މަޝްވަރާތަކުގައި އދ.ގެ މަންދޫބު އެކި ފަރާތްތަކާ ބައްދަލުކުރައްވަން ފައްޓަވައިފި

އދ.ގެ މަންދޫބު ތަމްރަތު ސަރުކާރުގެ ވަފުދާ މިއަދު ބައްދަލުކުރައްވަނީ: މި މަޝްވަރާތަކުގައި ބައިވެރި ނުވާނެ ކަމަށް އިދިކޮޅު ފަރާތްތަކުން ވަނީ ބުނެފައި .-- ފޮޓޯ: ޓުވިޓާ

އަލީ ނާފިޒް، މިހާރު

20 ޖުލައި 2016 - 13:16

9 comments

ރާއްޖޭގެ ސިޔާސީ މަސްރަހު ހަަމައަކަށް އަޅުވަން ބާއްވަން އުޅޭ މަޝްވަރާތަކުގައި، އދ.ގެ މަންދޫބު އެކި ފަރާތްތަކާ ވަކިވަކިން ބައްދަލު ކުރައްވަން ފައްޓަވައިފި އެވެ.

ސަރުކާރާއި އިދިކޮޅު ފަރާތްތަކާ ދެމެދު ބާއްވާ މަޝްވަރާތަކުގައި ބައިވެރިވެވަޑައިގަތުމަށް އދ.ގެ މަންދޫބު ތަމްރަތު ސެމިއުލް ރާއްޖެ ވަޑައިގަތީ މިދިޔަ ހޯމަ ދުވަހު އެވެ. މި މަޝްވަރާތައް ކުރި އަށް ގެންދެވެން އޮތީ ހުރިހާ ފަރާތްތައް އެއް ތަނެއްގައި ތިބުމުގެ ބަދަލުގައި އެކި ފަރާތްތަކާ ވަކިވަކިން ބައްދަލު ކޮށްގެންނެވެ.

މި މަޝްވަރާތަކުގައި ސަރުކާރު ތަމްސީލު ކުރައްވާ އިސް މަންދޫބު، ފިޝަރީޒް މިނިސްޓަރު މުހައްމަދު ޝައިނީ މިއަދު ވިދާޅުވި ގޮތުގައި ސަރުކާރުގެ ވަފުދުން މިއަދު ވަނީ ތަމްރަތާ ބައްދަލުކޮށްފަ އެވެ. ޝައިނީގެ އިތުރުން ސަރުކާރުގެ ވަފުދުގައި ހިމެނިވަޑައިގަންނަވާ ޑިފެންސް މިނިސްޓަރު އާދަމް ޝަރީފާއި ހޯމް މިނިސްޓަރު އަހުމަދު ޒުހޫރު ވެސް އެ ބައްދަލުވުމުގައި ބައިވެރިވެވަޑައިގެންނެވި އެވެ.

The government team held discussions with UN delegate Excellency Tamrat Samuel. pic.twitter.com/FX2IJIwNEn
— Mohamed Shainee (@mshainee) July 20, 2016

ޝައިނީ މިއަދު ކުރެއްވި ޓުވީޓު.

އެކަމަކު، މި ބައްދަލުވުމުގެ އިތުރު ތަފުސީލެއް ނުލިބެ އެވެ.

ތަމްރަތު ވަނީ ފޮރިން މިނިސްޓަރު މުހައްމަދު އާސިމްއާ އިއްޔެ ބައްދަލުކުރައްވައިފަ އެވެ. އަދި ރާއްޖެ އަށް ކަނޑައަޅާފައި ތިއްބަވާ ބައެއް ގައުމުތަކުގެ ސަފީރުންނާ ވެސް އޭނާ ގެންދަވަނީ ބައްދަލު ކުރައްވަމުންނެވެ. އޭގެ ތެރޭގައި އިނގިރޭސި ސަފީރާއި އިންޑިއާ ސަފީރު ހިމެނިވަޑައިގަންނަވަ އެވެ.

އދ.ގެ މަންދޫބު ތަމްރަތު ރާއްޖޭގެ ފޮރިން މިނިސްޓަރާ ބައްދަލުކުރައްވަނީ: މި މަޝްވަރާތަކުގައި ބައިވެރި ނުވާނެ ކަމަށް އިދިކޮޅު ފަރާތްތަކުން ވަނީ ބުނެފައި.-- ފޮޓޯ: ޓުވިޓާ

މި މަޝްވަރާތަކުގައި ބައިވެރި ނުވާން އިދިކޮޅު ފަރާތްތަކުން ވަނީ ނިންމާފަ އެވެ. އެހެންވެ، ތަމްރަތާ ވެސް އިދިކޮޅު ޕާޓީތަކުން ބައްދަލުކުރި ކަމެއް އަދި ސާފެއް ނުވެ އެވެ.

