ބޭރަށް ފައިސާ ފޮނުވުން ރެމިޓެންސް ޓެކްސްއާ އެކު 39 ޕަސެންޓް ދަށްވެއްޖެ

މާލޭގައި ހުންނަ ވެސްޓާން ޔުނިއަންގެ އޮފީހެއް: މިދިޔަ އަހަރު ބޭރަށް ފައިސާ ފޮނުވި މިންވަރު ވަނީ ދަށްވެފައި. ފޮޓޯ: ނިޝާން އަލީ /މިހާރު

އަބްދުﷲ ޖަމީލު، މިހާރު

05 މެއި 2018 - 17:33

18 comments

ރާއްޖޭގައި ވަޒީފާ އަދާކުރާ ބިދޭސީން ރާއްޖެއިން ބޭރަށް ފޮނުވާ ފައިސާއިން ރެމިޓެންސް ޓެކްސް ނަގަން ފެށުމާ އެކު، ބޭރަށް ފައިސާ ފޮނުވުނުން ވަރަށް ބޮޑަށް މަދުވެފައިވާކަން މަރުކަޒީ ބޭންކުގެ ހިސާބުތަކުން ދައްކައިފި އެވެ.

ފައިސާ ފޮނުވުމުގެ ހިދުމަތް ދޭ ކުންފުނިތައް މެދުވެރިކޮށް މިދިޔަ އަހަރު ފައިސާ ފޮނުވި މިންވަރު، ކުރީ އަަހަރާ އަޅާބަލާއިރު 39 ޕަސެންޓް ދަށްވެފައިވާ ކަމަށް ހިސާބުތަކުން ދައްކަ އެވެ.

މަރުކަޒީ ބޭންކުން ނެރުނު އަހަރީ ރިޕޯޓުގައިވާ ގޮތުން ބޭރަށް ފައިސާ ފޮނުވައިދޭ ކުންފުނިތައް މެދުވެރިކޮށް މިދިޔަ އަހަރު ފޮނުވާފައި ވަނީ 66.8 މިލިއަން ޑޮލަރެވެ.

އެ ރިޕޯޓުގައި ބުނެފައި ވަނީ 2016 ވަނަ އަހަރާ އަޅާބަލާއިރު މިދިޔަ އަހަރުގެ ހުރިހާ މަހެއްގައި ވެސް ރާއްޖެއިން ބޭރަށް ފައިސާ ފޮނުވި އަދަދު މަދުކަން ފާހަގަކުރެވިފައިވާ ކަމަށެވެ. އެގޮތުން ފެބުރުއަރީ، ޖޫން އަދި ސެޕްޓެމްބަރު މަހު ފޮނުވި އަދަދު 45 ޕަސެންޓަށް ވުރެ ދަށްވެފައިވާ ކަމަށް ވެސް އެމްއެމްއޭގެ ރިޕޯޓުގައި ބުނެފައިވެ އެވެ.

މިދިޔަ އަހަރު ރެމިޓެންސް ކުންފުނިތައް މެދުވެރިކޮށް ބޭރަށް ފޮނުވާފައިވާ ފައިސާގެ 71 ޕަސެންޓް ފޮނުވާފައި ވަނީ ބިދޭސީން ކަމަށް ރިޕޯޓްގައިވެ އެވެ.ކުރީ އަހަރު މި ނިސްބަތަކީ 83 ޕަސެންޓެވެ.

މަރުކަޒީ ބޭންކުން ނެރުނު ރިޕޯޓުގައި ބުނެފައި ވަނީ މިދިޔަ އަހަރު ރާއްޖެއިން ބޭރަށް ފޮނުވި ފައިސާ ކޮންމެ މަހެއްގެ ޖުމްލައަށް ބަލާއިރު އަހަރު ތެރޭގައި ބިދޭސީން ފޮނުވި ފައިސާ ދަށްވި ނަމަވެސް، ދިވެހިން ފޮނުވާ ފައިސާ އެއް ހަމައެއްގައި ހުރުމަށް ފަހު އަހަރުގެ ފަހުކޮޅުގައި އިތުރުވެފައިވާ ކަމަށެވެ.

ބިދޭސީން ބޭރަށް ފޮނުވާ ފައިސާ މަދުވާން ފެށިކަން ފާހަގަކުރެވިފައި ވަނީ ބިދޭސީން ރާއްޖެއިން ބޭރަށް ފޮނުވާ ފައިސާ އިން ރެމިޓެންސް ޓެކްސް ނަގަން، އޮކްޓޯބަރު 1، 2016 ގައި ފެށުމަށް ފަހުގައި ކަމަށް ރިޕޯޓްގައިވެ އެވެ.

