ބާޒާރުމަތީގެ ފިހާރަތަކުން ގަންނަ މުދާ، ދޯނިފަހަރާ ހަމައަށް ވެހިކަލްގައި ގެންދެވޭނެ: މިނިސްޓްރީ

މާލޭގެ ޓީ ޖެޓީ ސަރަހައްދުގައި އަޅާފައިވާ އުޅަނދުތަކެއް: އަލަށް ހަމަޖެއްސި އުސޫލުން ދުވާލު ގަޑީގައި ޓީ ޖެޓީއަށް ވެސް މުދަލެެއް ނުގެންދެވޭނެ.

އަބްދުﷲ ޖަމީލު، މިހާރު

01 އެޕްރީލް 2018 - 17:41

22 comments

މާލޭގެ ބާޒާރުމަތީގެ ފިހާރަތަކުން ގަންނަ މުދާ އެކި ރަށްރަށަށް ގެންދިއުމަށްޓަކައި ދޯނި ނުވަތަ ބޯޓާ ހަމައަށް، އެއްގަމު އުޅަނދުފަހަރުގައި ކޮންމެ ވަގުތެއްގައި ވެސް އުފުލޭނެ ކަމަށް އިކޮނޮމިކް މިނިސްޓްރީން ބުނެފި އެވެ.

މާލެތެރޭގައި ދުވާލު ގަޑީގައި މުދާ އުފުލުން މަނާ ކުރުމުން އާއްމުންގެ ފަރާތުން ތަފާތު ސުވާލުތައް ކުރިމަތި ކުރަމުން ދާތީ، އެ މިނިސްޓްރީގެ ޓުވިޓާ އެކައުންޓުގައި ރޭ ބުނެފައި ވަނީ ރިސޯޓްތަކާއި ރަށްރަށަށް ގެންދިއުމަށް، އަދި އެ ނޫންވެސް ބޭނުމަކު، މާލޭގެ ބަނދަރުގައި އޮތް އޮޑިއަކަށް ބާޒާރުމަތީގައި ހުރި ފިހާރައަކުން އެއްގަމު އުޅަނދެއްގައި މުދާ އުފުލިދާނެ ކަމަށެވެ.

އެއްގަމު އުޅަނދުގައި މުދާ އުފުލުމުގެ ގަވާއިދު
-----------------------
ސުވާލު: ޓޫރިސްޓް ރިސޯޓްތަކާއި އަތޮޅުތަކަށް ގެންދިއުމަށް، އަދިމިނޫންވެސް ބޭނުމަކު ބަނދަރުގައި އޮތް އޮޑިއަކަށް ބާޒާރުމަތީގައި ހުރި ފިހާރައަކުން އެއްގަމު އުޅަނދެއްގައި މުދާ އުފުލިދާނެ ތަ؟
ޖަވާބު: މުދާ އުފުލިދާނެ
— Economy & Trade (@EconDevMv) March 31, 2018

އިކޮނޮމިކް މިނިސްޓްރީގެ ޓުވީޓް

މިކަމާ ގުޅޭ ގޮތުން، އިކޮނޮމިކް މިނިސްޓަރުގެ ނައިބު އާދަމް ތައުފީގް "މިހާރު" އަށް މިއަދު ވިދާޅުވީ، ބާޒާރުމަތީގެ ކޮންމެ ފިހާރަ އަކުން ގަންނަ މުދާ ވެސް ބަނދަރުގައި އޮންނަ ބޯޓަކަށް ނުވަތަ ދޯންޏަކަށް އުފުލަން ވަކި ގަޑިއެއް ނޯންނާނެ ކަމަށެވެ. ނަމަވެސް ބާޒާރުމަތީގެ ފިހާރަތަކުން ގަންނަ މުދާ ދުވާލު ގަޑީގައި ޓީޖެޓީ އަށް ގެންދެވޭނެ ގޮތެއް ނޯންނާނެ ކަމަށް ވެސް އޭނާ ވިދާޅުވި އެވެ.

