ޓޫރިޒަމުން މިދިޔަ އަހަރު 2.7 ބިލިއަން ޑޮލަރު އާމްދަނީގެ ގޮތުގައި ލިބުނު: އެމްއެމްއޭ

ރިސޯޓެއްގެ ޖެޓީމަތިން ބަގީއެއްގައި ޓޫރިސްޓުންތަކެއް ދުއްވާފައި ދަނީ: ޓޫރިޒަމުން ދައުލަތަށާއި ކުންފުނިތަކަށް ލިބުނު އާމްދަނީ ވަނީ އިތުރުވެފައި.

އަބްދުﷲ ޖަމީލު، މިހާރު

06 މެއި 2018 - 10:00

4 comments

ޓޫރިޒަމް ދާއިރާ އިން މިދިޔަ އަހަރު އާމްދަނީގެ ގޮތުގައި 2.7 ބިލިއަން ޑޮލަރު (41.6 ބިލިއަން ރުފިޔާ) ލިބިފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.

މަރުކަޒީ ބޭންކުން ނެރުނު އަހަރީ ރިޕޯޓުގައި ބުނެފައި ވަނީ ޓޫރިޒަމް ދާއިރާ އިން މިދިޔަ އަހަރު ލިބުނު އަދަދު ވަނީ އޭގެ ކުރީ އަހަރަށް ވުރެ 236.3 މިލިއަން ޑޮލަރު (3.6 ބިލިއަން ރުފިޔާ) އިތުރުވެފައި ކަމަށެވެ. މީގެ ތެރޭގައި ރިސޯޓުތައް ހިންގާ ކުންފުނިތަކަށާއި ދައުލަތަށް ލިބުނު އާމްދަނީ ވެސް ހިމެނެ އެވެ.

ޓޫރިޒަމް ދާއިރާ އިން ދައުލަތަށް ލިބޭ އާމްދަނީގެ ތެރޭގައި ބީޕީޓީ އާއި ޓޫރިޒަމް ޖީއެސްޓީ އާއި ރިސޯޓުތަކުގެ ބިމު ކުލި ހިމެނެ އެވެ.

އެމްއެމްއޭގެ ރިޕޯޓުގައިވާ ގޮތުން ޚިދުމަތުގެ އާމްދަނީގެ ގޮތުގައި ޖުމްލަ 3.1 ބިލިއަން ޑޮލަރު މިދިޔަ އަހަރު ލިބިފައިވެ އެވެ. މިއީ 2016 ވަނަ އަހަރާ އަޅާބަލާއިރު 258.3 މިލިއަން ޑޮލަރު އިތުރު އަދަދެކެވެ.

އެ ރިޕޯޓުގައި ބުނެފައި ވަނީ ޚިދުމަތުގެ ވިޔަފާރީގެ ބޮޑު ބައެއް ހިއްސާ ކުރަނީ ޓޫރިޒަމުން ލިބޭ އާމްދަނީން ކަމަށެވެ. އެގޮތުން ހިދުމަތުގެ އާމްދަނީގެ 87 ޕަސެންޓް ހިއްސާ ކުރަނީ ޓޫރިޒަމުން ލިބުނު އާމްދަނީ ކަމަށް އެމްއެމްއޭ އިން ބުނެ އެވެ.

އިގްތިސާދު ޔޮޓް ޓޫރިޒަމް ރިސޯޓްތައް އެމްއެމްއޭ ގެސްޓް ހައުސް ރާއްޖޭގެ އިގްތިސާދު

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަންސޫރު

06 May 2018

ތިޔަތަނުން އެންމެ ޑޮލަރެއްވެސް އަހަރެން ނުދެކުން. އަހަރެންގެވެސް ގައުމު. އަހަރެންގެވެސް ބިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބެ

06 May 2018

ރިސޯޓް ތައް ގިނަ ވުމުން އާއްމުންނަށް ލިބޭ ފައިދާ އެއް ނެތެވެ. ފައިދާ ވަނީ ވިޔަފާރިވެރީންނާއި ސިޔާސީ މީހުނަށެވެ. މާލެ އާއި ރާއްޖޭގެ ރަށްރަށުގައި މީހުން އުޅޭ ހާލަތު ދިރާސާ ކުރުމަށް ހަދާފަ ހުރި ރިޕޯޓް ތަކުން ހަގީގަތް ވަނީ ހާމަ ވެފައެވެ. ސަރުކާރުގެ އާމްދަނީ އިތުރު ވާވަރަކަށް ސިޔާސީ މީހުންގެ ޑިމާންޑް ތައް ވެސް ގިނަ ވެގެން ދެއެވެ.