ސުމިތު އަތުގައި ފުލުހުންތަކެއް މިއަދު ބިޑި އަޅުވަނީ.
03 އެޕްރީލް 2018 - 16:00
13 comments
ހއ. ދިއްދޫގެ މަގު ހެދުމުގެ މަސައްކަތަށް ހުރަސް އެޅި ކަމުގެ ތުހުމަތުގައި އެމްޑީޕީގެ އެކްޓިވިސްޓެއް ކަމަށްވާ އަލީ ހާޝިމް (ސްމިތު) މިއަދު ހައްޔަރުކޮށްފި އެވެ.
ދިއްދޫގައި 4.5 ކިލޯމީޓަރަށް ތާރު އަޅަން ސަރުކާރުން ހަވާލުކޮށްފައި ވަނީ އެމްއާރުޑީސީއާ އެވެ. އެކަމަކު، އެ މަސައްކަތް ކުރަމުން އަންނަ ގޮތާ މެދު ދިއްދޫ ބައެއް ރައްޔިތުން ތިބީ ހިތްހަމަނުޖެހިފަ އެވެ. އެނގިފައިވާ ގޮތުގައި ސްމިތު ހައްޔަރު ކުރީ ދިއްދޫގައި ބޭއްވި މުޒާހަރާގައި ހުއްޓަ އެވެ.
ނަމަވެސް، މިކަމާ ގުޅިގެން ފުލުހުންގެ ބަހެއް ވަނީ ލިބޭ ގޮތް ނުވެފަ އެވެ.
ދިއްދޫ ކައުންސިލް މެމްބަރަކު "މިހާރު" އަށް ވިދާޅުވީ ރައްޔިތުންގެ ކަންބޮޑުވުމަކީ، ދިއްދޫގެ އެންމެ ބޮޑު މަގު، ޝާއިރުލް އަމީންގައި ތާރު އަޅައިގެން ހަދާ ގޮތާ މެދުގަ އެވެ.
އޭނާ ވިދާޅުވި ގޮތުގައި 50 ފޫޓުގެ އެ މަގުގެ ދެ ފަރާތުގައި 14 ފޫޓުގެ ޕޭވްމަންޓެއް ހަދާއިރު، މަގު ފަޅިކުރަން ހަ ފޫޓުގެ ޑިވައިޑާއެއް ހަދަމުން އަންނަ ކަމަށެވެ. އޭގެ ސަބަބުން ބޭނުން ކުރަން އޮންނަނީ 7-8 ފޫޓުގެ ތަންކޮޅެއް ކަމަށް އޭނާ ވިދާޅުވި އެވެ.
"މިކަމުގެ ސަބަބުން ދަތުރުފަތުރު ކުރުމުގައި ދަތިތައް ދިމާވާނެ. ކުރިން އިނީ ދެ ފޫޓުގެ ޑިވައިޑާއެއް. ކައުންސިލުން އެދުނީމަ އެ ނަގައިދިން. އެކަމަކު އަނެއްކާ ބަދަލު ގެނައީ،" މެމްބަރު ވިދާޅުވި އެވެ.
އެހެންވެ، އެ ނިންމުން ބަދަލުކޮށް ދިނުމަށް ރައްޔިތުން އެދެމުން އަންނަ ކަމަށް އޭނާ ވިދާޅުވި އެވެ. ކައުންސިލް މެމްބަރު ވިދާޅުވި ގޮތުގައި ރައްޔިތުންގެ ދެކޮޅު ހެދުންތަކުގެ ސަބަބުން މަގު ހެދުމުގެ މަސައްކަތް ކުރަނީ ފުލުހުންގެ އެހީތެރިކަމާ އެކުގަ އެވެ.
