ޚަބަރު / ސޯޝަލް މީޑިއާ

ސަރުކާރާ ދެކޮޅަށް ސޯޝަލް މީޑިއާގައި ހިޔާލު ފާޅުކުރި ބައެއް މުވައްޒަފުން ވަކިކޮށްފި

ޕީޕީއެމުން އިންތިޒާމު ކުރި އެއްވުމެއްގައި ގިނަ ބަޔަކު ގައުމީ ދިދަ ހިފައިގެން-- މިހާރު ފޮޓޯ

އާމިނަތު ޝިފްލީން، މިހާރު

22 ފެބުރުއަރީ 2018 - 12:49

55 comments

ސަރުކާރާ ދެކޮޅަށް ސޯޝަލް މީޑިއާގައި ހިޔާލު ފާޅުކުރި ބައެއް މުވައްޒަފުން ވަޒީފާއިން ވަކިކޮށްފި އެވެ.

"މިހާރު"އަށް އެނގިފައިވާ ގޮތުގައި ސަރުކާރަށް ފާޑުކިޔައި ސޯޝަލް މީޑިއާގައި ހިޔާލުފާޅުކުރި ތިން މުވައްޒަފެއްގެ ވަޒީފާ ވަނީ ގެއްލިފަ އެވެ. އަދި ވަޒީފާއިން ވަކިކުރާނެ ކަމުގެ އިންޒާރުދީ އިތުރު މީހަކަށް ސިޓީ ފޮނުވާފައިވެ އެވެ.

އޭގެ ތެރެއިން ދެ މީހަކު ވަޒީފާއިން ވަކިކުރީ ސިޔާސީ ބައެއް ބޭފުޅުން ހިމެނޭ ގޮތުން، ބަންދުގައި ތިބި ނުވަ މީހަކު ދޫކޮށްލަން ފެބުރުއަރީ 1ގައި ސުޕްރީމް ކޯޓުން ކުރި ހުކުމް ތަންފީޒުކުރަން ގޮވާލުމުންނެވެ.

ސަރުކާރަށް ފާޑުކިޔައިގެން މިދިޔަ އަންގާރަ ދުވަހު ވަޒީފާއިން ވަކިކުރި އެމްޕީއެލްގެ ސެކިއުރިޓީ ގާޑަކު ވަނީ އޭނާގެ އަމަލަށް މާފަށް ވެސް އެދިފަ އެވެ. އަދި ވަޒީފާ އަނބުރާ ހޯދައިދޭން އެދި އެތަނުގެ ސީއީއޯ އަބްދުއްރައްޒާގު ހަލީމަށް ސިޓީއެއް ވެސް ފޮނުވި އެވެ.

ސޯޝަލް މީޑިޔާގައި މިހާރު ވައިރަލްވެފައިވާ އެ ސިޓީގައި ޒުވާނާ ބުނެފައިވަނީ ސަރުކާރާ ދެކޮޅަށް އަދި ހާއްސަކޮށް ރައީސް އަބްދުﷲ ޔާމީންނަށް ފާޑުކިޔައި، ފޭސްބުކްގައި ކޮމެންޓް ކޮށްފައިވާނެ ކަމަށާއި އެކަމަކު ދެން އެފަދަ އަމަލެއް އޭނާގެ ފަރާތުން ނުފެންނާނެ ކަމަށެވެ.

އޭނާ ވަޒީފާއިން ވަކިކުރިކަމަށް އެމްޕީއެލުން ބުނެފައިވަނީ ވަޒީފާގެ އެއްބަސްވުމާ ހިލާފުވެގެން ކަމަށެވެ.