އެހެންކަމުން ޓީ ޖެޓީއަށް މުދާ ގެންދެވޭނެ ގޮތެއް ނެތުމުން ރިސޯޓުތަކަށް ގެންދާ މުދަލެއް ނޭރުވޭނެ އެވެ. އެއީ ރިސޯޓުތަކަށް މުދާ އުފުލާ އުޅަނދުތަކަށް މާލޭގައި ކައިރިކުރެވެނީ ހަމައެކަނި ޓީ- ޖެޓީއަށް ކަމަށްވާތީ އެވެ.

"އަޅުގަނޑުމެން މި ގެންދަނީ މި އުސޫލަށް އަމަލުކުރަން ފެށުމުން، ދިމާވާ ދަތިތަކާއި މަގުމަތީގެ ޓްރެފިކަށް އަންނަ ބަދަލުތައް ވެސް ބަލަމުން. ފުރަތަމަ ދުވަސްކޮޅު މީގެ ދަތިތަކެއް ހުރެދާނެ،" ތައުފީގް ވިދާޅުވި އެވެ.

ޓްރާންސްޕޯޓް އޮތޯރިޓީން އަލަށް ހަމަޖެއްސި އުސޫލްގައިވާ ގޮތުން މިއަދުން ފެށިގެން މާލެ ތެރޭގައި ވެހިކަލްތަކުގައި މުދާ އުފުލޭނީ އިރުއޮއްސި 6:00 އިން ފަތިހު 6:00 އަށެވެ.

Viyafaariveringe shakuvaathakah fahu, mudhaa ufulaa gadi badhalukoffi

The most trusted news source in the Maldives

Mihaaru

އެ އުސޫލްގެ ދަށުން، މާލެ ތެރެއަށް ވިއްކުމަށާއި ގުދަންކުރުމަށް ގަނޑުކޮށް އުފުލާ މުދަލާއި، ލަކުޑި، ދަގަނޑު، ހިލަ، ހިލަވެލި، ބިއްލޫރި، ސިމެންތި، އިމާރާތްކުރުމަށް ބޭނުންކުރާ ގަލާއި، ބުއިމަށް ބޭނުންކުރާ ފެނާއި އެހެނިހެން ބުއިންތަކާއި އެނޫން ވެސް އެފަދަ އެންމެހައި ތަކެތި އެއްތަނުން އަނެއް ތަނަށް އުފުލޭނީ މިހާރު ހަމަޖައްސާފައިވާ ގަޑީގައި އެކަންޏެވެ. ނަމަވެސް ހެނދުނު 8:30 އިން ފެށިގެން 11:00 އަށް އަދި ހަވީރު 6:00 އިން ހެނދުނު 6:00 އާ ދެމެދުގައި ކައްކާ ގޭސް ވެހިކަލްގައި އުފުލޭނެ އެވެ.

ދަތުރުފަތުރު ފިހާރަ އިކޮނޮމިކް މިނިސްޓްރީ ޓްރެފިކް މާލެ ޓްރެފިކް ގަވާއިދު ޓްރާންސްޕޯޓް އޮތޯރިޓީ

22 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލައިފާ

02 April 2018

ސާބަހޭ ރިޔާޒުރަސީދު ފިހާރައިން ޑެލިވަރީ ނުކުރެވޭތީ އެސްޓީއޯއިން ޑެލިވަރީ ނުކުރެވޭތީ ގަވައިދުބަދަލުވީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްﷲ

02 April 2018

އިޢުލާނު ގައި އޮތްއެއްޗަކާ ފުލުހުހުން ކިޔާއެއްޗަކާ ދިމައެއްނުވޭ! ފުލުހުން ކިޔާ އެއްޗަކާ އިކޮނޮމިކް މިނިސްޓްރީން ކިޔާއެއްޗަކާ ދިމައެއްނުވޭ! އިއުލާނުގައި ނެތް އެއްޗަކަށް އަމަލުކުރަނީ ކޮންގަވައިދެއްގެ ދަށުންބާ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެއުޅިއެއްނުވާ މީހާ