Bidheyseenge musaara bank ah jamaa kuran majubooru kuraa islaahu majileehun faas koffi

ގާނޫނަށް އަމަލުކުރަން ފަށާތާ ތިން މަސް ތެރޭގައި ކޮންމެ ބިދޭސީ މުވައްޒަފަކު ވެސް ބޭންކް އެކައުންޓެއް ހުޅުވަން ޖެހޭނެ. މުސާރަ ބޭންކް އެކައުންޓަށް ޖަމާނުކޮށްފި ނަމަ، ވަޒީފާ ދޭ ފަރާތް ބޮޑު އަދަދަކުން ޖޫރިމަނާ ކުރެވޭނެ. ކޮންމެ ބިދޭސީއެއް އަތުން ނަގާނީ ރާއްޖޭން ބޭރަށް ފޮނުވާ ފައިސާއިން ރެމިޓެންސް ޓެކްސްގެ ގޮތުގައި ތިން ޕަސެންޓް.

Mihaaru

މަނިޓަރީ އޮތޯރިޓީގެ ތަފާސްހިސާބުތައް ދައްކާ ގޮތުން ބިދޭސީން ރާއްޖެއިން ބޭރަށް ފޮނުވާ ފައިސާގެ 46 ޕަސެންޓަކީ ބަންގްލަދޭޝްއަށް ފޮނުވާ ފައިސާ އެވެ. އެކަމަކު އެ ގައުމަށް މިދިޔަ އަހަރު ފައިސާ ފޮނުވި އަދަދު ވަނީ 56 ޕަސެންޓް ދަށްވެފަ އެވެ. ބަންގްލަދޭޝްއަށްފަހު އެންމެ ގިނަ ފައިސާ ފޮނުވަނީ އިންޑިއާ އަށެވެ.

ތަފާސް ހިސާބުތައް ދައްކާ ގޮތުން މިދިޔަ އަހަރު ރާއްޖެއަށް ފޮނުވާފައި ވަނީ 4.7 މިލިއަން ޑޮލަރެވެ. މިއީ 2016 ވަނަ އަހަރާ އަޅާބަލާއިރު އެއް ޕަސެންޓްގެ އިތުރުވުމެއްކަން އެ އޮތޯރިޓީން ފާހަގަކޮށްފައިވެ އެވެ.

އިގްތިސާދު ބިދޭސީން އެމްއެމްއޭ މަނީ ޓްރާންސްފާ

18 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރާޖާ

06 May 2018

މިވެސް ދެން އެއްޗެކޭ ކިޔާލީ.. ފުލުހުން ބުނާނެ ކުށް މަދުވެއްޖެއޭ. މައްސަލަ ހުށައެޅި މަދޭ.. ބަލަގަ ސިސްޓަމަށް އޮންނަ ޓްރަސްޓް ގެއްލުނީމަ އެ ބޭނުމެއް ނުކުރާނެތާ. ތިބުނާ ޓެކްސް ނުދައްކާ އެޓެކްސް ފައިސާއިން އަހަރަކު އެއްފަހަރު ޓިކެޓް ނަގައިގެން ގައުމަށް ގޮސް އައުން މާ އަގުހެވޭ. ރަށަށް ގޮސް އަނބިދަރިން ކައިރިއަށް ގޮސް އެބަ އާދެވެއޭ. ނުކަތާވަރުގެ ބޮޑު ޓެކްސެއް ނަގަން އުޅުނަސް އެކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙްސަ

06 May 2018

އެމްއެމްއޭ އިން ތިކަން ރަގަޅަށް ބަލާބަލަ. ފައިސާ ހަމަ ކުރިއެކޭ އެއްގޮތަށް ފޮނުވާ. ޓެކްސްއަށް މަކަރު ހަދަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުގުރި

06 May 2018

މިހާރު ދިވެހިންނަށްވުރެ ބަންގާޅީވެސް މާބޯބޮޑް، އެމީހުން އެދަނީ ދިވެހިން މަޅީގައި ޖައްސަމުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެއެކޮނޮމިސްޓު ގެ ދަރި

06 May 2018

ފޮނުވާ ވަރު މަދުވީކީ ނޫނޭ. ބުލެކް މާކެޓް މަނީޓުރާންސްފަރް ގެ ސެއާ ބޮޑުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

