އިއްޔެ ކުރި ވިއްސާރައިގައި ވައި ގަދަވެ، ފާލަމުގެ ސަތަރިތަކަށް ގެއްލުން ލިބިފައި.-- ފޮޓޯ: މުހައްމަދު ޝަރުހާން/ މިހާރު
16 ޖުލައި 2016 - 14:42
46 comments
ގަދަ ވަޔާ އެކު މާލެ އަށް ކުރަމުންދާ ވިއްސާރާގައި އިއްޒުއްދީން ފާލަމުގެ ސަތަރިތަކަށް ގެއްލުންވެއްޖެ އެވެ.
އިއްޔެ ކުރި ވިއްސާރާގައި އިއްޒުއްދީން ފާލަމުގައި ދޯންޏެއްގެ ރިޔަލެއްގެ ބައްޓަމަށް ސަތަރިން ހަދާފައިވާ ތިން ބައިގެެ ތެރެއިން އެއް ބައިގެ ސަތަރި ވަނީ ވަރަށް ބޮޑަށް ނެއްޓިފަ އެވެ.
އިއްޔެ ކުރި ވިއްސާރައިގައި ވައި ގަދަވެ، ފާލަމުގެ ސަތަރިތަކަށް ގެއްލުން ލިބިފައި.-- ފޮޓޯ: މުހައްމަދު ޝަރުހާން/ މިހާރު
އެ ތަން ބަލަހައްޓަމުންދާ އެމްޓީސީސީގެ ސީއީއޯ އިބްރާހިމް ޒިޔަތު ވިދާޅުވީ ސަތަރި ނެއްޓުނީ ވައި ގަދަވުމުގެ ސަބަބުން ވާފަށެެއް ކަނޑައިގެން ދިއުމުން ކަމަށާއި އެކަން މިހާރު ހައްލުކުރަމުންދާ ކަމަށެވެ. އެ ތަނަކީ އެމްއެންޑީއެފްގެ ޑިޒައިނަކަށް ހަދާފައިވާ ތަނަކަށްވާތީ އެ މަސައްކަތް ކުރަނީ އެމްއެންޑީއެފްގެ ލަފާގެ މަތިން ކަމަށް އޭނާ ވިދާޅުވި އެވެ.
"ރޭ އަދި މިއަދު ވެސް އަޅުގަނޑުމެން އެމްއެންޑީއެފްއާ ބައްދަލުކުރިން އެކަމުގައި. މިހާރު މަރާމާތު ކުރުމުގެ މަސައްކަތް އެބަ ދޭ ކުރި އަށް. މަސައްކަތް ފެށުން ކުޑަކޮށް ލަސްވީ ވެސް ބާރަށް ވައި ޖެހޭތީ،" ޒިޔަތު ވިދާޅުވި އެވެ.
މިހާރު ހުރި ގޮތަށް އިއްޒުއްދީން ފާލަން ހެދީ ރާއްޖޭގެ މިނިވަންކަމަށް މިދިޔަ އަހަރު 50 އަހަރު ފުރުމާ ގުޅިގެން މާލޭގެ އެކި ތަންތަން ޒީނަތްތެރި ކުރިއިރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަމީން
17 July 2016
މިކަހަލަ މައްސަލަތައް ފަހު ތާރީޙްގައި ކުރި ވެރިކަމުގައި ފެނުނު. މިގޮތުން އައްޑޫ ސެންޓަރ. މައްސަލަތައް ދިމާވަނީ މިތަނުގައި އިލްމީ އަދި ތަޖުރިބާ ކާރުން ނެތުން. ނިންމަނީ ރައްޔިތުން ގުބޯ ހައްދަން.
ޒަބީބު
17 July 2016
ރިޔާތައް އެކަނިތަ؟ މުއިއްޒު ދައްކަން ކުރާ ހުރިހާކަމެއް ތިދަނީ އެއްގޮތަކަށެވެ. ރަސްފަންނު، ވެސް އިރުއިރުކޮޅާ ގިރަނީއެވެ. އިސްލާމީމަރުކަޒު ގައިޖެހި ސަންގްމަރުމަރު ހިލަވެސް ރެނދުލައިފިއެވެ. މިއީ ދެއްކުމަށްޓަކައި އަވަސްއަރުވައިގެން ކަންތައް ކުރީމަ ވާނެގޮތެވެ. މުއިއްޒު އެހުރީ ރައްޔިތުންނަށް މިކަހަލަ ދަޅުދައްކާށެވެ.
ހެޔޮނުބައި
17 July 2016
މިހެންވާނީ ޕްލޭނެއްނެތި އެކަމުގެ ދެކޮޅު ނުބަލައި ކަންތައްތައް ކުރީމާ، ރައްޔިތުން ހައްދަން ހިންހަމަޖައްސާލުމުގެ ނަމުގައި މިކަން ކުރީ، ސަސްޓެއިނަބަލް ނުވިތާ ދޯ.. އަހަރުމެން ޅޮސް އުދޯއްޔަކަށް އެރުވީތާ ދޯ ސަރުކާރުން.. ހެހެހެހެހ... ގޯހެއް ނޫން
މުހަންމަދު
17 July 2016
ރިޔާތަކަށް ކެރޭވަރަށްވުރެ ގަދަވަނީތާ!!!!
މުޢީޒު
16 July 2016
ތިޔަ އީ މިއުޅޭ އިދި ކޮޅު މީހުން ގެ ކަމެއް 'މިއީޖު'
ހުސެން
16 July 2016
އަނހަ މުއިއްޒޫ! އަސްކަރީ މުއައްސަސާ ނެރެގެން ތި ކުރިކަންތަށް ތި ދިޔައީ ޗޮކުނުން!
ޢައިންތު
16 July 2016
ނަސީބެއްނު ތިޔަފާލަންގަނޑު ރިޔާނެގި ދޯންޏެއްހެން ދުއްވާފަނުދިޔަކަން
ސޯބޭ
16 July 2016
ޗާލޭ ޗާލޭ ފައްކަލޭ ނިކަން ފައްކަލޭ........ސޮނިވެއްޓިފަ މިހުރީ......
އަލީ
16 July 2016
ކޯޓު އަމުރަކާ ނުލާ ސަތަރި ނުނަގާތި
އެމް.ވީ ތިންކްޕެޑް
16 July 2016
ކުރިން ކޮށްފަ ހުންނަ މަސައްކަތެއް ރޫޅާލާއިރު އެއައްވުރެ ރަންގަޅު މަސައްކަތެއް ދައްކުވާދޭން ޖެހޭ! ޑިއުރަބަލް، ސަސްޓެއިނަބަލް ވާންޖެހޭނެ! ކުލަކުލައިގެ ބޮކި ލިޔަސް ބިއުޓީ އެއް ނުފެންނާނެ ދެއްތޯ! އެ ފާލަމުގެ މަގަތުގައި ރީތިކޮށް ހެދި ބޮޑުވަމުން އައި 2 ނިކަގަސް ކަނޑާނުލާ އެ މަސައްކަތް ޑިޒައިނަރުންނަށް ވަރަށް ސަލާން. ގަމާރު ދާރު......