މި މައްސަލާގައި ހައުސިން މިނިސްޓަރު ޑރ. މުހައްމަދު މުއިއްޒު ރޭ ކުރެއްވި ޓުވީޓެއްގައި ވިދާޅުވީ ދިއްދޫގެ މަގު ހެދުމުގެ މަޝްރޫއު ހުއްޓުވުމަށް ގެނެސް، ރައްޔިތުންގެ ތަރައްގީ އަށް ހުރަސް އަޅައިގެން ތިބުމުގެ ފުރުސަތު ނުދޭނެ ކަމަށެވެ. އަދި ލޯކަލް ގަވަމަންޓް އޮތޯރިޓީ (އެލްޖީއޭ) އާއި ފުލުހުންގެ އެހީތެރިކަމާ އެކު އިދިކޮޅު ފަރާތްތައް އެއްކައިރި ކޮށްފައި ނަމަވެސް، ތަރައްގީ ކުރާނެ ކަމަށް އޭނާ ވިދާޅުވި އެވެ.
ދިއްދޫ މަގު ހެދުމަށް ހުރަސް އެޅި ކަމަށް ބުނެ ސްމިތު ހައްޔަރު ކުރިއިރު، އިނގުރައިދޫ ދާއިރާގެ މެމްބަރު އިބްރާހިމް ފަލާހަށް ބިރުދެއްކިކަމުގެ ތުހުމަތުގައި ވެސް އޭނާ ދާދި ފަހުން ހައްޔަރު ކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކާކު ތީ
03 April 2018
ދިއްދޫ ގެ މަގުހަދާ ގޮތް ދިއްދޫ ޕޕ ކުދިންނަކައް ވެސް ރަގަލެއްނޫނެ އެކަމަކު މިއަދު އެކުދިން ދެކޮޅުނުހަދާ އެތިބެނީ ކަރުގަ އިން މަޅިއައް ވާންވެދާނެ ތީ މާލޭގެ ބޮޑުތަކުރުފާނު މަގު ގަ މިހެން ނުހަދަނި ކީއްވެ ތަ
ހަސަން
03 April 2018
ރާއްޖޭގެ ރަށްތަކުގައި 6 ފޫޓުގެ ޑިވައިޑަރ ލަިއގެން މަގު ހެދުމަކީ މޮޔަކަމެއް. ޑިވައިޑަރ ގައި ބެރިކޭޑެއްގެ ފުޅާމިން ހުރީމަ ރަނގަޅުވާނެ. ތިބާ ހިނގާ މީހުންނަށް ދީފަ ދުވާރު ފުޅާ ކޮއްލާ. ދެން މަމިހެން ކޮމެންޓް ކުރިޔަސް ހިތްވަރެއް ހުރިއްޔާ މިކަން ނިންމާނީ ރަށުގެ ރަށްޔިތުން. މާލޭގެ ފިނިކޮޓަރީގެ ތިބެގެން ރައްރަށުގެ މަގުތަށް ޕްލޭން ކުރީމަ ވާނީ މިހެން.
ހަމަ ހަސަނު
04 April 2018
ބޭބޭ! 2 ފޫޓުގެ ޑިވައިޑަރ އެއްގެ ވާހަކަ އޭ ބުނެފަ އެއޮތީ! ދުވާރުގެ ފުޅާމިނުގައި 6 ފޫޓު ހުންނަ ވާހަކަ ބުނެފަ އެއޮތީ! ބޭބެ ރަނގަޅަށް ހަބަރު ކިޔާލިއްޔާ ރަނގަޅުވާނީ! ފިނި ކޮޓަރީގަ އޮވެގެން ކޮމެންޓު ކުރިޔަކަސް ކަމަކުނުދާނެއޭ!
ބަލަ ހަމަ ހަސަނާ!
04 April 2018
ހަމަ ހަސަނާ! އަދި އެއްފަހަރު ހަަމައިގައި އިނދެގެން މި ރިޕޯޓް ކިޔާލަބަ!
