ދިވެހި ގައުމިއްޔަތު އާލާކޮށް ދިރުވުމުގެ ދުވަހުގެ ޖަލްސާގައި ހޯމް މިނިސްޓަރު އަޒްލީން ރޭ ވާހަކަ ދައްކަވަނީ.---ފޮޓޯ: ރައީސް އޮފީސް
07 މާޗް 2018 - 09:52
53 comments
ރައީސް އަބްދުﷲ ޔާމީން ފަދަ ވެރިއަކު ދިވެހި ގައުމަށް ލިބުމަކީ ދިވެހި ރައްޔިތުން ވެސް ޝުކުރުވެރިވާން ޖެހޭ ވަރުގެ ކަމެއް ކަމަށް ހޯމް މިނިސްޓަރު އަޒްލީން އަހުމަދު ރޭ ވިދާޅުވެއްޖެ އެވެ.
އިއްޔެ ފާހަގަކުރި، ދިވެހި ގައުމިއްޔަތު އާލާކޮށް ދިރުވުމުގެ ދުވަހުގެ ޖަލްސާގައި މިނިސްޓަރު ވިދާޅުވީ ރައީސް ޔާމީނަކީ ދިވެހި ތާރީހުގައި ވެސް ދެކެފައި ނުވާ ހިދުމަތްތެރި ރައީސެއް ކަމަށާއި އެ މަނިކުފާނު ގެންދަވަނީ ހުއްޓުމެއް ނެތި ގައުމު ތަރައްގީކޮށް ކުރިއެރުވުމުގެ މަސައްކަތް ކުރައްވަމުން ކަމަށެވެ. އަދި އެ މަނިކުފާނަކީ ދިވެހި ގައުމުގެ މިނިވަންކަމާއި އިސްތިގުލާލު ދެމެހެއްޓުމަށް ވަރަށް ބޮޑަަށް މަސައްކަތް ކުރައްވައި، ދިވެހި ގައުމުގެ ހައިބަތާއި ކަރާމާތް ދެމެހެއްޓެވުމަށް ވަރަށް ބޮޑަށް އިސްކަން ދެއްވާ ރައީސެއް ކަމަށް މިނިސްޓަރު ވިދާޅުވި އެވެ.
"...އެހެންވީމާ އެ މަނިކުފާނުގެ ހިދުމަތްތަކަކީ ދިވެހި ކޮންމެ ދަރިޔަކުމެ ޝުކުރުވެރިވެ، ބަލައިގަންނަން ޖެހޭ ކަމެއް. އެފަދަ ވެރިޔަކު މިފަދަ ދަނޑިވަޅެއްގައި މި ގައުމުގެ ވަލިއްޔުލްއަމުރުގެ މަގާމަށް މާތްﷲ މިންވަރުކޮށް ދެއްވި ކަމަށްޓަކައި ﷲ އަށް ހަމްދުކުރަން،" އަޒްލީން ވިދާޅުވި އެވެ.
މިނިސްޓަރު ވިދާޅުވީ ރައީސް ޔާމީނަށް އަބަދު ވެސް ހިތުގެ ލޯތްބާއި އިހުތިރާމާއި ގަދަރު އޮންނާނެ ކަމަށާއި އެ މަނިކުފާނަށް ދިވެހި ރައްޔިތުންގެ ނަމުގައި ޝުކުރު ވެސް އަދާ ކުރައްވާ ކަމަށެވެ.
އެފަދަ ވެރިޔަކު މިފަދަ ދަނޑިވަޅެއްގައި މި ގައުމުގެ ވަލިއްޔުލްއަމުރުގެ މަގާމަށް މާތްﷲ މިންވަރުކޮށް ދެއްވި ކަމަށްޓަކައި ﷲ އަށް ހަމްދު ކުރަން: އަޒްލީން
ސިޔާސީ ގޮތުން ރައީސް ޔާމީންގެ ސަރުކާރަށް މިހާރު ކުރިމަތިވެފައި ހުރި ބައެއް ކަންކަމަށް އިޝާރާތް ކުރައްވައި އަޒްލީން ވިދާޅުވީ ރާއްޖޭގެ މިނިވަން ކަަމަށް އެތެރެއިންނާއި ބޭރުން ހަމަލާތައް އަންނަނީ އިރުވައި މޫސުމުގައި ފުޅަނގަށް ޖެހޭ ހާލާ އެއްފަދަ ގޮތަކަށް ކަމަށެވެ.
"ހިތާމަ އާއި ހިތްދަތިކަމާ އެކު ދަންނަވަން ޖެހެނީ ދިވެހިރާއްޖޭގެ މިނިވަންކަމަށް ޖެހިފައިވާ ދަތުރެކޭ އިރުވައި މޫސުމުގައި ފުޅަންގަކަށް ޖެހޭ ދަތުރެކޭ ހަމަ އެއްގޮތޭ. މައްޗަށް އަރައިފިއްޔާ ހޯރަ. އަޑިއަށް ހިނގައްޖެއްޔާ ހިބަރު،" މިނިސްޓަރު ވިދާޅުވި އެވެ. "ރާއްޖޭގެ މިނިވަން ކަމަށް ވެސް މި ވަނީ ހަމަ މިކަހަލަ ގޮތެއް. އެއް ފަހަރު ގައުމުގެ އެތެރޭން ހަމަލާ. އަނެއް ބައި ފަހަރު ގައުމުގެ ބޭރުން ހަމަލާ."