އިދިކޮޅު ފަރާތްތަކުގެ އެންމެ ބޮޑު ޝަރުތަކީ ޖަލަށް ހުކުމްކޮށްފައިވާ އިދިކޮޅު ލީޑަރުން މިނިވަން ކުރުމެވެ.

ކުރީގެ ރައީސް މުހައްމަދު ނަޝީދަށް 13 އަހަރުގެ ޖަލު ހުކުމެއް އިއްވައިފައި ވާ އިރު، އަދާލަތު ޕާޓީގެ ރައީސް އިމްރާން އަބްދުﷲ އަށް ވަނީ 12 އަހަރުގެ ޖަލު ހުކުމެއް އިއްވައިފަ އެވެ. އަދި ކުރީގެ ޑިފެންސް މިިނިސްޓަރު މުހައްމަދު ނާޒިމަށް 11 އަހަރުގެ ހުކުމެއް އިއްވާފައި ވާ އިރު، އިއްތިހާދުގެ ތަރުޖަމާނު، ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފް ވަނީ ހަތަރު މަހަށް ޖަލަށް ލާފަ އެވެ.

ލީޑަރުން މިނިވަން ކުރުމަކީ މަޝްވަރާގައި ބައިވެރިވާން އެމްޑީޕީ އާއި އަދާލަތުން ކުރި ޝަރުތެވެ. އެކަމަކު ކުރިން އެ ޝަރުތަށް ސަރުކާރުން ދެކޮޅު ހެދި ނަމަވެސް އެ ފުރުސަތު މިހާރު އޮތް ކަމަށް ސަރުކާރުން ވަނީ ބުނެފަ އެވެ. އަދި މިހާރު އިނގިރޭސި ވިލާތުގައި ދިރިއުޅުއްވާ އިދިކޮޅު ލީޑަރުން މަޝްވަރާތަކަށް އެނބުރި ރާއްޖެ ވަޑައިގަތުމަށް ސަރުކާރުން ވަނީ ގޮވާލާފަ އެވެ.

އދ.ގެ މަންދޫބު ތަމްރަތު ރާއްޖޭގައި ހުންނަވާ އިންޑިއާ ސަފީރާ އިއްޔެ ބައްދަލުކުރައްވަނީ: މި މަޝްވަރާތަކުގައި ބައިވެރި ނުވާނެ ކަމަށް އިދިކޮޅު ފަރާތްތަކުން ވަނީ ބުނެފައި.-- ފޮޓޯ: ޓުވިޓާ

އެމްޑީޕީ އާއި އަދާލަތުގެ އަނެއް ޝަރުތަކީ އެ ދެ ޕާޓީ ވެސް ހިމެނޭ ގޮތަށް އުފައްދާފައިވާ އިދިކޮޅު އިއްތިހާދު، މޯލްޑިވްސް ޔުނައިޓެޑް އޮޕޮޒިޝަން މަޝްވަރާތަކުގައި ބައިވެރި ކުރުމެވެ. އެކަމަކު ސަރުކާރުން ބުނެފައި ވަނީ އިއްތިހާދު ކިޔާ ޕާޓީއެއް ނުދަންނަ ކަމަށާއި އެ މީހުން މަޝްވަރާތަކުގައި ބައިވެރި ނުކުރެވޭނެ ކަމަށެވެ.

ދިވެހި ސަރުކާރު އިދިކޮޅު ފަރާތްތައް ރާއްޖެ-އ.ދ ސިޔާސީ ޕާޓީތަކުގެ މަޝްވަރާތައް ސިޔާސީ މަޝްވަރާތައް

9 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

afލlހ

20 July 2016

.......ދިވެހިންގެ ކަންތައް ނިންމާަނީ ދިވެހިންނޭ ކިޔާފަ ކީއްތަ .....ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަބީދު

20 July 2016

ބަލަ ޝައިނީ.......ދިވެހިންގެ ކަންތައް ނިންމާަނީ ދިވެހިންނޭ ކިޔާފަ ކީއްތަ ތިކުރަނީ މިހާރު.....ބޯހަލާކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަސް

20 July 2016

މިކަންމިދިމާވަނީ ސަރުކާރުން ބަސްނާހާތީ އެކަން ހައްލުކުރަން މިއަންނަނީ އދ އިން ނެވެ. ދިވެއްސަކަށް ވީތީ ލަދިގަނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލް123

