އިދިކޮޅު ފަރާތްތަކުން މާލޭގައި ބޭއްވި ޖަލްސާއެއްގައި މައުމޫން ވާހަކަފުޅު ދައްކަވަނީ: ވެރިކަން ބަދަލުކުރުމުގެ މަަސައްކަތް މައުމޫން ފެއްޓެވީ، ނައިބު ރައީސް ކަމަށް އަދީބު ގެންނެވި ހިސާބުން ކަމަށް ފުލުހުން ބުނޭ. --. ފޮޓޯ:ނިޝާން އަލީ/މިހާރު
16 އެޕްރީލް 2018 - 13:56
30 comments
ކުރީގެ ރައީސް މައުމޫން އަބްދުލްގައްޔޫމާ ދެކޮޅަށް ހެއްކެއް ނެތިގެން، ފުލުހުން މިފަހަރު ވެސް އުފެއްދީ ޚިޔާލީ ތުހުމަތުތަކެއް ކަމަށް ގާނޫނީ ވަކީލް މައުމޫން ހަމީދު މިއަދު ވިދާޅުވެއްޖެ އެވެ.
ރިޝްވަތު ދީގެން ސަރުކާރު ވައްޓާލަން އުޅުނު ކަމުގެ ތުހުމަތުގައި ހައްޔަރުކޮށްފައިވާ މައުމޫންގެ މައްޗަށް ހިންގާ ތަހުގީގާ ގުޅޭ އާ ވާހަކަތަކެއް ފުލުހުން އިއްޔެ ވަނީ އާއްމުކޮށްފަ އެވެ.
ނޫސްވެރިންނަށް ސުވާލުކުރުމުގެ ފުރުސަތު ނުދީ ބޭއްވި ނޫސްވެރިންގެ ބައްދަލުވުމުގައި ފުލުހުން ބުނެފައި ވަނީ، އެއްބަފާ ކޮއްކޯފުޅު ރައީސް އަބްދުﷲ ޔާމީންގެ ވެރިކަން ގާނޫނާ ޚިލާފަށް ބަދަލުކުރުމުގެ މަސައްކަތް މައުމޫން ފެއްޓެވީ ނައިބު ރައީސަކަށް އަހުމަދު އަދީބު އައްޔަން ކުރުމާ ހިސާބުން ކަމަށެވެ. އެގޮތުން 2016 ވަނަ އަހަރު ރައްޔިތުންގެ މަޖިލީހުގެ މެމްބަރުންނަށް ރިޝްވަތު ދީ އިދިކޮޅު ފަރާތްތަކާ ގުޅިވަޑައިގަތުމަށް މައުމޫން ހުށަހަޅުއްވާފައިވާ ކަމަށް ފުލުހުން ބުންޏެވެ.
ވެރިކަން ވައްޓާލަން މައުމޫނާ އެކު އާއިލާގެ ބޭފުޅުންތަކެއް ބައިވެރިވެވަޑައިގެންނެވި ކަމަށް ފުލުހުން ބުނެ އެވެ. މައުމޫންގެ ދަރިކަލުން، ދިއްގަރު ދާއިރާގެ މެމްބަރު އަހްމަދު ފާރިސް އާއި ދަނބިދަރިކަލުން މުހައްމަދު ނަދީމް ވެސް ހައްޔަރުކޮށްފައި ވަނީ ވެރިކަން ވައްޓާލަން އުޅުމުގެ ތުހުމަތުގަ އެވެ.
ފުލުހުންގެ މި ތުހުމަތުތަކާ ގުޅިގެން ވަކީލް މައުމޫން ހަމީދު "މިހާރު" އަށް ވިދާޅުވީ ކޮންމެ ފަހަރަކު ވެސް އާ ވާހަކަތަކެއް ފުލުހުން އާއްމުކުރި ނަމަވެސް ޖިނާއީ އެއްވެސް އަމަލެއް މައުމޫން ހިންގަވާފައި ނުވާނެ ކަމަށެވެ. އެ ވާހަކަފުޅު، ފުލުހުންނާއި ކޯޓުތަކުގައި ވެސް މައުމޫން ތަކުރާރުކޮށް ވިދާޅުވަމުން އަންނަ ކަމަށް ވެސް ވަކީލް ވިދާޅުވި އެވެ.
"ކޮންމެ ފަހަރަކު ވެސް އެ ވަގުތަކު އެ ބޭފުޅުން [ފުލުހުން] ހިތްޕުޅަށް އަރާވަޑައިގެންނެވި އެންމެ މޮޅު ހިޔާލެއް، އެންމެ މޮޅު ވިސްނުންފުޅަކަށް ކަންކަން ކުރައްވާފައި، ފަހުން ރަނގަޅަށް ގާނޫނީ ނަޒަރަކުން ބައްލަވާއިރު އެނގިވަޑައިގަންނަވަނީ ގޯސްކަން، މިކަމެއް ކުރިއަށް ގެންދެވޭކަށް ނެތް ކަން. އެހެންވެ އަނެއްކާވެސް އިތުރު އެހެން ގޮތްތަކެއް ބައްލަވަނީ،" މައުމޫން ހަމީދު ވިދާޅުވި އެވެ.
