އެންސިސްގެ 20 މިލިއަން ޑޮލަރުގެ ފެކްޓްރީ ސެޕްޓެމްބަރުގައި ހުޅުވަނީ

ހުޅުމާލޭގައި ހުންނަ އެންސިސްގެ ކަންނެލި ފެކްޓްރީގައި މީހަކު މަސައްކަތްކުރަނީ: އެ ކުންފުނިން ދަނީ ހުޅުމާލޭގައި ދަޅުގައި މަސްބަންދުކުރާ ފެކްޓްރީއެއް ވެސް ހަދަމުން. ފޮޓޯ: އެންސިސް

އަބްދުﷲ ޖަމީލު، މިހާރު

27 އެޕްރީލް 2018 - 19:36

8 comments

އެންސިސް ފިޝަރީޒުން 20 މިލިއަން ޑޮލަރު (308.4 މިލިއަން ރުފިޔާ) ހަރަދުކޮށްގެން ހުޅުމާލޭގައި ހަދާ ދަޅުގައި މަސްބަންދުކުރާ ފެކްޓްރީ އަންނަ ސެޕްޓެމްބަރު ހުޅުވާނެ ކަމަށް އެ ކުންފުނިން މިއަދު ބުނެފި އެވެ.

ރާއްޖެއިން އެންމެ ފުޅާ ދާއިރާއެއްގައި މަހުގެ ބާވަތްތައް އެކްސްޕޯޓްކުރާ ކުންފުނީގެ އިސް ބޭފުޅަކު ވިދާޅުވީ ދުވާލަކު 25 ޓަނުގެ މަސް ދަޅުގައި ބަންދުކުރެވޭ ގޮތަށް ހަދާ ފެކްޓްރީގެ މަސައްކަތުގެ ބޮޑު ބައެއް މިހާރު ނިމިފައިވާ ކަމަށެވެ. އަދި ފެކްޓްރީ ހުޅުވުމުން ޔޫރަޕްގެ އިތުރުން އެމެރިކާއަށް ވެސް ކަޅުބިލަ މަހާއި ކަންނެލި މަސް ދަޅުގައި ބަންދުކުރުމަށް ފަހު އެކްސްޕޯޓްކުރެވޭނެ ކަމަށް އޭނާ ވިދާޅުވި އެވެ.

ހުޅުމާލޭގައި ހަދާ އެފަދަ ފުރަތަމަ ފެކްޓްރީ ހުޅުވާއިރު އެތަނުގައި 1،500 ޓަނުގެ ކޯލްޑް ސްޓޯރޭޖެއް ވެސް ހަދަ އެވެ.

އެންސިސް އިން ހުޅުމާލޭގައި ހަދާފައިވާ ކަންނެލި ބަންދުކުރާ ފެކްޓްރީ އާއި އޮފީސް ބިލްޑިން.

އެންސިސް އިން ބުނީ އާ ފެކްޓްރީ ހުޅުވުމާ އެކު މަސްވެރިންގެ އަތުން ގަންނަ މަހުގެ އަދަދު ވެސް އެތައް ގުނައެއް އިތުރުވާނެ ކަމަށެވެ.

އެ ކުންފުނިން ދަޅުގައި މަސް ބަންދުކުރާ ފެކްޓްރީއެއް ހުޅުމާލޭގައި ހަދަން އެޗްޑީސީއާ އެކު އެއްބަސްވުމުގައި ސޮއިކުރީ އޮގަސްޓް 6، 2015ގަ އެވެ. އެ ފެކްޓްރީ ހަދަނީ އެންސިސްއިން އެކްސްޕޯޓްކުރާ ކަންނެލި ބަންދުކުރަން ހަދާފައިވާ ފެކްޓްރީއާ ޖެހިގެން އިރަށް އޮންނަ ކޮށީގަ އެވެ.

ރާއްޖޭގައި މިހާރު ދަޅުގައި މަސްބަންދުކުރަނީ މިފްކޯގެ ފެލިވަރުގެ އިތުރުން ހޮރައިޒަން ފިޝަރީޒްގެ މާންދޫ ފެކްޓްރީގަ އެވެ.

ހުޅުމާލެ މަހުގެ އުފެއްދުންތައް މަސްވެރިކަން އެންސިސް

8 ކޮމެންޓް, 89 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޟިމާޒް

29 April 2018

2018 ޔަޤީންް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެހެ

27 April 2018

ހުޅުމާލޭގަ ފެކްޓުރީ ހެދުމަކީ ރަނގަޅު ކަމެެއް ނޫން އަހަރެން ދެކޭ ގޮތުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯހޯހޯހޯޙޯހޯހޯ

29 April 2018

ކައޭ ދެކޭގޮތުގަ ރަނގަޅު ކަންތައްތަ ކުރަން ޖެހެނީ؟ ކައެއަށް ރަގަޅު ނުވިޔަސް އެކަން އެއޮތީ ކޮއްފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންފުތު

29 April 2018

ޕްލޭން ކުރާގޮތަކަށްނޫން ކަންވަނީ. ލާރިލިބޭނަމަ ކޮންމެކަމެއްވެސް ހުއްދަ. އާޚިރު ފައިސާވެރިން ބޭނުންވާ ގޮތަށް ވެނިމެނީ. ދެން ތިރަށުންވެސް މަސްކައްކާވަސް މާދުރަށް ދުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލާމަތް

27 April 2018

ތިވަރަށް މަސް ބޭނެނެތޯ މަގޭ ސުވާލަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުނިކަހާ

27 April 2018

ހުޅުމާލޭގަ ކިހާ ސިމްޕަލް.. އައްޑޫގަ ބަޔަކު ހަދާ ތިޒާތެއްގެ ފެކްޓަރީއެއް 10 ވަރަކަށް އަހަރުވާއިރުވެސް ހަދާހަދާ ނުނިމޭ. ފަސްގަނޑުގެ މައްސަލައެއް ތޯއްޗެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

28 April 2018

ތިޔަ ބުނީ ވަރަށް ބޮޑު ތެދެއް.އަމިއްލަ ބަޔަކު އެނިންމާލަނީ 3 އަހަރުން ބޮޑު ފެކްޓްރީއެއް.ނަމަވެސް ސަރުކާރު ހިއްސާވާ ބޮޑު ކުންފުންޏަކުން (މިފްކޯ) ސ.ހުޅުދޫގަ އިމަރާތްކޮށް ތައްޔާރުކުރާ މިފްކޯގެ ފެކްޓްރީގެ މަސައްކަތް ފިނިހަކަ ދުވެލީގަ.