މަތީ ތައުލީމަށް 560 ލޯނުގެ ފުރުސަތު ހުޅުވާލައިފި

ގައުމީ ޔުނިވާސިޓީގެ އެޑިޓޯރިއަމްގައި ދަރިވަރުންތަކެއް-- މިހާރު ފޮޓޯ

އަހުމަދު ސާއިލް އަލީ، މިހާރު

02 މާޗް 2018 - 22:49

މަތީ ތައުލީމަށް ކިޔެވުމަށް ބޭނުންވާ މީހުންނަށް ސަރުކާރުން ދޫކުރާ 560 ލޯނަށް ކުރިމަތިލުމުގެ ފުރުސަތު އިއްޔެ ހުޅުވާލައިފި އެވެ.

ޑިޕާޓްމެންޓް އޮފް ހަޔާ އެޑިއުކޭޝަނުން ކޮށްފައިވާ އިއުލާނެއްގައި ވަނީ އަލަށް ކިޔެވަން ފަށާ 500 ދަރިވަރުންނާއި މިހާރު ތައުލީމް ހާސިލް ކުރާ 60 ދަރިވަރަކަށް އެ ލޯނު ދިނުމަށް ނިންމާފައިވާ ކަމަށެވެ. މިއީ ޑިޕްލޮމާ އިން ފެށިގެން ޕީއެޗްޑީއާ ހަމައަށް، ރާއްޖެ އާއި ރާއްޖޭން ބޭރުގައި ހުރެގެން ކިޔަވަން ދޫކުރާ ލޯނެކެވެ.

މި ލޯނުގައި ކިޔަވަން ބޭނުންވާ މީހުން އެކަމަށް އެދުމުގެ ފުރުސަތު މި މަހުގެ 29 ވަނަ ދުވަހާ ހަމައަށް ވަނީ ހުޅުވާލާފަ އެވެ. ހަޔާ އެޑިއުކޭޝަނުން ފޯމް ދޫކުރާއިރު އެ އިދާރާގެ ވެބްސައިޓުން ފޯމް ޑައުންލޯޑް ކުރެވެ އެވެ.

މަތީ ތައުލީމަށް ކިޔެވުމަށް ދޫކުރާ ލޯނުގެ ތެރެއިން ރާއްޖެ އިން ތައުލީމް ހާސިލު ކުރާ 330 ދަރިވަރުންނަށް ފުރުސަތު ދޭއިރު ރާއްޖޭން ބޭރުން ތައުލީމް ހާސިލްކުރާ 260 ދަރިވަރަކަށް ލޯނު ދިނުމަށް ވަނީ ނިންމައިފަ އެވެ.

ރާއްޖެ އިން ބޭރުން މަތީ ތައުލީމު ހާސިލު ކުރުމުގެ ފުރުސަތު ދެނީ ސާކުގެ އަށް ގައުމުގެ އިތުރުން ޗައިނާ އާއި މެލޭޝިޔާ، ޕިލިޕީންސް އަދި ތައިލެންޑުގައި ކިޔަވަމުން އަންނަ ދަރިވަރުންނަށެވެ.

މަތީ ތައުލީމު ހާސިލްކުރަން ލޯނު ދޭ ދާއިރާތަކުގެ ތެރޭގައި ޕައިލެޓް ޓްރެއިނިން އާއި ނާސިން އާއި ޓީޗިން ގެ އިތުރުން މެޑިސިން ހިމެނެ އެވެ. މީގެ އިތުރުން ސްކިލް ޝޯޓޭޖްގައި ހިމެނޭ ކޯސްތައް ހިމެނެ އެވެ.

މަތީ ތައުލީމު ހާސިލްކުރަން ސަރުކާރުން ކޮންމެ އަހަރަކު ވެސް ދެ ފަހަރަށް ލޯނަށް ހުޅުވާލަ އެވެ. މިއީ މި އަހަރު ހުޅުވާލި ފުރަތަމަ ފަހަރެވެ. ސަރުކާރުން މަތީ ތައުލީމަށް މިހާތަނަށް 4،000 އަށް ވުރެ ފުރުސަތު ވަނީ ހުޅުވާލައިފަ އެވެ.