މައުމޫން ހަމީދު ނޫސްވެރިންނާ ވާހަކަ ދައްކަވަނީ. ---ފޮޓޯ: ނިޝާން އަލީ/ މިހާރު
އޭނާ ވިދާޅުވި ގޮތުގައި، ފުލުހުންގެ ދައުވާ އަކީ މުޅިން ވެސް އޮޅުވާލުންތަކެއް ކަމަށް ތުހުމަތު ކުރެވޭނެ ޖާގަ އެބަހުއްޓެވެ. އެއީ، މައުމޫނާއި ފާރިސް އަދި ނަދީމަށް ކޮށްފައިވާ ތުހުމަތުތަކާއި ޝަރީއަތްތައް ހިންގަމުންދާ ގޮތުން ކަމަށް ވެސް މައުމޫން ވިދާޅުވި އެވެ.
މިސާލެއް ދައްކަވަމުން، ރިޝްވަތުގެ ތުހުމަތުގައި ފާރިސް ބަންދުކޮށް، އޭނާއާ ދެކޮޅަށް ހެކި ހުރި ކަމަށް ފުލުހުން ބުނާއިރު، ދައުލަތުން ހުށަހެޅި ހެކިވެރިޔާގެ ހެކި ބަހުގައި ފާރިސް ރިޝްވަތު ހުށަނާޅާ ކަމަށް ބުނެފައިވުން މައުމޫން ފާހަގަކުރެއްވި އެވެ. އެހެންކަމުން އެއީވެސް ހެއްކެއް ނެތީސް ފާރިސްއާ ދެކޮޅަށް އުފައްދައިގެން އުޅޭ މައްސަލައެއް ކަމަށް މައުމޫން ތުހުމަތު ކުރެއްވި އެވެ.
"އެހެންވީމަ މުޅި ދުނިޔެ އަށް ހާމަވެފައި މިއޮތީ، ފާރިސްއާ މެދު ތުހުމަތުތަކެއް އުފައްދާފައި އޮތް މޭރަމުން ރައީސް މައުމޫން ވެސް އަދި މުހައްމަދު ނަދީމްގެ މައްޗަށް ވެސް ތުހުމަތު އުފައްދައިގެންނޭ މި އުޅެނީ،" މައުމޫން ވިދާޅުވި އެވެ.
މައުމޫނާއި އަދީބާ ގުޅުވައި ތުހުމަތުތަކެއް ފުލުހުން ކޮށްފައިވާ ކަން ފާހަގަކުރައްވައި ވަކީލް މައުމޫން ވިދާޅުވީ މައުމޫނަކީ އަބަދުވެސް ގާނޫނީ، ރަނގަޅު ވެރިކަމަށް ބާރު އަޅުއްވާ ބޭފުޅެއް ކަމަށެވެ. ފުލުހުން ކުރި ތުހުމަތުގެ މަގްސަދަކީ، މައުމޫނާއި އަދީބު ސިޔާސީ ގޮތުން ޖެއްސުވުން ކަމަށް ވެދާނެ ކަމަށް ވެސް ވަކީލް މައުމޫން ވިދާޅުވި އެވެ.
މިދިޔަ ފެބްރުއަރީ މަހުގެ ފުރަތަމަ ދުވަހު ސުޕްރީމް ކޯޓުން ނެރުނު އަމުރަށް ފަހު، ރައީސް ޔާމީން އިއުލާން ކުރެއްވި ކުއްލި ނުރައްކަލުގެ ހާލަތުގައި ހައްޔަރުކުރި މައުމޫނާއި ފާރިސާއި ނަދީމް ވެސް ޝަރީއަތް ނިމެންދެން ބަންދުގައި ބައިތިއްބަން ކްރިމިނަލް ކޯޓުން ވަނީ އަމުރުކޮށްފަ އެވެ. އެއީ، އެ ބޭފުޅުންގެ މައްޗަށް އުފުލާފައިވާ ޓެރަރިޒަމްގެ ދައުވާއާ ގުޅިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޠޯލިބް
17 April 2018
ޝެއިޚް އިލްޔާސް މެން ވިދާޅުވާ އަޑު އަހަން. ދުނިޔޭގައި މީހުން އުޅޭއިރު ތައްޔާރުވާންވީ މިކަންކަމަށް ޖަވާބުދޭށޭ... މިނޫން އެހެންކަމެއް އޮތަސް ބުނެލަދީ. ނިކަން ހަރުކަށި ވާނެ އިނގޭ... 1. ކަލޭގެ ޢުމުރު ހޭދަ ކުރީ ކިހިނެއް؟ 2. ކަލޭގެ ޒުވާންކަން ހޭދަ ކުރީގޮތަކީ ކޮބާ؟ 3. ކަ ލޭ، މުދާ ހޯދީ ކިހިނެއް؟ 4. ކަލޭ ހޯދި އެ މުދަލަށް ޢަމަލުކުރީ ކިހިނެއް؟ * މިނޫން ދެން އެހެން ކޮންކަމަކަށް ތައްޔާރުވާން އޮތީ. މިއީ ނަޞޭހަތެއް.