02 April 2018

ތި ކަމު ނުދިޔައީ އަދި މި އުޅެނީ އަމަލުކުރަންފެށިތާ 1 ދުވަސް ނުވެގެން މިހާރު ބަދަލުކޮއްލީތިޔަ! ޙާދަހާވާ ފަސޭހައޭ މިއަދު ތިޔަ ޕިކަޕްތަކާ ލޮރީތައް ނުދުއްވާތީ މަގުމަތީގައި މަޑުވެސްކޮއްނުލާ ސައިކަލްގައި ގެޔައްއާދެވުނު މިއަދު! ޢެކަމަކު މާދަމާނާދެވޭނެ ތިވާގޮތުން، ދެން އެކައްވެސް އުޅޭނީ ހަމަ ބަނދަރުމަތީ ފިހާރަތަކުން ދޯންޏައް މުދާއަރުވާ ޕިކަޕާ ލޮރީ އެކައްވެސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަތްފުނާ

01 April 2018

ބަނދަރުގައި އޮންނަ ބޯޓަކަށްވެސް އަދި ދޯންޏަކަށްވެސް މުދާ ގެންދެވޭނީ އެއްގަމުގައި ހުންނަ ގުދަނުން މުދާ ގެނެސްގެން.މިހާރު ތިއޮތް ގަވައިދުން ބުޅަލުގެ އުސޫލަށް ތަބާއެއް ނުވެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަންގި

01 April 2018

މާލޭގެ ހުރިހާ މަގެއްގަ ޕާރކް ހަދާ! އޭރުން ހުންނާނީ ރާކަނި މަސްކެވިފަ!!! ލަދުން ބޯހަލާކު!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒިމްޒިމް

01 April 2018

އޮޑިދޯނި ފަހަރުތަކުން މިހާރުވެސް ނާލުގެ އަގުބޮޑުކޮއްފި.. މުދަލުގެ އަގުބޮޑުވާނެ... ހާއްސަކޮށް ރާއްޖެތެރޭގެ ފިހާރަތަކުން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ީުހުދުހުދު

01 April 2018

ޓޯކިޔޯ ގަ މިހެންތަ އޮންނަނީ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުން

01 April 2018

އަނެއްކާ ބާޒާރުމަތީ ހުންނަނީ މުދާ ވިހާ ފިހާރަތަކެއްތަ؟ އެތަންނަނަށް މުދާ ގެންދަނީ މާލޭގެ އެކި ހިސާބުތަކުގަ ގުދަންކޮއްފަ ހުންނަ ވިޔަފާރިތަކުގެ މުދާ ދޯ. ދެން ހެނދުނު މުދާ ހުސްވީމަ ތިބެންވީ ރޭގަނޑު 6 ޖަހަންދެން؟ ހަމަ އަންތަރީސްވެދާނެ މިގަވައިދު މިހެދި މީހުންގެ ގަމާރުކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުން

01 April 2018

ހަމަ ލާހޫރޭ ސަރުކާރެއް. އަވަސްއަރުވާލާ ގަވައިދުތައް ހަދާފަ ދެން މިބަލަނީ މިކަން ކުރަންވިގޮތް. ހުރިހާ އުނދަގުލެއް ވިޔަފާރިތަކަށާއި މަސައްކަތުމީހުންނަށް. ދެން މާދަމާ ބުނާނެ ޓީ.ޖެޓީއާހަމައަށްވެސް ގެންދެވޭނޭ. މީހަމަ ކުރާނެކަމެއް ނޭންގިގެން އުޅޭ ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިދީދީއައްޑޫސިޓީ

01 April 2018

" ބާޒާރުމަތީގެ ކޮންމެ ފިހާރަ އަކުން ގަންނަ މުދާ ވެސް ބަނދަރުގައި އޮންނަ ބޯޓަކަށް ނުވަތަ ދޯންޏަކަށް އުފުލަން ވަކި ގަޑިއެއް ނޯންނާނެ ކަމަށެވެ. ނަމަވެސް ބާޒާރުމަތީގެ ފިހާރަތަކުން ގަންނަ މުދާ ދުވާލު ގަޑީގައި ޓީޖެޓީ އަށް ގެންދެވޭނެ ގޮތެއް ނޯންނާނެ ކަމަށް ވެސް އޭނާ ވިދާޅުވި އެވެ. " ރާއްޖެތެރެއިން މަތިންދާ ބޯޓުގައި މާލެ ދެވޭނެ. އެކަމަކު ފްލައިޓު ހުޅުލެއަށް ޖައްސައިގެން ނުވާނެ.