20 July 2016

މަސްވަރާ ކުރަންވީ އެކަމަކު މިހާރު މިއުފެދިފައިވާ މައްސަލައަށް ހައްލެއް އަންނާނެ ކަމަކަށް ނުފެނެއެވެ. 1- ޖަލަށް ލައިފައިވާ ސިޔާސީ ހައްޔަރީން ޖަލަށް ލައިފައިވަނީ ސަރުކާރުން ބޭނުންވެގެންކަން އެންމެންނަށް އެގުން، 2- ޖަލަށް ލައިފައިވާ މީހުން ދޫކޮއްލައިފިނަމަ ޕާޓީގެ އާއްމުން އެކަން ބަލައި ނުގަނެ ސަރުކާރު ޕުރެސަރ އަށްވެއްޓުން، 3- އިދިކޮޅު މީހުންގެ ހަމައެކަނި ޑިމާންޑަކަށް ޖަލައްލައިފައިވާ މީހުން ދޫކޮއްލުން ވެފައިވުން، 4- 2018 ގައި އިދިކޮޅު މީހުންނާ ނުލައި ރިޔާސީ އިންތިހައިބު ބާއްވައިފި ނަމަ ދުނިޔެއިން އެކަން ބަލައި ނުގަތުން، 5- ސަލާމަތްކަން އޮތީ އިދިކޮޅުމީހުން ދޫކޮއްލައި ރިޔާސީ ޕުރައިމަރީއަށް ނެރުން އެކަން ކުރެވެންނެތުން، މިހެން ކަންކަން ހުރުމުން މަސްވަރާއިން ނެރޭނެ ނަތީޖައިއެއް ނެތުން، ދެން އަމިއްލަ ޕާޓީވެސް ދެބައިވެ ޕުރެސަރ ހުރިހައި ދިމާއަކުން އައުން ސަލާމަތުގެ އެއްވެސް އައްސޭރިއެއް ނެތުން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތޮންބެ

20 July 2016

މައްކާގެ ޝިއުބުގަ އެލުވި ސުލްހަ ނާމާގެ ފަތްކޮޅު ކަތުފަނި ކެއުމުން އެ ފަތްކޮޅު އާ ކުރާން އަބޫ ސުފިޔާން މަދީނާ އަށް ގޮސްފަ އެކަން ނުވެގެން އެނބުރި މައްކާ އަށް އައިސް "ތިމަންނަ މިއައީ އެކަން ނިންމާފައޭ" ބުނިހެން ޝައިނީވެސް ޔޫ.އެން އާއެކު މަޝްވަރާ ކުރެވިއްޖެ ކަމަށް ނިންމައި އެކަން ރަސްމީކޮށް އިއުލާން ކޮށްލީމަ ހުންނާނީ ރަނގަޅަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުޅު

20 July 2016

މިފަހަރު ތިހިރީ އިނގެރޭސީންނާ އެހާ ގުޅުންހުރި މަންދޫބެއްނޫން. އޭނާ ތަންކޮޅެއް މައިތިރިވާނެ. ކުރިން އައިމީހުންހާ ބޮޑަލެއްނުވާނެ. އެހެންނޫނަސް ޑރ.ޢާޞިމުވެސް ތަނަކޮޅެއް ކުޅާދާނަވާނެ. ކަންކަން ޙައްލު ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނު. އަނދިރި

20 July 2016

ދެން ތިނިމުނީނު އިތުރައް ބަދަލުކުރަނ ޖެހޭ ފަރާތެއް ސައިނީ އަޅެބުނެ ބަލަ ނެތެއް ނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭ ވިސްނުން

20 July 2016

އ ދ އިންވެސް މަންދޫބުން ގެނެވިދާނެ... ރައްޔިތުން މަޖުލީހުގެ މެމްބަރުންނާއި ސިޔާސީ ގިނަ އިސްވެރިންގެ ކިބައިން ، ޤައުމަށް ފައިދާ އާއި މަންފާ ހުރިކަންކަން ކުރުމަށް އުޅުމަށްވުރެ ބޮޑަށް ފެންނަނީ ތިމާ މުއްސަނދި ވުމަށް މަސައްކަތް ކުރާ ތަނެވެ. ތަންތަނުން މަންދޫބުން ގެނައުމަށް ވުރެ މުހިއްމު ކަމެއް ކަމަށް އަޅުގަނޑު ދެކެނީ ޤައުމުގައި ކުރިއަށް ތިއްބެވި ބޭފުޅުންގެ އިޚުލާސްތެރިކަން....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

20 July 2016

ސަރުކާރުން ނުޖެހޭ ކޮންމެހެން އިދިކޮޅު ޕާޓީ އެބުނަނީ މަޝްރާގައި އިދިކޮޅު އެހެން ފަރާތްތައް ވެސް ބައިވެރިކުރުމަށް. ތިމަންމެން އެކަންޏެއް ނޫނޭ މިގައުމުގެ ރައްޔިތުންނަކީ. ގިނަ މީހުން ބައިވެރިކުރުމަކީ ޑިމޮކްރަސީގެ ރީތި މިސާލު. ސަރުކާރަށް މިވަރު ވެސް ނޭނގެނީތޯ.