"ރާއްޖޭގެ އިއްޒަތްތެރި ރައީސަށާއި ސަރުކާރު ހިންގާ ޕާޓީއަށާއި އެ ޕާޓީގެ އިސް އެއްވެސް ބޭފުޅަކަށް ބަދުބަސް ރައްދުކޮށް، ސޯޝަލް މީޑިއާ ނުވަތަ އެހެން ވެސް ވަސީލަތެއް މެދުވެރިކޮށް ނަމަވެސް އެފަދަ އަމަލެއް އަޅުގަނޑުގެ ފަރާތުން ނުފެންނާނެ ވާހަކަ އިހުލާސްތެރިކަމާ އެކު ދަންނަވަމެވެ،" މާފަށް އެދި ފޮނުވި ސިޓީގައި އޭނާ ބުނެފައިވެ އެވެ.

އޭނާ ވަނީ ޕީޕީއެމަށް ސޮއިކޮށް، ދެ ވަނަ ދައުރަކަށް ރައީސް ހޮވަން ކެމްޕޭން ކޮށްދޭނެ ކަމަށް ވެސް ބުނެފަ އެވެ. އޭގެ ބަދަލެއްގެ ގޮތުން އޭނާ އެދިފައިވަނީ ވަޒީފާ އަނބުރާ ދިނުމަށެވެ.

ގދ. ތިނަދޫގައި ޕީޕީއެމް އިން ބޭއްވި ޖަލްސާއެއް: ޕީޕީއެމްގެ ޖަލްސާތަކަށް މަޖުބޫރުކޮށްގެން މުވައްޒަފުން ބައިވެރިކުރާ ކަމުގެ ޝަކުވާ ބޮޑު

ސުޕްރީމް ކޯޓުގެ އަމުރު ތަންފީޒު ކުރުމަށް ގޮވާލައި ފޭސްބުކްގައި ހިޔާލު ފާޅުކުރި، ބ. އަތޮޅު ރަށެއްގެ ހެލްތު ސެންޓަރުގެ އިސް މުވައްޒަފަކު ވަނީ ސަސްޕެންޑު އެވެ. އޭގެ ސަބަބެއް ކަމަށް ބުނެފައި ވަނީ ސިވިލް ސާވިސްގެ ގަވައިދަކާ ހިލާފުވުމެވެ.

ސަރުކާރަށް ފާޑުކިޔައިގެން އަދި އިދިކޮޅު ފަރާތްތަކުން އިންތިޒާމްކުރާ އެއްވުމެއްގައި ބައިވެރިވެގެން މީގެ ކުރިން ވެސް ސަރުކާރު މުވައްޒަފުން ވަކިކޮށްފައިވެ އެވެ. އަދި ޕީޕީއެމުން ބާއްވާ ބޮޑެތި ޖަލްސާތަކުގައި މަޖުބޫރުން މުވައްޒަފުން ބައިވެރިކުރާ ކަމުގެ ޝަކުވާ ވެސް ބައެއް މީހުން ކުރެ އެވެ.

ޕީޕީއެމް ޖޮބް ސެކިއުރިޓީ ސޯޝަލް މީޑިއާ ރައީސް އަބްދުﷲ ޔާމީން

55 ކޮމެންޓް, 388 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދީނާ

22 February 2018

މައުމޫނުގެ ދައުރުގައި ނައިފަރު ދޮހޮއްކޮ ހައްޔަރު ކުރީ މިނޫން އެހެން ވެރިކަމެއް ކުރާތަން ދެކެން ބޭނުމޭ ބުނެގެން މިހާރު ހިނގިކަމެއްނޫން މީކީ. މިވެސް އިންސާފުތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮންޑޮން މަތި

23 February 2018

ނޫނޭ ދޮހޮއްކޮ ބުނީ "މިވެރިކަންނޫން އެހެން ވެރިކަމެއްގައި މިމާލެ އޮންނާނެ ގޮތެކޭ ދެކެން ބޭނުންވަނީ"

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަލިކަށި

22 February 2018

މިސަރުކާރަށް ފާޑުކިޔާޔާ މުވައްޒަފުން ގާނޫނާއި ހިލާފަށް ވަކިކުރަނީ ގަޓުރައީސްގެ ސަރުކާރު ހާދަހާ ބޮޑަށް ބަލިކަށި ވީމައޭ ދެއްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުދީ

