މާފަށް އެދޭނީ ކޯޓުން ނިންމުމުން: ސަންގު ޓީވީ

ސަންގު ޓީވީގެ ޕްރޮގްރާމެއް: އެ ސްޓޭޝަން ޖޫރިމަނާކުރީ މުސްތަފާ ދެއްކެވި ވާހަކަތަކާ ގުޅިގެން -- ފޮޓޯ/ސަންގު ޓީވީ

07 އެޕްރީލް 2018 - 23:03

ތިމަރަފުށީ ދާއިރާގެ މެމްބަރު މުހައްމަދު މުސްތަފާ ސަންގު ޓީވީގައި ދެއްކެވި ވާހަކަތަކާ ގުޅިގެން އެ ސްޓޭޝަން ޖޫރިމަނާކޮށް، މާފަށް އެދުމަށް އެންގިޔަސް އެ އަށް އަމަލު ކުރާނީ ކޯޓުން ނިންމާ ގޮތެއްގެ މަތިން ކަމަށް ސަންގު ޓީވީން މިރޭ ބުނެފި އެވެ.

ރައީސް އަބްދުﷲ ޔާމީނަށް ނިސްބަތްކޮށް، މުސްތަފާ ދެއްކެވި ވާހަކަތަކަކާ ގުޅިގެން ސަންގު ޓީވީ، އެއްލައްކަ ރުފިޔާ އިން ޖޫރިމަނާކޮށް، މާފަށް އެދުމަށް ބްރޯޑްކާސްޓިން ކޮމިޝަނުން ވަނީ އަންގައިފަ އެވެ.

ސަންގު ޓީވީގައި ވާހަކަ ދައްކަވަމުން އެ ސްޓޭޝަންގެ މެނޭޖިން ޑިރެކްޓަރު އިބްރާހިމް ވަހީދު (އަސްވާޑް) ވިދާޅުވީ ޖޫރިމަނާ ދެއްކުމަށް ފައިސާ ހޯދުމުގެ މަސައްކަތް ކުރަނީ ގާނޫނު އޮތްގޮތުން، ޖޫރިމަނާ ކުރި މައްސަލަ އިސްތިއުނާފް ކުރުމުގެ ހައްގު ލިބެނީ ފައިސާ ދެއްކުމަށް ފަހު ކަމަށް ވާތީ ކަމަށެވެ. އެކަމަކު މާފަށް އެދޭނީ އެކަމުގައި ކޯޓުން ނިންމާ ގޮތެއްގެ މަތިން ކަމަށާއި އެ މައްސަލާގައި ޝަރުއީ އެންމެ މަތީ މަރުހަލާ އަށް ވަޑައިގަންނަވަން ޖެހިއްޖެ ނަމަ އެ ކަން ވެސް ކުރައްވާނެ ކަމަށް ވިދާޅުވި އެވެ.

"މި ހިނދުގައި މާފަށް އެދެން ނެތް ވާހަކަ ދަންނަވާ ހާލު، މާފަށް އެދޭނީ ޝަރީއަތުން ކަނޑައަޅާ ގޮތެއްގެ މަތިން ކަމުގައި ދަންނަވާލަން،" އަސްވާޑު ވިދާޅުވި އެވެ.

ޖޫރިމަނާ ދެއްކުމަށް ފައިސާ ހޯދުމުގެ ގޮތުން ސަންގު ޓީވީން ވަނީ ފަންޑު ފޮށްޓެއް ހުޅުވައިފަ އެވެ. ފައިސާ ދެއްކުމަށް ދިން މުއްދަތު މި މަހުގެ 29 ވަނަ ދުވަހު ހަމަވާނެ އެވެ.

ސަންގު ޓީވީގެ އިތުރުން ރާއްޖެ ޓީވީ އާއި ވީޓީވީ އަދި ވީއެފްއެމް ވެސް މީގެ ކުރިން ވަނީ ޖޫރިމަނާ ކޮށްފަ އެވެ.

މީޑިއާ ނޫސްވެރިކަން މޯލްޑިވްސް ބްރޯޑްކާސްޓިން ކޮމިޝަން ބްރޯޑްކާސްޓަރުން މެމްބަރު މުހައްމަދު މުސްތަފާ

4 ކޮމެންޓް, 47 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޭނާ

08 April 2018

ރައީސް މާފަށް އެދެނީ ކޮންއިރަކު ގޮތްނޭގޭ ފައިސާ ތަކެއްގައި ހިފުނު ކަމަށްޓަކާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު.

08 April 2018

ދިވެހި ރައްޔިތުންގެ ލޭ ބޯ ބައެއް މިހާރު މިސަރުކާރުގައި މި އުޅެނީ. ދެން ޤާނޫނެއް ހަދާ ފަނޑު ފޮށި ބެހެއްޓުން މަނާ ކުރޭ! މާދަމާ ބުނެފާނެ އިރު އެއީ ހަނދުކަމަށް ނިންމާ ތިމަންނަމެން ޤާނޫނެއް ހަދައިފީމޭ. ކަލޭމެންނަށް ޖެހޭނީ އެއަށް ބޯލަނބާށޭ. މިވަރުގެ ބައެއް މި ސަރުކާރުގައި މި ތިބީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހަށްދޭދޭ

07 April 2018

މާފަށް އެދޭނީ ކޯޓުން ނިންމުމުން ކަމަށް ސަންގު ޓީވީން ތިޔާ ބުނަނީ ތަމެން އަނެއްކާ މަމެންގެ ވެރިކަމުގައި ހާދަ ފުއްޕަން ތިޔާ ފެށީ ވެން އިޓް ކަމްސް ޓު ޔޫ. ..