ޚަބަރު / ރައީސް މައުމޫން އަބްދުލްގައްޔޫމް

ގާނޫނާ ޚިލާފަށް ބަންދުކޮށްފައިވާ ކަމަށް ވިދާޅުވެ ތަހުގީގަށް މައުމޫން އެއްބާރުލުމެއް ނުދެއްވި

ކުއްލި ނުރައްކަލުގެ ހާލަތު އިއުލާން ކުރުމަށް ފަހު، މިދިޔަ މަހުގެ ފަސް ވަނަ ދުވަހުގެ ރޭ މައުމޫން ހައްޔަރުކޮށްގެން ގެންދަނީ.

10 މާޗް 2018 - 22:33

39 comments

ކުއްލި ނުރައްކަލުގެ ހާލަތުގެ ދަށުން ދޫނިދޫގައި ހައްޔަރުކޮށްފައިވާ، ކުރީގެ ރައީސް މައުމޫން އަބްދުލް ގައްޔޫމާ ފުލުހުން ފުރަތަމަ ފަހަރަށް މިއަދު ސުވާލު ކޮށްފައިވާ ކަމަށާއި އެކަމަކު އެމަނިކުފާނާ މެދު ފިޔަވަޅު އަޅާފައި ވަނީ ގާނޫނާ ޚިލާފަށް ކަމަށް ވިދާޅުވެ ތަހުގީގަށް އެއްބާރުލުން ދޭން ދެކޮޅު ހައްދަވާ ކަމަށް މައުމޫންގެ ވަކީލުންގެ ޓީމުން މިރޭ ބުނެފި އެވެ.

މިދިޔަ މަހުގެ ފަސް ވަނަ ދުވަހުގެ ރޭ ރައީސް އަބްދުﷲ ޔާމީން ކުއްލި ނުރައްކަލުގެ ހާލަތު އިއުލާން ކުރެއްވުމާ އެކު، ފުލުހުން އެންމެ ފުރަތަމަ ހައްޔަރު ކުރި ހަތަރު ބޭފުޅުންގެ ތެރޭގައި މައުމޫން ހިމެނިވަޑައިންނަވަ އެވެ. ދެން އެ ރޭ ހައްޔަރުކޮށްފައި ވަނީ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު އަދި ޗީފް ޖުޑީޝަލް އެޑްމިނިސްޓްރޭޓަރު ހަސަން ސައީދެވެ.

މައުމޫންގެ ވަކީލުންގެ ޓީމުގައި ހިމެނިވަޑައިގަންނަވާ މުހައްމަދު ފައިސަލް މިރޭ ކުރެއްވި ޓުވީޓެއްގައި ވިދާޅުވީ، މައުމޫން ބަންދުކޮށްފައި ހުންނަތާ 33 ދުވަސް ފަހުން ފުރަތަމަ ފަހަރަށް ތަހުގީގަށް މިއަދު ސުވާލުތަކެއް ކޮށްފައިވާ ކަމަށެވެ. ނަމަވެސް މައުމޫން ވަނީ އެ މަނިކުފާނު ބަންދުކޮށްފައި ވަނީ ގާނޫނާ ޚިލާފަށް ކަމަށް ވިދާޅުވެ ޣައިރު ގާނޫނީ ތަހުގީގަކަށް އެއްބާރުލުން ނުދެއްވާނެ ކަމަށް ވިދާޅުވެފައި ކަމަށް ފައިސަލްގެ ޓުވީޓުގައި ވެ އެވެ.

After being kept in arbitrary detention for 33 days, my client Raees @maumoonagayoom was questioned for the first time on the alleged charges
Denied all the allegations and said that he would not cooperate with an illegal investigation@maanhameed @HuShameem @yumna_maumoon
— faisal_cappi (@cappi5) March 10, 2018

މައުމޫންގެ ވަކީލުންގެ ޓީމުގައި ހިމެނޭ ފައިސަލްގެ ޓުވީޓު

އަދި މައުމޫނަށް ކުރާ ހުރިހާ ތުހުމަތަކަށް ވެސް އެމަނިކުފާނު އިންކާރު ކުރެއްވި ކަމަށް ފައިސަލް ވިދާޅުވި އެވެ.