22 February 2018

އަހަރެމެންގެ އޮފީހުންވެސް މީހާރު 2 މުއައްޒަފަކު ކަނޑާލާފީ ތީޔާ ގޮތައް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލަލުވޭ ބިރުވެތިވޭ

22 February 2018

ތީން ކޮންމެ އަޅަކީވެސް ފުރާނަގެންދަވާނެ އަޅެށް، ދުނިޔޭގަ އާރާއި ބާރު ދައްކަމުން މީހުންގެ ހައްގުތަކަށް އަރައިގަންނަމުން ދަނިކޮށް ނިމުންއަންނާނެ އިރެށް ނޭންގޭނެ.ކިހިނެއްތޯ އިނގެނީ ދުނިޔެމަތީ އެތަށްކަމެއްކޮށްގެން ތި ހޯދަން އުޅޭ ވެރިކަމާ މަގާމާ ލިބެންވާއިރަށް މަރުއައިސް ނުޖެހޭނެކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނދަ

22 February 2018

އެމް.ޑީ.ޕީ ސަރުކާރު ގައިވެސް ކަންހިނގައިދިޔައީ ހަމަ މިބީދައިން. އަބަދުވެސް އެެްކޮޅަށް ވާހަކަ ދެއްކުމަކީ ނޫސްވެރިކަމަށް މީހުންގެ އިތުބާރު ގެއްލޭކަންކަން. މިފަދަ ދަށުދަރަޖައިގެ ޢަމަލު ނުކުރުމަށް ގޮވާލަން. އާޓިކަލް ނިންމާލަމުން މީ މީހާރަކަށް އައިސް ރާއްޖޭގައި އުފެދި ދިޔަ ސަރުކާރުތަކުން ކަންކިތާ ގޮތްކަމަށް މި ނޫހަށް މަޢުލޫމާތު ލިބޭކަމަށް ލިޔުނުނަމަ މި ލިޔުމަކީ ސައްޙަ ލިޔުމަކަށް ވީސްކަން ކަޑަވަރެވެ. ވަރަށް ސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނަމަނަ

22 February 2018

އެކިމީހުންގެ ވިސްނުން ހުންނާނީ އެކިގޮތަށް. ހިތްހަމަ ނުޖެހެންޏާ އެއްޗެތި ބުނެވޭނެ. އެޅިހާ ބަތަކަށް ރިހައެއް ނޭޅޭނެ. ރައީސަކީ ރައްޔިތުންހޮވާ ރައްޔިތުންގެ ޚާދިމެއް. ރައްޔިތުންގެ ފައިސާއިން މުސާރަ ލިބޭމީހެއް. ރައީސްކުރާ ކަންކަން ކަމުނުދަންނަންޏާ އެކަމަށް ފާޑުކިޔެން ޖެހޭނެ. ފާޑުކިޔާ މީހާ ކުށްވެރި ކުރުމުގެބަދަލުގައި ހިތްވަރުދީ ކަންކަން ރަނގަޅުކުރުމުގެ މަގަށް ވިސްނަންވީ ނޫންބާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯޔަރު

22 February 2018

ވައްކަންކޮށް ބޭއިންސާފުން ކަންކަން ކުރީމަ އެކަމާ ޙިލާފައް އަޑު އުފާ މިހުނައް ނިކަމެތި ގޮތް.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންމަޑޭ

22 February 2018

އަޅުގަނޑު އޮފީހުގައިވެސް ހަމަ ތިޔަގޮތަށް ކަންކަން ދަނީ. ސަރުކާރާ ދެކޮޅު ހިޔާލު ފާޅުކޮއްގެން ބައެއް ސްޓާފުންނަށް ވޯނިންދީފި. އަނގަ ބައްދައިގެން އިނދެ ސިއްރުން މިކަހަލަ ގޮތަކަށް އެއްޗެއް ބުނެވެނީ.