ޞުމިކް
03 April 2018
މިތާވެސް ސުމިތު، އެތާވެސް ސުމިތު
ހުއްބުލް ވަތަން
03 April 2018
ނަށީދަށް ވެރިކަން ލިބެންދެން މިފާޑު މީހުންނަށް އޯކޭވާނެ ނުކައި ބަނޑަށް ތިބެންވެސް - މިދެން ބައްޔެއްނު
އަނިޔާވެރިކަން
03 April 2018
ތިޔަ މަގު ބޭނުން ކުރަން ތިބި ރައްޔިތުން ބޭނުންވާ ގޮތަށް ނުހަދާ ގަދަބާރުން ތިޔަކަން އެހެން ގޮތަކަށް ކުރުމުގެ ބޭނުމަކީ ކޮބާ؟
ދިއްދޫ
03 April 2018
ރައްޔިތުންނަކީ ހަމައެކަނި އެމް ޑީ ޕީ މީހުން ނެއް ނޫން. ޢެހެން ޕާޓީ ތަކަށް ވެސް ނިސްބަތްވަނީ ރައްޔިތުން
މަންޑޭލާ
03 April 2018
ޔާމިން އެދަނީ އަތޮޅުތައްތަރައްގީ ކުރަމުން.
ސޮކްތެރެޕީ
03 April 2018
ބަލަ މަގުހެދީމަ ރަށުރައްޔިތުންނަ މީގެފައިދާކުރާނީ އެމްޑީޕީއަ ރަށެއްގެ މަގުހެދުނީކީނުން ދެންކޮންރުޅިއެއްތިއަންނަނީ.
ހުސައިނާ
03 April 2018
ޤާނޫނުއަސާސީގައިވާގޮތަށް ލާމަރުކަޒީއުސޫލުން މިގައުމު ހިންގަންޖެހެނީ މިހެންވެގެނެވެ. ގަދަބާރުން ކަމަކަށް ކަމެއް ކުރުމުގެ ބަދަލުގައި އެރަށުގެ ކައުސިލާއި ރައްޔިތުންނާއި މަޝްވަރާ ކޮށްގެން އިލްމީ ދިރާސާތަކުގެ އެހީގައި އެރަށުގެ ރައްޔިތުންނަށް އެންމެ ފައިދާ ހުރިގޮތަށް ރައްޔިތުން ބޭނުންވާ ގޮތަށް ކަންކަން ކުރަން ސަރުކާރުން ދަސްކުރަން އެބަޖެހެއެވެ. މާލޭގައި ގޯސްކޮށް ކަންތައް ކުރެވިފައި އޮތީތީވެ ރަށްރަށުގައިވެސް ގޯސްކޮށް ކަންކަން ކުރާކަށް ނުޖެހެވެ.
ދިއްދޫ
03 April 2018
ދުއްވާ އެއްޗެހި މަގަށް ފިޓުވާގޮތަށް ތިހިރީ, ރޭލު ދުއްވާގޮތަށް, ރައްޔިތުންގެ އަޑުއަހާ ރައްޔިތުންގެ ލަފާޔާ އެއްގޮތަށް ރައްޔިތުންނަށް ފަސޭހަވާނެ ގޮތަށް ކަންތައްކުރާ ސަރުކާރެއްނޫން, އަމިއްލަ އެދުމަށް ހުރިހާ ކަމެއްވެސް ކޮށްލަނީ, މިވެރިންނެއްނޫން, ދިއްދޫގެ މަގުތަކުން ދުއްވާނީކީ, މި ވެރިންނަށް ވާނެ އުނދަގުލެއް ދައްޗެއް ނޯންނާނެ, ހުރިހާ ދައްޗެއްވާނީ ދިއްދޫ ރައްޔިތުންނަށް, މިއޮތީ ހިތަކަށް ލިބިފައިއޮތް ވެރިކަމެއް, ހިތަށްއެރި ގޮތަކަށް ކަންކޮށްލަނީ,
ރަދީފް
03 April 2018
''ރައްޔިތުންގެ ދެކޮޅު ހެދުންތަކުގެ ސަބަބުން މަގު ހެދުމުގެ މަސައްކަތް ކުރަނީ ފުލުހުންގެ އެހީތެރިކަމާ އެކުގަ އެވެ.'' ވެރިކަން ވެސް ކުރަނީ ސިފައިން އަދި ފުލުހުންގެ އެހީގައެއް ނޫންތަ؟!! ދެން ކޮންމެ ކަމެއް ވެސް ކުރަން ޖެހޭނީ އެމަގުން.ލަދުކޮބާ؟؟