ކީ ސްޓޭޖް ތިނެއްގެ އިންސްޓްރަކްޓަރުން ތަމްރީނުކުރަން މިއަދު ބޭއްވި ރަސްމިއްޔާތުގައި އެޑިއުކޭޝަން މިނިސްޓަރު ޑރ. އާއިޝަތު ޝިހާމް ވާހަކަދައްކަވަނީ.-- ފޮޓޯ: އެޑިއުކޭޝަން މިނިސްޓްރީ
17 ޖުލައި 2016 - 11:56
11 comments
ތައުލީމީ އާ މަންހަޖާ އެކު ރާއްޖޭގެ ތައުލީމީ ދާއިރާ އަށް އިންގިލާބީ ބޮޑެތި ބަދަލުތަކެއް އައިސްފައިވާ ކަމަށާއި އެ ބަދަލު އަދިވެސް އަންނަމުން ދާނެ ކަމަށް އެޑިއުކޭޝަން މިނިސްޓަރު ޑރ. އާއިޝަތު ޝިހާމް މިއަދު ވިދާޅުވެއްޖެ އެވެ.
ގައުމީ މަންހަޖުގެ ދެން އޮތް ސްޓޭޖްް، ކީ ތިނެއްގެ އިންސްޓްރަކްޓަރުން ތަމްރީނުކުރަން އިސްލާމީ މަރުކަޒުގައި ބޭއްވި ރަސްމިއްޔާތު ޝަރަފުވެރިކޮށްދެއްވަމުން މިނިސްޓަރު ވިދާޅުވީ މިދިޔަ އަހަރު ތަންފީޒުކުރަން ފެށި އާ މަންހަޖާއެކު ސްކޫލުތަކުގެ ވަސީލަތްތައް ގާއިމްކުރަން ވެސް ބޮޑު ހަރަދެއް ކޮށްފައިވާ ކަމަށެވެ. އެގޮތުން އެ މަޝްރޫއުތަކަށް 600 މިލިއަނަަށްވުރެ ގިނަ ރުފިޔާ ހަރަދުކޮށްފައިވާ ކަން މިނިސްޓަރު ފާހަގަކުރެއްވި އެވެ.
"ފާއިތުވި ދެ އަހަރު ސްކޫލުތަކުގެ ވަސީލަތްތައް ގާއިމްކޮށްދިނުމަށް 600 މިލިއަނަށްވުރެ ގިނަ ރުފިޔާ ހަރަދުކުރެވިފައިވޭ. ފައުންޑޭޝަން ސްޓޭޖްގެ ކިޔަވާދިނުން ރަސްމީ ތައުލީމުގެ ނިޒާމުގެ ތެރެއަށް ގެނެސް، ޕްރީ ސްކޫލް އުމުރު ފުރައިގެ ކުދިންނަށް ބޭނުންވާ ތަފާތު ހުނަރުތައް ތަރައްގީކުރުމަށް ވެސް މިއަހަރު ހާއްސަ އިސްކަމެއް ދީފައިވާނެ،" މިނިސްޓަރު ވިދާޅުވި އެވެ.
ގައުމީ މަންހަޖުގެ ކީ ސްޓޭޖް ތިނެއްގެ މުދައްރިބުން ތަމްރީނުކުރުމުގެ މަސައްކަތް ބައްދަލުވުން ފެށުމުގެ ރަސްމިއްޔާތުގައި އެޑިއުކޭޝަން މިނިސްޓަރު ވާހަކަދައްކަވަނީ.-- ފޮޓޯ: އެޑިއުކޭޝަން މިނިސްޓްރީ
ދަރިވަރުންގެ ތައުލީމުގެ ފެންވަރު ރަނގަޅުކުރަން ކޮންމެ ކަމެއް ކުރުމުގައި ސަރުކާރުން ފަސްނުޖެހި މަސައްކަތްކުރާނެ ކަމަށް ވެސް މިނިސްޓަރު ވިދާޅުވި އެވެ.
މިނިސްޓަރު ވިދާޅުވީ މި ސަރުކާރުން ގެންނަމުން އަންނަ ތަރައްގީއާއެކު ތައުލީމީ ދާއިރާއަށް ވެސް ބޮޑު ކުރިއެރުމެއް ލިބެމުން އަންނަ ކަމަށެވެ.
