ވާވޭގެ މީޑިއާޕެޑް ޓީ3 ޓެބްލެޓް: ދަރިވަރުންނަށް ދޭނީ މީގެ ޓެބްލެޓް
29 މާޗް 2018 - 15:55
40 comments
ސްކޫލުތައް ޑިޖިޓައިޒްކޮށް ދަރިވަރުންނަށް ދޭން ހަމަޖައްސާފައިވަނީ ވާވޭ ބްރޭންޑުގެ ޓެބްލެޓް ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
އެ މިނިސްޓްރީގެ ސްޓޭޓް މިނިސްޓަރު އަހުމަދު ޝަފީއު ވިދާޅުވީ، ދަރިވަރުންނާއި ޓީޗަރުންނަށް ދޭނީ ޑިޖިޓައިޒްކުރުމުގެ މަގުސަދުތައް ހާސިލްވާނެ ފަދަ ޓެބްލެޓެއް ކަމަށެވެ. އެގޮތުން ދެ ވަނަ ޓާމުން ފެށިގެން ބޭނުންކުރާނީ، ވާވޭގެ މީޑިއާޕެޑް ޓީ3 ޓެބްލެޓް ކަމަށް ޝަފީއު ވިދާޅުވި އެވެ.
މީޑިއާޕެޑް ޓީ3 ޓެބްލެޓްގައި އިންނަނީ އެޗްޑީ ސްކްރީނެކެވެ. އޭގެ ސްކްރީން ސައިޒަކީ 8 އިންޗި އެވެ. ސްޓޮރޭޖް ކެޕޭސިޓީ އަކީ 16 ޖީބީ އެވެ.
ރާއްޖޭގެ ހުރިހާ ސްކޫލެއްގައި ބޭނުންކުރާނެ ޓެބްލެޓް ގަންނަން މިނިސްޓްރީން ހަވާލުކޮށްފައިވަނީ މެކްސްކޮމް ކުންފުންޏާ އެވެ. އެގޮތުން 70،000 އަށްވުރެ ގިނަ ޓެބްލެޓް ގެންނައިރު، އޭގެ ތެރެއިން ބައެއް އެއްޗެހި މިހާރު ވަނީ ރާއްޖެ ގެނެސްފަ އެވެ.
ޝަފީއު ވިދާޅުވީ ޑިޖިޓައިޒް ކުރަން ސްކޫލުތަކަށް އިންޓަނެޓް ގުޅުމުގެ މަސައްކަތް ވެސް ދިރާގުން ކުރަމުން އަންނަ ކަމަށެވެ. އެގޮތުން އެ މަސައްކަތުގެ ބޮޑު ބައެއް މިހާރު ނިމިފައިވާ ކަން އޭނާ ފާހަގަކުރެއްވި އެވެ.
ޓެބްލެޓް ބޭނުންކޮށް ސްކޫލުތައް ޑިޖިޓައިޒްކުރުމުގެ މަޝްރޫއަށް ސަރުކާރުން ވަނީ 154 މިލިއަން ރުފިޔާގެ ބަޖެޓެއް ކަނޑައަޅައިފަ އެވެ.
ފޮތްތަކާއެކު މި އަހަރުގެ ތެރޭގައި ޓެބްލެޓް ބޭނުން ކުރަން ފަށާނެ ކަމަށް އެޑިއުކޭޝަނުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖޯސާ
11 April 2018
އެކަމެއް މިއަދަކު ނުފެނޭ ސަރުކާރުން ދިނީމަ ގޯހަކީ މިހާާރު މީހަކު ކުށެއްކޮށްފިއްޔާ އެއި މިސަރުކާރުގެ ޒިންމާ ނުވިސްނުނީ އަދި މިސަރުކާރުގަ އުފަންވި ކުދިންގެ އުމުރު ހަތަރެއްކަން މިގައުމު އޮތީ ޔާމީނު ވެރިކަމާ ހަވާލުވިއިރުވެސް ގޯހުންގޯހަށް ގޮސް އަމަަން އަމާންކަން ނެތިގޮސް ކުށުގެވެށީގެ ހާއްޔަކައް ވެފަ
އައްޑެ
10 April 2018
ދަރިންނަށް ޓެބް ދިނީ ފުރަތަމަ މައިންބަފައްިން.
