ފަނޑިޔާރު އަލީ ހަމީދު--- ފޮޓޯ: ރައީސް އޮފީސް
17 އެޕްރީލް 2018 - 11:29
85 comments
ސުޕްރީމް ކޯޓުގެ ފަނޑިޔާރު އަލީ ހަމީދާ ގުޅުން ހުރި ގެއަކުން 38 މިލިއަން ރުފިޔާ ފެނުނު ކަމަށް ފުލުހުން ބުނި ނަމަވެސް އެ އަދަދަށް ފައިސާ ނުފެންނަ ކަން "މިހާރު" އަށް ކަށަވަރު ވެއްޖެ އެވެ.
@ahmed_sh1fan ah mihaa bodah olhuneema hama hageegathugai ves suvaalu ufedhey! pic.twitter.com/y22UM1bGZX
— Anas Abdul Sattar (@anasabdulsattar) April 17, 2018
އެމްޑީޕީގެ ސެކްރެޓަރީ ޖެނެރަލް އަނަސްގެ ޓުވީޓް
މިދިޔަ ފެބްރުއަރީ 1 ވަނަ ދުވަހު އިދިކޮޅު ސިޔާސީ ލީޑަރުން ހިމެނޭ ގޮތަށް ނުވަ ގައިދީ އަކު މިނިވަން ކުރުމަށް ސުޕްރީމް ކޯޓުން އަމުރު ކުރުމާ ގުޅިގެން، އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު ހައްޔަރުކޮށްފައި ވާއިރު އެ މަހުގެ 11 ވަނަ ދުވަހު ފުލުހުން ވަނީ އަލީ ހަމީދަށް ނިސްބަތްވާ ދަބަހަކުން 3.4 މިލިއަން ރުފިޔާ ފެނިފައިވާ ކަމަށް ބުނެފަ އެވެ. އޭގެ ތެރޭގައި ހިމެނެނީ 215،000 ޔޫއެސް ޑޮލަރާއި 150،000ރ. ކަމަށް އެ ދުވަހު ފުލުހުން ބުންޏެވެ. އަދި އެ އަދަދު 38 މިލިއަން ރުފިޔާ އަށް ބަދަލުވީ، މިދިޔަ އާދިއްތަ ދުވަހު ފުލުހުން ބޭއްވި ޕްރެސް ކޮންފަރެންސްގައި އެރި އޮޅުމަކުން ކަމަށް ވެ އެވެ.
Fandiyaaru Ali Hameed ge dhabahakun 3.4 million rf fenifaivey: Police
The most trusted news source in the Maldives
Mihaaru
އަލީ ހަމީދުގެ ދަބަހަކުން 3.4 މިލިއަން ރުފިޔާ ފެނުނު ކަމަށް ބުނުން--
އާދިއްތަ ދުވަހު ފުލުހުން ބޭއްވި ނޫސްވެރިންގެ ބައްދަލުވުމުގައި ފުލުހުންގެ ތަރުޖަމާން، ޗީފް ސުޕްރިންޓެންޑެންޓް އޮފް ޕޮލިސް އަހުމަދު ޝިފާން ވިދާޅުވީ، "ފަނޑިޔާރު އަލީ ހަމީދު މުހައްމަދާ ގުޅުން ހުރި ގެއަކުން 38 މިލިއަން ދިވެހި ރުފިޔާ އަށް ވާ ޔޫއެސް ޑޮލަރާއި ޕައުންޑާއި ދިވެހި ފައިސާ ފެނިފައިވާ" ކަމަށެވެ.