ގްރޭޑް 1-6އިން މިހާރު އަންނަނީ އާ ގައުމީ މަންހަޖަށް ކިޔަވައިދެމުންނެވެެ. މިއަދުގެ ރަސްމިއްޔާތުގައި ވަނީ އާ މަންހަޖުން ދަރިވަރުންނަށް އައިސްފައިވާ ރަނގަޅު ބަދަލުތަކުގެ މައްޗަށް އަލިއަޅުވާލައި ޕްރެޒެންޓޭޝަނެއް ދައްކާލައިފަ އެވެ. އެގޮތުން ބައެއް ދަރިވަރުން ފާހަގަކުރި ގޮތުގައި ސިކުނޑީގެ ބޭނުންކޮށްގެން ފިލާވަޅުތައް ހެދުމާއި ލީޑަޝިޕްގެ ހުނަރުތައް ވަނީ ދަސްވެފަ އެވެ.
ގައުމީ މަންހަޖުގެ ކީ ސްޓޭޖް ތިނެއްގައި ހިމެނެނީ ގްރޭޑް ހަތެއް އަދި އަށެކެވެ. މި ގްރޭޑްތަކުން އާ މަންހަޖަށް އަމަލުކުރަން ފަށާނީ އަންނަ އަަހަރެވެ. މި ގްރޭޑްތަކުގެ ޓީޗަރުން ތަމްރީނުކުރާނެ މަންދޫބުން ތަމްރީނުކުރާނީ ތިން ބުރަކަށް ބަހާލައިގެންނެވެ. މި ތިން ބުރުގެ ތެރޭގައި ރާއްޖެއިން 450 މަންދޫބުން ތަމްރީނުކުރެވިގެންދާނެ ކަމަށް އެޑިއުކޭޝަން މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭނުމީ މިނިވަންނަން / އައްޑޫ ސިޓީ
24 August 2016
ކަމަނާ އަކަށް އެގިނުލައްވާނެ ރާއްޖޭގެ ގިނަ ރައްޔިތުން އުޅެމުންގެންދާ ހިތްދަތި ހާލު. އަދި ރައްޔިތުންގެ ހާލު ބަލާލުމަށް ކަމަނާ ހިމެނިވަޑައިގަންނަވާ ސަރުކާރު ބޭނުމެއްވެސް ނޫން. . . . ނޫސްވެރިޔާ އާސިމާ ނިޒާރު މާލޭގެ ސްކޫލް ތަކަށް ޒިޔާރަތްކޮށް ވަކިވަކިން ކޮންމެ ކުލާހަކުން ކުދިންތަކަކާއި ސުވާލުކޮށް ހެދުނުގެ ސަޔާއި ނުލައި ސުކޫލަށް އައީ ކިތައް ކުދިންތޯ ބަލާލަބަލަ. . . . އަދި ރަށްރަށުގައި ސާފުބޯފެން ނަރުދަމާގެ ހިދުމަތް ލިބެން ހުރީ ކިތައް ކުދިންނަށްތޯ ސާވޭއެއް ހަދާލަބަލަ. . . . މިނިސްޓަރަށް ހީފުޅުވެ ވަޑައި ގަންނަވަނީ އެކަމަނާގެ ދިރިއުޅުއްވުމާއި އެއްފަދަ ގޮތަކަށް ރާއްޖޭގެ އެންމެންނަކީ ފުދިގެން ތިއްބެވި ބައެއްކަމަށް. ގޯހެއްނޫން. ރައްޔިތުންނާއި ބީރައްޓެހިބަޔަކަށް ރައްޔިތުންގެ ހާލު އެގޭކަށް ނުވެސްޖެހޭ. / މިނިވަންކަން ، އައްޑޫ ސިޓީ
ހުސޭނުބެ
18 July 2016
އާމަންހަޖުގެ ސަބަބުން އައީކީ ހެޔޮބަދަލެއް ނޫން! ތިޔަކަމަކާހުރެ ކުދިން ކިޔެވުން މަތިން ފޫހިވެއްޖެ. ތިޔަބަދަލު ގެނެސްފައި ވަނީ ކުއްލިޔަކަށް ، ބަލަންޖެހޭ އެއްވެސް ކަމަކަށް ނުބަލަ، މުދައްރިސުން ތިޔަމަންހަޖަށް ތައްޔާރު ކުރެވިފައެއް ނެތް. މުދައްރިސުންނަށް އިންތިހާއަށް މަސައްކަތް. އިތުރު ގަޑިއެއް ދެނީކީއެއްނޫން. އަނގައޮތިއްޔާ ފޮނި ވާހަކަދެއްކިދާނެ. ހައްތަހާވެސް ހޮޅި ވާހަކަ.
