މަރުކަޒީ ބޭންކުގެ މައި އިދާރާ. ބޭންކުތަކަށް މިދިޔަ އަހަރު ލިބުނު ފައިދާ ވަނީ ދަށްވެފައި.
06 މެއި 2018 - 18:37
3 comments
ރާއްޖޭގައި ހިންގާ ބޭންކުތަކަށް މިދިޔަ އަހަރު ލިބުނު ފައިދާ 17 ޕަސެންޓް ދަށްވެއްޖެ އެވެ.
މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ނެރުނު އަހަރީ ރިޕޯޓުގައިވާ ގޮތުން ޓެކްސް އަށް ކެނޑުމުގެ ކުރިން ބޭންކުތަކަށް ސާފު ފައިދާގެ ގޮތުގައި ލިބިފައި ވަނީ 2.3 ބިލިއަން ރުފިޔާ އެވެ.
ބޭންކުތަކުގެ ފައިދާ ދަށްވި މައިގަނޑު ސަބަބެއް ކަމަށް އެމްއެމްއޭ އިން ބުނެފައި ވަނީ 2016 ވަނަ އަހަރު ގަވައިދުން ނުދައްކާ ލޯނުތަކެއްގެ ބޮޑެތި ލޯނުތަކެއްގެ ފައިސާ އެއްކޮށް އަނބުރާ ލިބުމުން، އެ ލޯނުތަކާ ގުޅިގެން އުނިކޮށްފައިވާ ޕްރޮވިޝަން އަލުން އަނބުރާ އެ އަހަރުގެ އާމްދަނީ އަށް އެއްކުރުމުން، ފައިސާ ނުދައްކާ ލޯނުތައް 260.6 މިލިއަން ރުފިޔާގެ ޕްރޮވިޝަން އާމްދަނީން އުނިކުރުމުން ކަމަށެވެ.
އެ ރިޕޯޓުގައި ބުނެފައި ވަނީ ބޭންކުތަކުގެ ފައިދާ ދަށްވި ނަމަވެސް ފައިދާގެ މިންވަރު ދެނެގަތުމަށް ބަލާ ރޭޝިއޯތައް ހުރީ ހަރުދަނާ މިންވަރެއްގައި ކަމަށެވެ. އެގޮތުން އެވްރެޖް ރައުސްމާލުގެ ނިސްބަތުން ލިބުނު ފައިދާ ވަނީ 15 ޕަސެންޓްގައި ކަމަށް ވެސް އެމްއެމްއޭ އިން ބުނެފައިވެ އެވެ. އަދި އެވްރެޖް އެސެޓްގެ ނިސްބަތުން ލިބުނު ފައިދާ ވަނީ ހަތަރު ޕަސެންޓްގައި ކަމަށް ވެސް އެމްއެމްއޭ އިން ބުނެ އެވެ.
އެމްއެމްއޭ އިން ބުނިގޮތުގައި ބޭންކުތަކަށް ލޯނާއި ދަރަނީގެ ގޮތުގައި ލިބެންޖެހޭ ފައިސާ އިތުރުވުމުގެ ސަބަބުން އިންޓަރެސްޓްގެ ޚަރަދު ކެނޑުމަށް ފަހު އިންޓަރެސްޓުން ލިބުނު އާމްދަނީ ވަނީ ކުރީ އަހަރާ އަޅާބަލާއިރު ހަ ޕަސެންޓް އިތުރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ނާޒިމް
07 May 2018
މާތްކަލާކޯ! ދެން އަހަރުމެންގެ ބޭންކުން ދޭ ލޯނު ގެ އިނޓަރެސްޓް އަރުވާލާނެ %30. މިއީ ދިވެހިންގެ، އަދި ގައުމައްޓަކާ ކޮއްދޭ އަގުހުރި ކަމަކޯ!!!! ލަދުން ބޯހަލާކު!
ސައިންސް ސްޓްރީމް ސްޓޫޑަންޓް
06 May 2018
އެކައުންޓިން އަދި ފައިނޭންޝަލް ދާއިރާއިން ކިޔަވައިގެން ތިބި މީހުންނޫން މީހުންނަށްވެސް އެގޭގޮތަށް ލިޔުނިއްޔާވާނީ ކީތް؟
ނުވާނެއޭ
06 May 2018
ބޭންކް ތަކުގެ ފައިދާ ދަށަށް ނުދާނެއެވެ. ދަށަށް ދާނެ ކަމަށް ބަޔަކު ބުނި ނަމަވެސް އެއީ ފައިސާ މުއާމަލާތް ކުރާ ބޭންކެއް ތޭ އެހެން ކަަމަށްވާނަމަ ފައިދާ ވާނެއެވެ. އެއީ ޔަގީން ކަމެކެވެ. ބޭންކް ތަކުގެ ފައިދާ ދަށަށް ނުދާނެއެވެ. އެއީ ބޭންކް ތަކުން ދައްކާ އޮޅުވާލުމުގެ ވާހަކަ ތަކެވެ. މަމެން އެކަމެއް ގަބޫލެއް ނުކުރާނަމެވެ.