ތައުލީމް ދިވެހި ސަރުކާރު މަތީ ތައުލީމު ހަޔާ އެޑިއުކޭޝަން ޑިޕާޓްމަންޓް

8 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހައްޤުބަސް

04 March 2018

މިހާ ބޮޑު ހޭދައެއް ސަރުކާރުން ކުރާއިރު ރާއްޖޭން ބޭރަށް ފޮނުވާ ކޯސްތައް ވަރަށް ސްޕެޝަލައިޒްޑް އަދި ރާއްޖޭން ނުކިޔެވޭ އޭރިޔާތަކަށް ލިމިޓްކުރުމަކީ ރަނގަޅުކަމެކެވެ. މިސާލަކަށް، މެޑިސިން، ޕައިލެޓް، އެންވަރަމަންޓް ރިލޭޓެޑް ސްޓަޑީޒް، ބަޔޯ، ކެމިސްޓްރީ، އިންޖިނިއަރިންގް. ނަމަވެސް ރާއްޖޭގަ ތިބެގެންވެސް ހެދޭ ޔޫކޭގެ ކޯސްތަކާއި އަދި އިންޓަނޭޝަނަލް ޕްރޮފެޝަނަލް ކޯސްތައް، މިސާލު އޭސީސީއޭ. މިފަދަ ދާއިރާތަކުން ކިޔަވަން ރާއްޖޭން ބޭރަށް ޑިގްރީހަދަން އެހާގިނަ ފައިސާ ހޭދަކުރުމަކީ ޤައުމަށާއި އިގްތިސާދަށް އެންމެ ރަނގަޅުކަމެއްނޫނެވެ. ސަބަބަކީ ޑަބަލް ހަރަދުކޮށްގެން ކުދިން ބޭރަށް ފޮނުވައިގެން އެ ކުދިން ގެންނަ ސެޓްފިކެޓަށްވުރެ ރަނގަޅު ސެޓްފިކެޓެއް ރާއްޖޭގަ ކިޔަވައިގެން ލިބޭއިރު ވަޒީފާގެ މާހައުލުގައި އަދިވެސް ޔޫކޭ ފަދަ ކުރިއަރާފައިވާ ޤައުމުތަކުގެ ސެޓްފިކެޓް ބަލައިގަންނަނީ ތަފާތުކޮށެވެ. އަދި ދަރިވަރުން ކިޔަވަމުން ވަޒީފާގެ ތަޖުރިބާވެސް ކުރިއަށްގެންދަން އަމިއްލަ ޤައުމުގަ މާބޮޑަށްވެސް ފަސޭހަ ވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަންބެ

04 March 2018

ދެރައީ ބައެއް ސްޕެޝަލައިޒް ކޯސްތަށް އޭޝިޔާ ބައްރުގެ ގައުމުތަކުން ނުލިބޭތީއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނީ

03 March 2018

ކުރިން ލޯނު ލިބުން ކުދިންނަށް އަދިވެސް ފައިސާ ހަމަ ނުޖެހޭ ދެން ކޮންޗެއް ހަދާންވެގެން އަނެއްކާ މިއޮތީ އިއުލާނު ކޮއްފަ. ފައިސާ ފަންޑުގަ ނެތިއްޔޯ ބުނީ. މިވެސް ވޯޓަށްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަފީފް

07 March 2018

ކަންކަމާއިމެދު ނުބައިކޮށް ނުވިސްނާ ރަނގަޅަށް ވިސްނާ ރަނގަޅަށް އުއްމީދުކޮށް ހެޔޮ ދުޢާ ކުރުމީ ކަންކަން ފަހިވުމަށް ހުޅުއްވަވާ ދޮރެއް ކަމުގައި ޢިލްމުވެރިން ވިދާޅުވޭ. އަދި އެފަދައިން ނުބަިކޮށް ވިސްނުމަކީ މަގު ފަހިވުމަށް ހުރަސް އެޅޭ ކަމެއްކަަށްވެސް ވިދާޅުވޭ. ވީމާ ކަނކަމާއިމެދު ރަނގަޅަށް (ޕޮޒިޓިވިކޮށް) ވިސްނެވުން ކިހިނެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޝާން

03 March 2018

މިއީ ސަރުކާރުގެ ސިޔާސީ މީހުންގެ ދަރިންނަށް އަމާޒްކޮށްގެން ހިންގާ ލޯން ސްކީމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދީބު

02 March 2018

މަތީ ތަޢުލީމުގެ ކިޔެވުން ފެށެން އަންނަނީ ފުރަތަމަ ސެމިސްޓަރ އަށް ފައިސާ ދެއްކުމުންނެވެ. ނުވަތަ ބައެއް ޔުނިވަރސިޓީތަކުގައި ފުރަތަމަ މަހަށް ފައިސާ ދެއްކުމުންނެވެ. ލޯނު ބޭނުންވާނީ ފައިސާ ނެތް ފަރާތްތަކެވެ. ފައިސާ ނެތް ފަރާތަކުން ކޯހަކަށް ކިޔަވާކަށް ނުދާނެއެވެ. ކިޔަވަން ބޭނުންވެ ކިޔެވުން ނުފެށި ތިބި "ކިޔަވަން ދާން ބޭނުންވާ" ފަރާތްތަކަށް ތިޔަ ފައިސާ ލިބޭނީ ކޮން ދުވަހަކުން ހެއްޔެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ޢޙަމީދު

02 March 2018

ދ‫ެ ސުކީމު ވަކިން ހުޅުވާލަށް ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަނިން

02 March 2018

ރާއްޖެއާއި ރާއްޖެއިން ބޭރުން ފުރުސަތު އެއްފަހަރަކާ ހުުޅުވަލުމުން ރާއްޖޭގައި ކިޔަވަމުންދާ ކުދިންވެސް އެކުދިން ކިޔަވާކޯސް ހުއްޓާލަފައި ބައެއްފަހަރު ރާއްޖެއިން ބޭރަށް ކިޔަންދާން ފޯމުފުރައި ބައެއް ފަހަރު ވަދެވޭ ބޭރުގެ ކޮލެޖެއްގެ ސަބަބުން އޭނާގެ ކިޔެވުން ހުއްޓުމަކަށް އާދޭ، އަދި ލޯނުގެ ފައިސާ ބޭކާރުވޭ،