މައުމޫންގެ މައްޗަށް ފުލުހުން ކުރަނީ ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދީ، ގާނޫނާ ޚިލާފަށް ވެރިކަން ބަދަލުކުރުމަށް މަސައްކަތް ކުރުމާއި ފަނޑިޔާރުންގެ މަސައްކަތަށް ނުފޫޒު ފޯރުވައި، ވަކި ގޮތަކަށް ހުކުމްތައް ނެރުމަށް ފަނޑިޔާރުންނަށް ރިޝްވަތުގެ ގޮތުގައި ފައިސާ ދިން ކަމުގެ ތުހުމަތެވެ. މީގެ އިތުރުން ފަނޑިޔާރު އަލީ ހަމީދުގެ އާއިލާ އަށް މައުމޫން އެކި ގޮތްގޮތުން އެހީތެރިވެ ދެއްވަމުން ގެންދަވާކަން ތަހުގީގަށް ޔަގީން ކުރެވިފައިވާ ކަމަށް ވެސް ފުލުހުން ބުނެފައި ވެ އެވެ.

Fandiyaaru Ali Hameed ge dhabahakun 3.4 million rf fenifaivey: Police

The most trusted news source in the Maldives

Mihaaru

ހެކި ނައްތާލި ކަމަށް ތުހުމަތުކޮށް މައުމޫންގެ އިތުރުން އުއްތަމަ ފަނޑިޔާރާއި ފަނޑިޔާރު އަލީ ހަމީދުގެ މައްޗަށް ދައުވާ ކޮށްދިނުމަށް އެދި ފުލުހުން ވަނީ ޕްރޮސެކިއުޓަ ޖެނެރަލްގެ އޮފީހަށް ވެސް މައްސަލައެއް ހުށަހަޅައިފަ އެވެ. ނަމަވެސް އެ މައްސަލާގައި އަދި ދައުވާއެއް ނުއުފުލަ އެވެ.

ރައީސް މައުމޫން އަބްދުލްގައްޔޫމް ފުލުހުން އިދިކޮޅު ފަރާތްތައް ކުއްލި ނުރައްކަލުގެ ހާލަތު ރިޝްވަތު

39 ކޮމެންޓް, 111 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިޔަޅޭ

11 March 2018

ރައީސް މައުމޫން އަކީ ގަޓް ހުރި ފިސާރި ބޭފުޅެއްކަން މިހާރު އިނގޭނެ ޔާމިނަށް ރައީސް މައުމޫން ސަލާމްބުނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސުމް

11 March 2018

ކައްޕިއަށް ރުހޭ އެކަކުވެސް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސްބޭބެ

11 March 2018

ކޮބައިތަ ގާނޫނު އަސާސީ މިހާރު؟ ހަމަހަމަކަމާއި ތަފާތު ކުރުން ކޮބައިތަ؟ ކޮބައިތް 30 އަހަރުގެ ކަންތައްތައް. ކޮބައިތަ ކޮބައިތަ؟ މިއުޅެނީ ހަމަ ގޭމެއް ކުޅެން. އެކަމުވެސް މައްސަލައެއް ނެތް. ގައުމަކީ ވަކި މީހެއްގެ ވަކި އާއިލާ އެއްގެ ވަކި މުއްސައްޖެއްގެ ތަނެއް ނޫން. މީ އެންމެންގެ ގައުމު. އެންމެން ހަމަހަމަވާނެ އެމީހަކު އެއިރަކު ހުންނަ ޕޮޒިޝަނަކުން، މައުމޫނު މިހާރު ކުށްވެރިވެފަ؟ އެކަމަށް އެއްބާރުލުންދީގެން ސަލާމަތްވެވޭނީވެސް. އަމިއްލަ އަށް ސިޔާސީ ވީ އަނެއްކާވެސް؟ އެހެންވީމަ އެކަމުގަ އެންމެން ހަމަހަމަ ވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު އަޒުމީލް

11 March 2018

ކީކޭތަ ކީކޭތަ ކީކޭތަ ކިޔަން ނޭގިގެން ތިއުޅެނީ ކީކޭލިޔަން އުޅެނިކޮށް ލިޔެވުނު އެއްޗެއްތަ މީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީކިބޭ

11 March 2018

30 އަހަރު ނިމިއްޖޭ. ދެން މިހާރު އެކަމެއް ނޯންނާނޭ. މައުމޫނަކަސް ގާނޫނީ އަތް އަރާ ހަމަކުރާނޭ. ކުށެއް ކުރީމަ އެކުށައް ޖަބާބުދާރީ ވާންޖެހޭ. އެއްބާރުލުން ދޭންޖެހޭ. އަބަދަކު މަނިކުފާނު އަށް ލައްބަ ކިޔާނޭ ކަމަށް ގަބޫލުނުކުރާށޭ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނާނާ ޕޫސް