ޙަސަން
18 July 2016
ދަރިން ކިޔެވުމާ ދުރުކުރުވާ މަންހަޖެއް. ތިޔަ އުފައްދަނީ ފަނާކުރަނިވި ޖީލެއް
އެލް.ޓީ
18 July 2016
ޢާމަންހަޖު ގެ ސަބަބުން މުޅި ތަޢުލީމީ ނީޒާމް ފުޑާލައިފި. ދަނޑިމާރު އަޅައިގެން ކުދިން ކިޔެވުމާދުރުކޮށްފި. ތަޢާރަފޮކުރި ބީތެކާ ދަސްވާރު އެއީ ވާހަކައެއް. އެކަމެއްނުހިގާ! ވަސީލަތެއްނެތް. ވާނުވާއެއްވެސް ނޭގޭ! މީ ޖީލެއް ފަނާކޮށްލުން! ހުސް ސިޔާސީ ބުނުން!
ޟަރީ
18 July 2016
ތިޔަ ބުނާކަހަލަ އެއްވެސް ހެޔޮބަދަލެއް ނާދޭ. ކިތަންމެ ވަރަކަށް އެމްބެސެޑަރުން ތަމްރީނުކުރިޔަސް ޓީޗަރުން ހަދަނީ ހަދާނެ އެއްޗެއް. ޢަހަރެމެންގެ ދަރިން ދެޔޭ ސްކޫލްތަކަށް. ޢެހެންވީމާ އެނގޭނެތާ ހަދާ އެއްޗެހި
ތުއްތޮންބެ
17 July 2016
ތިޔަ ނޫން ވާހަކައެއް ދެއްކިނަމަ ގަބޫލުކުރަން ފަސޭހަވީސް ރާއްޖޭގެ ތައުލީމީ ދާއިރާވަނީ މީން ދުވަހަކު ނުދާހާ ދަށަށްގޮސްފަ. ގްރޭޑް 7 ގެ ބެލެނިވެރިއެއްގެ ހައިސިއްޔަތުން މިހާރުވެސް މިދަނީ މިކަން ތަޖުރިބާ ކުރަމުން. ބެލެނިވެރިންގެ ބައްދަލުވުންތަކުގަވެސް ސިޔާސީ ކުލަ ވަރަށް ބޮޑު. ތައުލީމީ ދާއިރާއަށް ސިޔާސީ ކަންކަން ވަނުމަކީ ވަރަށް ދެރަކަމެއް.
ސަމާސާ
17 July 2016
ތިޔަ ބަދަލެއް އަންނަވަރަކަށް ޓީޗަރުންގެ ފެންވަރު މަތި ކުރެވިފައެއްނެތް. ޓީޗަރުންގެ އެންމެ ބޮޑު ޝަކުވާއަކީ މަންހަޖު ކަވަރ ކުރެވޭނެ ވަސީލަތްތައް ނެތުމާއި ، ކުއްލިއަކަށް ބޮޑު ބަދަލަކަށް ތައްޔާރުކޮށް ދީފައި ނެތުމުގެ ޝަކުވާ. ތިޔަ އައި ބަދަލުގެ ތެރޭގައި ގިނައީ ބޮޑެތި މައްސަލަތައް. އެ މައްސަލަތަކެއް މިނިސްޓަރާ ހަމައަކަށް ނުދާނެ.
ހަސަދު
17 July 2016
މަނަހަޖި މޮޅު އެހެނަސް ސުކޫލު ތަކުން އެކަން ރަނގަޅަށް ގެންދޭތޯ މޮނިޓަރ ކުރާނެ މިންގަޑެއް ނެތް. ސުކޫލު ތަކުން އިމް ތިހީނު ނުދޭތީ ކަޔަވާ ދެނީ ވެސް ވަރަށް ފަރުވާ ކުޑަކޮށް.
މޫސަ / ދިއްދޫ
17 July 2016
އައި ބަދަލަކީ ތުއްތު ކުދިންގެ ގުދާރު ބިނދުން....ރެނދުލުން...ރިއްސުން!!! ބޮޑެތި ފޮތް ތަކެއް!!! ހެސްކިޔާފަ ބޮޑެތި ބަރު ބޭގް ތަކެއް!! ސިޑިން 5 ވަނަ ބުރިއަށް
ވިސްނާލީމާ
17 July 2016
ތިޔަވިދާޅުވެލައްވާ ބޮޑު ބަދަލަކީ ކުދިންގެ ވިސްނުމާ ފިކުރަށް އައި ބޮޑު ބަދަލަކަށް ވެއްޖެނަމަ ދެން ބުނާނެ އެއްޗެއްނެތް! ވަރަށް ބޮޑަށް ޝުކުރިއްޔާ! -އިބްރާހީމް-