މަމީ
30 March 2018
ހަޤީޤަތަކީ ސްކޫލްތަކުގައި ކިޔަވައިދިނުން އިތުރަށް ރަނގަޅުކުރަންޖެހޭކަން. ސެކަންޑްރީ ގްރޭޑް ތަކުގެ ޓީޗަރުން ބަލަނީ ބޮޑުއަގު ނަގައިގެން ޓިއުޝަން ދެވޭތޯ. ހެޔޮނުވާނެ ދަރިންނަށް ފިލާވަޅުތައް އޮޅުންފިލުވަދީބަލަ ޓިއުޝަނަށް ނުދުވެ.
އަރޫ
30 March 2018
ގޯސް ކުދިންތައް ޓެބްުތަކަށް ފާޑުފާޑުގެ ފޮޓޯޔާ އެއްޗެހި އަޅައިގެން ގޮސް ރަނގަޅަށްތިބި ކުދީންތަކަށް އެބަހާ ވިއްކާހަދަން ފެށީމަ ހުންނާނީ ތަޢުލީމުގެ އާއުސްމިންތަކަށް ދެވިފަ ވައްސަލާމް
ސައު
30 March 2018
ޚަބަރު ލިބޭގޮތުގައި އައިޕެޑްތަކަށް ދަރިވަރުން ބޭނުން ކޮންމެ އެއްޗެއް ނޭޅޭގޮތައް ހަދައެވެ.
ޔެސް
30 March 2018
ތިިޔަ ޓެބް ލިިބެނީ ހިިލޭތަ؟ ނޫނީ ބެލެނިިވެރިިން ފެލަން ކުރާ ކަމެއްތަ؟
ޢަލީމް
30 March 2018
މިއަހަރު ފެށިއިރުވެސް ތީއްޗެއްބަހާ ވާހަކަ ދެއްކި.
ކުޑަކަމަނަ
30 March 2018
ސާބަހޭ ދޮންކަލޭފާނު. ވާވޭ އަކީ މިހާރު ކުރިއަރަމުން އަންނަ މޮޅު ކުންފުންޏެއް. ބައެއްމީހުން ވާވޭ އަށް ކިޔަނީ ހުއަވޭ.. ލިޔެފަ ވެސް އިންނާނީ އެހެން. އެކަމް އަސްލު އެޔަށް ކިޔަނީ ވާވޭ..
1234
30 March 2018
ތި ޕެޑްތަކާ ކުޅެން އިނގެނީ ކިތައް ޓީޗަރުންނަށްބާ؟ މިހާރުގެ ކުދިން މާ ފަރިތަވާނެ ތިޓީޗަރުންނަށްވުރެ..
ޢަހުމަދު
30 March 2018
ޓެބްލެޓެއް ނުލިބިގެން އުޅެނީކޮންކުއްޖެއް. ޢޯލެވެލް ނަތީޖާ ރަނގަޅުކުރާކުދިން ޓިއުޝަނަށް ކިހާވަރެއް ހަރަދުކުރާކަން އެޑިޔުކޭޝަނަށް އެނގޭބާ.
ށަމު
30 March 2018
ޓެބްލެޓްއިން ކިޔަވައިދޭން މުދައްރިސުން ވަނީ ދަސްކޮށްފައި. ގޫގުލް ސްކޫލް މެދުވެރިކޮށް ކިޔަވައިދެވޭ މިންވަރުގެ އައި. ސީ. ޓީ ކޯހެއް ހުރިހާ މުދައްރިސުން ފުރިހަމަކޮށްފި.
އެސްޓާ
30 March 2018
ފަށާކުދިބަޔަކަށް ވާވޭ މައްސަލަޔެއްނެތް. ޢެކަމަކު ސްޓޯރޭޖް ކެޕޭސިޓީ މާކުޑަ. ތިހާވަރަކުން ކިހުނެއް އެހުރިހާ ފިލާވަޅުތަކެއް ގެންގުޅޭނީ. ހަމަގައިމުވެސް ސްޓޯރޭޖްކުޑަވީމާ ޕާފޯމަންސް ސްލޯވް ވާނެ.
ހުމޭ
30 March 2018
އެޑިއުކޭޝަން އިން ހިންގާ އެންމެބޮޑު ކޮރަޕްޝަންގެ ޖަރީމާ. ޓެންޑަރ ކުރުމެއްނެތި ރަތްޔިތުންގެ ފައިސާ މިފަހަރު މިނަގަނީ ސްކޫލުދަރިވަރުގެ ދަބަހަށް އަތްބާނާގެން.