06 May 2018

ފައިސާ ފޮނުވުމުގެ ކަންކަމުގައި ޓެކްސް ނަގާތީ ސަރުކާރުން ކުޅޭ ކުޅިއަކަށް ބިދޭސީން ދަނީ 6 ކުޅި ކުރިއަށް ކުޅެމުން. ފައިސާ ފޮނުވުން ތަންފުކެއްވެސް މަދެއްނުވޭ. ދޮންކަޅުވެސް އަންގާ ނުލާ ކުރަނީ. އެމީހުންގެ ގައުމުގެ އޭޖެންޓުން މެދުވެރިވެ. އެކަން ކުރާ ގޮތްތައް ބައިވަރު. ކުރާމީހުންވެސް ބައިވަރު. އެހެންވީމާ އެކަން ތިވާހަކަ ދެއްކުން އެހާ ރީއްޗެއްނޫން. ތަންދޮރު އޮޅުން ނުފިލާކަން އެނގެނީ. ހިތުން ތިބީ ފައިސާ ފޮނުވުން މަދުކަމަށް ހީކޮށްގެން. އެކަމަކު އެދަނީ އެކި އުކުޅުތައް ބޭނުން ކޮށްގެން ހެޓަކަށް ފޮނުވަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚުބުޅި

06 May 2018

މިހާރު އެޖެންސީތައް މެދުވެރިކޮށް ފޮނުވުން ދަށްވީ އެކަމު މިތާ އެބައުޅޭ ގައުމަށް ލާރިފޮނުވަދޭ ބަންގާޅީން އެމީހުންއަތަށް ލާރިދިނީމަ ބަންގާޅުގެޔަށް ލާރިހަވާލުކޮށްލަދޭ އެމީހުންނަގާ ޓެކްސް ތަންކޮޅެއް ކުޑަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޝަނަލިސްޓް

06 May 2018

މި ރިޕޯޓް އެހާ ފުރިހަމަ އެއް ނޫން! ބިދޭސީން ގެ މުސާރަ ބޭންކް ތަކަށް ޖަމާކުރަން ފެށުމުން، ބޭންކް މެދުވެރިކޮށް ފައިސާ ބޭރަށް ފޮނުވާ! އެ އަދަދުތައް ހިމެނީމާ ހަގީގީ ހާލަތު އެންގޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނީނާ މުނީރު

06 May 2018

ރެމިޓެންސް ފައިސާ ދަށްވީ އިމިގްރޭޝަނުން މިހާރު ބަންގާޅުމީހުން ގެނައުން ކޮންޓްރޯލްކޮށް އެމީހުންގެ ބަންގްލަދޭޝްގެ އެޖެންޓް މެދުވެރިކޮށް ވަކި ބަޔަކަށް މީހުން ގެނެވޭތީ، މިހާރު ރެމިޓެންސް ފައިސާގެ ބޮޑުބައި ވަންނަނީ އިމިގްރޭޝަން އޮފިސަރުންނާއި ކަސްޓަމްސް އޮފިސަރުންގެ ޖީބަށް، ރެމިޓެންސްގެ ދޮރު ބަންދުވީމަ، އެހެން މީހުންގެ ޖީބު ހުޅުވުނީ، ކިހާމޮޅު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

falaku ain

05 May 2018

ބަންގާޅު މީހުންގެ ވިޔަފާރީގެ ބޮޑު ނެޓްވޯކެއް މާލޭގައި އޮވޭ. ބަންގާޅު ބޮސް ހުންނަނީ ރާއްޖޭގައި. ރާއްޖޭގެ ބޮސް ހުންނަނީ ބަންގާޅުގައި. ރާއްޖޭގައި ހުންނަ ބަންގާޅު ބޮސްގެ އެކައުންޓަށް ފައިސާ ޖަމާކޮށްލީމާ އޭނާ އަންގާނެ ބަންގާޅުގައި ހުންނަ ރާއްޖޭގެ ބޮސްއަށް. ބަންގާޅު މީހާގެ އަނބިދަރިންނަށް މިހާވަރަށް ދޫކޮށްލާށޭ. ދެން ބަންގާޅު ބޮހާއި ރާއްޖޭގެ ބޮހަށް ޕްރޮފިޓް ބަހާލީމާ ރެމިޓެންސް ވަނީ ޖީބަށް. ދެމީހުންގެ ވިޔަފާރި މުޅިގައުމުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްގަނޑު

05 May 2018

ތިޔަބުނާ ޓެކުހެއް ދީގެން ފައިސާ ފޮނުވަން ޖެހޭތީ ބަންގާޅޫން ފައިސާ ފޮނުވަނީ ފުރައިގެންދާ މީހުންގެ ފޮށިފޮށީގަ އެވެ މިހާރުވެސް ހަމަ ހެސްކިޔާފަ ފައިސާ ފޮނުވައެވެ