Ali Hameed aa gulhun huri ge akun 38 million Rufiya fenunu: Fuluhun
The most trusted news source in the Maldives
Mihaaru
އަލީ ހަމީދުގެ ގެއިން 38 މިލިއަން ފެނުނު ކަމަށް ފުލުހުން ބުނުން--
އެހެން ވިދާޅުވުމަށް ފަހު އޭނާ އެ ދުވަހު ވަނީ އެ ގެއިން ފެނުނު ދަބަހާއި ފައިސާތައް ވެސް ޕްރެންޒެންޓޭޝަނަކުން ނޫސްވެރިންނަށް ދައްކާލައިފަ އެވެ. އެކަމަކު އެއިން ފެނުނީ 3.4 މިލިއަން ރުފިޔާ ކަމަށެވެ. އޭގެ ފަހުން ފުލުހުން އާންމުކުރި ލިޔެކިޔުންތަކުގައި ވެސް ބުނެފައި ވަނީ އަލީ ހަމީދަށް ނިސްބަތްވާ ދަބަހަކުން ފެނުނީ 3.4 މިލިއަން ރުފިޔާ ކަމަށެވެ.
އަލީ ހަމީދުގެ ގެއިން 38 މިލިއަން ރުފިޔާ ފެނުނުތޯ، ނުވަތަ ނޫންތޯ މިއަދު ސުވާލު ކުރުމުން ޝިފާން ވަކި އެއްޗެއް ވިދާޅެއްނުވި އެވެ.
ޝިފާން ނޫސްވެރިންނަށް މައުލޫމާތު ދެއްވަނީ-- ފޮޓޯ: މިހާރު
ދައުލަތުގެ މީޑިއާއިން ފެށިގެން ގޮސް ހުރިހާ މީޑިއާއެއްގައި ވެސް ރިޕޯޓްކޮށްފައި ވަނީ ޝިފާން ވިދާޅުވި ގޮތަށް އަލީ ހަމީދުގެ ގެއިން ފެނުނީ 38 މިލިއަން ރުފިޔާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިނިޓައްޕު ހަސަނު
18 April 2018
38 މިލިއަން ފެނުނޯ، ދެން ނުފެނެޔޯ، އެނެއްކާ ފެނިއްޖެޔޯ. މީދެން އަރަތެއްދޯ. ކިހާ ދެރަކަމެއް. ފުލުހުންވެސް ވެެއްޖެނުން ޔޯލަ ޔޯލަ ނުގޮވާ ތެދުބަހުން ވާހަކަ ދައްކަން.
ކެނެޑީ
18 April 2018
ޕްރެޒެންޓޭޝަނަށް ފުލުހުން ތިގެނައީ ނުބައި ދަބަހެއްހެން ހީވަނީ. އަސްލު ރެޑީކުރި ދަބަސް ކައްވާލީތޯއްޗެއް!
ޢަބްދުﷲނާފިޒް
17 April 2018
ދިވެހި ފުލުހުންނަކީ މީހުން ފްރޭމް ކުރުމުގެ މާޒީއެއް އޮތް ބައެއް، އެކަން ބަދަލެއް ނުވާނެ، ވަރަށް ސަލާމް.
ޖެކް ސްޕެރޯ
17 April 2018
ލާރި ވިހާ ދަބަހެއް ދޯ؟
ފްލިންޓް
17 April 2018
އެކަހަލަ ދަބަހެއް މަވެސް ބޭނުން
ޖެކް ސްޕެރޯ
17 April 2018
"38 މިލިއަން ރުފިޔާ އަށް ބަދަލުވީ، މިދިޔަ އާދިއްތަ ދުވަހު ފުލުހުން ބޭއްވި ޕްރެސް ކޮންފަރެންސްގައި އެރި އޮޅުމަކުން ކަމަށް ވެ އެވެ." ދެން މާފަށް އެދެންވީނު ޕްރެސްއެއް ބާއްވާފަ ނޫސްވެރިންގެ ހާޒިރުގަ؟ ކޮބާ ޕްރޮފެޝަނަލިޒަމް؟
ބެއްޔާ އައްޑޫ