އެހެންވެ މާޒީގައި ކަންކަން ހިނގާފައިވާ ގޮތުން އިބުރަތް ހާސިލްކޮށް، ދިވެހި ގައުމާއިގެން ކުރިއަށް ދާން ޖެހޭ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖިންނިބޭ
10 March 2018
އަޒްލީން ފަދަ ހޯމް މިނިސްޓަރެއް ލިބުނީތީ އަޅުގަނޑު މެން މިހާރު ދެ އިރު އިރަކު ހަފަހަރު އެބަ އިސްކުރު ކުރަން
އައްޑޫ ސިޓީ
07 March 2018
އަޒްލީން ބޭފުޅާ މުރުތައްދުވާ ހިސާބަށް ނުދައްޗޭ! ރައީސްމީހާ ހިތް ރުއްސަން ވެގެން، ރައްޔިތުން މޮޔަހައްދަން ވެގެން.. މާދަން ބުނެފާނެ އެއްޗެއް ހިތައް ގެންނާކަށްވެސް ނޭނގެ!
ޢަބްދުﷲނާފިޒު
07 March 2018
މިނިސްޓަރު ވިދާޅުވީ "ރައީސް ޔާމީނަށް އަބަދު ވެސް ހިތުގެ ލޯތްބާއި އިހުތިރާމާއި ގަދަރު އޮންނާނެ ކަމަށާއި އެ މަނިކުފާނަށް ދިވެހި ރައްޔިތުންގެ ނަމުގައި ޝުކުރު ވެސް އަދާ ކުރައްވާ ކަމަށެވެ". މިނިސްޓަރު އަޒުލީނުގެ ހިތުގަ ރ ޔާމީނަށް ލޯތްބާ އިހުތިރާމާ ގަދަރު އޮތަސް އެއީ މައްސަލައެއް ނޫން، ތީ މިނިސްޓަރުގެ ރައުޔު، އެކަމަކު ކޮންމެހެން ރައްޔިތުންގެ ނަމުގަ ރ ޔާމީނަށް ޝުކުރު އަދާކުރުމުގެ އެއްވެސް ޙައްގެއް މިނިސްޓަރަށް ނެތް ވާހަކަ ބުނެ އަންގަން.
ޒުބޭރު
07 March 2018
މި ފެންވަރުގެ މީހުންނަށް މިނިސްޓަރު ކަންދިނުމީ މި ޤައުމަށް ވެސް އޮތް ބޮޑު ހުތުރެއް..
އުތުރުދެކުނު
07 March 2018
މިނިސްޓަރު ހުންނަވާ ޝުކުރުދަންނަވާ ދަންނަވާ އަޅުގަޑު މިހުރީ ތިކަންނިމޭދުވަހަކުން ޝުކުރުދަންނަވަން....
ސޭކުބެ
07 March 2018
މުސީބާތެއްޖެހުނީމާ ޝުކުރު ކުރަންޏާ ތިކަމާ ޝުކުރު ކުރަންވީ
ސަސްޕް
07 March 2018
އެހެންވެ ނޫންތޭ އެލްޖީއޭއަށް ވަންމަ ކޮންމެ ދުވަހަކު ކައުންސިލެއް ސަސްޕެންޑްކުރަނީ
ޓެކް މޭން
07 March 2018
ނުޖެހޭ ސުކުރު ކުރާކަށް. ހިތާމަކުރަން ޖެހޭނީ. ހަމަގައިމުވެސް މަ ހިތާމަކުރަން.
އުދުހޭ
07 March 2018
މިނިސްޓަރު ޝުކުރު އަދާކުރައްވައިގެން ހުންނަވާ. އަޅުގަނޑު މިހިރީ ޔާމީނުގެ ވެރިކަން ނިމޭ ދުވަހަކުން ޝުކުރުކުރަން މަޑުކޮށްލައިގެން.
ބެއްޔާ
07 March 2018
ށުކުރު އަދާކުރާނެނުންތޯ! އެވަޒީފާގަނޑުދެއްވީ އޭނާވިއްޔަ...
ހައިރާންވެއްޖެ
07 March 2018
އެފަދަ ވެރިޔަކު މިފަދަ ދަނޑިވަޅެއްގައި މި ގައުމުގެ ވަލިއްޔުލްއަމުރުގެ މަގާމަށް މާތްﷲ މިންވަރުކޮށް ދެއްވި ކަމަށްޓަކައި ﷲ އަށް ހަމްދު ކުރަން: އަޒްލީން ******* ޔާމީނަށް ވެރިކަން ލިބުނުދުވަހު ﷲ އަށް ޙަމްދުކޮށް ޝުކުރުގެ ސަޖިދަ ޖެހިމީހުން މިއަދުވެސް މިދުނިޔޭގައި އެބަތިބި . އެކަމަކު މިއަދު ޔާމީނު ވެރިކަމަށް އެދި ﷲ ގެ ޙަޟްރަތުގައި އެދި ދެންނެވުނީތީ އެކަލާންގެ ޙަޟްރަތުން ތައުބާއަށް އެދި ހިތާމަކޮށް ޔާމީނުގެ އަނިޔަވެރި ކަމުން ސަލާމަތަށް އެދި ﷲ ގެ ޙަޟްރަތުގައި ދުޢާކޮށް ޔާމީނުގެ ވެރިކަން ނިމުމަށް އެދި ދުޢާކުރަމީހުން މާގިނަކަށް ފެންނަނީ .