުސަތެއް ދިނިއްޔާތާ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިވާކަން ކުޑަ ފޮތި

20 February 2018

ގޭ އިންނަ ޓީވީން ޗެނެލް ބަދަލް ކުރާ އިރާ މަގު މަތިން ފެނޭ ތިއަށް ވުރެން މާ ސަޅި ނިވާ ކަން ކުޑަ . ބޮޑު އޮރިޔާން ސިޔާސަތު. އަދިބުނަން ނުފޯރާ ފޮތިން ފޫގެޅީމަ ފެންނާނެ ސިޔާސީ އޮރިޔާން ވެސް. މިކޮމެންޓް ސިޔާސީ ނުކުރާތި. ޝުކުރިއްޔާ!