17 April 2018
އިތުބާރަކީ ދައްކާ ވާހަކައާއި އަމަލު ކުރާ ގޮތުގެ މައްޗަށް ބިނާވެފައި އޮންނަ އެއްޗެއް. ތިމަންމެން މިނިވަނޭ ނުފޫޒެއް ނެތޭ މިއީ ހަމަ ހަގީގަތޭ ބުންޏަސް ބަލަންތިބޭ ބަޔަކަށް އެކަން ހަޖަމު ކުރަން އެމީހުންގެ ހަޖަމުކުރާ ނިޒާމު ދެބަސްވާނެ. އަޅުގަޑުގެ ހިޔާލަކީ މުސްތަގުބަލުގައި ފުލުހުންގެ ނޫސް ކަންފަރަންސް ތަކަކީ ނޫސްވެރީންނަށް ދައްކާލާ ވީޑިއޯ ޕްރެސެންޓޭޝަނަކަށް ހެދުން. ކުރީ ބައިގައި ޕްރޮޑިއުސްކޮށް ޑައިރެކްޓްކޮށް ތިޔަފަދަ ކަންކަން އިސްލާހުކޮށްފައި ނޫސްވެރިނަނަށް ފުރުސަތު ދޭނީ. ޢއެއިރުން ސިފާނުވެސް ހަނު ހުންނާކަށް ނުޖެހޭނެ ކަން ޔަގީން
ބީކޭކޭ
17 April 2018
މީނަޔައް ހަމައެކަނި މިހާރުމަދުވަނީ 500%އެކަނި! ދެންމާގިނަދުވަސްތަކެއްނުވެ މީނަޔައް 500%ދެއްވަފާނެ ކަމުގެ އުންމީދުގަ މިތިބީ! (500%ހަމަ ދިނީ މިކަން މިނިމުނީ!)
އައްޑޫ ބެއްޔާ
17 April 2018
އަލީ ހަމީދަކަށް ތާއިދު ނުކުރަން. އެހެނަސް އޭނަ އަތުގައި 3.4 މިލިއަން ރުފިޔާ ހުންނާނެ ކަމަށް ޕީޕީއެމް އިން ވަނީ ކަށަވަރުކޮށްދީފަ. ނިހާން ހަަސަން މަނިކުގެ 18 އަހަރުގެ ދަރިފުޅުގެ އުފަންދުވަހު ހަދިޔާއަކަށް 4 މިލިއަން ރުފިޔާގެ ފްލެޓެއް، އަދުރޭގެ ދެމަފިރިންނަށް 9 މިލިއަނަށް 2 ފެލްޓް ގަނެވޭނަމަ، އެމީހުންނަށްވުރެ ބޮޑު މަޤާމެއްގައި ބޮޑު މުސާރައިގައި ހުރި މީހާގެ އަތުގައި ހުރުމަކީ ހަމަ ބުއްދި ޤަބޫލުކުރާކަމެއް!
އައްޑޫ ބެއްޔާ
17 April 2018
ޝިފާން އިސްތިއުފާދީފަ ގެއަށްދާންވީނުން. ލަދެއްހުރިއްޔާ.
ކަޅުފޮށި
17 April 2018
ހަހަހަ.. އެހެނޭ ވާނީ.. ވަކި މީހެއްގެ އޯޑަރަށް ވަކި އަދަދެއް ހަމަ ކޮށްފަ ރައްޔިތުން ގުނބޯ ހައްދަން އެ އުޅެނީ.. އެހެން އުޅޭއިރު 34 މިލިއަނުން 40 މިލިއަނޭވެސް ކިޔޭ ފަހަރު ދާނެ.. ވެރިކަމާ މަގާމުގެ ދިފާއުގަ ތި ބައިގަނޑު ކޮންމެ ފަދަ ވާހަކައެއްވެސް ދައްކަފާނެ ... ސައްހަ އިންތިހާބެއް ބާއްވައިފިއްޔާ އިރާދަ ކުރެއްވިއްޔާ ތިޔަ މޭ ބޮޑުކޮށްފަ ފެލޭ މީހުން އިމްތިހާނުގެ ދަރުބާރަށް ހާޒިރު ކުރެވި އެމީހަކު ކުރި ކަމެއްގެ ހައްގު އަދަބު ލިބިގެން ދާނެ ދުވަސް ބަލަން އަޅުގަނޑުމެން މިތިބީ