މުސްތަފާ
17 April 2018
ރައްޔިތުންގެ ޖީބު ފުރާލި ވެރިޔަކަށް ހުރީ ހަމައެކަނި ރައީސް މައުމޫނު؛ ތާރީހައް ވަޑައިގަންނަވާ:
މަގޭ ގައުމު
17 April 2018
ވަކީލެއްގެ ވާހަަކއިން ދައުވާލިބޭ ފަރާތް ސަލާމަތް ވުމަށް ކުރާ މަސައްކަތް އެއީ އެންމެނަށް އެގޭ ކަމެއް. ހަގީގަތް ހޯދަނީ ވަރަށް ބުރަ މަސައްކަތުން. 30 އަހަރު ވެރިކަން ކޮށްފާ ރައްޔިތުންގެ ގަދަރާ ލޯބި ލިބި ހުރި އިރު އެލޯބި ރައްޔިތުންގެ ހިތު ތެރެއިން ގެއްލިގެން ދިޔައީ ކީއްވެތޯ؟ ޖަލްސާ އެއްގައި ޢަދަދެއް ހަމަކުރަންވީ ވާހަކަ ނުދައްކާތޯ؟ ކޮބަތޯ ފުލުހުން އުފެއްދި ޚިޔާލަކީ؟
ދަރަނިބޯ
17 April 2018
ފުުލުހުންގެ ޚިޔާލަށްވުރެ ރައީސަށް އިލްހާމުކުރެއްވި ކަމަކާ ވައްތަރީ ހަހަހަހަ
ކުޑައަލީ
17 April 2018
މައުމޫނަކީ ދިވެހިރާއްޖެ ކުރިއަރުވައި ތަޢުލީމީ ނިޒާމް ހަރުދަނާކޮށް ރާއްޖެ ތަރައްޤީކުރުމަށް މިހާތަނަށް މަސައްކަތް ކުރެއްވި އެންމެންގެ ލޯތްބާއި ރުހުން ލިބިގެން 30 އަހަރު ވެރިކަން ކުރެއްވި ދިވެހިންގެ ރައީސުލްޖުމަހޫރިއްޔާ. އެމަނިކުފާނަށް އިންސާފުން ބޭރުން ލިބެމުންދާ އަނިޔާއާމެދު ކަންބޮޑުވޭ. ރައްޔިތުން ފުންކޮށް ވިސްނަވާ 1978 ގައި ދިވެހިން އުޅުނުގޮތާ 2008 އާ ހަމައަށް އައިއިރު ދިވެހިން އުޅުނު ހިތްފަސޭހަކަމާ ފުދުންތެރިކަން. އެހެންވީމާ އެފަދަ ބޭފުޅަކާމެދު ކަންކަން ކުރެވެމުންދާ ގޮތާމެދު ފުންކޮށް ވިސްނަވާ ރައްޔިތުންގެ އިހުސާސްތައް ހާމަކުރުމަކީ މިވަގުތު ކޮންމެހެން ކުރަންވެއްޖެކަމެއް.
ހޮޓްކިންގ
17 April 2018
މަމޫނަކީވާ ހާދަ ހީލަތްތެރިއެކެވެ.
އަލީ!
16 April 2018
އިންޓެލިޖެންސް ރިޕޯޓް ހަދަނީވެސް ހިޔާލީ ވާހަކައަކަށް
ޓީނު އަދުރޭ
16 April 2018
...ދޮގު ހަދަނީ މަގާމަށް ބިރަށް
މާޒީން
16 April 2018
އަފުރަޝީމު މައްސަލާގަވެސް މީ މީހުން ދައްކާވާހަަކަ އެންމެގާތީ ޚީޔާލީ ފޮލާއަކާކަން ރައްޔީތުން ދެނީތީބެ..
ދޯދީ
16 April 2018
ފުލުހުން މި ދައްކާ ވާހަކަތައް ގަބޫލު ކުރާނެ އިންސިއެއް ޖިންނިއެއް ފަނިފަކުސައެއް މި އުޑު ދަށަކު ނެތެވެ. ކޮންމެވެސް މަޖުބޫރުކަމެއް ފިއްތުމެއް ކުރިމަތިވެފައިވާ މީހަކު ފިޔަވައެވެ.