11 March 2018

ޤާނޫނުތަކާއިި ޤަވައިދުތައް މުގުރާލާފައި ރައީސް މަޢުމޫން ގެންގޮސް ހައްޔަރުކޮށްގެން ހިންގަންއުޅޭ ޖާރީމާ އަކަށް އެއްބާރުލުން ދޭކަށް ނުޖެހޭ ... ސާބަސް ރަން 30 އަހަރުގެ ބާނީއަށް ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބެ

11 March 2018

ފުލުހުން ސިޔާސީ ވެފަ ވާތީ ތަހުގީގައް އިތުބާރެއް ނުކުރެވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމު ޝަރީފް

11 March 2018

މައުމޫނަކަށް "ނޯމާސީ" އެވެ. 30 އަހަރު އަހަރުމެންގެ ގައުމުގައި ވެރިކަން ކުރެއްވި އިރު، ކިތައް ކިތައް ނިކަމެތިން ކުށެއްނެތް ކަންކަމުގައި ހައްޔަރުކޮށް ގެއްލުވާލާފައިވެސް ވަނީ.! ކިތަންމީހުން ބަންދުކުރާތާ 3، 4 މަސްވާއިރުވެސް ސުވާލެއް ކޮށްލާފައިވަނީ! ކިތައްމީހުން އަނދަގޮނޑި ޖައްސާ ގުދައް މޮއްގަނޑުގައި އަކިރި ގަނޑުގައި ބާއްވާ މޮއްކޮޅާއި ކަކޫ ދުއްވާލާފައި ހުރީ. އޭރު ދިންވަރު އަދަބުދޭ ހާނާއަކަށް މައުމޫނު ލާބަލަ ތަހްގީގަށް އެއްބާރުލުން ނުދީ ނުހުންނެވޭ. ކިތަންމެ އުމުރުން ދޮށިވިނަމަވެސް، އިންސާފު ހޯދަން ކުރާ މަސައްކަތެއްގައި ތަފާތުކުރުމެއް އޮވެގެން ނުވާނެ. ކޮންމެހެން މައުމޫނު ވީމާ ޖަލުގައި ވަކިން ހުންނަ އެއަރކޮންޑިޝަން ގެސްޓްހައުސް އެއްގައި ބަހައްޓާކަށް ނުޖެހޭ. މިއީ މައުމޫނު ކުޅަ ކަންތައްތަކުގެ ދުނިޔެމަތީގެ ޖަޒާނޫންކަމެއްވެސް ނޭންގެ..! ގައިމު މައުމޫނުގެ އަނިޔާވެރިކަމުގެ ވާޙަކަ އެންމެބޮޑަށް ދެއްކި ރައީސް ނަޝީދުއާއި އޭނާގެ އަޅުވާނުން. މައުމޫނަށް ހެޔޮވިސްނުން ދެއްވާށިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންނާނު

11 March 2018

އެއީ މާޒީ ބްރޯ އެއަށްވުރެ ރަނގަޅުކުރަން އެހެންމީހަކު ހޮވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖީތު

11 March 2018

ތަހުގީގަކީ ތުހުމަތު ކުރެވޭ މީހާ އެއްބާރުލުން ދީ، އަމިއްލަ ނަފުސާ ދެކޮޅަށް ހެކިދީ އިއުތިރާފުވެ ބަޔާންދީގެން ކުރަންޖެހޭ އެއްޗެއް ނޫން. އެއީ ފުލުހުން އަމިއްލަ މަސައްކަތުން ހެކި ހޯދައިގެން ކުރަންޖެހޭ އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުމެދާބިންހާކިމް

11 March 2018

އެއްބާރުލުން ނުދެންޏާ ހިމަރޯނުން ބަނދެފަ ބާއްވާ. ކޮންމެފަހަރަކު ސަރުކާރު ވައްޓާލުމުގެ މޭސްތިރިއަކީ ތިޔައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުހޮއްކޮ

11 March 2018

ފުލުހުންބުނީ މިހާރު ތަހުގީގު ނިމިގެން ޕީޖީ އަށް މަސްއަލަ ފޮނުވިކަމަށް އެކަމަކު އަދިކިރިޔާ ތިޔަ ސުވާލެއްވެސް ކޮށްލީ ދެން ކޮންއެއްޗެއް ޕީޖީ އަށް ތިފޮނުވި.