ޖޭއެސްސީ: ސިވިލް ކޯޓާއި ކްރިމިނަލް ކޯޓުގެ ފަނޑިޔާރު ކަމަށް ކުރިމަތިލުމުގެ މުއްދަތު ދެވަނަ ފަހަރަށް ވަނީ އިތުރުކޮށްފައި --ފޮޓޯ/މިހާރު
22 މާޗް 2018 - 11:07
7 comments
ސިވިލް ކޯޓާއި ކްރިމިނަލް ކޯޓުގެ ފަނޑިޔާރު ކަމަށް ކުރިމަތިލުމުގެ މުއްދަތު ޖުޑިޝަލް ސާވިސް ކޮމިޝަން (ޖޭއެސްސީ) އިން އަނެއްކާ ވެސް އިތުރުކޮށްފި އެވެ.
ކްރިމިނަލް ކޯޓާއި ސިވިލް ކޯޓުން ކުރެ ކޮންމެ ކޯޓަކަށް ދެ ފަނޑިޔާރުން ހޯދަން މިދިޔަ ޖެނުއަރީ މަހު ޖޭއެސްސީން ހުޅުވާލި ފުރުސަތު ފުރަތަމަ އޮތީ މިދިޔަ މަހުގެ 22 ވަނަ ދުވަހު ހަމަވާ ގޮތަށެވެ. އެކަމަކު ފަހުން ވަނީ އެ މުއްދަތު އިއްޔެގެ ނިޔަލަށް އިތުރުކޮށްފަ އެވެ. މިފަހަރު އެ މުއްދަތު ޖޭއެސްސީން އިތުރުކުރީ އަންނަ މަހުގެ 10 ވަނަ ދުވަހުގެ ނިޔަލަށެވެ.
ކްރިމިނަލް ކޯޓާއި ސިވިލް ކޯޓުގެ ފަނޑިޔާރު ކަމަށް ކުރިމަތިލުމުގެ މުއްދަތު އިތުރު ކުރިއިރު ހައި ކޯޓުގެ ބެންޗުން ހުސްވެފައިވާ ތިން މަގާމަށް ކުރިމަތިލުމުގެ މުއްދަތު މިދިޔަ މަހު ވަނީ ހަމަވެފަ އެވެ. ހައި ކޯޓުގެ ފަނޑިޔާރު ކަމަށް ކުރިމަތިލި ބޭފުޅުންގެ ތެރެއިން ހަސަން އަލީ މިދިޔަ ހަފުތާގައި ވަނީ އެ މަގާމަށް އައްޔަން ކުރައްވައިފަ އެވެ. ބާކީ އޮތް ދެ މަގާމަށް ބޭފުޅުން އަދި އައްޔަން ނުކުރެ އެވެ.
ހައި ކޯޓުގެ ފަނޑިޔާރުންނަށް މުސާރަ އާއި އިނާޔަތްތަކާ އެކު މަހަކު 54،000ރ. ލިބޭނެ އެވެ. ކްރިމިނަލް ކޯޓުގެ ފަނޑިޔާރުންނަށް މުސާރަ އާއި އިނާޔަތްތަކާ އެކު މަހަކު 48،000ރ. ލިބޭއިރު ސިވިލް ކޯޓުގެ ފަނޑިޔާރުންނަށް ލިބޭނީ މަހަކު 46،000ރ. އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަގީގަތް
23 March 2018
މަ ބުނީމެއްނު ވިލާގެ ގްރެޖުއޭޝަނާ ހަމަޔަށް ލަސްވާނޭ!
ނަޖީބާ
23 March 2018
ވިލާގެ ގްރެޖުއޭޝަން ގެ ފަހަށް ދޯ! ހެހެހެ
އައްޑޫ ކޮއްޔާ
22 March 2018
ސްޕެޝަލައިޒް ވެގެން އަންނަ ޑޮކްޓަރުންގެ މުސާރަޔަކީ މަހަކު 33 ހާސް ރުފިޔާ. ހުރިހާ އެއްޗަކާއެކު 35ވަރު ޖެހިދާނެ. ވަރަށް ވާހަކަ މީ. #ލަދު.
ސޭކުބެ
22 March 2018
މިޚަބަރު ވަރަށް ރީތި. ފަޑިޔާރުކަމުގެ ސަނަދު ނުވަތަ ލޯޔަރުން މުޅިގަޢުމުގަ ފުރިފަ. އެކަމަކު ފަޑިޔާރަކަށްވާން ބޭނުން އެއްވެސް މީހަކު ނުވެގެން އެތައްފަހަރަކު އިއުލާނުމިކުރަނީ. ޔާމީނަށް އެއްޗެއް ވިސްނޭނެކަމަށް ދެކެން..
ދެންދޯ
22 March 2018
އެއުޅެނީ ބުނާހާގޮތަކަށް ކަންކޮށްދޭނެ މީހަކު ނުފެނިގެން.
އަޑަފި
22 March 2018
މުސާރައާއި އިނާޔަތްތަކުގެ އިތުރުން، ފަނޑިޔާރުނާ، އެބޭފުޅުންގެ މައިން ބަފައިންނާ، ދަރިންނާ، އަދި 4 އަނބިން ތިއްބަސް އެ އެންމެންނަށް ރާޖެއިންނާއި ރާއްޖެއިން ބޭރުން ހިލޭ ބޭސް ފަރުވާ ކުރުމުގެ ޚަރަދުވެސް ލިބެއެވެ. އަދި ރިޓަޔަރ ކުރާއިރު ލިބެމުންދިޔަ މުސާރަވެސް މުޅި އުމުރަށް ލިބޭނެއެވެ.
ރަދީފް
22 March 2018
އެކަކުވެސް ކުރިމަތިލާނެކަމެއް ނެތް.